ກູເກິລ Play Store ລຶບແອັບຄັ້ງໃຫຍ່ ລົບແອັບລິເຄຊັນໄປກວ່າລ້ານແອັບ
ແພລດຟອມ Play Store ຂອງກູເກິລໄດ້ດຳເນີນການປັບປຸງຄັ້ງໃຫຍ່ ໂດຍມີແອັບລິເຄຊັນຫຼາຍກວ່າລ້ານແອັບຫາຍໄປຈາກແພລດຟອມ ຈາກການວິເຄາະຂອງບໍລິສັດ Appfigures ເປີດເຜີຍວ່າ ຕະຫຼາດແອັບລິເຄຊັນໃນລະບົບປະຕິບັດການ Android ມີຈຳນວນແອັບລິເຄຊັນຫຼຸດລົງຢ່າງມີຄວາມສຳຄັນ. ຂໍ້ມູນລະບຸວ່າ Google Play Store ມີຈຳນວນແອັບຫຼຸດລົງຈາກປະມານ 3.4 ລ້ານແອັບໃນຊ່ວງຕົ້ນປີ 2024 ເຫຼືອພຽງແຕ່ 1.8 ລ້ານແອັບໃນປັດຈຸບັນ ຈາກຕົວເລກຂ້າງເທິງ ໝາຍຄວາມວ່າ ແອັບລິເຄຊັນຫາຍໄປເຖິງ 47 ເປີເຊັນ. ສິ່ງທີ່ໜ້າສົນໃຈແມ່ນ ສະຖານະການນີ້ບໍ່ໄດ້ເກີດຂຶ້ນກັບຮ້ານຄ້າອື່ນໆ ໂດຍ Apple Store ຂອງແອັບເປິລໃນລະບົບປະຕິບັດການ iOS ກັບມີຈຳນວນແອັບລິເຄຊັນເພີ່ມຂຶ້ນເລັກນ້ອຍ ຈາກ 1.6 ລ້ານແອັບເປັນ 1.64 ລ້ານແອັບ ໂດຍປົກກະຕິແລ້ວ ການທີ່ແອັບໃນ Play Store ຫຼຸດລົງໄປຫຼາຍຂະໜາດນີ້ຄວນຈະເປັນສັນຍານເຕືອນໄພ ແຕ່ການຫຼຸດຈຳນວນແອັບອາດສົ່ງຜົນດີຕໍ່ຜູ້ໃຊ້ງານລະບົບປະຕິບັດການ Android ທົ່ວໂລກ. ດ້ວຍຄັງແອັບທີ່ນ້ອຍລົງ ເຮັດໃຫ້ຜູ້ໃຊ້ງານອາດຈະຄົ້ນຫາແອັບລິເຄຊັນທີ່ມີຄຸນນະພາບສູງໄດ້ງ່າຍຂຶ້ນ. ນອກຈາກນີ້ຍັງສົ່ງຜົນດີຕໍ່ນັກພັດທະນາແອັບລິເຄຊັນດ້ວຍ ເພາະຈະຊ່ວຍໃຫ້ແອັບຂອງນັກພັດທະນາຖືກມອງເຫັນຫຼາຍຂຶ້ນ ເມື່ອປີທີ່ແລ້ວ ກູເກິລໄດ້ປະກາດຄວາມຕັ້ງໃຈທີ່ຈະຍົກລະດັບມາດຕະຖານຄຸນນະພາບຂັ້ນຕໍ່າສຳລັບແອັບລິເຄຊັນໃນ Play […]
ໂຄວິດຮອບໃໝ່ພຸ່ງ! ຄົນເຈັບລົ້ນໂຮງໝໍ, ສາຍພັນ XEC ລະບາດໜັກ ໃນປະເທດໄທ
