ຄ້າຍຄຸມຂັງບັງລຽງພາກໃຕ້ ສຶກສາອົບຮົມນັກໂທດ ປະຈຳໄຕມາດ II
ວັນທີ 6 ມິຖຸນາ 2023, ຄ້າຍຄຸມຂັງບັງລຽງພາກໃຕ້ ແຂວງຈໍາປາສັກ ໄດ້ສຶກສາອົບ ຮົມນັກໂທດ ປະຈຳໄຕມາດ II ປະຈຳປີ 2023 ໃນຫົວຂໍ້: ບາບ, ບຸນ, ຄຸນ, ໂທດ, ເຂົ້າ ຮ່ວມ ແລະ ສຶກສາອົບຮົມ ໂດຍພຣະອາຈານ ຄຳພຸດ ແກ້ວວົງຈັນ ຮອງຫົວໜ້າກຳ ມະທິການເຜີຍແຜ່ສິນ ລະທຳນະຄອນປາກເຊ ເຈົ້າອະທິການ ວັດນາແຫກ ນະຄອນປາກເຊ ແຂວງຈຳປາສັກ, ມີ ພັທ ເພັດສະໝອນ ລາດລອງເມືອງ ຮອງຫົວໜ້າຄ້າຍຄຸມຂັງບັງລຽງພາກໃຕ້, ມີກຳລັງວິຊາສະເພາະ ພ້ອມດ້ວຍນັກໂທດພາຍໃນຄ້າຍຂຸມຂັງບັງລຽງພາກໃຕ້ ເຂົ້າຮ່ວມ. ການສຶກສາອົບຮົມໃນຄັ້ງນີ້, ພຣະ ອາຈານ ຄຳພຸດ ແກ້ວວົງຈັນ ໄດ້ເຜີຍແຜ່ສິນລະທຳໃຫ້ນັກໂທດໄດ້ຮັບຮູ້ເຖິງ ບາບ, ບຸນ, ຄຸນ, ໂທດ ແລະ ທຳມະຫຼາຍຢ່າງຈຸດປະສົງ ເພື່ອເຮັດໃຫ້ນັກໂທດພາຍໃນຄ້າຍຄຸມຂັງບັງລຽງພາກໃຕ້ ຮັບຮູ້ ແລະ ເຂົ້າໃຈເຖິງຄວາມໝາຍຄວາມສຳຄັນຂອງການດຳລົງຊີວິດຢູ່ໃນສັງຄົມຮັບຮູ້ເຖິງລະບຽບການຕ່າງໆຂອງບ້ານ […]
ກັກຕົວເປົ້າໝາຍຄ້າຂາຍຢາເສບຕິດ ພ້ອມຂອງກາງ 4.866 ເມັດ ແລະ ເຮໂລອິນ ຈຳນວນໜຶ່ງ
ກອງບັນຊາການ ປກສ ເມືອງຊຽງຄໍ້ ແຂວງຫົວພັນ ກັກຕົວເປົ້າໝາຍຄ້າຂາຍຢາເສບຕິດ. ວັນທີ່ 7 ມີຖຸນາ 2023 ເຈົ້າໜ້າທີ່ກອງບັນຊາການ ປກສເມືອງຊຽງຄໍ້ ແຂວງຫົວພັນ ໄດ້ນຳກຳລັງເຂົ້າຈັບຕົວຄູ່ຜົວ-ເມຍຊື່ ທ້າວ ເລົາຢາງ ແລະ ນ. ວາງລີ ບ້ານກົກໄຊ ເມືອງຊຽງຄໍ້ ແຂວງຫົວພັນ ພົບເຫັນຂອງກາງຢາເສບຕິດປະເພດຢາບ້າ ຈຳນວນທັງໝົດ 4.866 ເມັດ ພ້ອມກັບເຮໂລອີນ 1 ແທງ ໃຫ່ຍ ກັບ 1 ແທ່ງນ້ອຍ, ຝຸ່ນສີຂາວ ແລະ ກ້ອນນ້ອຍ ຈຳນວນໜຶ່ງ, ປືນເເກັບຍິງລູກອັດລົມ 1 ກະບອກ, ເງີນກີບ 7.134.000 ກີບ, ເຈົ້າໜ້າທີ່ ປກສ ເມືອງຊຽງຄໍ້ ຈຶ່ງໄດ້ນຳຕົວຄູ່ຜົວ-ເມຍ ພ້ອມດ້ວຍ ຂອງກາງຈຳນວນດັ່ງກ່າວ ມາສອບສວນ ຂະຫຍາຍຜົນຫາທີ່ໄປທີ່ມາຂອງຢາເສບຕິດຈຳນວນດັ່ງກ່າວ ເພື່ອດຳເນີນຄະດີຕາມລະບຽບກົດໝາຍ.
