ດວງ-Tou-Vientianepost - 2023-06-18T131234.233
ການກໍ່ສ້າງປ້ອງກັນຕາຝັ່ງເຈື່ອນ ແລະ ພັດທະນາແຄມຂອງ ຢູ່ນະຄອນຫຼວງວຽງຈັນ ໄລຍະທີ 2 ສໍາເລັດແລ້ວ 30 ສ່ວນຮ້ອຍ
ຮຽບຮຽງໂດຍ:Staff
ເຜີຍແຜ່: 18 ເດືອນມີນາ, 2023
ໝວດ: ຂ່າວ

ໂຄງການກໍ່ສ້າງປ້ອງກັນຕະຝັ່ງເຈື່ອນ ແລະ ພັດທະນາແຄມຂອງຢູ່ນະຄອນ ຫຼວງວຽງຈັນ ໄດ້ເລີ່ມລົງມືກໍ່ສ້າງມາຕັ້ງແຕ່ເດືອນ ກຸມພາ ປີ 2023 ແລະ ຕາມແຜນການຈະໃຫ້ສໍາເລັດໃນໄລຍະເວລາ 4 ປີ ເພື່ອແນໃສ່ພັດທະນາພື້ນຖານໂຄງລ່າງ, ປ້ອງກັນນໍ້າຖ້ວມ ແລະ ເຮັດໃຫ້ນະຄອນຫຼວງວຽງຈັນ ມີໂສມໜ້າໃໝ່ທີ່ສວຍງາມຂຶ້ນກວ່າເກົ່າ.

ທ່ານ ພຸດທະເສນ ສິນທະວົງ ຮອງຫົວໜ້າພະແນກໂຍທາທິການ ແລະ ຂົນສົ່ງນະ ຄອນຫຼວງວຽງຈັນໃຫ້ສໍາພາດວ່າ: ໂຄງການກໍ່ສ້າງປ້ອງກັນຕະຝັ່ງເຈື່ອນ ແລະ ພັດທະນາແຄມຂອງຢູ່ນະຄອນ ຫຼວງວຽງຈັນ ລວມມູນຄ່າການກໍ່ສ້າງທັງໝົດ 67.000.000 ໂດລາສະຫະລັດ. ໃນນີ້ ໄດ້ຮັບທຶນກູ້ຢືມຊ່ວຍ ເຫຼືອລ້າດອກເບ້ຍຕໍ່າຈາກໂຄງການ ເອທີຊີເອັຟຂອງສາທາ ລະນະລັດເກົາຫລີ ມູນຄ່າ

57.000.000 ໂດລາສະຫະລັດ ແລະ ທຶນສົມທົບຂອງລັດຖະບານລາວປະມານ 9.900.000 ກວ່າໂດລາສະຫະລັດ, ເຊຶ່ງຈຸດປະສົງຂອງໂຄງການປະກອບມີ 3 ຈຸດປະສົງຫລັກ ຄື: ເພື່ອປ້ອງກັນຜົນກະທົບຈາກໄພພິບັດທາງທໍາມະຊາດນໍ້າຖ້ວມ, ເພື່ອປ້ອງກັນດິນເຊາະເຈື່ອນ ເຊຶ່ງຜ່ານມາມີປະຊາຊົນໄດ້ຮັບຜົນກະທົບຈາກດິນເຈື່ອນຫລາຍພໍສົມຄວນ ແລະ ເພື່ອພັດທະນາແຄມຂອງໃຫ້ກາຍເປັນ

ສະຖານທີ່ທ່ອງທ່ຽວຍາມ ແລງທີ່ສວຍ ງາມ ກໍ່ຄືເພີ່ມສະຖານທີ່ທ່ອງທ່ຽວຂອງນະຄອນຫຼວງໃຫ້ຫລາຍຂຶ້ນ ເພື່ອປະຊາ ຊົນທ້ອງຖິ່ນບໍລິ ເວນດັ່ງກ່າວໄດ້ມີລາຍຮັບຫລາຍຂຶ້ນກວ່າເກົ່າ, ສໍາຫລັບໂຄງ ການດັ່ງກ່າວປະກອບມີ 3 ໜ້າວຽກຫລັກ ຄື: ການກໍ່ສ້າງເສັ້ນທາງເບຕົ່ງຢູ່ເຂດເມືອງສີໂຄດຕະບອງ ໂດຍສະເພາະຕັ້ງແຕ່ບ້ານສີບຸນເຮືອງເຊື່ອມຕໍ່ຫາເຂດຮ້ານອາຫານມູນເດີໄນສໍາເລັດໃນການປັບໜ້າທາງ ມີຄວາມຍາວປະມານ 4 ກິໂລ ແມັດ. ເຊິ່ງປັດຈຸບັນພວມສຸມໃສ່ກໍ່ສ້າງເຂດເຊື່ອມຕໍ່ລະຫວ່າງໂຄງການໄລຍະ 1 ກັບໄລຍະ 2 ລະ ຫວ່າງບ້ານຫລັກ 3 ຫາ ທ່າເຮືອ ຫລັກ 4 ເມືອງສີສັດຕະນາກ, ຍາວ

ປະມານເກືອບ 1 ກິໂລແມັດ ແລະ ແຕ່ທ່າເຮືອຫລັກ 4 ຫາ ບ້ານເມືອງວາ ເມືອງສີໂຄດ, ນອກນີ້ ຍັງໄດ້ມີແຜນກໍ່ສ້າງສວນສາທາລະນະຢູ່ບ້ານແກ້ງຍາງ ເມືອງຫາດຊາຍຟອງ ມີເນື້ອທີ່ປະມານເກືອບ 6 ເຮັກຕາ, ປັດຈຸບັນ ພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນໄດ້ລົງສົມທົບກັບອົງການປົກຄອງເມືອງເພື່ອເກັບກໍາຂໍ້ມູນປະຊາຊົນທີ່ໄດ້ຮັບຜົນກະທົບຈາກໂຄງການນີ້ສໍາເລັດ ພ້ອມທັງສະຫລຸບສັງລວມສົ່ງໃຫ້ການນໍານະ ຄອນຫຼວງວຽງຈັນ ເພື່ອສະເໜີຜ່ານໃນກອງປະຊຸມສະພານະຄອນຫຼວງວຽງຈັນລະຫວ່າງເດືອນ ກໍລະ ກົດ ຫາ ເດືອນສິງຫານີ້ໜ້ານີ້ໄດ້ຮັບຮອງວ່າດ້ວຍການຊົດເຊີຍປະຊາຊົນທີ່ໄດ້ຮັບຜົນກະທົບຈາກໂຄງການດັ່ງກ່າວ.

ຮອງຫົວໜ້າພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນໃຫ້ຮູ້ຕື່ມວ່າ: ຜ່ານການຈັດ ຕັ້ງປະຕິບັດບັນດາໜ້າວຽກຂອງໂຄງການຕັ້ງແຕ່ເລີ່ມລົງມືກໍ່ສ້າງຈົນເຖິງປັດຈຸບັນ ເມື່ອທຽບໃສ່ແຜນການທີ່ກໍານົດໄວ້ເຫັນວ່າຍັງມີຄວາມຊັກຊ້າ ເມື່ອທຽບໃສ່ແຜນການຂອງໂຄງການ ເນື່ອງຈາກພົບຄວາມຫຍຸ້ງຍາກບາງດ້ານ ເປັນຕົ້ນ: ການຂົນສົ່ງອຸປະກອນການກໍ່ສ້າງຍ້ອນວ່າທີ່ຕັ້ງຂອງໂຄງການແມ່ນນອນຢູ່ໃນຕົວເມືອງ, ການສັນຈອນພັດແອອັດ ບວກກັບສະພາບເສດຖະກິດໃນປັດຈຸບັນ ໂດຍສະເພາະດ້ານງົບປະມານຍັງຈໍາກັດ, ເເຕ່ເຖິງຢ່າງໃດກໍ່ຕາມ ຄະນະຮັບຜິດ ຊອບຂອງໂຄງການຈະ

ພະຍາຍາມສູ້ຊົນເຮັດໃຫ້ໂຄງການກໍ່ສ້າງປ້ອງກັນຕະຝັ່ງເຈື່ອນ ແລະ ພັດທະນາແຄມຂອງຢູ່ນະຄອນຫຼວງວຽງຈັນສໍາເລັດພາຍໃນປີ 2025. ພ້ອມທັງຮຽກຮ້ອງໃຫ້ປະຊາຊົນທຸກພາກສ່ວນໃນສັງຄົມໃຫ້ມີສ່ວນຮ່ວມໃນການຈັດຕັ້ງປະຕິບັດໂຄງການດັ່ງກ່າວນີ້ ເພື່ອໃຫ້ມັນສໍາເລັດຕາມກໍານົດເວລາທີ່ວາງໄວ້.%

ຂ່າວ: ບຸນຍັງ ພຸດສະຫວັດ
ທີ່ມາ Lao National Radio

ສະແດງຄຳຄິດເຫັນ

ຂ່າວມາໃໝ່ 
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນຈັນ ທີ 02 ຕຸລາ 2023
ດວງ-Tou-Vientianepost (34)
ຈຳປາສັກ ແຈ້ງຫ້າມເກັບກູ້ ແລະ ຊື້ຂາຍ ປະເພດ ຂີ້ກະເດືອນ ແລະ ນົກ ທຳມະຊາດ
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນອາທິດ ທີ 01 ຕຸລາ 2023
ek
ດວງລາຍວັນປະຈໍາວັນສຸກ ທີ 29 ກັນຍາ 2023
ດວງ-Tou-Vientianepost (30)
ມອບຊີ້ນໝູສົດທີ່ຍຶດໄດ້ໃຫ້ໂຮງຮຽນ ມ.ສ ສາມັນກີນນອນຊົນເຜົ່າແຂວງບໍ່ແກ້ວ
ດວງ-Tou-Vientianepost (28)
ທີມຊາດລາວ ຊຸດໃຫຍ່ ກະກຽມຄວາມພ້ອມເຂົ້າຮ່ວມ ບານໂລກ 2026 ຮອບຄັດເລືອກ ຮອບທີ 1 ທະວີບອາຊີ
ດວງ-Tou-Vientianepost (26)
ແຈ້ງການປິດການສັນຈອນຊົ່ວຄາວ ຂົວຫຼັກນ້ຳຄານ 1 ວັນ
ek
ດວງລາຍວັນປະຈໍາວັນພຸດ ທີ 27 ກັນຍາ 2023
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນອັງຄານ ທີ 26 ກັນຍາ 2023
ດວງ-Tou-Vientianepost (22)
ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນພາຍຸດີເປຊັ່ນ ໄລຍະວັນທີ 25-27 ກັນຍາ 2023
ຢ່າລື່ມກົດຕິດຕາມ