ດີໃຈແທນປະເທດ ກໍາປູເຈຍກະຊວງກະສິກຳ, ປ່າໄມ້ ແລະ ການປະມົງຂອງກຳປູເຈຍ ລາຍງານກໍລະນີພົບ “ປາຂ່າ” ເກີດໃໝ່ລອຍນ້ຳຢູ່ຄຽງຂ້າງກັບຝູງປາຂ່າໃຫຍ່ເຕັມໄວ ​ເຮັດ​ໃຫ້​ຈຳນວນ​ລູກປາຂ່າເກີດ​ໃໝ່​ໃນ​ປີ​ນີ້​ຂອງ​ກຳປູ​ເຈຍລວມ​ເປັນ 5 ​ໂຕແລ້ວ !!!

ລາຍງານລະບຸວ່າ ປາຂ່າທີ່ເກີດໃໝ່ໂຕລ່າສຸດ ອາຍຸປະມານ 10 ມື້ ໄດ້ຖືກພົບເຫັນໂດຍເຈົ້າໜ້າທີ່ຮັກສາຄວາມປອດໄພທາງນ້ຳ ແລະ ເຮືອທ່ອງທ່ຽວ ໃນວັນສຸກທີ 7 ກໍລະກົດ 2023 ຢູ່ໃນບ່ອນຢູ່ອາໄສຂອງປາຂ່າໃນແມ່ນ້ຳຂອງ ໃນແຂວງ ກະແຈະ ໃນ​ພາກ​ຕາ​ເວັນ​ອອກ​ສ່ຽງ​ເຫນືອ​ຂອງ​ກໍາ​ປູ​ເຈຍ​.

ກຳປູ​ເຈຍ​ໄດ້ສຳຫຼວດພົບປາຂ່າເກີດໃໝ່ໃນປີ 2021 ແລະ ປີ 2022 ​ປີລະ 6 ໂຕ​ ໂດຍປາຊະນິດນີ້ຈັດເປັນສັດທີ່ໃກ້ສູນພັນຂັ້ນວິກິດໃນບັນຊີແດງສາຍພັນສັດທີ່ຖືກຄຸກຄາມຂອງ​ອົງການລະຫວ່າງປະເທດເພື່ອ​ການອະນຸລັກ​ທຳ​ມະ​ຊາດ (IUCN) ​ແຕ່​ປີ 2004.

ສຳນັກບໍລິຫານ​ການ​ປະມົງ​ຂອງກຳປູ​ເຈຍ​ຄາດ​ຄະ​ເນ​ວ່າ​ມີ​ປາ​ຂ່າ​ຢູ່​ໃນ​ແມ່​ນ້ຳຂອງ ໄລຍະໄຫຼ​ຜ່ານ​ແຂວງ​ກະ​ແຈະ ​ແລະ ​ແຂວງ​ສະຕຶງ​ແຕງ ​ຂອງ​ກຳປູ​ເຈຍ ມີ​ປະມານ 90 ໂຕ.

ທີ່ມາຈາກ: Xinhua

ສະແດງຄຳຄິດເຫັນ