ດວງລາຍວັນປະຈໍາວັນສຸກ ທີ 09 ມິຖຸນາ 2023
ຄົນເກີດວັນອາທິດ:ການງານຈະເຮັດສິ່ງໃດໃນຊ່ວງນີ້ຈະປະສົບຄວາມສຳເລັດຢູ່ໃນເກນໂຊກດີ ມີອຸປະສັກຕໍ່ການປ່ຽນແປງ ແຕ່ກໍຄຸ້ມຄ່າກັບຄວາມພະຍາຍາມໃນຕອນນີ້ ການເງິນມີຄວາມກັງວົນໃນເລື່ອງຂອງການໃຊ້ເງິນ ແລະການໃຊ້ຈ່າຍ ມີເລື່ອງທີ່ຕ້ອງຈ່າຍອອກໄປຢ່າງວ່ອງໄວ ແຕ່ກໍຈະຫາເຂົ້າມາໄດ້ເພິ່ມເຕິມ ຄວາມຮັກໂດດເດັ່ນໄດ້ພົບຄົນຜິວຂາວ ກ່ຽວຂ້ອງກັບການງານທີ່ຈະນຳພາມໃຫ້ໄດ້ກັນ ໃນຊ່ວງນີ້ມີໂອກາດພົບຄົົນທີ່ຖືກໃຈ ເຄື່ອງມຸງຄຸນ ຫີນນໍາໂຊກສີແດງ ສີມຸງຄຸນ ສີດໍາ ເລກນຳໂຊກ2 9 ຄົນເກີດວັນຈັນ:ການງານຈະປະສົບຄວາມສຳເລັດດີຂຶ້ນ ແຕ່ຕ້ອງມີການໃຊ້ເງິນທຶນອອກໄປ ຈຶ່ງຄວນວາງແຜນໃຫ້ຮອບຄອບຫລາຍໆ ຈຶ່ງຈະກໍ່ໃຫ້ເກີດຄວາມສຳເລັດ ການເງິນຈະມີອຸປະສັກເຮັດໃຫ້ຮູ້ສຶກເມືອຍ ເພາະເປັນຊ່ວງທີ່ທ່ານໄດ້ໃຊ້ເງິນ ຄວາມຮັກມີໂອກາດພົບຄູ່ ພົບຄົົນທີ່ຖືກໃຈທີ່ຈະມີເຂົ້າມາໃນຊ່ວງນີ້ ແຕ່ກໍຕ້ອງລະວັງອາລົມໃຈຮ້ອນເຮັດໃຫ້ເກີດຄວາມຂັດແຍ້ງ ຈຶ່ງຕ້ອງປັບຕົວເຂົ້າຫາກັນຄ່ອນຂ້າງຫລາຍ ເຄື່ອງມຸງຄຸນ ເງິນ ສີມຸງຄຸນສີຂາວ ເລກນຳໂຊກ6 ຄົນເກີດວັນອັງຄານ:ການງານຊ່ວງນີ້ຈະປະສົບໂຊກດີ ແລະຄວາມສຳເລັດ ແຕ່ທ່ານຕ້ອງລະວັງຄວາມໃຈຮ້ອນ ເຮັດສິ່ງຕ່າງ ໆ ດ້ວຍຄວາມຮອບຄອບຈະດີທີ່ສຸດ ການເງິນທ່ານຈະໄດ້ເຄື່ອງໃໝ່ໆ ທີ່ຕ້ອງໃຊ້ເງິນຊື້ຫາເຂົ້າມາໃນຊ່ວງນີ້ກໍເປັນໄປໄດ້ ຄວາມຮັກລະວັງຄວາມໃຈຮ້ອນລະຫວ່າງກັນໃນການຂັດແຍ້ງຈະສົ່ງຜົນຕໍ່ຄວາມສຳພັນ ຕ້ອງໃຊ້ຄວາມໃຈເຢັນ ແລະມີເຫດຜົນຫລາຍໆ ຈະເຮັດໃຫ້ຄວາມສຳພັນລະຫວ່າງກັນດີຂຶ້ນໄດ້ ເຄື່ອງມຸງຄຸນ ຫີນນໍາໂຊກສີທອງ ສີມຸງຄຸນສີີສົ້ມ ເລກນຳໂຊກ 2 