ວິທີຊັກເຄື່ອງໃຫ້ຫອມຕິດທົນ ໝົດບັນຫາຜ້າເໝັນອັບໃນຊ່ວງລະດູຝົນ
ວິທີຊັກເຄື່ອງໃຫ້ຫອມຕິດທົນ ບໍ່ມີກິ່ນອັບ ໃນຊ່ວງລະດູຝົນ ຊ່ວງໜ້າຝົນມັກຈະພົບບັນຫາຊັກເຄື່ອງແລ້ວບໍ່ຫອມ ບໍ່ສົດຊື່ນ ຖ້າມຍັງມີກິ່ນອັບຈາກຄວາມຊື້ນແລະອາກາດທີ່ບໍ່ຖ່າຍເທ ແຕ່ເລື່ອງເຫລົ່ານີ້ສາມາດປ້ອງກັນໄດ້ດ້ວຍເທັກນິກງ່າຍໆ ທີ່ຊ່ວຍໃຫ້ຜ້າສະອາດແລະຫອມສົດຊື່ນຕະຫຼອດເວລາ ວິທີຊັກເຄື່ອງໃຫ້ຫອມຕິດທົນບໍ່ມີກິ່ນອັບ ຢ່າຖິ້ມຜ້າປຽກໄວ້ໃນກະຕ່າ ການຖິ້ມຜ້າປຽກໄວ້ໃນກະຕ່າຈະເຮັດໃຫ້ເກີດຄວາມຊື້ນ ຊຶ່ງເປັນສະພາບແວດລ້ອມທີ່ເຫມາະສົມຕໍ່ການຈະເລີນເຕີບໂຕຂອງເຊື້ອຣາ ແລະ ແບັກທີເຣຍ໌ ສົ່ງຜົນໃຫ້ເກີດກິ່ນອັບ ຜຶ່ງໃຫ້ແຫ້ງຈະຊ່ວຍຫຼຸດບັນຫານີ້ໄດ້ ຊັກເຄື່ອງໃນປະລິມານທີ່ພໍດີ ການໃສ່ຜ້າໃນເຄື່ອງຊັກຜ້າຫຼາຍເກີນໄປ ອາດເຮັດໃຫ້ນ້ຳຢາຊັກຜ້າບໍ່ສາມາດກະຈາຍຕົວໄດ້ທົ່ວເຖິງ ສົ່ງຜົນໃຫ້ຜ້າບໍ່ສະອາດເທົ່າທີ່ຄວນ ແລະ ອາດມີກິ່ນອັບ ໃຊ້ນ້ຳຢາຊັກຜ້າ ຫຼື ຜົງຊັກຟອກສູດຫຼຸດກິ່ນອັບ ນ້ຳຢາຊັກຜ້າບາງສູດມີສ່ວນປະສົມທີ່ຊ່ວຍຍັບຍັ້ງເຊື້ອຣາ ແລະ ແບັກທີເຣຍ໌ ຊຶ່ງຊ່ວຍຫຼຸດກິ່ນອັບໄດ້ຢ່າງມີປະສິດທິຜົນ ໃສ່ຜ້າຂົນຫນູແຫ້ງໃນເຄື່ອງຊັກຜ້າຂະນະປັ່ນໝາດ ຜ້າຂົນຫນູແຫ້ງສາມາດຊ່ວຍດູດຊັບຄວາມຊື້ນສ່ວນເກີນໃນລະຫວ່າງການປັ່ນໝາດ ຊຶ່ງອາດຊ່ວຍໃຫ້ຜ້າແຫ້ງໄວຂຶ້ນເມື່ອນຳໄປຕາກ ເຖິງຢ່າງໃດກໍຕາມ ປະສິດທິຜົນອາດຂຶ້ນຢູ່ກັບປະລິມານຜ້າ ແລະ ຮອບປັ່ນຂອງເຄື່ອງ ຟ້າວຕາກເຄື່ອງໃນບ່ອນທີ່ອາກາດຖ່າຍເທດີ ການຕາກເຄື່ອງໃນບ່ອນທີ່ມີອາກາດຖ່າຍເທດີ ຈະຊ່ວຍໃຫ້ຜ້າແຫ້ງໄວຂຶ້ນ ແລະ ຫຼຸດໂອກາດເກີດກິ່ນອັບ ສະບັດກ່ອນຕາກ ການສະບັດຜ້າຈະຊ່ວຍຄາຍຮອຍຢັບ ແລະ ປ້ອງກັນການກະຈຸກຕົວຂອງຜ້າ ເຮັດໃຫ້ຜ້າແຫ້ງໄວຂຶ້ນ […]
ກອງປະຊຸມໃຫຍ່ຜູ້ແທນອົງຄະນະພັກແຂວງຊຽງຂວາງ ຄັ້ງທີ IX ໄດ້ໄຂຂຶ້ນຢ່າງເປັນທາງການ
