2
ເຈົ້າໜ້າທີ່ສຶກສາອົບຮົມ ກຸ່ມໄວລຸ້ນຂັບຂີ່ລົດກວນເມືອງ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 30 ເດືອນພຶດສະພາ, 2024
ໝວດ: ຂ່າວ

ເຈົ້າໜ້າທີ່ຕຳຫຼວດຈະລາຈອນ ປກສ ເມືອງຊໍາເໜືອ ແຂວງຫົວພັນໄດ້ສຶກສາອົບຮົມ ໄວລຸ້ນຈຳນວນ 4 ຄົນທີ່ຂີ່ລົດກວນເມືອງ, ພາຍຫຼັງໄດ້ອອກເຄື່ອນໄຫວ ລາດຕະເວນຕາມເສັ້ນທາງຕ່າງໆ ຂອງເທດສະບານເມືອງຊໍາເໜືອ ໃນວັນທີ 29 ພຶດສະພາ 2024 ທີ່ຜ່ານມານີ້ ແລະ ໄດ້ພົບເຫັນກຸ່ມໄວລຸ້ນຂັບຂີ່ລົດກວນເມືອງ, ບໍ່ຖືກລະບຽບການສັນຈອນ ຈໍານວນດັ່ງກ່າວ ຊຶ່ງລົດທີ່ຂັບຂີ່ກວນເມືອງ ແມ່ນລົດຈັກ ທີ່ໄດ້ດັດແປງສະພາບເຕັກນິກ ໃສ່ທໍ່ສູດ, ໃສ່ຕີນນ້ອຍ, ໃຊ້ຄວາມດັງເກີນຂອບເຂດ, ສ້າງຄວາມເນື່ອງນັນ ແລະ ເຮັດໃຫ້ສັງຄົມບໍ່ມີຄວາມເປັນລະບຽບຮຽບຮ້ອຍ.

ເຈົ້າໜ້າທີ່ກ່າວວ່າ: ກຸ່ມໄວລຸ້ນທີ່ຂີ່ລົດກວນເມືອງ ທັງ 4 ຄົນ ແມ່ນມີ ອາຍຸແຕ່ 14 – 19 ປີ; ເຈົ້າໜ້າທີ່ ປກສ ເມືອງຊໍາເໜືອ ໄດ້ນໍາຕົວມາສືກສາອົບຮົມ ແລະ ເຮັດບົດບັນທຶກ-ກ່າວເຕືອນ ຊຶ່ງພວກກ່ຽວໄດ້ປະຕິຍານຕໍ່ເຈົ້າໜ້າທີ່ວ່າຈະບໍ່ເຂົ້າຮ່ວມ ຫຼື ຂີ່ລົດກວນເມືອງອີກ, ນັບແຕ່ມື້ນີ້ເປັນຕົນໄປ; ຖ້າຫາກວ່າພວກກ່ຽວຍັງດື້ດ້ານຂັບຂີ່ລົດກວນເມືອງ ແລະ ດັດແປງສະພາບເຕັກນີກຂອງລົດອີກ ແມ່ນໃຫ້ເຈົ້າໜ້າທີ່ດໍາເນີນຕາມລະບຽບຂອງກົດໝາຍ ແລະ ຍຶດລົດໄວ້ເປັນຂອງລັດ.

ຈາກນັ້ນ, ກໍໄດ້ມອບທັງ 4 ຄົນ ຄືນໃຫ້ຜູ້ປົກຄອງ ນໍາໄປສືກສາອົບຮົມ, ຖ້າຫາກພົບເຫັນພວກກ່ຽວກະທໍາຜິດອີກ ແມ່ນຈະປະຕິບັດຕາມລະບຽບຂອງກົດໝາຍຢ່າງເຂັ້ມງວດ.

ຂ່າວ ປກສ ແຂວງຫົວພັນ

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