ຄົນເກີດວັນພຸດ:ການງານຊ່ວງນີ້ໄດ້ປະລິມານງານຫລາຍຂຶ້ນ ເພາະສາມາດໃຊ້ຄວາມສາມາດໃນການເຮັດວຽກງານໄດ້ຢ່າງເຕັມທີ່ ການເງິນຈະສັງເກດໄດ້ວ່າດວງດ້ານການເງິນດີຂຶ້ນກວ່າແຕ່ກ່ອນເປັນຢ່າງຫລາຍ ໃນຊ່ວງນີ້ຈະມີໂຊກເຂົ້າມາຢ່າງຕໍ່ເນື່ອງ ຄວາມຮັກຊ່ວງນີ້ຄວນໃຊ້ຄຳເວົ້າ ແລະ ຄວາມເຊື່ອໃຈໃນການເບິ່ງແຍງເອົາໃຈໃສ່ ຈະສົ່ງຜົນຕໍ່ຄວາມສຳພັນທີ່ດີຂຶ້ນເປັນຢ່າງຫລາຍ ເຄື່ອງມຸງຄຸນ […]
ຢຶດຊິ້ນສ່ວນສັດທີ່ຫ້າມນຳເຂົ້າ 15 ກິໂລກຣາມ ພ້ອມເຮັດບົດບັນທຶກກ່າວເຕືອນ
ວັນທີ 6 ມິຖຸນາ 2023 ຜ່ານມາ, ຫ້ອງການກະສິກຳ ແລະ ປ່າໄມ້ ເມືອງປາກຊັນ ນຳໂດຍ ທ່ານ ວັນທະນາ ເຫດມາວັນ ຮອງໜ່ວຍງານລ້ຽງສັດ ແລະ ປະມົງ ພ້ອມພາກສ່ວນກ່ຽວຂ້ອງ ໄດ້ລົງຕິດຕາມກວດກາ ສິນຄ້າປະເພດອາຫານທະເລທີ່ມີສານເຈືອປົນ, ຊິ້ນສ່ວນສັດທີ່ຫ້າມນຳເຂົ້າເຊັ່ນ:ໜູ, ງົວ, ຄວາຍ ທີ່ບໍ່ມີໃບອະນຸຍາດເຄື່ອນຍ້າຍ, ດັ່ງນັ້ນ ເຈົ້າໜ້າທີ່ພາກສ່ວນກ່ຽວຂ້ອງ ຈຶ່ງໄດ້ສົບ ທົບ ລົງກວດກາຕາມຮ້ານຂາຍສິນຄ້າບໍລິໂພກປະເພດຊິ້ນສ່ວນສັດ ,ອາຫານທະເລ ທີ່ບັນດາ ແມ່ຄ້າຊາວຂາຍໄດ້ນຳ ເຂົ້າມາຈຳ ໜ່າຍ ແລະ ຂາຍຢູ່ຕາມຮ້ານ, ຕະຫຼາດປາກຊັນ. ເຊິ່ງການກວດກາຄັ້ງນີ້ສາມາດພົບເຫັນຊິ້ນສ່ວນຂອງສັດປະເພດຫ້າມນຳເຂົ້າ ເປັນຕົ້ນ ຊີ້ນຄວາຍ ຈຳນວນ 5 ກິໂລ ແລະ ໜູບົດ 10 ກິໂລ, ພ້ອມກວດກາຫາສານຟໍມາລິນໃນອາຫານທະເລປະເພດກຸ້ງ, ປາມຶກ ແລະ ອື່ນໆ ແມ່ນບໍ່ມີສານຕົກຄ້າງ, ດັ່ງນັ້ນເຈົ້າທີ່ຈຶ່ງໄດ້ຢຶດເອົາຊິ້ນສ່ວນສັດເພື່ອມາທຳລາຍ ແລ້ວເຮັດບົດບັນທຶກກ່າວເຕືອນ ຖ້າມີອີກຄັັ້ງທີສອງ ຈະໄດ້ປັບໃໜຕາມລະບຽບການທີ່ […]
ແຈ້ງການ ໃຫ້ຢຸດຕິການບໍລິການຊົ່ວຄາວ ຮ້ານບັນເທີງ, ຮ້ານກິນດື່ມ, ຮ້ານຄາລາໂອເກະ, ຮ້ານເກມ ແລະ ໂຕະສະນຸກເກີ ທົ່ວເມືອງປາກຊັນ
