ວັນທີ 6 ມິຖຸນາ 2023, ຄ້າຍຄຸມຂັງບັງລຽງພາກໃຕ້ ແຂວງຈໍາປາສັກ ໄດ້ສຶກສາອົບ ຮົມນັກໂທດ ປະຈຳໄຕມາດ II ປະຈຳປີ 2023 ໃນຫົວຂໍ້: ບາບ, ບຸນ, ຄຸນ, ໂທດ, ເຂົ້າ ຮ່ວມ ແລະ ສຶກສາອົບຮົມ ໂດຍພຣະອາຈານ ຄຳພຸດ ແກ້ວວົງຈັນ ຮອງຫົວໜ້າກຳ ມະທິການເຜີຍແຜ່ສິນ ລະທຳນະຄອນປາກເຊ ເຈົ້າອະທິການ ວັດນາແຫກ ນະຄອນປາກເຊ ແຂວງຈຳປາສັກ, ມີ ພັທ ເພັດສະໝອນ ລາດລອງເມືອງ ຮອງຫົວໜ້າຄ້າຍຄຸມຂັງບັງລຽງພາກໃຕ້, ມີກຳລັງວິຊາສະເພາະ ພ້ອມດ້ວຍນັກໂທດພາຍໃນຄ້າຍຂຸມຂັງບັງລຽງພາກໃຕ້ ເຂົ້າຮ່ວມ.

ການສຶກສາອົບຮົມໃນຄັ້ງນີ້, ພຣະ ອາຈານ ຄຳພຸດ ແກ້ວວົງຈັນ ໄດ້ເຜີຍແຜ່ສິນລະທຳໃຫ້ນັກໂທດໄດ້ຮັບຮູ້ເຖິງ ບາບ, ບຸນ, ຄຸນ, ໂທດ ແລະ ທຳມະຫຼາຍຢ່າງຈຸດປະສົງ ເພື່ອເຮັດໃຫ້ນັກໂທດພາຍໃນຄ້າຍຄຸມຂັງບັງລຽງພາກໃຕ້ ຮັບຮູ້ ແລະ ເຂົ້າໃຈເຖິງຄວາມໝາຍຄວາມສຳຄັນຂອງການດຳລົງຊີວິດຢູ່ໃນສັງຄົມຮັບຮູ້ເຖິງລະບຽບການຕ່າງໆຂອງບ້ານ ເມືອງ ແລະ ມີຄວາມຕັ້ງໜ້າຝຶກຝົນຫຼໍ່ຫຼອມດັດສ້າງຕົນເອງໃຫ້ກາຍເປັນຄົນດີຂອງສັງຄົມ ເພື່ອປະຕິບັດຕາມນະໂຍບາຍຂອງພັກ-ລັດ ອັນຖືກຕ້ອງ ແລະ ສອດຄ່ອງ ແລະ ມີມະນຸດສະທຳ.

ພ້ອມນີ້, ກໍເປັນການກະຕຸກຊຸກຍູ້ທາງດ້ານຈິດໃຈໃຫ້ແກ່ນັກໂທດ ເປັນການຊ່ວຍ ເຫຼືອແກ້ໄຂທາງດ້ານແນວຄິດໃຫ້ເຂົາເຈົ້າຕັ້ງໜ້າຝຶກຝົນຫຼ່ໍຫຼອມຕົນເອງປ່ຽນແປງທັດສະນະແນວຄິດ, ຮູ້ສຶກກິນແໜງແຄງໃຈໃນການກະທຳອັນບໍ່ຖືກຕ້ອງຂອງຕົນ ເອງໃນໄລຍະຜ່ານມາ ແລະ ໃຫ້ເຂົາເຈົ້າ ຮູ້ໄດ້ ແລະ ຈຳແນກສິ່ງທີ່ຜິດ ແລະ ຖືກຮັບຮູ້ໄດ້ເຖິງແນວທາງນະໂຍບາຍຂອງພັກ-ລັດ, ສິດ ແລະ ພັນທະຂອງພົນລະເມືອງລາວ ເຂົ້າໃຈຕໍ່ບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມ, ປ່ຽນແປງແນວຄິດ ແລະ ພຶດຕິກຳຂອງຕົນ ເຮັດໃຫ້ຕົນເອງກາຍເປັນພົນລະເມືອງດີຂອງສັງຄົມ.

ທີ່ມາ ຄວາມສະຫງົບ Lao Security News

ສະແດງຄຳຄິດເຫັນ