ແພດຍິງ ພູ່ວໍລະວັນ ລາຊະບັນດິດ ສຳນັກວິທະຍາສາດ ສູນຊ່ຽວຊານສະເພາະທາງດ້ານໄວລັສວິທະຍາຄລີນິກ ຄະນະແພດສາດຈຸລາ ໄດ້ໂພສເຟສບຸກກ່ຽວກັບໂຄວິດ 19 ກຳລັງລະບາດຢ່າງຫນັກໃນປະເທດໄທ ໂດຍລະບຸວ່າ ລະດູການຂອງໂຄວິດ 19 ໄດ້ເລີ່ມຕັ້ງແຕ່ສົງການເປັນຕົ້ນມາ ແລະ ຈະລະບາດຫຼາຍຂຶ້ນອີກເມື່ອນັກຮຽນເປີດເທີມ. ໃນປີນີ້ ເນື່ອງຈາກຝົນມາໄວ ການລະບາດໃນຊ່ວງນີ້ ຈຶ່ງມີຜູ້ປ່ວຍຈຳນວນຫຼາຍກວ່າປີກາຍ. ຈຳນວນຍອດຜູ້ປ່ວຍທີ່ແທ້ຈິງ ບໍ່ສາມາດຮູ້ໄດ້ ແຕ່ຍອດຈຳນວນຜູ້ປ່ວຍທີ່ນອນໃນໂຮງໝໍ ເຫັນໄດ້ຊັດເຈນຈາກຮູບທີ່ໃຫ້ເບິ່ງ ໃນປີນີ້ຫຼາຍກວ່າປີກາຍ ສີເຂັ້ມຊັດເຈນ ອາທິດລະ ຫຼາຍກວ່າ 5,000 ຄົນ ສີທີ່ເຫັນຈາກຮູບຈຶ່ງເປັນສີເຂັ້ມແດງ. ເຊື້ອໂຄວິດ 19 ທີ່ພົບໃນຂະນະນີ້ເປັນສາຍພັນ XEC ເປັນສ່ວນໃຫຍ່ ເປັນສາຍພັນ ຫຼານເຫຼນຂອງໂອມິຄຣອນ ແລະ ລົດຄວາມຮຸນແຮງຂອງພະຍາດ ມາໂດຍຕະຫຼອດ. ຜູ້ທີ່ເຄີຍເປັນມາແລ້ວ ເປັນຊ້ຳໄດ້ອີກ ແລະ ສ່ວນໃຫຍ່ ຈຳນວນຫຼາຍບໍ່ຮູ້ຕົວວ່າຕິດເຊື້ອ ຄືມີອາການນ້ອຍ ແຕ່ແຜ່ກະຈາຍໄດ້ ຈຶ່ງເປັນເຫດໃຫ້ມີການແຜ່ກະຈາຍໄດ້ຢ່າງກວ້າງຂວາງແລະວ່ອງໄວ. ອັດຕາການເສຍຊີວິດຂອງພະຍາດນີ້ໃນປັດຈຸບັນ ຫຼຸດລົງຢ່າງຫຼວງຫຼາຍ […]
ແພດຈີນເປີດເຜີຍວິທີສັງເກດ “ສານພິດສະສົມໃນອະໄວຍະວະພາຍໃນ” ເບິ່ງໄດ້ຈາກອະໄວຍະວະພາຍນອກ
ແພດຈີນເປີດເຜີຍວິທີສັງເກດ “ສານພິດສະສົມໃນອະໄວຍະວະພາຍໃນ” ເບິ່ງໄດ້ຈາກອະໄວຍະວະພາຍນອກ ບ່ອນໃດສື່ເຖິງສິ່ງໃດ ຮ່າງກາຍສົ່ງສັນຍານ! 5 ອາການເຕືອນ “ສານພິດສະສົມໃນອະໄວຍະວະພາຍໃນ” ຈາກມຸມມອງແພດແຜນຈີນ ແພດຈີນເປີດເຜີຍ 5 ອາການຜິດປົກກະຕິ ທີ່ອາດບົ່ງບອກວ່າອະໄວຍະວະພາຍໃນກຳລັງສະສົມສານພິດ ເຖິງແມ່ນວ່າພາຍນອກຈະເບິ່ງຄືປົກກະຕິ ແຕ່ຮ່າງກາຍກຳລັງສົ່ງສັນຍານຂໍຄວາມຊ່ວຍເຫຼືອ! ທ່ານ ໝໍ ເຊິນ ເຊົ້າ-ຈົງ (陳潮宗) ແພດແຜນຈີນຈາກໄຕ້ຫວັນ ເປີດເຜີຍຜ່ານລາຍການສຸຂະພາບວ່າ ການເຮັດວຽກຜິດປົກກະຕິຂອງ ອະໄວຍະວະພາຍໃນທັງ 5 ໄດ້ແກ່ ຕັບ, ຫົວໃຈ, ມ້າມ, ປອດ ແລະ ໝາກໄຂ່ຫຼັງ ມັກສະແດງອອກຜ່ານສັນຍານນ້ອຍໆ ຢູ່ເທິງຮ່າງກາຍ ຫາກສັງເກດໃຫ້ດີອາດຊ່ວຍປ້ອງກັນພະຍາດໃຫຍ່ໄດ້ທັນເວລາ 