2
ຮັບສານອວຍພອນ ວັນເກີດ ປະທານ ຄໍາໄຕ ສີພັນດອນ ຈາກຫວຽດນາມ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 8 ເດືອນກຸມພາ, 2024

ສະຫາຍ ສອນໄຊ ສີພັນດອນ ກຳມະການກົມການເມືອງສູນກາງພັກປະຊາຊົນ ປະຕິວັດລາວ ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນ ຮັບສະຫາຍ ຫງວຽນ ບ໋າ ຮຸ່ງ ເອກອັກຄະ ລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈໍາລາວ ເຂົ້າມອບສານອວຍພອນວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ (8/2/1924-8/2/2024) ຂອງການ ນໍາພັກ-ລັດ ສສ ຫວຽດນາມ ກໍຄື ສານອວຍພອນຂອງ ສະຫາຍ ຫງວຽນ ຟູ ຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ແລະ ສານອວຍພອນຂອງ ສະຫາຍ ຫວໍ ວັນ ເຖືອງ ປະທານປະເທດ ແຫ່ງ ສສ ຫວຽດນາມ ໃນຕອນ ແລງວັນທີ 7 ກຸມພາ ນີ້ ທີ່ຫ້ອງວ່າການສຳນັກງານນາຍົກລັດຖະ ມົນຕີ.

ໃນໂອກາດນີ້, ສະຫາຍ ຫງວຽນ ບ໋າ ຮຸ່ງ ກໍໄດ້ກ່າວລາຍງານໃຫ້ຮູ້ວ່າ ພັກ-ລັດຖະບານຫວຽດນາມ ເຫັນໄດ້ເຖິງຄວາມໝາຍ ຄວາມສຳຄັນຂອງການຈັດຕັ້ງສະເຫຼີມສະຫຼອງວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ ໂດຍໄດ້ຍົກເນື້ອໃນທີ່ສຳຄັນໂດຍລວມໃນສານອວຍພອນວັນເກີດຂອງ ສະຫາຍ ຫງວຽນ ຟູ ຈ້ອງ ແລະ ສະຫາຍ ຫວໍ ວັນ ເຖືອງ ວ່າ: “ພັກ, ລັດຖະ ບານ ແລະ ປະຊາຊົນຫວຽດນາມ ຕີລາຄາສູງຕໍ່ບັນດາການອຸທິດດ້ານເຫື່ອແຮງ, ສະຕິປັນຍາ ແລະ ບົດບາດສຳຄັນຂອງ ສະຫາຍ ປະທານ ຄໍາໄຕ ສີພັນດອນ ທີ່ມີຕໍ່ພາລະກິດປະຕິວັດລາວ ກໍຄືໃນການປັບປຸງ ແລະ ເພີ່ມທະວີສາຍພົວພັນມິດຕະພາບອັນຍິ່ງ ໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງ ສອງພັກ, ສອງລັດ ແລະ ປະຊາ ຊົນສອງຊາດ ຫວຽດ ນາມ-ລາວ. ອວຍພອນສະຫາຍ ຄໍາໄຕ ສີພັນດອນ ແລະ ພັນລະ ຍາ ມີສຸຂະພາບແຂງແຮງ, ມີຄວາມສຸກ, ມີອາຍຸຍືນຍາວ ແລະ ປະ ກອບສ່ວນຮ່ວມກັບບັນດາສະຫາຍການນໍາພັກ, ລັດຖະບານລາວ ໃນການນໍາພາປະຊາຊົນລາວ ສືບຕໍ່ຍາດໄດ້ຫຼາຍຜົນງານໃໝ່, ໃຫຍ່ຫຼວງກວ່າເກົ່າໃນຂະບວນການປ່ຽນແປງໃໝ່, ປົກປັກຮັກສາ ແລະ ສ້າງສາປະເທດຊາດ, ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ, ສຳເລັດການກໍ່ສ້າງ ປະເທດລາວ ມີສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ ຕາມເປົ້າໝາຍສັງຄົມນິຍົມ. ພັກ, ລັດຖະບານ ແລະ ປະຊາຊົນຫວຽດນາມ ຈະຮ່ວມກັບພັກ, ລັດຖະບານ ແລະ ປະຊາຊົນລາວ ປົກປ້ອງ, ຮັກສາ ແລະ ເພີ່ມພູນຄູນສ້າງສາຍພົວພັນສາມັກຄີພິເສດ ຫວຽດນາມ-ລາວ ນັບມື້ພັດທະນາເຂົ້າສູ່ລວງເລິກ, ແທດເໝາະກັບສະພາບຕົວຈິງ ແລະ ມີປະສິດທິຜົນ ໃນບັນດາຂົງເຂດ, ນໍາມາຊຶ່ງຜົນປະໂຫຍດໃຫ້ແກ່ປະຊາຊົນສອງປະເທດ, ປະກອບສ່ວນເຂົ້າໃນການຮັກສາສັນຕິ ພາບໃນພາກພື້ນ ແລະ ໃນໂລກ”.

