2
ບໍລິຄຳໄຊເປີດໂຮງງານປຸງແຕ່ງຜະລິດຕະພັນກະສິກຳ ທອງມີໄຊ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 8 ເດືອນທັນວາ, 2023

ເປັນຂ່າວດີຂອງແຂວງບໍລິຄຳໄຊ ທີ່ີມີໂຮງງານປຸງແຕ່ງຜະລິດຕະພັນກະສິກຳພາຍໃນແຂວງແລ້ວໂດຍການລົງທຶນຂອງບໍລິສັດພັດທະນາເຂດພູດອຍ ຈໍາກັດຜູ້ດຽວ – ໂກເອໂກ ໄດ້ຈັດຂຶ້ນໃນວັນທີ 7 ທັນວາ 2023 ນີ້ ຢູ່ບ້ານທອງມີໄຊ ເມືອງວຽງທອງ, ໃຫ້ກຽດເຂົ້າຮ່ວມໂດຍ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ, ທ່ານ ບຸນຈັນ ສີວົງພັນ ເຈົ້າແຂວງຊຽງຂວາງ ແລະ ທ່ານ ຟ້າມຮຸ່ງຖັງ ປະທານກຸ່ມບໍລິສັດຮ່ວມມືເສດຖະກິດໂກເອໂກ ມີການນໍາຂອງແຂວງ, ເມືອງ ແລະ ບ້ານ ຂອງແຂວງບໍລິຄໍາໄຊ ແລະ ແຂວງຊຽງແຂວງ ຕະຫຼອດຮອດຄະນະອຳນວຍການ, ພະນັກງານ ໂຮງງານປຸງແຕ່ງຜະລິດຕະພັນກະສິກໍາທອງມີໄຊ ແລະ ພາກສ່ວນກ່ຽວຂ້ອງເຂົ້າຮ່ວມ.


ທ່ານ ຖາຍຫງອກເຖະ ອຳນວຍການບໍລິສັດພັດທະນາເຂດພູດອຍ ໄດ້ລາຍງານຫຍໍ້ວ່າ: ໂຮງງານປຸງແຕ່ງຜະລິດຕະພັນກະສິກໍາທອງມີໄຊ ມີເນື້ອທີ 1,26 ເຮັກຕາ ເຊິ່ງເນື້ອທີ່ດັ່ງກ່າວໄດ້ຮັບອະນຸຍາດເຊົ່າ ແລະ ສຳປະທານດິນລັດ ຂອງເມືອງວຽງທອງ, ໄດ້ຈັດພິທີວາງສີລາລືກ ແລະ ລົງມືກໍ່ສ້າງໃນກາງເດືອນທັນວາ 2022 ໂດຍໄດ້ປະກອບລະບົບເຄື່ອງຈັກຜະລິດທາດແປ້ງມັນສາຄູ ດ້ວຍເຕັກໂນໂລຢີ່ທີ່ທັນສະໄໝ ແລະ ກໍ່ສ້າງສຳເລັດໃນເດືອນພະຈິກ 2023, ສະມັດຕະພາບໃນການຜະລິດແປ້ງມັນສາຄູ ໄດ້ 5.000 ໂຕນຫົວມັນສາຄູຕໍ່ປີ, ມູນຄ່າການລົງທຶນ 20 ຕື້ກີບ, ປະຈຸບັນມີປະຊາຊົນເມືອງວຽງທອງ ປູກມັນສາຄູສະໜອງວັດຖຸດີບເຂົ້າໂຮງງານ 100 ກວ່າຄອບຄົວ, ຄາດຄະເນລາຍຮັບຈະບັນລຸ 50 ລ້ານກີບ/ເຮັກຕາ.

ໂອກາດນີ້ ທ່ານ ກອງແກ້ວ ໄຊສົງຄາມ ໄດ້ຕາງໜ້າໃຫ້ການນໍາແຂວງບໍລິຄຳໄຊ ແລະ ແຂວງຊຽງຂວາງ ໃຫ້ກຽດມີຄຳເຫັນ ໂດຍທ່ານໄດ້ຕີລາຄາສູງ ແລະ ສະແດງຄວາມຍ້ອງຍໍຊົມເຊີຍ ບໍລິສັດພັດທະນາເຂດພູດອຍ ກໍຄືກຸ່ມບໍລິສັດຮ່ວມມືເສດຖະກິດໂກເອໂກ ທີ່ໄດ້ມີຄວາມພະຍາຍາມ ແລະ ຕັ້ງໃຈໃນການສ້າງຕັ້ງໂຮງງານປຸງແຕ່ງຜະລິດຕະພັນກະສິກໍາທອງມີໄຊຂຶ້ນ ເຊິ່ງມັນຈະເປັນການປະກອບສ່ວນອັນສຳຄັນໃນການຈັດຕັ້ງປະຕິບັດແຜນການພັດທະນາເສດຖະກິດ-ສັງຄົມຂອງເມືອງ ກໍຄືຂອງແຂວງ, ຊ່ວຍສ້າງອາຊີບ ແລະ ລາຍຮັບ ໃຫ້ພໍ່ແມ່ປະຊາຊົນໃຫ້ຫຼາຍຂຶ້ນ ເຊິ່ງເປັນສິ່ງສຳຄັນ ໃນການແກ້ໄຂຄວາມທຸກຍາກຂອງປະຊາຊົນ, ພ້ອມນັ້ນ ຍັງໄດ້ສະແດງເຖິງນ້ຳໃຈໄມຕີຈິດມິດຕະພາບອັນດູດດື່ມ, ສະໜິດສະໜົມ, ຄວາມສາມັກຄີແບບພິເສດ ແລະ ການພົວພັນຮ່ວມມືຮອບດ້ານ ລະຫວ່າງ ລາວ-ຫວຽດນາມ ທີ່ນັບມື້ນັບມີຄວາມໜັກແໜ້ນໝັ້ນຄົງຍີ່ງໆຂຶ້ນໄປ.

ຈາກນັ້ນ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ, ທ່ານ ບຸນຈັນ ສີວົງພັນ ເຈົ້າແຂວງຊຽງຂວາງ ແລະ ທ່ານ ຟ້າມຮຸ່ງຖັງ ປະທານກຸ່ມບໍລິສັດຮ່ວມມືເສດຖະກິດໂກເອໂກ ກໍໄດ້ພ້ອມກັນຕັດແຖບຜ້າເປີດໂຮງງານປຸງແຕ່ງຜະລິດຕະພັນກະສິກໍາທອງມີໄຊ ຢ່າງເປັນທາງການ ແລະ ເຂົ້າໄປຢ້ຽມຊົມເບີ່ງຂັ້ນຕອນການຜະລິດຂອງໂຮງງານດັ່ງກ່າວ ເຫັນໄດ້ວ່າມີຄວາມສະອາດ, ນັບແຕ່ຂັ້ນຕອນການບົດມັນສາຄູ, ການແຍກແຕ່ລະພາກສ່ວນ ຈົນເຖິ່ງຂັ້ນຕອນສຳເລັດ ແລະ ໄດ້ແປ້ງມັນສາຄູທີ່ມີຄຸນນະພາບສູງ.


ພາບ-ຂ່າວ: ສີປະເສີດ

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