ອີງຕາມ ແຈ້ງການຂອງພະແນກສຶກສາທິການ ແລະ ກິລາແຂວງບໍລິຄໍາໄຊ ສະບັບເລກທີ 506/ສກຂ, ລົງວັນທີ 25 ພຶດສະພາ 2023 ວ່າດ້ວຍການສອບເສັງຈົບຊັ້ນສາມັນສຶກສາ ມ.4 ແລະ ມ.7 ສົກຮຽນ 2022-2023; ອີງຕາມ ຫນັງສືສະເຫນີຂອງຫ້ອງການສຶກສາທິການ ແລະ ກິລາເມືອງ ສະບັບເລກທີ 280/ສກມ, ລົງວັນທີ 07 ມິຖຸນາ 2023. ຫ້ອງວ່າການເມືອງ ຂໍຖືເປັນກຽດ ອອກແຈ້ງການ ດັ່ງນີ້: 1. ໃຫ້ບັນດາຜູ້ປະກອບການ, ຮ້ານບັນເທີງ, ຮ້ານກິນດື່ມ, ຮ້ານຄາລາໂອເກະ, ຮ້ານເກມ ແລະ ໂຕະສະນຸກເກີ ທົ່ວເມືອງປາກຊັນ ຢຸດຕິການບໍລິການຊົ່ວຄາວ ໃນຊ່ວງສອບເສັງຈົບຊັ້ນມັດທະຍົມຕອນຕົ້ນ ( ມ.4 ) ວັນທີ 14-16 ມິຖຸນາ 2023 ແລະ ຕອນປາຍ ( ມ.7 ) ວັນທີ 21-23 […]
ເກີດເຫດຟ້າຜ່າຄົນເສຍຊີວິດ ຢູ່ບ້ານ ບ້ານກອນແກ່ນ ເມືອງໄຊ ແຂວງອຸດົມໄຊ
ອີງຕາມການລາຍງານ ຂອງ ໜ່ວຍກູ້ໄພສຸກເສີນ ອົງການກາແດງ ແຂວງອຸດົມໄຊ ລາຍງານ ໃຫ້ຮູ້ວ່າ ໃນວັນທີ 7 ມິຖຸນາ ປີ 2023 ເວລາ16:35ນາທີ ໄດ້ຮັບແຈ້ງວ່າມີຜູ້ບາດເຈັບຈາກເຫດຟ້າຜ່າ 02ຄົນ ຄັ້ງແລ້ວນີ້ ໃນເວລາຕໍ່ມາແມ່ນໄດ້ຮັບແຈ້ງເພີ່ມຕື່ມວ່າມີຜູ້ເສຍຊີວິດ 01 ຄົນ ຈາກເຫດການດັ່ງກ່າວ. ຈຸດເກີດເຫດ ແມ່ນຢູ່ບ້ານ ບ້ານກອນແກ່ນ ເມືອງໄຊ ແຂວງອຸດົມໄຊ, ຂໍ້ມູນຜູ້ເສຍຊີວິດ ແມ່ນເພດ ຍິງ ອາຍຸ 38 ປີ. ຈາກການບອກເລົ່າ ຂອງຜູ້ເປັນຜົວ ຂອງຜູ້ເສຍຊີວິດເລົ່າວ່າ: ໃນຕອນແລງປະມານ15:00 ນາທີ ຂອງວັນທີ 7 ມິຖຸນາ 2023 ນີ້ທັງ3ຄົນແມ່ນໄດ້ໄປໄຮ່ຕາມປົກກະຕິ ແລ້ວເກີດມີຝົນຕົກຈຶ່ງໄດ້ພາກັນເຂົ້າໄປລົບຝົນຢູ່ທີ່ຖຽງໄຮ່ດັ່ງກ່າວ ເວລາຕໍ່ມາຈຶ່ງເກີດມີຟ້າຜ່າລົງກາງຖຽງ ເຮັດໃຫ້ຜູ້ເປັນເມຍເສຍຊີວິດລົງ.
