ລາຄານໍ້າມັນລົງ

ກະຊວງອຸດສາຫະກໍາ ແລະ ການຄ້າ ຈະປັບລາຄານ້ຳມັນເຊື້ອໄຟທຸກປະເພດລົງ ເລີ່ມປະຕິບັດ 06:00 ໂມງຂອງວັນທີ 29 ກຸມພາ 2024 ນີ້. ທີ່ມາ VientianeTimes

ຈັບຊາຍອາຍຸ 19 ປີແອບອ້າງເອົາເງິນບໍລິຈາກຊ່ວຍເຫຼືອຈາກປະຊາຊົນ

ເຈົ້າໜ້າທີ່ ປກສ ເມືອງໄຊເສດຖາ ນະຄອນຫຼວງວຽງຈັນ ສົມທົບກັບ ປກສ ກຸ່ມ 6 ບ້ານນາຄວາຍ ໄດ້ນໍາກໍາລັງເຂົ້າຈັບຊາຍອາຍຸ 19 ປີ ໃນຂໍ້ກ່າວຫາການສໍ້ໂກງຊັບ ໄປດໍາເນີນຄະດີ ຍ້ອນກໍ່ເຫດສ້າງເຟສບຸກປອມເປັນສະມາຄົມຊ່ວຍເຫຼືອຜູ້ທຸກຍາກແອບອ້າງເອົາເງິນປະຊາຊົນ. ຜ່ານການສອບສວນ, ທ້າວ ລັດຕະນະໄຊ ຫຼື ເນັ່ງ ອາຍຸ 19 ປີ ຢູ່ບ້ານແກ້ງປາຢ້າງ ເມືອງຫາດຊາຍຟອງ ນະຄອນ ຫຼວງວຽງຈັນ ໃຫ້ການສາລະພາບໃນເບື້ອງຕົ້ນວ່າ: ໄດ້ເຄື່ອນໄຫວເສບຢາເສບຕິດມາແຕ່ປີ 2019, ເຊິ່ງເສບຄັ້ງລະ 2-3 ເມັດ ສ່ວນຢາບ້າທີ່ຊື້ມາເສບ; ແມ່ນຊື້ນໍາພວກໄວລຸ້ນບໍ່ຮູ້ຊື່ຕາມຮ້ານເກມຢູ່ເຂດເມືອງຫາດຊາຍ ແລະ ນອກຈາກເສບຢາບ້າແລ້ວ, ຜູ້ກ່ຽວຍັງເຄື່ອນໄຫວໂກງຊັບຈຳນວນຫຼາຍຄັ້ງຄື: ຜ່ານມາ, ທ້າວ ລັດຕະນະໄຊ ໄດ້ໄປເປີດບັນຊີຢູ່ທະນາຄານການຄ້າຕ່າງປະເທດລາວ ມະຫາ ຊົນຢູ່ສໍານັກງານໃຫຍ່ ຕັ້ງຢູ່ບ້ານຊຽງຍືນ ເມືອງຈັນທະບູລີ ເຊິ່ງອອກຊື່ທ້າວ ລັດຕະນະໄຊ ພາຍຫຼັງທີ່ເປີດບັນຊີ ກໍນໍາໃຊ້ເປັນປົກກະຕິໄດ້ປະມານ 1 ປີ, ຕໍ່ມາຜູ້ກ່ຽວໄດ້ເຫັນເຟສບຸກໂພສລົງວ່າ: ຮັບຊື້ເລກບັນຊີ ຈຶ່ງໄດ້ຕິດຕໍ່ຫາເຟສບຸກດັ່ງກ່າວ […]