1. ຕັບ: ສັງເກດຈາກ “ເລັບ” ຫາກເລັບຂອງທ່ານເລີ່ມ ບໍ່ຮຽບ ຫຼື ມີພື້ນຜິວຂຸຂະ ອາດເປັນສັນຍານວ່າ “ຕັບ” ມີການສະສົມສານພິດ ຫຼື ມີພະລັງງານຕິດຂັດໃນລະບົບຕັບ ຕາມຫຼັກຈີນ “ຕັບຄວບຄຸມເສັ້ນເອັນແລະສະແດງອອກທາງເລັບ” ນອກຈາກນີ້ ຫາກມີ “ຈັນເລັບ” (ເຄິ່ງວົງມົນສີຂາວ) ໜ້ອຍກວ່າ […]
ຜີແດງຖະຫລົ່ມ.ບິນເບົາ ເຂົ້າຮອບຊິງຢູໂຣປ້າ ປະທະສະເປີ
ແມນຢູ VS ແອທ.ບິນເບົາ: ຜົນບານ 4-1 (ຄະແນນລວມ ແມນຢູ ຊະນະ 7-1) | ແມນຊີສເຕີຢູໄນເຕັດ ເປີດເຮືອນຖະຫລົ່ມ ແອທ.ບິນເບົາ ໃນສຶກຢູໂຣປ້າ ລີກ ຮອບຮອງຊະນະເລີດ ນັດທີສອງ ໂດຍເກມນີ້ ບິນເບົາ ນຳກ່ອນໃນເຄິ່ງແລກຈາກ ມິເກນ ເຆົາເຣກິຊາ ຈາກນັ້ນທີມຜີແດງຍິງ 4 ປະຕູລວດໃນເຄິ່ງຫຼັງຈາກ ເມສັນ ເມົາທ໌ ເໝົາສອງປະຕູ ບວກກັບ ຄາເຊມິໂຣ ແລະ ຣາສມຸສ ຮອຍລຸນດ໌ ຄົນລະປະຕູ ຊ່ວຍໃຫ້ ແມນຢູ ຖະຫລົ່ມ 4-1 ຄະແນນລວມຊະນະຂາດລອຍ 7-1 ໄດ້ຜ່ານເຂົ້າໄປຊິງຊະນະເລີດພົບກັບ “ໄກ່ເດືອຍຄຳ” ສະເປີສ ຊຶ່ງຕ້ອນຊະນະ ໂບໂດ ກຼິມທ໌ ຄະແນນລວມ 5-1 ຟຸດບອນຢູຟ່າ ຢູໂຣປ້າ ລີກ 2024/25 ແມນຢູ 4-1 ແອທ.ບິນເບົາ […]
ຍານອາວະກາດຍຸກໂຊວຽດອາດຕົກກັບມາສູ່ໂລກ
ສ່ວນໜຶ່ງຂອງຍານອາວະກາດຍຸກໂຊວຽດຄາດວ່າຈະຕົກກັບມາສູ່ໂລກໃນອາທິດນີ້ ຫຼັງຈາກຕິດຄ້າງຢູ່ໃນວົງໂຄຈອນເປັນເວລາຫຼາຍກວ່າເຄິ່ງສະຕະວັດ. ໂຄສມອສ 482 ຖືກສົ່ງຂຶ້ນໃນປີ 1972 ເປັນສ່ວນໜຶ່ງຂອງພາລະກິດໄປຍັງດາວພະສຸກ ແຕ່ມັນບໍ່ເຄີຍຫຼຸດພົ້ນວົງໂຄຈອນຕໍ່າຂອງໂລກ ແລະ ໄດ້ແຍກອອກເປັນສີ່ສ່ວນ, ອີງຕາມ NASA. ໜຶ່ງໃນສ່ວນເຫຼົ່ານັ້ນ, ເຊື່ອວ່າເປັນຫົວສຳຫຼວດ, ຄາດວ່າຈະກັບເຂົ້າສູ່ຊັ້ນບັນຍາກາດຂອງພວກເຮົາປະມານວັນທີ 10 ພຶດສະພາ ແລະ ຢ່າງໜ້ອຍສ່ວນໜຶ່ງຂອງມັນອາດຈະລອດຈາກການເດີນທາງໂດຍບໍ່ໄໝ້, ອີງຕາມ NASA. ມີຫຼາຍສິ່ງທີ່ພວກເຮົາບໍ່ຮູ້ກ່ຽວກັບການກັບເຂົ້າມາ, ລວມທັງບ່ອນທີ່ມັນອາດຈະຕົກລົງ, ແຕ່ເຖິງແມ່ນວ່າມັນຈະລອດ, 70% ຂອງໂລກແມ່ນປົກຄຸມດ້ວຍທະເລ ສະນັ້ນຈຶ່ງເປັນໄປບໍ່ໄດ້ທີ່ມັນຈະກໍ່ໃຫ້ເກີດຄວາມເສຍຫາຍຢ່າງຫຼວງຫຼາຍ. “ມັນມີໂອກາດຫຼາຍກວ່າທີ່ທ່ານຈະຖືກຫວຍລາງວັນໃຫຍ່ ກວ່າທີ່ທ່ານຈະຖືກກະທົບຈາກສິ້ນສ່ວນຂີ້ເຫຍື້ອອາວະກາດນີ້,” ທ່ານ ສະຕິຈນ໌ ເລມເມັນສ໌, ນັກວິເຄາະການບັນເທົາຂີ້ເຫຍື້ອອາວະກາດອາວຸໂສ ຂອງອົງການອາວະກາດເອີຣົບກ່າວ. ແຄັບຊູນຫົວສຳຫຼວດແມ່ນວັດຖຸທີ່ທົນທານ, ເປັນຮູບກົມກວ້າງປະມານໜຶ່ງແມັດ ແລະ ໜັກເກືອບເຄິ່ງໂຕນ. ມັນຖືກສ້າງຂຶ້ນເພື່ອໃຫ້ລອດຈາກຄວາມຮ້ອນທີ່ຮຸນແຮງ ແລະ ຄວາມກົດດັນຂອງບັນຍາກາດຂອງດາວພະສຸກ, ໝາຍຄວາມວ່າມັນມີໂລ່ປ້ອງກັນຄວາມຮ້ອນທີ່ທົນທານ ແລະ ໂຄງສ້າງທີ່ແຂງແຮງ. ນີ້ແມ່ນເຫດຜົນທີ່ຜູ້ຊ່ຽວຊານຄິດວ່າມັນອາດຈະລອດຈາກການຕົກລົງມາທີ່ບໍ່ສາມາດຄວບຄຸມໄດ້ຜ່ານຊັ້ນບັນຍາກາດຂອງໂລກ. ລະບົບຮົ່ມຊູຊີບ, ທີ່ຕັ້ງໃຈໄວ້ສຳລັບຊະລໍການຕົກລົງຂອງຫົວສຳຫຼວດໄປຫາດາວພະສຸກ, ອາດຈະເສື່ອມສະພາບໄປແລ້ວຫຼັງຈາກຫຼາຍກວ່າ 50 ປີໃນອາວະກາດ. ຄວາມສ່ຽງຕໍ່ຄົນເທິງພື້ນດິນຖືວ່າຕໍ່າ, ແຕ່ເສັ້ນທາງການບິນທີ່ຄາດຄະເນຂອງແຄັບຊູນອາດຈະເຮັດໃຫ້ມັນຕົກລົງໄດ້ທຸກບ່ອນລະຫວ່າງ 51.7° ເໜືອ ແລະ […]
ປາຖະກະຖາ ວັນກຳມະກອນສາກົນ ຄົບຮອບ 139 ປີ ແລະ ພິທີມອບຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024
ຄະນະກວດກາສູນກາງພັກ-ອົງການກວດກາແຫ່ງລັດຈັດກອງປະຊຸມ ປາຖະກະຖາ ວັນກຳມະກອນສາກົນ ຄົບຮອບ 139 ປີ ແລະ ພິທີມອບຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ຕອນເຊົ້າຂອງວັນທີ 07 ພຶດສະພາ 2025 ຄະນະກວດກາສູນກາງພັກ-ອົງການກວດກາແຫ່ງລັດຈັດກອງປະຊຸມ ປາຖະກະຖາ ວັນກຳມະກອນສາກົນ ຄົບຮອບ 139 ປີ ຕິດພັນກັບ ມອບຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ຂຶ້ນ ຢູ່ທີ່ສະໂມສອນຂອງ ຄກສພ-ອກຫລ. ໃຫ້ກຽດເຂົ້າຮ່ວມໂດຍ ສະຫາຍ ວິໄລວັນ ບຸດດາຄຳ ກຳມະການສຳຮອງສູນກາງພັກ, ກຳມະການປະຈຳພັກ, ຮອງປະທານ ຄກສພ-ອກຫລ, ສະຫາຍ ສຸກຄຳເພັດ ເຮືອງບຸດສີ ກຳມະການປະຈຳພັກ, ຮອງປະທານ ຄກສພ-ອກຫລ. ພ້ອມດ້ວຍບັນດາສະຫາຍ ຄະນະປະຈໍາພັກ, ຄະນະພັກ, ຄະນະໜ່ວຍພັກ, ສະມາຊິກພັກ-ພະນັກງານພາຍໃນ ຄກສພ-ອກຫລ ເຂົ້າຮ່ວມ. ໃນພິທີ ສະຫາຍ ສຸກຄຳເພັດ […]
ສະຫະລັດ ແລະ ສະຫະລາຊະອານາຈັກ ຄາດວ່າຈະປະກາດຂໍ້ຕົກລົງເພື່ອຫຼຸດພາສີ
ສະຫະລັດ ແລະ ສະຫະລາຊະອານາຈັກ ຄາດວ່າຈະປະກາດຂໍ້ຕົກລົງເພື່ອຫຼຸດພາສີໃນພາຍຫລັງ. ລັດຖະບານສະຫະລາຊະອານາຈັກ ໄດ້ພະຍາຍາມຊອກຫາຂໍ້ຕົກລົງເພື່ອຫຼຸດພາສີ ນັບຕັ້ງແຕ່ປະທານາທິບໍດີໂດນັລ ທຣຳ ໄດ້ກຳນົດພາສີເກືອບທຸກປະເທດໃນໂລກໃນເດືອນທີ່ຜ່ານມາ. ປະທານາທິບໍດີ ທຣຳ ໄດ້ກ່າວເຖິງຂໍ້ຕົກລົງນີ້ເມື່ອທ່ານໄດ້ໂພສໃນສື່ສັງຄົມໃນຄໍ່າວັນພຸດ, ໂດຍເວົ້າວ່າທ່ານຈະປະກາດ “ຂໍ້ຕົກລົງການຄ້າສຳຄັນ” ກັບ “ປະເທດທີ່ໄດ້ຮັບຄວາມເຄົາລົບສູງ”. ໃນວັນທີ 2 ເມສາ, ທຣຳ ໄດ້ປະກາດພາສີສູງຕໍ່ຄູ່ຄ້າຫຼາຍສິບປະເທດ, ກ່ອນຈະປະກາດການຢຸດນຳໃຊ້ພາສີເປັນເວລາ 90 ວັນ. ລັດຖະບານຈາກທົ່ວໂລກໄດ້ພາກັນຟ້າວຈັດການຕົກລົງກັບວໍຊິງຕັນກ່ອນກຳນົດເວລາໃໝ່ຈະຜ່ານໄປ. ສະຫະລັດຍັງຄົງໃຊ້ພາສີທົ່ວໂລກ 10% ຊຶ່ງລວມເຖິງສະຫະລາຊະອານາຈັກ, ເຖິງແມ່ນວ່າປະເທດພັນທະມິດທີ່ເປັນມິດຍາວນານຂອງອາເມລິກາບໍ່ໄດ້ຖືກກະທົບຈາກພາສີ “ແລກປ່ຽນ” ທີ່ສູງຂຶ້ນຂອງລັດຖະບານ. ສະຫະລາຊະອານາຈັກຍັງຖືກເກັບພາສີນຳເຂົ້າຂອງສະຫະລັດ 25% ຕໍ່ເຫຼັກ, ອາລູມິນຽມ ແລະ ລົດຍົນ. ວໍຊິງຕັນໃກ້ຈະຕົກລົງຂໍ້ຕົກລົງທາງການຄ້າກັບອິນເດຍ ແລະ ອິສຣາເອລ, ອີງຕາມລາຍງານ. ລັດຖະບານຍັງສືບຕໍ່ການເຈລະຈາກັບຫຼາຍປະເທດລວມທັງຍີ່ປຸ່ນ, ເກົາຫຼີໃຕ້ ແລະ ຫວຽດນາມ. ທຣຳ ເວົ້າວ່າທ່ານຕ້ອງການໃຫ້ປະເທດຕ່າງໆເຮັດຂໍ້ຕົກລົງໃໝ່ກັບສະຫະລັດ ໃນຂະນະທີ່ທ່ານພະຍາຍາມປ່ຽນແປງລະບົບການຄ້າໂລກຢ່າງຫຼວງຫຼາຍ. ອາທິດນີ້ ສະຫະລັດ ແລະ ຈີນໄດ້ປະກາດວ່າເຈົ້າໜ້າທີ່ການຄ້າລະດັບສູງຂອງພວກເຂົາຈະເລີ່ມການເຈລະຈາ ເພື່ອພະຍາຍາມຫຼຸດຜ່ອນຂໍ້ຂັດແຍ່ງລະຫວ່າງເສດຖະກິດສອງຂະໜາດໃຫຍ່ທີ່ສຸດຂອງໂລກ. ຮອງນາຍົກລັດຖະມົນຕີຈີນ ເຫີ […]
ໂລກກະເພາະ ເກີດຈາກຫຍັງ ວິທີດູແລຕົນເອງເມື່ອເປັນ ໂລກກະເພາະ
ໃນສັງຄົມປັດຈຸບັນມີແຕ່ການແຂ່ງຂັນ ເຮັດໃຫ້ການດໍາເນີນຊີວິດໃນແຕ່ລະວັນຂອງທຸກຄົນຕ້ອງຟ້າວຟັ່ງໄປດ້ວຍ ສົ່ງຜົນໃຫ້ສຸຂະພາບຂອງຄົນໃນສັງຄົມແຍ່ລົງ ແລະ ບັນຫາທາງສຸຂະພາບທີ່ພົບໄດ້ເລື້ອຍ ຄື ການເກີດແຜໃນກະເພາະອາຫານ ຫຼື ລໍາໄສ້ນ້ອຍສ່ວນຕົ້ນ ຊຶ່ງໂດຍທົ່ວໄປເຮົາເອີ້ນກັນວ່າ “ໂລກກະເພາະ” ໂລກກະເພາະ ເປັນໂລກທີ່ພົບໄດ້ເລື້ອຍໂລກໜຶ່ງ ປະມານວ່າຄົນທົ່ວໄປມີໂອກາດເປັນໂລກນີ້ໃນຊ່ວງໃດຊ່ວງໜຶ່ງຂອງຊີວິດ ໂດຍການເກີດແຜໃນກະເພາະມັກພົບໃນໄວກາງຄົນ ຂະນະທີ່ການເກີດແຜທີ່ລໍາໄສ້ນ້ອຍສ່ວນຕົ້ນຈະພົບໃນໄວໜຸ່ມສາວ ເຖິງຢ່າງໃດກໍຕາມ ການເກີດແຜໃນກະເພາະອາຫານ ຫຼື ແຜທີ່ລໍາໄສ້ນ້ອຍສ່ວນຕົ້ນສາມາດເກີດຂຶ້ນໄດ້ໃນຄົນທຸກເພດ ແລະ ທຸກໄວ ສາເຫດ ໂລກກະເພາະ ເກີດຈາກມີການຫຼັ່ງກົດໃນກະເພາະອາຫານຫຼາຍເກີນໄປ ຮ່ວມກັບຄວາມຕ້ານທານຕໍ່ກົດຂອງເຍື່ອບຸກະເພາະອາຫານ ແລະ ລໍາໄສ້ລົດລົງ ຈຶ່ງເຮັດໃຫ້ມີແຜເກີດຂຶ້ນ ແລະ ປັດຈຸບັນພົບວ່າຍັງມີປັດໄຈເສີມອື່ນໆ ທີ່ເຮັດໃຫ້ເກີດໂລກໄດ້ອີກ ໄດ້ແກ່: ການຕິດເຊື້ອ ເຮລິໂຄແບັກເຕີ ໄພໂລໄຣ (Helicobactor Pylori) ຊຶ່ງເປັນແບັກທີເຣຍຊະນິດໜຶ່ງທີ່ຕິດຕໍ່ໂດຍການຮັບປະທານອາຫານ ຫຼື ດື່ມນໍ້າທີ່ປົນເປື້ອນເຊື້ອຈາກອຸຈຈາລະຂອງຜູ້ຕິດເຊື້ອ ເຊື້ອນີ້ເມື່ອເຂົ້າສູ່ຮ່າງກາຍຈະເຂົ້າໄປຝັງຕົວຢູ່ໃຕ້ເຍື່ອບຸກະເພາະ ຜະໜັງກະເພາະຈຶ່ງອ່ອນແອລົງ ແລະ ມີຄວາມທົນຕໍ່ກົດລົດລົງ ເຮັດໃຫ້ກະເພາະອາຫານ ແລະ ລໍາໄສ້ນ້ອຍສ່ວນຕົ້ນເກີດແຜໄດ້ງ່າຍ ແຜຫາຍຊ້າ ແລະ ເກີດແຜຊໍ້າໄດ້ອີກ ຮັບປະທານສິ່ງທີ່ກໍ່ໃຫ້ເກີດການລະຄາຍເຄືອງຕໍ່ກະເພາະ ແລະ ລໍາໄສ້ ເຊັ່ນ […]