ເຈົ້າໜ້າທີ່ພາສີນະຄອນຫລວງວຽງຈັນ ຢຶດລົດບໍ່ເສຍພາສີ 2 ຄັນ ມາດຳເນີນຄະດີຕາມລະບຽບກົດໝາຍ
ວັນທີ 7 ມິຖຸນາ 2023 ຜ່ານມາ, ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ); ຂະແໜງສືບສວນ-ສອບສວນ, ໄດ້ປະຕິບັດຕາມສາຍຂ່າວເຊິ່ງສາມາດຈັບກຸມລົດບໍ່ໄດ້ເສຍພາສີໄດ້ຈຳນວນ 2 ຄັນ,ມາດຳເນີນຄະດີຕາມລະບຽບກົດໝາຍຢ່າງເຂັ້ມງວດ. ສໍາລັບການເຄື່ອນໄຫວຂອງເຈົ້າໜ້າທີ່ພາສີ ປະຈໍາຂະແໜງສືບສວນ-ສອບສວນໃນຄັ້ງນີ້, ສາມາດຢຶດລົດໄດ້ ຈໍານວນ 2 ຄັນ, ປະກອບມີ: ລົດກະບະໂຕໂຢຕາ, ແຄບ ຈໍານວນ 1 ຄັນ, ລົດກະບະ 2 ປະຕູ 1 ຄັນ, ສາມາດຈັບໄດ້ຢູ່ເຂດບ້ານອາມອນ, ເມືອງໄຊເສດຖາ, ນະຄອນຫຼວງວຽງຈັນ, ໂດຍຜ່ານການກວດກາເບື້ອງຕົ້ນເຫັນວ່າເປັນລົດນຳເຂົ້າຍັງບໍ່ໄດ້ເສຍພາສີ ແລະ ພັນທະອື່ນໆ. ສະນັ້ນ, ເຈົ້າໜ້າທີ່ພາສີໄດ້ຢຶດລົດຈໍານວນດັ່ງກ່າວມາຮັກສາໄວ້ທີ່ພະແນກ ພສປ ທີ່ບ້ານໜອງບອນ ເມືອງໄຊເສດຖາ ນະຄອນຫຼວງວຽງຈັນ, ເພື່ອດຳເນີນການຕາມຂັ້ນຕອນຂອງກົດໝາຍ ແລະ ລະບຽບການຕໍ່ໄປ. ທີ່ມາ: ກະຊວງການເງິນ
ດວງລາຍວັນປະຈໍາວັນພະຫັດ ທີ 08 ມິຖຸນາ 2023
ຄົນເກີດວັນອາທິດ ການງານຈະພົບຮຸ້ນສ່ວນທີ່ດີຮ່ວມຮຸ້ນທາງທຸລະກິດເຂົ້າມາຮ່ວມວຽກງານນໍາ ການເງິນຈະໄດ້ເງິນກ້ອນໃຫຍ່ຈາກການເຮັດທຸລະກິດ ຄວາມຮັກເກີດຄວາມຮູ້ສຶກເຄັ່ງຄຽດເລື່ອງຄວາມສຳພັນ ຕ້ອງລະວັງຄໍາເວົ້າ ເຄື່ອງມຸງຄຸນເງິນ ສີມຸງຄຸນສີດໍາ ເລກນຳໂຊກ5 ຄົນເກີດວັນຈັນ:ການງານຈະພົບການຍົກຍ້າຍການປ່ຽນແປງໄດ້ວຽກງານທີ່ໃໝ່ ການເງິນໄລຍະນີ້ໃຊ້ຄວາມປະຢັດເອົາໄວ້ກ່ອນຈະເປັນການດີ ຄວາມຮັກພົບຄົົນທີ່ມີອາຍຸຕ່າງກັນທ່ານ ແຕ່ລາວຈະນຳຄວາມສຸກມາສູ່ທ່ານ ເຄື່ອງມຸງຄຸນ ແຫວນຄໍາ ສີມຸງຄຸນສີສົ້ມ ເລກນຳໂຊກ1 ຄົນເກີດວັນອັງຄານ:ການງານມີຂ່າວດີອາດໄດ້ເລື່ອນຂັ້ນເລື່ອນຕຳແໜ່ງຂອງວຽກງານທີ່ທ່ານໄດ້ຮັບຜິດຊອບ ການເງິນທ່ານຈະເສຍເງິນຊື້ເຟີນິເຈີໃໝ່ເຂົ້າມາເຮັດໃຫ້ທ່ານອາດມີລາຍຈ່າຍເພີ່ມຂື້ນ ຄວາມຮັກເກີດບັນຫາດ້ານຄວາມສຳພັນ ເພາະທ່ານທັງສອງບໍ່ມີເວລາໃຫ້ກັນເລີຍ ເຄື່ອງມຸງຄຸນໄຂ່ມຸກ ສີມຸງຄຸນສີຂາວ ເລກນຳໂຊກ1 ຄົນເກີດວັນພຸດ:ການງານການເລີ່ມຕົ້ນທຸລະກິດໃໝ່ອາດເກີດການຜິດພາດ ການເງິນມີຂ່າວດີດ້ານການເງິນ ແຕ່ກໍຈະມີການຈັບຈ່າຍສິ່ງຂອງທີ່ຍັງບໍ່ຈຳເປັນ ຄວາມຮັກຈະພົບຮັກກັບຄົົນທີ່ມີນິໄສດີອາດເປັນຄົນທີ່ທ່ານເອງກໍຮູ້ດີ ເຄື່ອງມຸງຄຸນແຫວນຄໍາ ສີມຸງຄຸນສີນໍ້າຕານ ເລກນຳໂຊກ3 ຄົນເກີດວັນພະຫັດ:ການງານລະວັງການເຮັດທຸລະກິດຜິດພາດເຮັດໃຫ້ຂາດທຶນ ການເງິນເດິນທາງໄກແລ້ວຈະໄດ້ເງິນກ້ອນໃຫຍ່ເຂົ້າມາຊ່ວຍເຫຼືອທ່ານ ຄວາມຮັກພົບຮັກທີ່ດີມີຄວາມສຸກແຕ່ໄລຍະນີ້ຄົນຮັກບໍ່ມີເວລາໃຫ້ທ່ານເລີຍ ເຄື່ອງມຸງຄຸນເງິນ ສີມຸງຄຸນສີບົວ ເລກນຳໂຊກ1 ຄົນເກີດວັນສຸກ:ການງານລະວັງການເກີດບັນຫາຂັດແຍ້ງກັບຮຸ້ນສ່ວນໃນບ່ອນເຮັດວຽກ ການເງິນທ່ານຈະເສຍເງິນສ້ອມແປງບ້ານຂອງທ່ານທີ່ເກີດການເສຍຫາຍ ຄວາມຮັກເກີດຄວາມສຸກໃນຊີວິດຮັກ ເພາະຄົນຮັກກໍາລັງເອົາໃຈທ່ານຫຼາຍກວ່າປົກກະຕິໃນໄລຍະນີ້ ເຄື່ອງມຸງຄຸນ ໄຂ່ມຸກ ສີມຸງຄຸນສີນໍ້າຕານ ເລກນຳໂຊກ1 ຄົນເກີດວັນເສົາ:ການງານພົບວິທີການເຮັດທຸລະກິດໂດຍການລົງທຶນນ້ອຍແຕ່ໄດ້ກຳໄລງາມ ການເງິນພົບເຫດການທີ່ຕ້ອງຈ່າຍເງິນກ້ອນໃຫຍ່ອອກໄປຫຼາຍກວ່າທີ່ຜ່ານມາ ຄວາມຮັກປະຕິເສດໃນເລື່ອງຮັກ ເພາະເປັນໄລຍະທີ່ທ່ານຄິດແຕ່ເລື່ອງການງານຫຼາຍກວ່າເລື່ອງອື່ນ ເຄື່ອງມຸງຄຸນຄໍາຝຣັ່ງ ສີມຸງຄຸນສີສົ້ມ ເລກນຳໂຊກ4
ແຈ້ງຫາເຈົ້າຂອງລົດຈັກ 18 ຄັນ ທີ່ກັກໄວ້ໃຫ້ເຂົ້າພົວພັນເສຍພາສີ ຖ້າກາຍກຳນົດຈະຢຶດໄວ້