ເດືອນມັງກອນ ຕົ້ນປີ 2024 ມີຜູ້ເສຍຊີວິດເຖິງ 119 ຄົນ ຈາກອຸບັດເຫດໃນທົ່ວປະເທດ

ປະ­ຈຸ­ບັນ ການ​ເກີດ​ອຸ­ບັດ­ເຫດ​ຢູ່​ຕາມ​ສາຍ​ທາງ​ຕ່າງໆ​ ໄດ້ເພີ່ມຂຶ້ນໃນແຕ່ລະວັນ ເປັນຈໍານວນຫຼາຍໃນຂອບເຂດ​ທົ່ວ​ປະເທດ, ສະເພາະເດືອນມັງກອນ ຕົ້ນປີ 2024 ມີຜູ້ເສຍຊີວິດເຖິງ 119 ຄົນ ຈາກອຸບັດເຫດຕາມທ້ອງຖະໜົນໃນທົ່ວປະເທດ ທັງໝົດ 773 ຄັ້ງ, ຊຶ່ງເຮັດໃຫ້ມີຜູ້ເສຍຊີວິດ ເພີ່ມຂຶ້ນ 30 ຄົນ ຖ້າທຽບໃສ່ເດືອນທັນວາ ທ້າຍປີ 2023 ຜ່ານມານີ້. ອີງຕາມກົມ​ຕຳ­ຫຼວດ​ຈາລະຈອນ ໄດ້ລາຍ​ງານ​ສະ­ພາບ​ການ​ເກີດ​ອຸ­ບັດ­ເຫດ​ທົ່ວ​ປະ­ເທດ​ປະ­ຈຳ​ເດືອນມັງກອນ 2024 ທີ່ຜ່ານມາ ຊາບ​ວ່າ: ສະພາບອຸບັດເຫດຕາມທ້ອງຖະໜົນໃນຂອບເຂດທົ່ວປະເທດຍັງໜ້າເປັນຫ່ວງ ເຖິງແມ່ນວ່າເຈົ້າໜ້າທີ່ຕໍາຫຼວດ ຈະໃຊ້ມາດຕະການຕ່າງໆເພື່ອຫຼຸດຜ່ອນອຸບັດເຫດກໍ່ຕາມ, ຊຶ່ງສາຍເຫດທີ່ພາໃຫ້ເກີດອຸບັດເຫດແຕ່ລະຄັ້ງ ສ່ວນໃຫຍ່ເກີດຈາກການລະເມີດກົດລະບຽບການສັນຈອນຂອງຜູ້ຂັບຂີ່ ໂດຍສະເພາະຂັບ​ຂີ່​ໄວ​ເກີນ​ກຳ­ນົດ, ດື່ມສິ່ງມຶນເມົາ ແລະ ອື່ນໆ, ໃນນັ້ນ ອຸບັດຕິເຫດສ່ວນໃຫຍ່ແມ່ນເກີດຂຶ້ນ ນັບແຕ່ເວລາ 17:00-24:00 ໃນກຸ່ມອາຊີບກໍາມະກອນ ແລະ ກຸ່ມນັກຮຽນ ນັກສຶກສາ. ຈາກ​ອຸ­ບັດ­ເຫດທີ່ເກີດຂຶ້ນດັ່ງກ່າວ, ທາງ​ເຈົ້າ​ໜ້າ­ທີ່ກົມ​ຕຳ­ຫຼວດ​ຈາລະຈອນ ​ຈຶ່ງ​ຮຽກ­ຮ້ອງ​ມາ​ຍັງ​ຜູ້​ທີ່​ໃຊ້​ລົດ​ໃຊ້​ຖະ­ໜົນ​ຕ້ອງ​ຮ່ວມ​ໃຈ​ກັນ​ປະ­ຕິ­ບັດ​ກົດ​ລະ­ບຽບ​ການ​ສັນ­ຈອນ​ທາງ­ບົກ​ໃຫ້​ເຄັ່ງ​ຄັດ ມີ​ສະ­ຕິ​ໃນ​ການ​ຂັບ​ຂີ່​ແຕ່​ລະ​ຄັ້ງ ເຊັ່ນ: ເມົາ​ແລ້ວ​ຫ້າມ​ຂັບ ຂັບ​ຂີ່​ລົດ­ຈັກ​ຕ້ອງ​ໃສ່​ໝວກ​ກັນ​ກະ­ທົບ​ທຸກ​ຄັ້ງ ແລະ ກວດ­ກາ​ສະ­ພາບ​ລົດ​ໃຫ້​ມີ​ຄວາມ​ພ້ອມ ແລ້ວ​ຈຶ່ງ​ອອກ​ເດີນ­ທາງ ບັນ­ຫາ​ການ​ເກີດ​ອຸ­ບັດ­ເຫດ​ມັນ​ຈຶ່ງ​ຈະ​ຫຼຸດ​ລົງ. […]