ສະຫາຍ ສອນໄຊ ສີພັນດອນ ກໍໄດ້ກ່າວສະແດງຄວາມຂອບ ໃຈ ແລະ ຝາກຄວາມຂອບໃຈອັນສຸດຊຶ້ງ ໄປຍັງສະຫາຍການນໍາຂັ້ນສູງຂອງພັກ-ລັດຖະບານຫວຽດນາມ ທີ່ໄດ້ມີຄວາມສາມັກຄີຮັກແພງ ແລະ ຄວາມອວຍພອນໄຊອັນປະເສີດອວຍພອນວັນ ເກີດ ປະທານ ຄໍາໄຕ ສີພັນດອນ ຄົບຮອບ 100 ປີ ແລະ ໄດ້ສົ່ງສານອວຍພອນວັນເກີດເນື່ອງໃນໂອກາດດັ່ງກ່າວ ຊຶ່ງໃນນາມທີ່ເປັນການນໍາຂັ້ນສູງຂອງພັກ-ລັດຖະບານລາວ ແລະ ໃນນາມສ່ວນ ຕົວທີ່ເປັນລູກຊາຍຂອງ ປະທານ ຄໍາໄຕ ສີພັນດອນ, ສະຫາຍ ນາຍົກລັດຖະມົນຕີ ໄດ້ກ່າວວ່າ: ຂໍຂອບໃຈຕໍ່ສະຫາຍ ຫງວຽນ ບ໋າ ຮຸ່ງ ທີ່ໄດ້ນໍາສົ່ງສານອວຍພອນ ແລະ ຂອງຂວັນຈາກການນໍາຂັ້ນສູງສຸດຂອງພັກ ແລະ ລັດຖະບານຫວຽດນາມ ໃຫ້ແກ່ ປະທານ ຄໍາໄຕ ສີພັນດອນ ໂດຍສະເພາະສານອວຍພອນ ແມ່ນມີຄວາມໝາຍປະຫວັດສາດທີ່ສຳຄັນທີ່ສຸດ ຊຶ່ງໄດ້ສະແດງເຖິງຄວາມຮູ້ສຶກຂອງສະຫາຍ, ອ້າຍ, ນ້ອງ ທີ່ສະໜິດຕິດພັນກັນ, ຄວາມເປັນຈິດໜຶ່ງໃຈດຽວທີ່ເລິກເຊິ່ງ ລະຫວ່າງ ສອງຊາດ ລາວ-ຫວຽດນາມ.

(ຂ່າວ-ພາບ: ສຸກສະຫວັນ)

ສະແດງຄຳຄິດເຫັນ

ຂ່າວມາໃໝ່ 
2
ລາຄານໍ້າມັນລົງ
2
ຈັບຊາຍອາຍຸ 19 ປີແອບອ້າງເອົາເງິນບໍລິຈາກຊ່ວຍເຫຼືອຈາກປະຊາຊົນ
2
ເດືອນມັງກອນ ຕົ້ນປີ 2024 ມີຜູ້ເສຍຊີວິດເຖິງ 119 ຄົນ ຈາກອຸບັດເຫດໃນທົ່ວປະເທດ
2
ຍີ່ປຸ່ນ ສົ່ງເສີມກະສິກອນສວນກາເຟ ຢູ່ 8 ບ້ານ ໃນເມືອງໂພນໄຊ ແລະ ເມືອງວຽງຄຳ
2
ສຳປະທານດິນ 3.000 ກວ່າເຮັກຕາ ປູກຫຍ້າ ແລະ ລ້ຽງງົວ ເພື່ອສົ່ງອອກ
2
ກໍ່ເຫດຂ້າເມຍຕົວເອງ ຍ້ອນເມຍຖາມປະ ແລະ ເມຍບໍ່ໃຫ້ເງິນ
2
ປີ 2024 ເສຍຊີວິດແລ້ວ 1 ຄົນ ຍ້ອນໄຂ້ຍຸງລາຍ
ດວງ-Tou-Vientianepost (4)
ດວງລາຍວັນປະຈໍາວັນ ອັງຄານ ທີ 20 ກຸມພາ 2024
2
ເມືອງຕົ້ນເຜິ້ງ ຮື້ຖອນປ້າຍໂຄສະນາທີ່ບໍ່ຖືກລະບຽບ
2
ພະຍາດຕັບອັກເສບ ສາຍເຫດເຮັດໃຫ້ຕັບແຂງ ແລະ ນຳໄປສູ່ການເສຍຊີວິດ ໄດ້
ຢ່າລື່ມກົດຕິດຕາມ