2
ຈັບຕົວຊາຍທີ່ຄາດຕະກໍາຍິງສາວ ແລ້ວເອົາສົບໄປເຊື່ອງໄວ້ສວນມັນຕົ້ນ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 10 ເດືອນທັນວາ, 2023
ໝວດ: ຂ່າວ

ວັນທີ 27 ພະຈິກ 2023, ເຈົ້າໜ້າທີ່ຕໍາຫຼວດ ພະແນກຕໍາຫຼວດສືບສວນ-ສອບສວນ ປກສ ເມືອງບໍລິຄັນ ແຂວງບໍລິຄຳໄຊ ໄດ້ຈັບຕົວ ທ້າວ ເຢັ່ງກູ້ ອາຍຸ 42 ຢູ່ບ້ານຜາເມືອງ ເມືອງບໍລິຄັນ ແຂວງ ບໍລິຄຳໄຊ ທີ່ກໍ່ເຫດຄາດຕະກໍານາງ ປາຢົ່ງ ອາຍຸ 28 ປີ, ປະຊາຊົນ ຢູ່ບ້ານໂນນໄຮ ເມືອງ ໝື່ນ ແຂວງວຽງຈັນ (ພັກອາໄສຊົ່ວຄາວຢູ່ທີ່ເມືອງບໍລິຄັນ, ແຂວງບໍລິຄໄຊ).

ເຈົ້າໜ້າທີ່ພະແນກຕໍາຫຼວດສືບສວນ-ສອບສວນ ປກສ ເມືອງບໍລິຄັນ ໄດ້ຮັບການລາຍງານ ຈາກການຈັດຕັ້ງ ບ້ານ ຜາເມືອງ ໃນວັນທີ 23 ພະຈິກວ່າ: ໄດ້ມີປະຊາຊົນພົບເຫັນຄົນເສຍຊີວິດ ຢູ່ສວນມັນຕົ້ນເຂດຫົວພູຈຸຈີ່, ຈາກນັ້ນ, ໜ່ວຍງານວິຊາສະເພາະ ຈຶ່ງໄດ້ລົງສົມທົບກັບ ປກສ ກຸ່ມ ຜາເມືອງ ເມືອງບໍລິຄັນ, ພາກສ່ວນທີ່ກ່ຽວຂ້ອງລົງສະ ຖານທີ່ເກີດເຫດ ຈຶ່ງໄດ້ຮູ້ວ່າ ຜູ້ເສຍຊີວິດແມ່ນນາງ ປາຢົ່ງ, ພາຍຫຼັງລົງເກັບກຳຂໍ້ມູນຫຼັກຖານ, ສອບສວນພະຍານ ແລະ ພາບຈາກກ້ອງວົງຈອນ, ຈຶ່ງຮູ້ວ່າຜູ້ກໍ່ເຫດແມ່ນ ທ້າວ ເຢັ່ງກູ້ ອາຍຸ 42 ຢູ່ບ້ານຜາເມືອງ ເມືອງບໍລິຄັນ ແຂວງ ບໍລິຄໍາໄຊ.


ທ້າວ ເຢັ່ງກູ້ ຮັບສາລະພາບວ່າ: ເປັນຜູ້ລົງມືກໍ່ເຫດຄາດຕະກຳ ນາງ ປາຢົ່ງ ແທ້ ຊື່ງຜູ້ກ່ຽວໄດ້ມີການພົວພັນມັກຮັກກັບນາງ ປາຢົ່ງ ( ຜູ້ເສຍຊີວິດ ) , ສາເຫດ ແລະ ແຮງຈູງໃຈຍ້ອນຢາກຮ່ວມເພດສຳພັນກັບນາງປາຢົ່ງ, ແຕ່ນາງປາຢົ່ງບໍ່ສົມຍອມ ຈຶ່ງເກີດມີອາລົມຢາກຮ້າຍຈຶ່ງໄດ້ລົງມືຄາດ ຕະກຳ ໃນວັນທີ 20 ພະຈິກ 2023 ດ້ວຍການໃຊ້ແຂນຮັດຄໍແລ້ວລາກເຂົ້າໄປສວນມັນຕົ້ນ ແລະ ໃຊ້ເສື້ອແຂນສັ້ນຂອງນາງປາຢົ່ງ ມາຮັດຄໍຈົນໝົດສະຕິ,

 

ຈາກນັ້ນ ໄດ້ເອົາຜ້າສິ້ນຂອງຜູ້ຕາຍມາພັນຄໍຕື່ມອີກແລ້ວຫັກເອົາກົກມັນຕົ້ນມາສອດໃສ່ຄໍແລ້ວຫັນບິດເຂົ້າຕື່ມ ຈົນແນ່ໃຈວ່ານາງ ປາຢົ່ງ ເສຍຊີວິດແລ້ວ ກໍ່ເອົາໃບໄມ້ປົກປິດໄວ້ ຫຼັງຈາກນັ້ນກໍ່ຂັບຂີ່ລົດຈັກກັບມາບ່ອນຜູ້ກ່ຽວເຮັດວຽກໃຊ້ຊີວິດເປັນປົກກະຕິ ຄືບໍມີຫຍັງເກີດຂື້ນ, ຈົນຖືກເຈົ້າໜ້າທີ່ຈັບຕົວໄດ້.

 


ແຫຼງຂ່າວ: ປກສ ເມືອງບໍລິຄັນ.

ສະແດງຄຳຄິດເຫັນ

ຂ່າວມາໃໝ່ 
2
ການລ່າສັດປ່າບໍ່ຖືກຕ້ອງຕາມກົດ ໝາຍຈະຖືກລົງໂທດຕັດອິດສະລະພາບ 2 ຫາ 5 ປີ ແລະ ຈະຖືກປັບໃໝ
2
ກຳປູເຈຍ ຈະເກັບພາສີ ພະລັງງານໄຟຟ້າ ຈາກ ຜູ້ໃຊ້ໂຊລາເຊລ ຢູ່ຫລັງຄາ
2
ຫາລືຄວາມປອດໄພຂອງເຂື່ອນ ໃນການບໍລິຫານຈັດການນໍ້າ ແລະ ການຮັບມືສຸກເສີນ
2
ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບ ທູດເວເນຊູເອລາ ຄົນໃໝ່
2
ສປປ ລາວຈະເປັນປະທານອາຊຽນໃນປີ 2024 ພາຍໃຕ້ຄໍາຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”
2
ສປປ ລາວ ເລີ່ມປະຕິບັດນະໂຍບາຍ ຍົກເວັ້ນ-ຂະຫຍາຍເວລາ VISA ໃຫ້ກັບຫຼາຍປະເທດ ດຶງດູດນັກທ່ອງທ່ຽວ
2
ບໍລິສັດ ເທີນ-ຫີນບູນ ມອບເງິນ 1 ຕື້ກີບ ສະໜັບສະໜູນການເປັນປະທານອາຊຽນ ຂອງ ສປປ ລາວ
2
ຄຸນຄ່າຄວາມເປັນເອກະລັກ ທີ່ໂດດເດັ່ນລະດັບໂລກ ຂອງອຸທິຍານແຫ່ງຊາດຫີນໜາມໜໍ່
2
ອັດຕະປືມີບໍລິການລົດໂດຍສານສີຂຽວພາຍໃນແຂວງແລ້ວ
2
ປະກາດປ່າອາຮັກປາກຫ້ວຍເກາະ ເຂດ ບ້ານນາຢອງເປັນປ່າສະຫງວນຂອງເມືອງລະມາມ
ຢ່າລື່ມກົດຕິດຕາມ