ດວງ-Tou-Vientianepost - 2023-08-10T203647.120
ຜູ້ປະສົບໄພນ້ຳຖ້ວມ ເມືອງຄູນຄຳ ສືບຕໍ່ໄດ້ຮັບເຄື່ອງຊ່ວຍເຫລືອ ຈາກສັງຄົມ
ຮຽບຮຽງໂດຍ:Staff
ເຜີຍແຜ່: 10 ເດືອນສິງຫາ, 2023
ໝວດ: ຂ່າວ

ຫລາຍພາກສ່ວນໃນສັງຄົມ ທັງບຸກຄົນ, ນິຕິບຸກຄົນ, ບັນດາບໍລິສັດ, ຫ້າງຮ້ານ ທັງພາກລັດ ແລະ ເອກະຊົນ ໄດ້ສືບຕໍ່ນຳເອົາເຄື່ອງອຸປະໂພກ-ບໍລິໂພກ ໄປມອບໃຫ້ການນຳເມືອງຄູນຄຳ ແຂວງຄຳມ່ວນ ເພື່ອນຳໄປຊ່ວຍເຫລືອປະຊາຊົນ ທີ່ໄດ້ຮັບຜົນກະທົບຈາກໄພນ້ຳຖ້ວມຢ່າງຕໍ່ເນື່ອງ ເຊິ່ງມີບ້ານທີ່ໄດ້ຮັບຜົນປະທົບໜັກ 14 ບ້ານ, 2.812 ຄອບຄົວ, ມີປະຊາກອນ 12.767. ປັດຈຸບັນ, ໄດ້ຮັບການຊ່ວຍ ເຫລືອບັນເທົາທຸກ ໃນເບື້ອງຕົ້ນທັງໝົດແລ້ວ.

ທ່ານ ສົມຫວັງ ສຸວັນທອງ ຫົວໜ້າຫ້ອງການແຮງງານ ແລະ ສະຫວັດດີການສັງຄົມ ເມືອງຄູນຄຳ ໃຫ້ສຳພາດຕໍ່ສື່ມວນຊົນ ໃນວັນທີ 10 ສິງຫາ 2023 ນີ້ວ່າ: ນັບແຕ່ເລີ່ມເກີດເຫດ ນ້ຳຖ້ວມເມືອງຄູນຄຳ ເປັນຕົ້ນມາ ຈົນຮອດປັດຈຸບັນ ນ້ຳໄດ້ບົກແຫ້ງລົງເກືອບເປັນປົກກະຕິແລ້ວ, ເຫັນໄດ້ວ່າທຸກພາກສ່ວນໃນສັງຄົມ ເຫັນໄດ້ຄວາມສຳຄັນຕໍ່ເຫດການດັ່ງກ່າວ ແລະ ໄດ້ສືບຕໍ່ນຳເອົາວັດຖຸສິ່ງຂອງ, ເງິນສົດ ແລະ ເຄື່ອງອຸປະໂພກ-ບໍລິໂພກ ເປັນຕົ້ນ ເຂົ້າສານ, ປ໋ອງປາ, ໝີ່, ນ້ຳດື່ມ ແລະ ອື່ນໆ ມາມອບໃຫ້ຄະນະຮັບ ຜິດຊອບຂອງເມືອງຄູນຄຳ ເພື່ອນຳໄປແຈກຢາຍຕໍ່ໃຫ້ປະຊາຊົນທີ່ໄດ້ຮັບຜົນປະທົບ. ນອກນັ້ນ, ຍັງມີບາງບໍລິສັດ, ບຸກຄົນ, ນິຕິບຸກຄົນ ໄດ້ນຳເອົາເຄື່ອງຊ່ວຍເຫລືອຂອງຕົນ ໄປແຈກຢາຍໃຫ້ປະຊາຊົນທີ່ໄດ້ຮັບຜົນກະທົບ ດ້ວຍຕົນເອງຢູ່ຕາມບ້ານຕ່າງໆ.

ມາຮອດວັນທີ 9 ສິງຫາ 2023 ລວມຍອດເງິນສົດ ທີ່ໄດ້ຮັບຈາກສັງຄົມ ໄດ້ທັງໝົດ 169 ລ້ານກວ່າກີບ, ເຄື່ອງອຸປະໂພກ-ບໍລິໂພກຕ່າງໆ ຄິດເປັນມູນຄ່າທັງໝົດ 2 ຕື້ກວ່າກີບ ເຊິ່ງການນຳເມືອງຄູນຄຳ ກໍຄື ພາກສ່ວນທີ່ກ່ຽວຂ້ອງ ໄດ້ນຳເອົາເຄື່ອງທີ່ໄດ້ຮັບຈາກສັງຄົມ ໄປແຈກຢາຍໃຫ້ປະຊາຊົນທີ່ໄດ້ຮັບຜົນກະທົບທັງ 14 ບ້ານ ຢ່າງທົ່ວເຖິງແລ້ວ ແລະ ຈະສືບຕໍ່ນຳເອົາເຄື່ອງ ທີ່ໄດ້ຮັບຈາກສັງຄົມຢ່າງຕໍ່ເນື່ອງ ໄປມອບໃຫ້ປະຊາຊົນທີ່ປະສົບໄພ ຈົນກວ່າສະພາບການຈະກັບມາເປັນປົກກະຕິ.

