2
ເປີດເທສະການໝາກຂາມຫວານ ທີ່ເມືອງຊະນະຄາມ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 5 February, 2024

ເທສະການໝາກຂາມຫວານ ຕິດພັນກັບການເປີດທ່ອງທ່ຽວລາວ 2024 ທີ່ເມືອງຊະນະຄາມ ໄດ້ໄຂຈັດຢ່າງເປັນທາງການ ໃນວັນ 3 ກຸມພາ 2024 ໂດຍມີ ທ່ານ ພອນແກ້ວ ຂຸນພົນ ຄະນະປະຈຳພັກແຂວງ, ຜູ້ຊີ້ນຳເມືອງຊະນະຄາມ, ທ່ານນາງ ຈັນທະບູນ ໂພສະລາດ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງ, ມີບັນດາການນຳແຂວງ, ການນຳເມືອງ, ພ້ອມແຂກຖືກເຊີນຈາກບັນດາແຂວງ,ເມືອງອ້ອມຂ້າງ, ນັກທຸລະກິດ-ຜູ້ປະກອບການຮ້ານຄ້າ ແລະ ກ້ອນກຳລັງມວນຊົນພາຍໃນເມືອງເຂົ້າຮ່ວມ.

ທ່ານ ແກ້ວ ພິມມະວົງ ເຈົ້າເມືອງຊະນະຄາມ ໄດ້ໃຫ້ຮູ້ວ່າ: ການຈັດເທສະການໝາກຂາມຫວານ ທີ່ເມືອງຊະນະຄາມ ໄດ້ເລີ່ມມາແຕ່ ວັນທີ 27 ມັງກອນ ຫາ 4 ກຸມພາ 2024, ໃນປີນີ້ແມ່ນມີຄວາມພິເສດຫລາຍ ເພາະນອກຈາກເປັນການ ອະນຸລັກຮັກສາ ວັດທະນະທຳ, ຮີດຄອງປະເພນີອັນດີງາມຂອງຊາດ ແລະ ຂອງເຜົ່າຕ່າງໆແລ້ວ ຍັງເຕິດພັນກັບການສ້າງກິດຈະກຳຕ້ອນຮັບປີທ່ອງທ່ຽວລາວ2024 ອີກ. ເມືອງຊະນະຄາມເປັນເມືອງໜຶ່ງ ທີ່ມີຄວາມພົ້ນເດັ່ນໃນການຜະລິດເປັນສິນຄ້າ ໂດຍສະເພາະ ແມ່ນການປູກໝາກຂາມຫວານ ໄດ້ກາຍເປັນສິນຄ້າທີ່ເປັນເອກະລັກຂອງເມືອງຊະນະຄາມ ເຊິ່ງເປັນຂອງຕ້ອນຂອງຝາກຂອງແຂກຄົນທີ່ມາຢ້ຽມຢາມເມືອງຊະນະຄາມ.

ໝາກຂາມຫວານເມືອງຊະນະຄາມ ມີ 5 ແນວພັນຄື: ພັນສີທອງ, ສີຊົມພູ, ປະກາຍທອງ, ອິນທະຜາລຳ ແລະ ພັນຂັນຕີ. ປະຈຸບັນທົ່ວເມືອງມີເນື້ອທີ່ປູກໝາກຂາມຫວານທັງໝົດ 275 ເຮັກຕາ, ມີ 27.000 ຕົ້ນ, ເນື້ອທີ່ໃຫ້ຜົນຜະລິດແລ້ວ 180 ເຮັກຕາ, ຜົນຜະລິດຈໍາໜ່າຍເປັນສິນຄ້າໄດ້ 389 ໂຕນ/ປີ, ຄິດໄລ່ເປັນມູນຄ່າ 9.725 ລ້ານກີບ/ປີ, ເນື້ອທີ່ປູກໃໝ່ທີ່ບໍ່ທັນໄດ້ເກັບຜົນຜະລິດມີ 95 ເຮັກຕາ. ສຳລັບກິດຈະກຳພາຍໃນງານມີ: ງານຕະຫລາດນັດ ຜະລິດຕະພັນສິນຄ້າກະສິກໍາຂອງເມືອງ, ວາງສະແດງສິນຄ້າໂອດັອບ, ປະກວດນາງສາວໝາກຂາມຫວານ ແລະ ການສະແດງສິນລະປະ-ວັນນະຄະດີ.