ໃນວັນທີ 28 ສິງຫາ 2025 ນີ້, ຢູ່ສະໂມສອນນໍ້າກຶນ, ເມືອງແປກ, ແຂວງຊຽງຂວາງ ໄດ້ດໍາເນີນກອງປະຊຸມໃຫຍ່ຜູ້ແທນ ອົງຄະນະພັກແຂວງຊຽງຂວາງ ຄັ້ງທີ IX ພາຍໃຕ້ການເປັນປະທານຂອງສະຫາຍ ບຸນຈັນ ສີວົງພັນ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆຊຽງຂວາງ ໂດຍການເຂົ້າຮ່ວມຂອງສະຫາຍ ກິແກ້ວ ໄຂຄຳພິທູນ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນຳວຽກງານຮອບດ້ານແຂວງຊຽງຂວາງ, ມີສະຫາຍ ນາງ ບຸດສະດີ ທະນະເມືອງ ກຳມະການສູນກາງພັກ ຮອງຫົວໜ້າຄະນະຈັດຕັ້ງສູນກາງພັກ, ບັນດາສະຫາຍ ຮອງເລຂາພັກແຂວງ, ຄະນະປະຈຳພັກແຂວງ, ບັນດາສະຫາຍການນໍາ ຜູ້ຕາງໜ້າຈາກແຂວງອ້ອມຂ້າງ ຕະຫຼອດຮອດ ພະນັກງານປະຕິວັດອາວຸໂສບໍານານ, ບັນດາສະຫາຍຜູ້ແທນສົມບູນ ຈໍານວນ 260 ສະຫາຍ, ຍິງ 36 ສະຫາຍ ເຊິ່ງເປັນຕົວແທນ ແລະ ຕາງໜ້າໃຫ້ແກ່ສະມາຊິກພັກຈໍານວນ 19,995 ສະຫາຍ, ຍິງ 6,065 ສະຫາຍ ໃນທົ່ວແຂວງຊຽງຂວາງ ແລະ ບັນດາແຂກຖືກເຊີນ […]
ບໍລິສັດ ທາງລົດໄຟລາວ-ຈີນ ຈໍາກັດ ມອບເງິນຊ່ວຍເຫຼືອ ໃຫ້ແກ່ຄະນະກຳມະການຄຸ້ມຄອງໄພພິບັດຂັ້ນສູນກາງ ເພື່ອປະກອບສ່ວນແກ້ໄຂຜົນກະທົບຈາກໄພພິບັດ
ບໍລິສັດ ທາງລົດໄຟລາວ-ຈີນ ຈໍາກັດ ມອບເງິນຊ່ວຍເຫຼືອໃຫ້ແກ່ ຄະນະກຳມະການຄຸ້ມຄອງໄພພິບັດຂັ້ນສູນກາງ ເພື່ອປະກອບສ່ວນແກ້ໄຂຜົນກະທົບຈາກໄພພິບັດ ໃນວັນທີ 28 ສິງຫາ 2025 ທີ່ຫ້ອງການກະຊວງແຮງງານ ແລະ ສະຫວັດດີການສັງຄົມ, ບໍລິສັດ ທາງລົດໄຟລາວ-ຈີນ ຈຳກັດ ໄດ້ມອບເງິນຊ່ວຍເຫຼືອ ຈຳນວນ 135,446,000 ກີບ ໃຫ້ຄະນະກຳມະການຄຸ້ມຄອງໄພພິບັດຂັ້ນສູນກາງ ເພື່ອນຳໄປປະກອບສ່ວນເຂົ້າໃນການແກ້ໄຂຜົນກະທົບຈາກໄພພິບັດທາງທໍາມະຊາດທີ່ເກີດຂຶ້ນໃນປີ 2025, ຕາງໜ້າມອບໂດຍທ່ານ ຫຼິວຫົງ ຜູ້ອຳນວຍການໃຫຍ່ ບໍລິສັດ ທາງລົດໄຟລາວ-ຈີນ ແລະ ເປັນກຽດຮັບໂດຍ ທ່ານ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ຮອງປະທານຄະນະກຳມະການຄຸ້ມຄອງໄພພິບັດຂັ້ນສູນກາງ. ໂອກາດນີ້, ທ່ານ ໂພໄຊ ໄຊຍະສອນ ໄດ້ສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ການຊ່ວຍເຫຼືອຈາກ ບໍລິສັດ ທາງລົດໄຟລາວ-ຈີນ ຈໍາກັດ ພ້ອມກ່າວວ່າ: ຫຼາຍປີມໍ່ໆມານີ້ ສປປ ລາວ […]
ເມື່ອລັດພະຍາຍາມເຮັດໃຫ້ປະຊາຊົນ Offline: ກົດລະບຽບຄວບຄຸມເວລາໃຊ້ສະມາດໂຟນໃນຍີ່ປຸ່ນ ມີຄວາມຫວັງດີ ຫຼື ເປັນການແຊກແຊງ?