ເລື່ອງທີ່ທ່ານອາດບໍ່ຮູ້ກ່ຽວກັບການ “ບໍລິຈາກເລືອດ”
ຫຼາຍຄົນຮູ້ດີຢູ່ແລ້ວວ່າການ “ບໍລິຈາກເລືອດ” ມີປະໂຫຍດໃນເລື່ອງຂອງການໄດ້ຊ່ວຍຊີວິດເພື່ອນມະນຸດທີ່ຕ້ອງການເລືອດເພື່ອການປິ່ນປົວ ແຕ່ນອກຈາກໄດ້ອິ່ມໃຈທີ່ໄດ້ຊ່ວຍເຫຼືອຄົນອື່ນແລ້ວ ການບໍລິຈາກເລືອດຍັງມີຂໍ້ມູນທີ່ໜ້າສົນໃຈທີ່ທ່ານອາດບໍ່ເຄີຍຮູ້ອີກຫຼາຍ 12 ເລື່ອງທີ່ທ່ານອາດບໍ່ຮູ້ກ່ຽວກັບການ “ບໍລິຈາກເລືອດ” ໃຜທີ່ຄິດວ່າເຫັນຄົນໄປບໍລິຈາກເລືອດກັນຫຼາຍຄົນ ຄິດວ່າໜ້າຈະພຽງພໍແລ້ວ ຂໍບອກເລີຍວ່າຄິດຜິດ ເພາະປັດຈຸບັນມີຄວາມຕ້ອງການໃຊ້ເລືອດໃນແຕ່ລະວັນສູງເຖິງ 5,000 ຢູນິດຕໍ່ວັນ ແຕ່ຕອນນີ້ເລືອດທີ່ໄດ້ຮັບບໍລິຈາກມາມີພຽງ 2,000 ຢູນິດຕໍ່ວັນເທົ່ານັ້ນ ທີ່ເຫັນໄປລໍຖ້າຄິວບໍລິຈາກເລືອດກັນຫຼາຍ ຄວາມຈິງແລ້ວເປັນພຽງ 3% ຂອງປະຊາກອນໄທທັງປະເທດເອງນະ ແລ້ວມັນຈະໄປພໍທີ່ໃດ ແມ່ນບໍ່? ເລືອດທີ່ພວກເຮົາບໍລິຈາກໄປໃນແຕ່ລະຄັ້ງ ສາມາດແຍກອອກມາໃຊ້ງານໄດ້ຫຼາຍສ່ວນ ທັງເກັດເລືອດ ພລາສມາ ແລະ ເມັດເລືອດແດງ ພວກເຮົາບໍ່ໄດ້ໃຊ້ເລືອດເພື່ອການຜ່າຕັດປິ່ນປົວຄົນເຈັບແຕ່ພຽງຢ່າງດຽວນະ ແຕ່ເຖິງຢ່າງໃດ ຄົນເຈັບທີ່ຕ້ອງການໃຊ້ເລືອດຫຼາຍທີ່ສຸດ ກໍ່ໜີບໍ່ພົ້ນກຸ່ມຄົນເຈັບທີ່ຕ້ອງຜ່າຕັດໃຫຍ່ ຫຼື ປະສົບອຸບັດຕິເຫດ ແລ້ວປະເທດເຮົາກໍ່ປະສົບອຸບັດຕິເຫດກັນເລື້ອຍອີກດ້ວຍ ການບໍລິຈາກເລືອດຊ່ວຍກະຕຸ້ນການເຮັດວຽກຂອງໄຂກະດູກໃຫ້ສ້າງເມັດເລືອດໃໝ່ໆ ທີ່ມີຄຸນນະພາບມາໝູນວຽນໃຊ້ບໍາລຸງຮ່າງກາຍ ເປັນການປ່ຽນຖ່າຍເລືອດເກົ່າ ເລືອດໃໝ່ໄດ້ຢ່າງມີປະໂຫຍດ ແລະ ປອດໄພທີ່ສຸດ ເມື່ອພວກເຮົາໄດ້ປ່ຽນຖ່າຍເລືອດເກົ່າ-ໃໝ່ ສົ່ງຜົນໃຫ້ເລືອດໃໝ່ທີ່ໄປລ້ຽງຕາມຮ່າງກາຍເຮັດວຽກໄດ້ດີຂຶ້ນ ຜິວພັນເປັ່ງປັ່ງສົດໃສຍິ່ງຂຶ້ນ ຫາກທ່ານຕັ້ງໃຈຈະບໍລິຈາກເລືອດເປັນປະຈໍາຕາມທີ່ສະພາກາຊາດແນະນໍາ ນັ້ນໝາຍຄວາມວ່າທ່ານຈະຕ້ອງດູແລສຸຂະພາບຮ່າງກາຍຂອງຕົວເອງໃຫ້ສົມບູນແຂງແຮງຕະຫຼອດເວລາ ຕ້ອງລະວັງເລື່ອງອາຫານການກິນ ການອອກກໍາລັງກາຍ ການພັກຜ່ອນ ບໍ່ຄຽດ ເລີຍເຮັດໃຫ້ກາຍເປັນຄົນທີ່ມີສຸຂະພາບດີໄປໂດຍທໍາມະຊາດ ເມື່ອຮ່າງກາຍແຂງແຮງ ກໍ່ຫ່າງໄກຈາກພະຍາດໄຂ້ເຈັບຕ່າງໆ ໂດຍສະເພາະພະຍາດທີ່ໃຜໆ […]
ພະຍາດໄຂ້ເລືອດດຳ ມີວິທີປ້ອງກັນແນວໃດ?
ພະຍາດໄຂ້ເລືອດດຳ ເປັນພະຍາດທີ່ຕິດຕໍ່ຈາກສັດສູ່ຄົນ ໂດຍການສຳຜັດ ແລະ ການບໍລິໂພກຊີ້ນສັດທີ່ຕິດພະຍາດ ແລະ ເຮັດໃຫ້ເສຍຊີວິດໄດ້. *ພະຍາດໄຂ້ເລືອດດຳ ເປັນພະຍາດທີ່ຕິດຕໍ່ຈາກສັດສູ່ຄົນ ໂດຍການສຳຜັດ ແລະ ການບໍລິໂພກຊີ້ນສັດທີ່ຕິດພະຍາດ ແລະ ເຮັດໃຫ້ເສຍຊີວິດໄດ້. ພະຍາດດັ່ງກ່າວ, ເກີດຈາກເຊື້ອກາລະໂລກທີ່ມີຊື່ວ່າ ບາຊິລັສ ແອນແທັກຊິສ (Bacillus Anthracis) ເຊື້ອພະຍາດນີ້ ສາມາດສ້າງສະປໍ ແລະ ມີຄວາມທົນທານຕໍ່ສະພາບແວດລ້ອມສູງ ໂດຍເຊື້ອພະຍາດຈະກະຈາຍຢູ່ຕາມທົ່ງຫຍ້າ ແລະ ຝັງໂຕຢູ່ໃນດິນໄດ້ເປັນເວລາດົນ, ສັດທີ່ໄດ້ຮັບເຊື້ອຈະມີອາການເລືອດເປັນພິດຢ່າງຮ້າຍແຮງເຮັດໃຫ້ເມັດເລືອດແດງແຕກແລ້ວສັດຈະສົ່ງເຊື້ອອອກທາງອາຈົມ, ນ້ຳຢຽວ, ນ້ຳນົມ, ເລືອດ ແລະ ອື່ນໆ. ການຕິດຕໍ່ຂອງພະຍາດຈາກສັດສູ່ຄົນ: ການກິນຊີ້ນສັດ ຫລື ຜະລິດຕະພັນທີີ່ມີເຊື້ອ, ການສຳຜັດສັດທີ່ບໍ່ສະບາຍ ຫລື ຕາຍຜິດປົກກະຕິ, ຕິດຈາກການຫາຍໃຈເອົາຝຸ່ນດິນທີ່ມີສະປໍເຊື້ອພະຍາດເຂົ້າໄປ ເຊິ່ງໄລຍະຝັກຕົວຂອງພະຍາດ 1-5 ວັນ ຫລື ອາດດົນເຖິງ 60 ວັນ, ຜູ້ ທີ່ຕິດເຊື້ອພະຍາດນີ້ຈະມີອາການໄຂ້, ປວດຮາກ, ຮາກ, ເຈັບທ້ອງຮຸນແຮງ, ມີບາດຄືຖືກໄຟຈິ, ຫາຍໃຈຍາກ, […]