ໂອກາດນີ້ ທ່ານ ພອນແກ້ວ ຂຸນພົນ ກໍໄດ້ມີເຫັນເປີດງານວ່າ: ເມືອງຊະນະຄາມ ແມ່ນເມືອງໜຶ່ງໃນ 11 ເມືອງຂອງແຂວງວຽງຈັນ, ເປັນເມືອງ ໜຶ່ງທີ່ມີທີ່ຕັ້ງຍຸດທະສາດດ້ານປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ ແລະ ວັດທະນະທໍາ-ສັງຄົມ, ເປັນເມືອງຊາຍແດນ ແລະ ເປັນປ້ອມດ່ານໜ້າຂອງແຂວງວຽງຈັນ, ທັງເປັນເມືອງໜຶ່ງທີ່ມີຄວາມອຸດົມສົມບູນ, ດິນດໍາ-ນໍ້າຊຸ່ມ, ເປັນອູ່ເຂົ້າ-ອູ່ປາຂອງແຂວງວຽງຈັນ, ມີອາກາດຊຸ່ມຊື່ນ, ປະຊາຊົນມີຄວາມສາມັກຄີເປັນປຶກແຜນແໜ້ນໜາ, ມີວັດທະນະທໍາ, ຮີດຄອງປະເພນີທີ່ເປັນເອກະລັກຂອງຕົນ, ມີນໍ້າໃຈໂອບເອື້ອອາລີ ຕໍ່ແຂກຄົນທີ່ມາທ່ອງທ່ຽວຢ້ຽມຢາມ, ມີມູນເຊື້ອດຸໝັ່ນຂະຫຍັນພຽນໃນການອອກແຮງງານປູກຝັງ-ລ້ຽງສັດ, ການຄ້າ-ບໍລິຫານ, ການຜະລິດເປັນສິນຄ້າ ໂດຍສະເພາະ ແມ່ນຂະບວນການປູກໝາກຂາມຫວານ ຊຶ່ງໄດ້ກາຍເປັນສິນຄ້າປະຈຳເມືອງຊະນະຄາມ, ເປັນໝາກໄມ້ຊະນິດໜຶ່ງທີ່ມີລົດຊາດຫວານ ທັງເປັນເອກະລັກ, ມີຊື່ສຽງ ແລະ ເປັນທີ່ຕ້ອງການ ຍອມຮັບຂອງສັງຄົມ ຢູ່ພາຍໃນເມືອງ, ຕ່າງເມືອງ, ຕ່າງແຂວງ ແລະ ຕ່າງປະເທດ ດັ່ງຄໍາຂວັນຂອງເມືອງທີ່ວ່າ:
“ເມືອງຊະນະຄາມ ເຂົ້າຂາວສາວງາມ
ໝາກຂາມຫວານລືລັ່ນ ເຫລົ້ານໍ້າກັ່ນລືຊາ
ໃຜໄດ້ມາຢາມຢ້ຽມ ກັບຄືນບໍ່ເມື່ອເປົ່າ
ມີຂອງຕ້ອນຝາກເຈົ້າ ບ່າວສາວຍີ້ມສົ່ງທາງນາ…!”.

ທີ່ມາ: ຂປລ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Thursday, 27 March, 2025
ສະກຸນເງິນ
ຊື້
ຂາຍ
united-states
USD
21,722
21,512
thailand (1)
THB
633.96
646.01
european-union
EUR
22,804
23,259
china
CNY
2,897
2,953
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Thursday, 27 March, 2025
ປະເພດ
ລາຄາຊື້
ລາຄາຂາຍ
31,160,000
31,6900,000
30,890,000
31,799,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
Copy of Horizontal - Vientianepost (2)
ວິທີຊ່ວຍໃຫ້ນອນພັກຜ່ອນໄດ້ເຕັມທີ່
Copy of Horizontal - Vientianepost
ຄວາມເຊື່ອມໂຍງລະຫວ່າງໂລກແຫ່ງຄວາມຈິງ ແລະ ໂລກແຫ່ງຄວາມຝັນ
site cov (12)
ຄະນະບໍລິຫານງານສູນກາງພັກ ເຂົ້າວາງພວງມາລາຂໍ່ານັບສົບ ສະຫາຍ ພົນເອກ ຄໍາໄຕ ສີພັນດອນ
site cov (11)
ສະຫຼຸບແລ້ວ ໄມໂລ ກັບ ໂອວັນຕິນ ທັງ 2 ຍີ່ຫໍ້ຕ່າງກັນແນວໃດ ມາເບິ່ງກັນ.
site cov (10)
ກອງທັບປະຊາຊົນລາວ ສືບຕໍ່ຊ່ວຍເຫຼືອ ແລະ ໃຫ້ການປິ່ນປົວປະຊາຊົນ ຊາວມຽນມາ ຢູ່ເມືອງເຈົາແຊ ແຂວງມອນດາເລ
site cov (9)
ແຈ້ງການມອດໄຟ ວັນທີ 3, 4 ແລະ 5 ເມສາ 2025
site cov (8)
ທາງລົດໄຟລາວ-ຈີນ ເພີ່ມຖ້ຽວລົດ ແລະ ເປີດຂາຍປີ້ລ່ວງໜ້າ 7 ມື້ໃນຊ່ວງເທດສະການປີໃຫມ່ລາວ
site cov (7)
ແຈ້ງປັບຂຶ້ນລາຄານ້ຳມັນ ວັນທີ 3 ເມສາ 2025
site cov (6)
"ທຣໍາ" ຈັດເຕັມກຳນົດພາສີຕອບໂຕ້ຕໍ່ 60 ປະເທດ, ສປປ ລາວ 48%
site cov (5)
ຂໍແຈ້ງຂ່າວເສົ້າສະຫລົດໃຈຂອງ ທ່ານພົນເອກ ຄຳໄຕ ສີພັນດອນ
ຢ່າລື່ມກົດຕິດຕາມ