ຂ່າວນ້ອຍໆຈາກເມືອງໂທໂຢອາເກະ (Toyoake) ໃນແຂວງໄອຈິ ປະເທດຍີ່ປຸ່ນ ທີ່ສະເໜີຮ່າງກົດໝາຍທ້ອງຖິ່ນ (ກົດໝາຍຫຼືຂໍ້ກຳນົດທີ່ໃຊ້ໃນພື້ນທີ່) ແນະນຳໃຫ້ປະຊາຊົນຈຳກັດເວລາການໃຊ້ສະມາດໂຟນເຫຼືອພຽງ 2 ຊົ່ວໂມງຕໍ່ມື້ ບໍ່ລວມເຂົ້າກັບການໃຊ້ເພື່ອເຮັດວຽກແລະຮຽນຫນັງສື. ກົດຂໍ້ນີ້ ຖ້າອ່ານຜິວເຜິນ ອາດໃຫ້ຄວາມຮູ້ສຶກຄືກັບພໍ່ແມ່ທີ່ຫ້າມລູກຫຼິ້ນມືຖື ເຊິ່ງເປັນເລື່ອງທີ່ພົບໄດ້ທົ່ວໄປໃນປັດຈຸບັນ. ແຕ່ຖ້າຢູ່ໃນລະດັບເມືອງ ທີ່ມີຄວາມຫຼາກຫຼາຍທາງການໃຊ້ຊີວິດ ແລະຜູ້ດູແລຂໍກ້າວເຂົ້າມາໃນບ້ານໂດຍບໍ່ໄດ້ຮັບການເຊີນ ຈະສົ່ງຜົນແນວໃດ? ເຖິງແມ່ນວ່າກົດໝາຍທ້ອງຖິ່ນນີ້ຈະບໍ່ມີການລົງໂທດ ແຕ່ມັນກໍໄດ້ຍົກປະເດັນຄຳຖາມກ່ຽວກັບເສັ້ນແບ່ງລະຫວ່າງ “ຄວາມຫວັງດີ” ຂອງລັດໃນການດູແລສຸຂະພາບຂອງປະຊາຊົນ ກັບ “ການແຊກແຊງ” ສິດເສລີພາບສ່ວນບຸກຄົນ. BT beartai ໃນຖານະສື່ເທັກໂນໂລຢີ ພວກເຮົາບໍ່ໄດ້ເບິ່ງເລື່ອງນີ້ເປັນພຽງກົດໝາຍທ້ອງຖິ່ນ ແຕ່ເປັນກໍລະນີສຶກສາທີ່ສະທ້ອນພາບໃຫຍ່ຂອງຄວາມສຳພັນລະຫວ່າງມະນຸດ ເທັກໂນໂລຢີ ແລະສັງຄົມໄດ້ຢ່າງເລິກຊຶ້ງ. ມາອ່ານມຸມມອງຂອງພວກເຮົາກັນ. ຫ້າມໃຊ້ສະມາດໂຟນ ໃນວັນທີ່ມະນຸດເຊື່ອມຕໍ່ກັບເທັກໂນໂລຢີແບບ Work? ຮ່າງກົດໝາຍທ້ອງຖິ່ນນີ້ ເຮັດໃຫ້ພວກເຮົາເຫັນວ່າມະນຸດກຳລັງຕໍ່ສູ້ກັບເທັກໂນໂລຢີທີ່ຕົນເອງສ້າງຂຶ້ນ ໂດຍສະເພາະໃນຍຸກເສດຖະກິດແຫ່ງຄວາມສົນໃຈ (Attention Economy) ທີ່ແອັບພລິເຄຊັນ ສື່ສັງຄົມອອນລາຍ ແລະແພລດຟອມຕ່າງໆ ບໍ່ໄດ້ຖືກອອກແບບມາເພື່ອໃຊ້ງານໃນເຊິງການສື່ສານ ແຕ່ອາດຖືກອອກແບບມາເພື່ອໃຫ້ເຮົາເສບຕິດ ພ້ອມມາດ້ວຍມິຕິຂອງຜົນກະທົບການຕະຫຼາດ ການເງິນ ສຸຂະພາບຈິດ ແລະອື່ນໆອີກມາກ. ອັລກໍຣິທຶມທີ່ຄອຍປ້ອນເນື້ອຫາບໍ່ຮູ້ຈົບ ການແຈ້ງເຕືອນທີ່ກະຕຸ້ນໃຫ້ເຮົາຫຍິບມືຖືຂຶ້ນມາເບິ່ງທຸກໆ 2 ນາທີ ທັງໝົດນີ້ແມ່ນເຄື່ອງມືທີ່ຖືກສ້າງຂຶ້ນຢ່າງຈົງໃຈເພື່ອດຶງຄວາມສົນໃຈແລະເວລາຂອງເຮົາໄວ້ກັບຫນ້າຈໍໃຫ້ໄດ້ນານທີ່ສຸດ. […]
