ດວງ-Tou-Vientianepost (43)
ທ່ານ ທອງລຸນ ສີສຸລິດ ແລະ ສົມເດັດ ຊຸນຕານ ຮາຈິ ຮັດຊານານ ໂບນເກຍ ພ້ອມດ້ວຍຄະນະເດີນທາງຢ້ຽມຢາມເມືອງວັງວຽງ
ຮຽບຮຽງໂດຍ:Staff
ເຜີຍແຜ່: 4 ເດືອນຕຸລາ, 2023
ໝວດ: ຂ່າວ

ວັນທີ 4 ຕຸລາ 2023, ທ່ານ ທອງລຸນ ສີສຸລິດ ປະທານປະເທດ ສປປ ລາວ ແລະ ສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ພ້ອມດ້ວຍຄະນະ ໄດ້ເດີນທາງດ້ວຍລົດໄຟຄວາມໄວສູງຖ້ຽວພິເສດຈາກສະຖານີລົດໄຟ ນະຄອນຫລວງວຽງຈັນ ຫາ ສະຖານີລົດໄຟວັງວຽງ ເພື່ອຊົມທິວທັດທໍາມະຊາດ, ການຜະລິດກະສິກໍາ ແລະ ວິຖີຊີວິດການເປັນຢູ່ຂອງປະຊາຊົນລາວ ຕາມເສັ້ນທາງລົດໄຟ ລາວ-ຈີນ. ທ່ານ ຄໍາພັນ ສິດທິດໍາພາ ເຈົ້າແຂວງວຽງຈັນ ໄດ້ຕ້ອນຮັບ ແລະ ນຳພາທ່ຽວຊົມທິວທັດທໍາມະຊາດ ແລະ ທິວທັດຕົວເມືອງວັງວຽງ ພ້ອມທັງ ຢ້ຽມຊົມຮ້ານວາງສະແດງຜະລິດຕະພັນສິນຄ້າກະສິກໍາ ແລະ ຫັດຖະກໍາຂອງລາວ ຄື: ຜະລິດຕະພັນເຂົ້າຈ້າວ, ເຂົ້າໜຽວ, ກາເຟ, ຊາ, ຜ້າໄໝລາວ, ສິ້ນໄໝລາວ, ປັກດິ້ງ, ຊານໍ້າກ້ຽງ, ຜະລິດຕະພັນເຈ້ຍສາ, ເຄື່ອງແກະສະຫລັກລາຍລາວ ແລະ ອື່ນໆ.

ຈາກນັ້ນ ຜູ້ນໍາຂອງລາວ ແລະ ບຣູໄນ ພ້ອມດ້ວຍຄະນະ ໄດ້ເດີນທາງກັບຄືນນະຄອນຫລວງວຽງຈັນ ດ້ວຍລົດໄຟຄວາມໄວສູງຖ້ຽວພິເສດຈາກສະຖານີລົດໄຟວັງວຽງ ຫາ ສະຖານີລົດໄຟນະຄອນຫລວງວຽງຈັນ ແລະ ຕອນບ່າຍວັນດຽວກັນ ສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ພ້ອມຄະນະໄດ້ເດີນທາງກັບຄືນປະເທດດ້ວຍຖ້ຽວບິນພິເສດ.

ສະແດງຄຳຄິດເຫັນ

ຂ່າວມາໃໝ່ 
1
ຍັງຄົ້ນພົບພຣະພຸດທະຮູບ ຫຼາຍຮູບ ຢູ່ແຂວງບໍ່ແກ້ວ
2
ຈີນ​ພັດ​ທະ​ນາ​​ແຫຼ່ງ​ພະ​ລັງ​ງານ​ສະ​ອາດ ແລະ ພະ​ລັງ​ງານ​ທົດ​ແທນ​ໃນ​ລາວ ພ້ອມ​ທັງສົ່ງ​ໄປຕ່າງ​ປະ​ເທດ​ຢ່າງ​​ຫຼາກຫຼາຍ​​ 
2
ມຊ ຄອງເຈົ້າຫຼຽນຄຳ ກິລາກະຕໍ້ ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2
2
ກົມທີ່ດິນ ບໍ່ອະນຸຍາດອອກໃບຕາດິນໃໝ່ໃຫ້ຜູ້ຊື້ສິດນຳໃຊ້ທີ່ດິນຈາກການຈັດສັນທີ່ດິນແບ່ງຂາຍເປັນຕອນ
2
ກະຊວງ ອຸດສາຫະກຳ ແລະ ການຄ້າ ແຈ້ງປັບຂຶ້ນລາຄານ້ຳມັນເຊື້ອໄຟທຸກປະເພດ ເລີ່ມປະຕິບັດ 06:00 ໂມງຂອງມື້ນີ້
2
ປີນີ້ແຂວງວຽງຈັນຈະແກ້ໄຂຄອບຄົວທຸກຍາກ ໃຫ້ໄດ້ 1.600 ຄອບຄົວ
2
ນາຍົກລັດຖະມົນຕີ ແຫ່ງ ສປປ ລາວ ເຂົ້າຮ່ວມ ກອງປະຊຸມ ເວທີປຶກສາຫາລືອະນາຄົດ ອາຊຽນ
2
ປະທານປະເທດ ແຫ່ງ ສປປ ລາວ ພົບປະກັບ ປະທານສະພາແຫ່ງຊາດ ແຫ່ງ ຣາຊະອານາຈັກກຳປູເຈຍ
2
ໄທ ກວດພົບຜູ້ຕິດເຊື້ອພະຍາດໂຄວິດ-19ເພີ່ມຂຶ້ນຢ່າງຫລວງຫລາຍຫລັງບຸນສົງການ
2
ສະຫລົດ! ມີຜູ້ເສຍຊີວິດ 33 ຄົນຈາກອຸບັດເຫດ ໃນໄລຍະບຸນປີໃໝ່ລາວ
ຢ່າລື່ມກົດຕິດຕາມ