ຍີ່ປຸ່ນ ສົ່ງເສີມກະສິກອນສວນກາເຟ ຢູ່ 8 ບ້ານ ໃນເມືອງໂພນໄຊ ແລະ ເມືອງວຽງຄຳ

ລັດຖະບານຍີ່ປຸ່ນ ໃຫ້ທຶນສະໜັບສະໜູນໂຄງການສ້າງການຄ້ຳປະກັນສະບຽງອາຫານໃຫ້ຊາວກະສິກອນ ແລະ ເຊື່ອມໂຍງທາງດ້ານເສດຖະກິດ ກັບຍີ່ປຸ່ນ (COFFEE-JAPAN) ປະມານ 1 ລ້ານໂດລາສະຫະລັດ ຊຶ່ງໂຄງການນີ້ ແນໃສ່ການສົ່ງເສີມກະສິກອນສວນກາເຟ ຢູ່ 8 ບ້ານ ໃນເມືອງໂພນໄຊ ແລະ ເມືອງວຽງຄຳ ແຂວງຫຼວງພະບາງ ໃນໄລຍະເວລາ 30 ເດືອນ, ພ້ອມທັງຊຸກຍູ້ຄວາມພະຍາຍາມໃນການຜະລິດ, ການຕະຫຼາດ, ສົ່ງເສີມການເຂົ້າເຖິງ ແລະ ຄວາມເຂົ້າໃຈ ກ່ຽວກັບດ້ານໂພຊະນາການທີ່ຈໍາເປັນ ເຊິ່ງກາເຟທີ່ຜະລິດໄດ້ແມ່ນຈະສົ່ງອອກໄປຍັງຕະຫຼາດຍີ່ປຸ່ນ. ທ່ານ ສິລິພອນ ສຸພັນທອງ ຮອງເຈົ້າແຂວງຫຼວງພະບາງ ໄດ້ກ່າວວ່າ: ກາເຟ ເປັນພືດທີ່ມີທ່າແຮງສູງ ໃນການສ້າງໂອກາດທາງເສດຖະກິດໃຫ້ປະຊາຊົນ. ແຕ່ກາເຟທີ່ມີຄຸນນະພາບສູງເພື່ອສາມາດສົ່ງອອກສູ່ຕະຫຼາດສາກົນແມ່ນຍັງຂາດແຄນ ເນື່ອງຈາກກະສິກອນຢູ່ເຂດພາກເໜືອຂອງປະເທດລາວ ຍັງມີທັກສະທີ່ຈຳກັດ ໃນການປູກກາເຟ ທີ່ມີຄຸນນະພາບຕາມຄວາມຮຽກຮ້ອງຕ້ອງການ ຂອງຕະຫຼາດສາກົນ. ການສະໜັບສະໜູນຈາກປະເທດຍີ່ປຸ່ນ ແລະ ການຮ່ວມມືຂອງຫຼາຍພາກສ່ວນໃນຄັ້ງນີ້ ຈະຊ່ວຍສ້າງລາຍຮັບໃຫ້ກະສິກອນສວນກາເຟ, ພ້ອມທັງຮັບປະກັນໃຫ້ເຂົາເຈົ້າໄດ້ຮຽນຮູ້ ກ່ຽວກັບໂພຊະນາການ ແລະ ເຂົ້າເຖິງອາຫານ ເພື່ອສຸຂະພາບຕື່ມອີກ. ທ່ານ ເຄນິຈິ ໂກບາຢາຊິ ເອກອັກຄະຣາຊະທູດຍີ່ປຸ່ນ […]