ແຈ້ງປິດການສັນຈອນຊົ່ວຄາວ ຖະໜົນ ໄກສອນພົມວິຫານ (ຈຸດສີ່ແຍກໄຟແດງ 450 ປີ) ແລະ ຖະໜົນ 13 ໃຕ້ (ຈຸດໜ້າສະໜາມກິລາ ຫຼັກ 16) ນະຄອນຫຼວງວຽງຈັນ
ແຈ້ງ ປິດການສັນຈອນຊົ່ວຄາວ. ພະແນກ ໂຍທາທິການ ແລະ ຂົນສົ່ງ ແຈ້ງ ປິດການສັນຈອນຊົ່ວຄາວ ຖະໜົນ ໄກສອນພົມວິຫານ (ຈຸດສີ່ແຍກໄຟແດງ 450 ປີ) ແລະ ຖະໜົນ 13 ໃຕ້ (ຈຸດໜ້າສະໜາມກິລາ ຫຼັກ 16) ບ້ານໂພຄໍາ ເມືອງໄຊທານີ ນະຄອນຫຼວງວຽງຈັນ ເພື່ອກໍ່ສ້າງວາງສາຍໃຍແກ້ວ (Fiber Optic) ທີ່ຄວບຄຸມລະບົບຂອງການຂົນສົ່ງ ລົດເມດ່ວນ ສັນຍາ CW1C ຂອງ ໂຄງການຂົນສົ່ງແບບຍືນຍົງໃນຕົວເມືອງນະຄອນຫຼວງວຽງຈັນ. ພະແນກ ໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ຂໍຖືເປັນກຽດ ແຈ້ງມາຍັງບັນດາທ່ານ ຊາບວ່າ: ປະຈຸບັນ ໂຄງການຂົນສົ່ງແບບຍືນຍົງໃນຕົວເມືອງນະຄອນຫຼວງວຽງຈັນ ໄດ້ເລີ້ມກໍ່ສ້າງວາງສາຍໃຍແກ້ວ (Fiber Optic) ທີ່ ຄວບຄຸມລະບົບ ການຂົນສົ່ງ ລົດເມດ່ວນ BRT ຢູ່ ເສັ້ນທາງຖະໜົນໄກສອນພົມວິຫານ (ຈຸດສີ່ແຍກໄຟແດງ 450 […]
ຫຼາຍປັດໄຈທີ່ເຮັດໃຫ້ຂີ້ເຫຍື້ອຕົກຄ້າງຫຼາຍໃນ ນະຄອນຫຼວງວຽງຈັນ
ບັນຫາຂີ້ເຫຍື້ອຕົກຄ້າງຫຼາຍເຂດໃນນະຄອນຫຼວງວຽງຈັນ (ນວ) ປັດຈຸບັນແຕ່ລະບໍລິສັດກໍາລັງເລັ່ງດໍາເນີນການແກ້ໄຂ ໃນຂະນະທີ່ພຶດຕິກໍາການຖິ້ມຂີ້ເຫຍື້ອບໍ່ເປັນລະບຽບຂອງປະຊາຊົນຍັງເປັນອຸປະສັກໃນການເກັບມ້ຽນຂີ້ເຫຍື້ອໃນໄລຍະທີ່ຜ່ານມາ ຈຶ່ງເຮັດໃຫ້ມີກະແສສັງຄົມ, ເປັນຫາງສຽງຈົ່ມວ່າຂອງປະຊາຊົນກ່ຽວກັບບັນຫາດັ່ງກ່າວ. ດັ່ງນັ້ນ, ຫຼາຍບໍລິສັດ ຈຶ່ງໄດ້ສຸມໃສ່ການແກ້ໄຂຂີ້ເຫຍື້ອຕົກຄ້າງໃນເຂດທີ່ຕົນເອງຮັບຜິດຊອບທົ່ວ ນວ. ທ່ານ ນາງ ດີ່ນ້າ ສົມສະໝຸດ ຫົວໜ້າສາຍງານວຽກການຕະຫຼາດ ບໍລິສັດ ສະມໍລບີ ທີ່ປຶກສາດ້ານການລົງທຶນ ຈຳກັດ (Small-b Vientiane Waste Co-Dev) ໄດ້ເປີດເຜີຍໃຫ້ຮູ້ໃນວັນທີ 27 ສິງຫາ ນີ້ວ່າ: ປັດໄຈທີ່ເຮັດໃຫ້ຂີ້ເຫຍື້ອຕົກຄ້າງ ເປັນຕົ້ນບາງບໍລິສັດໄດ້ປະເຊີນກັບບັນຫາຂາດແຄນແຮງງານຢ່າງໜັກໃນໄລຍະຜ່ານມາ. ໃນນັ້ນ, ການຈັດການກັບບຸກຄະລາກອນທີ່ລະເມີດກົດລະບຽບ ແລະ ຂາດສັກກະຍະພາບໃນການເຮັດວຽກ, ສະພາບເສດຖະກິດທີ່ເຮັດໃຫ້ແຮງງານຈຳນວນຫຼາຍເລືອກທີ່ຈະໄປເຮັດວຽກຕ່າງປະເທດ ໂດຍສະເພາະແຮງງານໃນຂະແໜງການບໍລິການແບບນີ້; ການປ່ຽນແຜນເສັ້ນທາງເດີນລົດຂອງບັນດາບໍລິສັດ ທີ່ໃຫ້ບໍລິການເກີດຂຶ້ນພ້ອມກັນ ຊຶ່ງເປັນຜົນໃຫ້ບາງເຂດອາດຕົກຫຼົ່ນ ແລະ ຍັງບໍ່ໄດ້ຮັບການແກ້ໄຂ; ຜ່ານມາ, ມີລູກຄ້າຈໍານວນໜຶ່ງທີ່ໄດ້ຮັບການບໍລິການນອກລະບົບ ໂດຍສະເພາະການຊໍາລະເງິນທີ່ບໍ່ຖືກຕ້ອງຕາມລະບຽບ ເພື່ອໃຫ້ການຈັດການບໍລິການມີຄວາມໂປ່ງໃສ ແລະ ມີປະສິດທິພາບ, ບໍລິສັດ ໄດ້ຈັດການດຶງລູກຄ້າທັງໝົດເຂົ້າສູ່ລະບົບຖານຂໍ້ມູນຕົວຈິງ. ເມື່ອມີການຈັດສັນລະບົບບໍລິການຕາມຖານລູກຄ້າຕົວຈິງ, ຈຶ່ງເຮັດໃຫ້ຈຸດເກັບຂີ້ເຫຍື້ອຂອງລູກຄ້າທີ່ເຄີຍຢູ່ນອກລະບົບຕົກຫຼົ່ນຊົ່ວຄາວ ເກີດມີຂີ້ເຫຍື້ອຄ້າງຕາມມາ; ການສວຍໂອກາດຂອງປະຊາຊົນຜູ້ທີ່ບໍ່ເຂົ້າຮ່ວມສັນຍາ ໂດຍການລັກຖິ້ມຂີ້ເຫຍື້ອຮ່ວມກັບຜູ້ອື່ນ […]
“ຂົວສູງທີ່ສຸດໃນໂລກ” ໃນປະເທດຈີນ ທົດສອບຮັບນ້ຳໜັກລົດບັນທຸກ 3,000 ກວ່າໂຕນໄດ້ສຳເລັດ
ຈີນທົດສອບການຮັບນ້ຳໜັກຂອງຂົວທີ່ສູງທີ່ສຸດໃນໂລກ ຂົວຫົວຈຽງ ແກຣນແຄນຢອນ (Huajiang Grand Canyon Bridge) ຊຶ່ງຕັ້ງຢູ່ໃນແຂວງກຸ້ຍໂຈວ ທາງຕາເວັນຕົກສ່ຽງໃຕ້ຂອງຈີນ ກ່ອນເປີດໃຊ້ງານໃນຊ່ວງປາຍເດືອນກັນຍານີ້ ການທົດສອບຂົວທີ່ສູງທີ່ສຸດໃນໂລກ ຂະບວນການທົດສອບດັ່ງກ່າວໃຊ້ເວລາເຖິງ 5 ວັນ ເພື່ອເບິ່ງຄວາມແຂງແຮງດ້ານໂຄງສ້າງໃຫ້ກົງຕາມມາດຕະຖານຄວາມປອດໄພ ໂດຍມີການທົດສອບຮັບນ້ຳໜັກເປັນຂັ້ນຕອນສຸດທ້າຍ ດ້ວຍການຂັບລົດບັນທຸກຈຳນວນ 96 ຄັນ ຊຶ່ງມີນ້ຳໜັກລວມກັນຫຼາຍກວ່າ 3,000 ໂຕນ ເຂົ້າໄປໃນພື້ນທີ່ທີ່ກຳນົດເທິງຂົວເປັນຊຸດໆ ເພື່ອວັດການເຄື່ອນໄຫວ ແລະ ແຮງກົດໃນສ່ວນຊ່ວງຂົວຫຼັກ, ເສົາ, ສາຍເຄເບີນ ແລະ ສາຍແຂວນ ທີມງານຜູ້ດຳເນີນການທົດສອບ ຢູ່ສະຖານທີ່ກໍ່ສ້າງຂົວຫົວຈຽງເປີດເຜີຍວ່າ ການທົດສອບຮັບນ້ຳໜັກນີ້ ເປັນການຈຳລອງສະພາວະສຸດຂີດທີ່ຂົວຈະຕ້ອງຮັບ ດ້ວຍນ້ຳໜັກລວມແລ້ວ 3,360 ໂຕນ ເພື່ອທົດສອບຂີດຄວາມສາມາດສູງສຸດຂອງໂຄງສ້າງຂົວພາຍໃຕ້ການໃຊ້ງານປົກກະຕິ ໂດຍເນັ້ນການຕິດຕາມການເຄື່ອນໄຫວຂອງເສົາຫຼັກທັງສອງເບື້ອງ ການງໍທີ່ຖານເສົາ ແລະ ແຮງດຶງສູງສຸດໃນສາຍເຄເບີນຂອງຊ່ວງຍຶດຂົວ ຂໍ້ມູນຂົວທີ່ສູງທີ່ສຸດໃນໂລກ ຂົວ […]
6 ເດືອນຕົ້ນປີ ອຄ ເຊກອງ ສາມາດສົ່ງອອກສິນຄ້າ 121,16 ລ້ານໂດລາ
ທ່ານ ນາງ ວິລະຄອນ ບັນທະເວີ ຮອງຫົວໜ້າພະແນກອຸດສາຫະກໍາ ແລະ ການຄ້າ (ອຄ) ຜູ້ຊີ້ນໍາວຽກງານການຄ້າພາຍໃນ ແລະ ສົ່ງເສີມການຜະລິດເປັນສິນຄ້າແຂວງເຊກອງ ໄດ້ໃຫ້ສຳພາດຕໍ່ສື່ມວນຊົນໃນວັນທີ 27 ສິງຫາຜ່ານມາ ທີ່ພະແນກ ອຄ ແຂວງວ່າ: ໃນ 6 ເດືອນຕົ້ນປີຜ່ານມາ, ສາມາດຈັດຕັ້ງປະຕິບັດການນຳເຂົ້າສິນ ຄ້າ 4,17 ລ້ານກວ່າໂດລາ, ໃນນັ້ນຜະລິດຕະພັນທີ່ນໍາເຂົ້າສ່ວນໃຫຍ່ແມ່ນປະເພດກົນຈັກ, ປຸ໋ຍ, ອຸປະກອນນໍາໃຊ້ເຂົ້າໃນການຜະລິດເປັນສິນຄ້າຂອງບັນດາໂຄງການຕ່າງໆ ທີ່ມາລົງທຶນພາຍໃນແຂວງ. ສຳລັບການສົ່ງອອກໄລຍະ 