ດວງ-Tou-Vientianepost - 2023-08-24T125053.218
ຍີ່ປຸ່ນໃຫ້ທຶນຊ່ວຍເຫລືອ ແຂວງສາລະວັນ 73.000 ໂດລາສະຫະລັດໃນໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP)
ຮຽບຮຽງໂດຍ:Staff
ເຜີຍແຜ່: 24 ເດືອນສິງຫາ, 2023
ໝວດ: ຂ່າວ

ພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP), ລັດຖະບານຍີ່ປຸ່ນຈະໃຫ້ການຊ່ວຍເຫລືອທຶນປະມານ 73.000 ໂດລາສະຫະລັດ ເພື່ອສະໜັບສະໜູນໂຄງການດ້ານສາທາ ລະນະສຸກ ແລະ ນຳໃຊ້ໃນການຍົກລະດັບການເຂົ້າເຖິງການບໍລິການສາທາລະນະສຸກ ໃນໂຮງໝໍນ້ອຍບ້ານນາໂພ ເມືອງສາລະວັນ ແຂວງສາລະວັນ.

ວັນທີ 21 ສິງຫາ 2023, ທ່ານ ໂຄບະຢະຊິ ເຄັນອິຈິ, ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ໄດ້ລົງນາມເຊັນສັນຍາໃຫ້ການຊ່ວຍເຫລືອໃນດັ່ງກາວ ຮ່ວມກັບ ຕົວແທນຈາກແຂວງສາລະວັນ, ໂດຍມີທ່ານ ດາວວົງ ພອນແກ້ວ, ເຈົ້າແຂວງສາລະວັນ ເຂົ້າຮ່ວມເປັນສັກຂີພະຍານ.

ໂຮງໝໍນ້ອຍນາໂພ ມີຄວາມສຳຄັນທີ່ສຸດຕໍ່ປະຊາຊົນທີ່ອາໄສຢູ່ເຂດໃກ້ຄຽງ ເຊິ່ງກາຍເປັນບ່ອນທີ່ເຂົາເຈົ້າສາມາດເພິ່ງພາອາໄສໄດ້, ພວກເຮົາຫວັງວ່າ ໂຄງການດັ່ງກ່າວ ຈະຊ່ວຍຍົກລະດັບສະພາບແວດລ້ອມການປິ່ນປົວໃນໂຮງໝໍ ໃຫ້ທັງຄົນເຈັບ ແລະ ບຸກຄະລາກອນການແພດໃຫ້ດີຂຶ້ນຢ່າງກ້າວກະໂດດ. ພວກເຮົາເຊື່ອໝັ້ນວ່າ ການຊ່ວຍເຫລືອຈາກລັດຖະບານຍີ່ປຸ່ນ ໃນຄັ້ງນີ້ ຈະຊ່ວຍໃຫ້ປັບປຸງໂຕຊີ້ວັດດ້ານສາທາລະນະສຸກຂອງເມືອງສາລະວັນ ແລະ ທົ່ວແຂວງສາລະວັນ ໃຫ້ໄດ້ຮັບການແກ້ໄຂ. ພ້ອມນັ້ນ, ພວກເຮົາຈະສືບຕໍ່ໃຫ້ການສະໜັບສະໜູນແຂວງສາລະວັນ ໃນດ້ານສາທາລະນະສຸກ ແລະ ອີກຫລາຍດ້ານຢ່າງກວ້າງຂວາງ ເພື່ອພັດທະນາ ແລະ ສ້າງຄວາມເຂັ້ມແຂງໃຫ້ແກ່ຊັບພະຍາກອນມະນຸດຂອງ ແຂວງສາລະວັນ.

ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP) ແມ່ນ ການສະໜອງທຶນທີ່ຈຳເປັນໃຫ້ແກ່ໂຄງການຂະໜາດນ້ອຍ ທີ່ໃຫ້ຜົນປະໂຫຍດໂດຍກົງແກ່ປະຊາຊົນຜູ້ອາໄສ ແລະ ມີຈຸດ ປະສົງເພື່ອການພັດທະນາເສດຖະກິດ-ສັງຄົມຂອງປະເທດລາວ ໂດຍອີງຕາມຄວາມຕ້ອງການພື້ນຖານຂອງມະນຸດເປັນຫລັກ. ໃນໄລຍະ 5 ປີຜ່ານມາ, ລັດຖະບານຍີ່ປຸ່ນ ໄດ້ໃຫ້ການສະໜັບສະໜູນໃຫ້ແກ່ແຂວງສາລະວັນ ລວມເປັນມູນຄ່າຫລາຍກວ່າ 470.000 ໂດລາສະຫະລັດ ໃນດ້ານການສຶກສາ, ສາທາລະນະສຸກ, ພື້ນຖານໂຄງລ່າງ ແລະ ດ້ານອື່ນໆຢ່າງກວ້າງຂວາງ, ຍີ່ປຸ່ນ ຈະສືບຕໍ່ໃຫ້ການຊ່ວຍ ເຫລືອປະເທດລາວ ໃນການປັບປຸງພື້ນຖານຊີວິດການເປັນຢູ່ຂັ້ນຮາກຖານຕໍ່ໄປ ເພື່ອຮັບປະກັນ “ບໍ່ໃຫ້ມີໃຜຖືກຖິ້ມໄວ້ທາງຫລັງ” ຜ່ານການແກ້ໄຂຄວາມແຕກໂຕນໃນພາກພື້ນ.

ສະແດງຄຳຄິດເຫັນ

ຂ່າວມາໃໝ່ 
ດວງ-Tou-Vientianepost (20)
ບໍລິສັດທາງລົດໄຟລາວ-ຈີນ ຈັດຊື້ລົດໄຟ EMU ເພີ່ມອີກຫນຶ່ງ 1 ຂະບວນເພື່ອຮອງຮັບຜູ້ໂດຍສານທີ່ເພີ່ມຂຶ້ນ
ek
ດວງລາຍວັນປະຈໍາວັນພະຫັດ ທີ 21 ກັນຍາ 2023
ດວງ-Tou-Vientianepost (17)
ແຈ້ງການ ຈາກກະຊວງສາທາລະນະສຸກ ພົບຜູ້ຕິດເຊື້ອພະຍາດໝາກສຸກລີງ Monkey Pox ກໍລະນີທຳອິດໃນລາວ
ດວງ-Tou-Vientianepost (14)
ທ່ານ ນາຍົກລັດຖະມົນຕີ ເຂົ້າຮ່ວມງານ ວາງສະແດງສິນຄ້າ ອາຊຽນ-ຈີນ ຄັ້ງທີ 20
ek
ດວງລາຍວັນປະຈໍາວັນພຸດ ທີ 20 ກັນຍາ 2023
ek
ດວງລາຍວັນປະຈໍາວັນຈັນ ທີ 18 ກັນຍາ 2023
ດວງ-Tou-Vientianepost (9)
ປະທານປະເທດ ສຳເລັດການ ເຂົ້າຮ່ວມກອງປະຊຸມສຸດຍອດປະມຸກລັດ ແລະ ຫົວໜ້າລັດຖະບານຂອງບັນດາປະເທດກຸ່ມ 77 ແລະ ຈີນ
ດວງ-Tou-Vientianepost (7)
ສອງນາຍົກລັດຖະມົນຕີ ລາວ-ຈີນ ພົບປະ ຢ່າງເປັນທາງການຢູ່ທີ່ ນະຄອນໜານໜິງ
ດວງ-Tou-Vientianepost (5)
ແຈ້ງໂຈະຊົ່ວຄາວ ໂຄງການພັດທະນາພະລັງງານລົມ,ແສງຕາເວັນ ແລະ ເຂື່ອນປ້ຳນ້ຳສູບເກັບ
ດວງ-Tou-Vientianepost (4)
ບໍລິສັດຍອດງື່ມ ພາວເວີ້ ເລີ່ມຈຳໜ່າຍນໍ້າມັນແອັດຊັງທຳມະດາ ທີ່ປຸງແຕ່ງເອງ ລາຄາຖືກກວ່ານໍ້າມັນແອັດຊັງທີ່ນຳເຂົ້າເຖິງ 930 ກີບ
ຢ່າລື່ມກົດຕິດຕາມ