ດວງ-Tou-Vientianepost (72)
ໄທຈັບແກ້ງຄ້າຢາ ທີ່ໜີຂ້າມມາຈາກຝັ່ງລາວ
ຮຽບຮຽງໂດຍ:Staff
ເຜີຍແຜ່: 14 ເດືອນມີນາ, 2023
ໝວດ: ຂ່າວ

ເຈົ້າໜ້າທີ່ຝັ່ງລາວປະສານກັບຝັ່ງໄທເພື່ອຈັບກຸມແກ້ງຄ້າຢາເສບຕິດທີ່ຍິງກັນເຈັບ ກ່ອນທີ່ຈະນັ່ງເຮືອໜີຂ້າມນ້ຳຂອງເຂົ້າມາໂຮງໝໍຢູ່ຊຽງລາຍ ປະເທດໄທ ພ້ອມກຽມສົ່ງໂຕຜູ້ຖືກຫາໃຫ້ແກ່ເຈົ້າໜ້າທີ່ຝັ່ງລາວຢູ່ແຂວງບໍ່ແກ້ວ.

ເຈົ້າໜ້າທີ່ຊາຍແດນລາວ-ໄທ ທາງດ້ານ ແຂວງຊຽງລາຍ ປະເທດໄທ ໄດ້ລາຍງານວ່າ: ພາຍຫຼັງເກີດເຫດຕໍ່ສູ້ກັນຂອງກຸ່ມໃດໜຶ່ງໃນເຂດເມືອງຕົ້ນເຜິ້ງ ແຂວງບໍ່ແກ້ວ ກົງກັນຂ້າມກັບ ເມືອງຊຽງແສນ ແຂວງຊຽງລາຍ ປະເທດໄທ ໃນຊ່ວງອາທິດກ່ອນນີ້ ໄດ້ມີຊາຍ 1 ຄົນ ເຊິ່ງຖືກຍິງຈົນໄດ້ຮັບບາດເຈັບສາຫັດ ແລ້ວນັ່ງເຮືອໜີຂ້າມນ້ຳຂອງມາຮັກສາຢູ່ໂຮງໝໍຊຽງແສນ ແລະ ຫຼ້າສຸດຖືກສົ່ງຕົວໄປຮັກສາຢູ່ໂຮງໝໍຊຽງລາຍ.

ທັ້ງນີ້ ຜູ້ບາດເຈັບຊື່ ທາ້ວ ໄຊ ແຊ່ຫວ່າງ ອາຍຸ 28 ປີ ທີ່ຢູ່ເມືອງຕົ້ນເຜິ້ງ ຖືກຍິງເຂົ້າລຳຄໍ ເຊິ່ງໝໍໄດ້ຮັກສາຕາມຫຼັກສິດທິມະນຸດ ຂະນະທີ່ທ້າວ ໄຊ ແຈ້ງກັບເຈົ້າໜ້າທີ່ເບື້ອງຕົ້ນວ່າ ຫຼັງຈາກທີ່ໄປດື່ມເຫຼົ້າມາແລ້ວ ຂະນະກັບບ້ານກໍຖືກຄົນລັດຍິງ ແລະ ຫຼັງຈາກເກີດເຫດ ໄດ້ມີໝູ່ 2 ຄົນ ພານັ່ງເຮືອຂ້າມມາຮັກສາຢູ່ຝັ່ງໄທຢ່າງຮີບດ່ວນ.

ຢ່າງໃດກໍຕາມ ຕໍ່ມາ ເຈົ້າໜ້າທີ່ແຂວງບໍ່ແກ້ວ ໄດ້ມີໜັງສືເຖິງສ່ວນງານປະຈຳເຂດຊາຍແດນລາວ-ໄທ ຢູ່ພາກເໜືອຂອງໄທ ເພື່ອຂໍໃຫ້ຕິດຕາມເປົ້າໝາຍຢາເສບຕິດ ຄື ທາ້ວ ໄຊ ແຊ່ຫວ່າງ, ໂດຍລະບຸວ່າ ທາ້ວ ໄຊ ໄດ້ຮັບບາດເຈັບແລ້ວຂ້າມມາຮັກສາຢູ່ຝັ່ງໄທ ດັ່ງນັ້ນ ຈຶ່ງຂໍໃຫ້ເຈົ້າໜ້າທີ່ໄທກັກຕົວທ້າວ ໄຊ ໄວ້ກ່ອນ ເພາະເປັນເປົ້າໝາຍທີ່ເຈົ້າໜ້າທີ່ ສປປ ລາວ ຕ້ອງການຕົວ.

ແລະຂໍໃຫ້ເຈົ້າໜ້າທີ່ຝັ່ງໄທ ສົ່ງທ້າວ ໄຊ ກັບ ສປປ ລາວ ເພື່ອສືບສວນ-ສອບສວນ ແລະ ດຳເນີນຄະດີຕາມລະບຽບກົດໝາຍ.

ແຫຼ່ງຂ່າວ mgronlin
ທີ່ມາ lao post

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