ວັນທີ 6 ມິຖຸນາ 2023 ຜ່ານມາ, ກອງບັນຊາການ ປກສ ເມືອງ ບໍລິຄັນ ແຂວງບໍລິຄຳໄຊ ໄດ້ກັກລົດຈັກຈໍານວນ 18 ຄັນ, ລົດທີ່ມີເອກະສານຖືກຕ້ອງມີເຈົ້າຂອງ ທີ່ ຖືກຄົນຮ້າຍລັກໄປຈໍານວນ 6 ຄັນ ແລະ ລົດຈັກທີ່ບໍ່ມີເອກະສານ ຫຼື ນໍາເຂົ້າບໍ່ຖືກຕ້ອງຈໍານວນ 12 ຄັນ ລາຍລະອຽດ ດັ່ງນີ້: ລົດຈັກມີເອກະສານຄົບຖ້ວນແຕ່ຖືກຄົນຮ້າຍລັກໄປຈໍານວນ 6 ຄັນ ແມ່ນໃຫ້ເອົາເອກະສານມາຢັ້ງຢືນເອົາຄື: ປະເພດ ລົດຈັກ ຍີ່ຫໍ້ HONDA ລຸນເວບ 100, ສີແດງດໍາ, ເລກຈັກ NF100E8165297, ເລກຖັງ NF1008165297 ເລກທະບຽນ ຈຜ 9051 ເອກະຊົນລາວ ອອກຊື່ ນາງ ສຸກສາຄອນ ບ້ານ ລາດສະວົງ ເມືອງ ໄກສອນ ແຂວງ ສະຫັວນນະເຂດ ປະເພດ […]
ເຈົ້່າໜ້າທີ່ພາສີ ແຂວງຫລວງນ້ຳທາ ຢຶດລົດບັນທຸກ 12 ລໍ້ ທີ່ລັກລອບນຳເຂົ້າບໍ່ຖືກຕ້ອງ
ອາທິດຜ່ານມາ, ເຈົ້າໜ້າທີ່ພາສີພະແນກສືບ-ສອບສວນ ແລະ ປາບປາມກາລັກລອບໜີພາສີ (ພສປ) ປະຈໍາຈຸດປະສານງານນາເຕີຍ, ໄດ້ປະສານສົມທົບກັບເຈົ້າໜ້າທີ່ພາສີ ປະຈໍາດ່ານພາສີສາກົນບໍ່ເຕັນ ແຂວງຫຼວງນໍ້າທາ, ໄດ້ອອກເຄື່ອນໄຫວຕິດຕາມ ແລະ ກວດກາຕາມແຫຼ່ງຂ່າວລາຍງານວ່າມີລົດບັນທຸກ 12ລໍ້, ສີແດງ, ຍີ່ຫໍ້: HOWO ບໍ່ຕິດປ້າຍທະບຽນ, ຈອດຢູ່ໃນບໍລິເວນເຂດເສດຖະກິດບໍ່ເຕັນແດນງາມ. ດັ່ງນັ້ນ, ເຈົ້າໜ້າພາສີ ໄດ້ເຄື່ອນໄຫວຕິດຕາມພົບເຫັນເປົ້າໝາຍໃນເຂດດັ່ງກ່າວ, ໂດຍຜ່ານການກວດກາເບື້ອງຕົ້ນເຫັນວ່າ: ເປັນລົດມືສອງລັກລອບນຳເຂົ້າບໍ່ມີເອກະສານອະນຸຍາດນຳເຂົ້າເສຍພາສີ-ອາກອນ ແລະ ພັນທະອື່ນໆ. ສະນັ້ນ, ເຈົ້າໜ້າທີ່ພາສີ, ໄດ້ຢຶດລົດຄັນດັ່ງກ່າວ ແລະ ມາມອບໃຫ້ພາສີ ປະຈຳແຂວງຫຼວງນໍ້າທາ, ເພື່ອດຳເນີນຄະດີຕາມຂັ້ນຕອນຂອງກົດໝາຍ ແລະ ລະບຽບການຕໍ່ໄປ. ເຈົ້າໜ້າທີ່ພາສີ ພະແນກສືບສວນ-ສອບສວນ ເເລະ ປາບປາມການລັກລອບໜີພາສີ ຫຼື ພສປ ເປັນພະແນກໜຶ່ງຂຶ້ນກັບກົມພາສີ ກະຊວງການເງິນ, ເຊິ່ງປະກອບດ້ວຍ 3 ຂະແໜງ ແລະ 14 ຈຸດປະສານງານໃນຂອບເຂດທົ່ວປະເທດ, ໂດຍເຄື່ອນໄຫວວຽກງານວິຊາສະເພາະຕາມພາລະບົດບາດ, ສິດ, ໜ້າທີ່ຢ່າງເຂັ້ມງວດ.