ໃນໄລຍະວັນທີ 17 ຫາ 18 ກໍລະກົດ 2023 ພາຍຸໄຕ້ຝຸ່ນ ທາລິມ ( TY TALIM ) ຫົວທີ່ 04, ຍັງສືບຕໍ່ເຄື່ອນທີ່ ເຂົ້າມາໃກ້ເຂດພາກເໜືອ ຂອງເກາະໄຮໜານ ດ້ວຍຄວາມໄວ 130 ກິໂລແມັດຕໍ່ຊົ່ວໂມງ. ຈາກນັ້ນ, ພາຍຸໄຕ້ຝຸ່ນຫົວນີ້ຈະສືບຕໍ່ ເຄື່ອນທີ່ຂຶ້ນຝັ່ງເຂົ້າເຂດພາກເໜືອຂອງປະເທດຫວຽດນາມ ແລະ ຈະຄ່ອຍອ່ອນກໍາລັງລົງກາຍເປັນບໍລິເວນຄວາມກົດດັນ ອາກາດຕໍ່າໃນຕອນເຊົ້າຂອງ

ວັນທີ 19 ກໍລະກົດ 2023 ນີ້, ຊຶ່ງຈະເຮັດໃຫ້ລົມມໍລະສຸມຕາເວັນຕົກສ່ຽງໃຕ້ທີ່ມີກຳລັງແຮງພັດປົກຄຸມຢູ່ເຂດພາກກາງ ແລະ ພາກໃຕ້ຂອງປະເທດລາວ, ຊຶ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງ ຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກກາງ ແລະ ພາກໃຕ້. ຈາກນັ້ນ, ວັນທີ 20 ຫາ 23 ກໍລະກົດ 2023, ຮ່ອງຄວາມ

ກົດດັນອາກາດຕໍ່າຈະພາດຜ່ານພາກເໜືອ ແລະ ພາກກາງຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ ຍັງມີກຳລັງແຮງພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງ ຢູ່ໃນແຕ່ລະພາກ ແລະ ຕົກໜັກ ຫາ ໜັກຫຼາຍ ພ້ອມມີລົມພັດແຮງຢູ່ບາງທ້ອງຖິ່ນ ແຂວງພາກເໜືອດ້ານຕາເວັນຕົກລົງຫາ ພາກກາງ ແລະ ພາກໃຕ້.

ພາກເໜືອດ້ານຕາເວັນອອກ: ໃນໄລຍະວັນທີ 17 ຫາ 23 ກໍລະກົດ 2023 ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍຢູ່ ທົ່ວໄປ ແລະ ຕົກປານກາງ ພ້ອມມີລົມພັດແຮງຢູ່ບາງທ້ອງຖິ່ນ. ອຸນຫະພູມຕ່ຳສຸດ 22 – 24 ອົງສາ ແລະ ສູງສຸດ 30 – 32 ອົງສາ.

ສະແດງຄຳຄິດເຫັນ