ສຳລັບ ຮູບແບບການແຈກຢາຍເຄື່ອງ ແມ່ນເອົາເຂົ້າສານອາຫານແຫ້ງຕ່າງໆ ໃສ່ເປົາເທົ່າທຽມກັນໝົດ ແລ້ວນຳໄປມອບໃຫ້ບ້ານມອບຕໍ່ໃຫ້ແຕ່ລະຄອບຄົວ ໂດຍມີບັນຊີບັນທຶກ ຢ່າງຄັກແນ່ ເພື່ອຮັບປະກັນ ບໍ່ໃຫ້ຕົກເຮ່ຍເສຍຫາຍ ໃຫ້ທຸກຄອບຄົວທີ່ໄດ້ຮັບຜົນກະທົບ ໄດ້ຮັບເຄື່ອງຊ່ວຍເຫລືອຢ່າງທົ່ວເຖິງ. ພ້ອມນີ້, ກໍຮຽກຮ້ອງໃຫ້ທຸກພາກສ່ວນໃນສັງຄົມ ທັງພາກລັດ-ເອກະຊົນ ສືບຕໍ່ເຂົ້າມາໃຫ້ການຊ່ວຍເຫລືອຕື່ມອີກ ເນື່ອງຈາກວ່າປະຊາຊົນ ທີ່ໄດ້ຮັບຜົນກະທົບຍັງມີຄວາມຕ້ອງການ ຄວາມຊ່ວຍເຫລືອໃນຫລາຍດ້ານ ໂດຍສະເພາະ ເຄື່ອງໃຊ້ໃນຄົວເຮືອນ, ເຄື່ອງໃຊ້ທີ່ຈຳເປັນຕ່າງໆ ເປັນຕົ້ນ, ໝໍ້, ຖ້ວຍ, ບ່ວງ, ຜ້າຫົ່ມ, ມຸ້ງ, ໝອນ ແລະ ອື່ນໆ ເນື່ອງຈາກວ່າສິ່ງເຫລົ່ານີ້ຖືກນ້ຳພັດໄຫລເສຍຫາຍ.

ຂ່າວ-ພາບ: ທະນູທອງ

ສະແດງຄຳຄິດເຫັນ

ຂ່າວມາໃໝ່ 
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນຈັນ ທີ 02 ຕຸລາ 2023
ດວງ-Tou-Vientianepost (34)
ຈຳປາສັກ ແຈ້ງຫ້າມເກັບກູ້ ແລະ ຊື້ຂາຍ ປະເພດ ຂີ້ກະເດືອນ ແລະ ນົກ ທຳມະຊາດ
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນອາທິດ ທີ 01 ຕຸລາ 2023
ek
ດວງລາຍວັນປະຈໍາວັນສຸກ ທີ 29 ກັນຍາ 2023
ດວງ-Tou-Vientianepost (30)
ມອບຊີ້ນໝູສົດທີ່ຍຶດໄດ້ໃຫ້ໂຮງຮຽນ ມ.ສ ສາມັນກີນນອນຊົນເຜົ່າແຂວງບໍ່ແກ້ວ
ດວງ-Tou-Vientianepost (28)
ທີມຊາດລາວ ຊຸດໃຫຍ່ ກະກຽມຄວາມພ້ອມເຂົ້າຮ່ວມ ບານໂລກ 2026 ຮອບຄັດເລືອກ ຮອບທີ 1 ທະວີບອາຊີ
ດວງ-Tou-Vientianepost (26)
ແຈ້ງການປິດການສັນຈອນຊົ່ວຄາວ ຂົວຫຼັກນ້ຳຄານ 1 ວັນ
ek
ດວງລາຍວັນປະຈໍາວັນພຸດ ທີ 27 ກັນຍາ 2023
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນອັງຄານ ທີ 26 ກັນຍາ 2023
ດວງ-Tou-Vientianepost (22)
ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນພາຍຸດີເປຊັ່ນ ໄລຍະວັນທີ 25-27 ກັນຍາ 2023
ຢ່າລື່ມກົດຕິດຕາມ