ອີງຕາມຂໍ້ມູນລາຍງານຈາກສູນຂໍ້ມູນຂ່າວສານທາງດ້ານການຄ້າຂອງລາວ ໃຫ້ຮູ້ວ່າ ຕົວເລກການຄ້າລາວໃນເດືອນທັນວາ 2023 ມູນຄ່າການນໍາເຂົ້າ ແລະ ສົ່ງອອກ ສິນຄ້າ ທັງໝົດປະມານ 1.235 ລ້ານໂດລາສະຫະລັດ.
ສິນຄ້າສົ່ງອອກທັງໝົດ ປະມານ 531,3 ລ້ານໂດລາສະຫະລັດ ແລະ ມູນຄ່ານຳເຂົ້າແມ່ນ 703,6 ລ້ານໂດລາ ໂດຍໃນເດືອນທັນວາລາວເຮົາຂາດດູນການຄ້າກັບຕ່າງປະເທດ 172,3 ລ້ານໂດລາ. ແຕ່ໃນຈຳນວນນີ້ແມ່ນຍັງບໍ່ກວມເອົາມູນຄ່າການນຳເຂົ້າ ແລະ ສົ່ງອອກ ໄຟຟ້າ.

ໃນນີ້, ສິນຄ້າສົ່ງອອກຫຼັກ 10 ອັນດັບຂອງລາວປະກອບມີ: ຄໍາປະສົມ, ຄຳແທ່ງ 72,4 ລ້ານ ໂດລາສະຫະລັດ, ຢາງພາລາ 44,6 ລ້ານໂດລາສະຫະລັດ, ແຮ່ທອງ 38,5 ລ້ານໂດລາສະຫະລັດ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ 37,2 ລ້ານໂດລາສະຫະລັດ, ມັນຕົ້ນ 34,8 ລ້ານໂດລາສະຫະລັດ, ແປ້ງມັນຕົ້ນ 24,4 ລ້ານ ໂດລາສະຫະລັດ, ເຄື່ອງໃຊ້ໄຟຟ້າ ແລະ ອຸປະກອນເຄື່ອງໃຊ້ໄຟຟ້າ 24,4 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ 23,1 ລ້ານ ໂດລາສະຫະລັດ, ແຮ່ເຫຼັກ 21,9 ລ້ານ ໂດລາສະຫະລັດ ແລະ ເຄື່ອງນຸ່ງຫົ່ມ 21,9 ລ້ານໂດລາສະຫະລັດ.

ສຳລັບສິນຄ້າສິນຄ້ານໍາເຂົ້າ 10 ອັນດັບ ປະກອບມີ: ນ້ຳມັນກາຊວນ 94,1 ລ້ານໂດລາສະຫະລັດ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ) 78,1 ລ້ານໂດລາສະຫະລັດ, ພາຫະນະທາງບົກ (ນອກຈາກລົດຈັກ,ລົດໄຖ) 69,2 ລ້ານໂດລາສະຫະລັດ, ເຄື່ອງໄຟຟ້າ ແລະ ອຸປະກອນໄຟຟ້າ 36 ລ້ານໂດລາສະຫະລັດ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຫຼັກກ້າ 33 ລ້ານໂດລາສະຫະລັດ, ນໍ້າມັນແອັດຊັງ, ແອັດຊັງພິເສດ 22,9 ລ້ານໂດລາສະຫະລັດ, ເຄື່ອງດື່ມ (ນໍ້າ, ນໍ້າອັດລົມ, ນ້ຳດື່ມຊູກໍາລັງ…) 22,7 ລ້ານໂດລາສະຫະລັດ, ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້…) 22,7 ລ້ານໂດລາສະຫະລັດ, ເຄື່ອງໃຊ້ທີ່ເຮັດດ້ວຍພລາສະຕິກ 21,6 ລ້ານໂດລາສະຫະລັດ ແລະ ເຍື່ອໄມ້ ແລະ ເສດເຈ້ຍ 20,2 ລ້ານໂດລາ.

ສ່ວນຕະຫຼາດສົ່ງອອກຫຼາຍສຸດຂອງລາວໄດ້ແກ່ ສປ ຈີນ ປະມານ 200,3 ລ້ານ ໂດລາສະຫະລັດ, ຫວຽດນາມ 118,1 ລ້ານ ໂດລາສະຫະລັດ, ໄທ 88,2 ລ້ານໂດລາສະຫະລັດ, ອົດສະຕາລີ 37,9 ລ້ານ ໂດລາສະຫະລັດ ແລະ ອີນເດຍ ປະມານ 18,6 ລ້ານ ໂດລາສະຫະລັດ.

ຕໍ່ກັບປະເທດ ທີ່ ສປປ ລາວ ນໍາເຂົ້າຫຼາຍກວ່າໝູ່ປະກອບມີຈີນ 298,7 ລ້ານ ໂດລາສະຫະລັດ, ໄທ ປະມານ 271,3 ລ້ານ ໂດລາສະຫະລັດ, ຫວຽດນາມ 34 ລ້ານ ໂດລາສະຫະລັດ, ສະຫະລັດອາເມລິກາ 24,1 ລ້ານ ໂດລາສະຫະລັດ ແລະ ຍີ່ປຸ່ນ ປະມານ 24,1 ລ້ານ ໂດລາສະຫະລັດ.

ທີ່ມາ ເສດຖະກິດການຄ້າ

ສະແດງຄຳຄິດເຫັນ