6 ເດືອນຕົ້ນປີ ສາມາດຈັດຕັ້ງປະຕິບັດໄດ້ 121,16 ລ້ານໂດລາ, ໃນນັ້ນສິນ ຄ້າສົ່ງອອກເປັນຕົ້ນ ຖ່ານຫີນປະຕິບັດໄດ້ 56,35 ລ້ານໂດລາ ກວມ 46,50% ຂອງມູນຄ່າການສົ່ງອອກທັງໝົດ, ກະແສໄຟຟ້າ, ຜົນຜະລິດກະສິກຳແປ້ງມັນຕົ້ນ, ຢາງພາລາ, ກາເຟ, ຜະລິດຕະພັນໄມ້ ແລະ ຖ່ານຂາວ ຊຶ່ງເປັນສິນຄ້າທີ່ເປັນທ່າແຮງຂອງແຂວງ ເປັນສິນຄ້າປາຍແຫຼມອັນໜຶ່ງທີ່ມີການສົ່ງອອກຈຳນວນຫຼາຍ ເມື່ອທຽບໃສ່ບັນດາແຂວງອ້ອມຂ້າງ, ສົ່ງອອກຈຳໜ່າຍໃນກຸ່ມປະເທດອາຊຽນ […]
ນັກວິທະຍາສາດພົບວິທີສ້າງ ‘ແຜງໂຊລາແບບໃໝ່’ ທີ່ເຮັດວຽກໄດ້ເຖິງບໍ່ມີແດດ ແຮງກວ່າເກົ່າ 15 ເທົ່າ
ເວລາເວົ້າເຖິງພະລັງງານແສງຕາເວັນ ພວກເຮົາຈະນຶກເຖິງແຜງໂຊລາເຊວສີຟ້າທີ່ຕິດຕັ້ງຢູ່ໃສ່ຫລັງຄາບ້ານ ເຊິ່ງໄດ້ຮັບຄວາມນິຍົມຫຼາຍຂຶ້ນຈາກກະແສດ້ານສິ່ງແວດລ້ອມແລະການປະຢັດພະລັງງານ. ແຕ່ຂໍ້ຈຳກັດແມ່ນມັນເຮັດວຽກໄດ້ດີເມື່ອມີແດດແຮງເທົ່ານັ້ນ. ແຕ່ຫຼ້າສຸດ ນັກວິທະຍາສາດຈາກມະຫາວິທະຍາໄລ Rochester ໄດ້ທັບທຽມຂໍ້ຈຳກັດນັ້ນລົງ ດ້ວຍການພັດທະນາ ເຄື່ອງຜະລິດໄຟຟ້າເທີໂມອີເລັກຕິກພະລັງງານແສງຕາເວັນ (STEG: Solar Thermoelectric Generators) – ແຜງໂຊລາແບບໃໝ່ທີ່ອ້າງວ່າມີປະສິດທິຜົນສູງກວ່າແຜງໂຊລາໃນປະຈຸບັນເຖິງ 15 ເທົ່າ. ມັນສາມາດສ້າງໄຟຟ້າໄດ້ຈາກ “ຄວາມຮ້ອນ” ທຸກຮູບແບບ ບໍ່ແມ່ນພຽງແຕ່ແສງແດດ. ລູ້ຈັກ STEG – ໂຮງໄຟຟ້ານ້ອຍທີ່ປ່ຽນ ‘ຄວາມຮ້ອນ’ ເປັນ ‘ໄຟຟ້າ’ STEG ບໍ່ແມ່ນເທັກໂນໂລຊີໃໝ່ ມັນເຮັດວຽກດ້ວຍຫຼັກການທີ່ເອີ້ນວ່າປະກົດການ Seebeck effect. ລອງຈິນຕະນາການເຖິງວັດສະດຸແຜ່ນໜຶ່ງທີ່ມີດ້ານຮ້ອນແລະດ້ານເຢັນ. ເມື່ອມີຄວາມແຕກຕ່າງຂອງອຸນຫະພູມລະຫວ່າງສອງດ້ານນີ້ ກະແສໄຟຟ້າຈະໄຫຼຜ່ານສານກຶ່ງຕົວນຳທີ່ແຊກຢູ່ກາງທັນທີ. ຂໍ້ດີທີ່ສຸດຂອງ STEG ແມ່ນມັນສາມາດໃຊ້ແຫຼ່ງຄວາມຮ້ອນຫຍັງກໍໄດ້ ບໍ່ວ່າຈະເປັນຄວາມຮ້ອນຈາກແສງແດດ ຄວາມຮ້ອນຈາກເຄື່ອງຈັກໃນໂຮງງານ ຫຼືເຖິງແມ່ນຄວາມຮ້ອນຈາກຮ່າງກາຍມະນຸດ. ແຕ່ບັນຫາທີ່ເຮັດໃຫ້ມັນບໍ່ເຄີຍຖືກນຳມາໃຊ້ຢ່າງກວ້າງຂວາງ ເນື່ອງຈາກປະສິດທິຜົນຕ່ຳ. STEG ທົ່ວໄປສາມາດປ່ຽນພະລັງງານແສງຕາເວັນເປັນໄຟຟ້າໄດ້ບໍ່ເຖິງ 1% ເມື່ອສົມທຽບກັບແຜງໂຊລາທົ່ວໄປທີ່ທຳໄດ້ປະມານ 20%. ວິທີແກ້ໄຂໃໝ່: ສ້າງຄວາມແຕກຕ່າງອຸນຫະພູມສູງສຸດ ແທນທີ່ຈະໄປຍຸ້ງກັບສານກຶ່ງຕົວນຳ ທີມວິໄຈຈາກ Rochester […]
ນັກວິທະຍາສາດຈີນສ້າງພືດເຮືອງແສງ ຊາກໄຟດ້ວຍແສງແດດເປີດທາງສູ່ແສງສະຫວ່າງແບບຍືນຍົງໃນອະນາຄົດ
ທີມນັກວິໄຈຈາກມະຫາວິທະຍາໄລກະເສດສາດເຊົາທ໌ໄຊນ້າ ນຳໂດຍ ທ່ານ ຊູຖິງ ຫລິວ (Shuting Liu) ປະສົບຄວາມສຳເລັດໃນການສ້າງພືດນ້ຳເຮືອງແສງຫຼາກສີໃນບ່ອນມືດເປັນຄັ້ງທຳອິດຂອງໂລກ ເປີດທາງສູ່ແສງສະຫວ່າງແບບຍືນຍົງໃນອະນາຄົດ ໂດຍທີມນັກວິໄຈໃຊ້ວິທີການສີດອະນຸພາກຟອສເຟີ “afterglow” ເຂົ້າໄປໃນໃບພືດ ເຮັດໃຫ້ພືດສາມາດເຮືອງແສງເປັນສີຟ້າ, ຂຽວ, ແດງ ແລະ ສີມ່ວງໄດ້ ຫຼັງຈາກຮັບແສງແດດ ຫຼື ແສງໄຟ LED ພຽງບໍ່ເທົ່າໃດນາທີ ອະນຸພາກຟອສເຟີ “afterglow” ແມ່ນຫຍັງ ? ອະນຸພາກຟອສເຟີ “afterglow” ແມ່ນ ວັດສະດຸເຮືອງແສງທີ່ສາມາດດູດຊັບພະລັງງານຈາກແສງແດດ ຫຼື ແສງໄຟ ແລ້ວຄ່ອຍໆ ປ່ອຍພະລັງງານອອກມາໃນຮູບແບບຂອງແສງທີ່ມະນຸດສາມາດເບິ່ງເຫັນໄດ້ ເຖິງແມ່ນວ່າຢູ່ໃນຄວາມມືດກໍຕາມ ຂະບວນການນີ້ເອີ້ນວ່າ “afterglow effect” ຫຼື ການເຮືອງແສງຕໍ່ເນື່ອງ ຊຶ່ງສາມາດກຳນົດສີຂອງແສງໄດ້ຕາມຊະນິດຂອງສານປະກອບຟອສເຟີ (Phosphor compounds) ເຊັ່ນ: ສີຂຽວ, ຟ້າ, ແດງ ຫຼື ມ່ວງ […]