ສຳປະທານດິນ 3.000 ກວ່າເຮັກຕາ ປູກຫຍ້າ ແລະ ລ້ຽງງົວ ເພື່ອສົ່ງອອກ

ກຸ່ມບໍລິສັດ ດວງຈະເລີນ ກໍ່ສ້າງ ຈຳກັດ ສຳປະທານທີ່ດິນລັດ 3.000 ກວ່າເຮັກຕາ ຢູ່ແຂວງ ບໍ່ແກ້ວ ເພື່ອປູກຫຍ້າ ແລະ ລ້ຽງງົວ ເພື່ອຕອບສະໜອງຄວາມຕ້ອງການຊີ້ນງົວຂອງຕະຫຼາດທັງພາຍໃນ ແລະ ຕ່າງປະເທດ ໂດຍແນໃສ່ຕະຫຼາດຈີນເປັນຕະຫຼາດຫຼັກ. ອີງຕາມການລາຍງານຂອງ ໜັງສືພິມ ເສດຖະກິດ-ການຄ້າ, ທ່ານ ຄຳຝາຍ ສີລາຊາ ປະທານ ກຸ່ມບໍລິສັດ ດວງຈະເລີນ ກໍ່ສ້າງ ຈຳກັດ ໃນນາມຜູ້ພັດທະນາປູກຝັງ ແລະ ລ້ຽງສັດຢູ່ແຂວງບໍ່ແກ້ວ ກ່າວວ່າ: ໂຄງການດັ່ງກ່າວ ເລີ່ມມາແຕ່ປີ 2021 ໄດ້ສຳປະທານດິນທັງໝົດ 5 ຕອນເນື້ອທີ່ລວມ 3.687 ເຮັກຕ້າ ຕັ້ງຢູ່ໃນເນື້ອທີ່ຂອງ 2 ເມືອງໃນແຂວງບໍ່ແກ້ວ, ເນື້ອທີ່ສ່ວນຫຼາຍແມ່ນເປັນເຂດພູດອຍ ສະຫຼັບກັບພູພຽງ ເໝາະສຳລັບການປູກຝັງລ້ຽງສັດ. ໂດຍໂຄງການດັ່ງກ່າວ ໄດ້ທົດລອງລ້ຽງງົວຢູ່ 4 ສາຍພັນ ປະກອບມີ: ສາຍພັນ ແອັງກາສ ວາກິວ ນຳເຂົ້າຈາກ ອົດສະເຕເລຍ […]

ກໍ່ເຫດຂ້າເມຍຕົວເອງ ຍ້ອນເມຍຖາມປະ ແລະ ເມຍບໍ່ໃຫ້ເງິນ

ທ້າວ ແຫຼ້ ລັດສົມບັດ ອາຍຸ 49 ປີ, ອາຊີບເຮັດນາ ຊຶ່ງປະຈຸບັນ ຢູ່ບ້ານ ດົງຄຸງ ເມືອງໜອງບົກ ແຂວງຄຳມ່ວນ ໄດ້ລົງມືກໍ່ເຫດຄາຕະກຳຜູ້ເປັນເມຍ ຊື່ນາງ ບຸນພັກ ລັດສົມບັດ (ແດງ) ອາຍຸ 29 ປີ ສາເຫດຍ້ອນເມຍຖາມປະ ແລະ ຂໍເງິນຈຳນວນ 30 ລ້ານກີບ ແຕ່ເມຍບໍ່ໃຫ້. ໃນວັນທີ 15 ກຸມພາ 2024 ຜ່ານມານີ້, ເຈົ້າໜ້າທີ່ພະແນກຕຳຫຼວດໜ່ວຍງານຄະດີອາຍາ-ເສດຖະກິດ ປກສ ເມືອງໜອງບົກ ແຂວງຄຳມ່ວນ ໄດ້ນຳຕົວທ້າວ ແຫຼ້ ລັດສົມບັດ ໄປເຮັດຈຳລອງເຫດການຄືນ ຫຼັງຈາກກໍ່ເຫດການຄາຕະກຳຜູ້ເປັນເມຍໃນວັນທີ 11 ກຸມພາ 2024 ຜ່ານມານີ້. ທ້າວ ແຫຼ້ ຮັບສາລະພາບໃນເບື້ອງຕົ້ນວ່າ: ໃນຕົ້ນເດືອນກຸມພານີ້ ໄດ້ຂໍເງິນນຳນາງ ບຸນພັກ (ເມຍ) ຈຳນວນ 5 ລ້ານກີບ ເພື່ອໄປແຕ່ງເຄື່ອງສຽງລົດແຕ່ເມຍບໍ່ໃຫ້, […]

ປີ 2024 ເສຍຊີວິດແລ້ວ 1 ຄົນ ຍ້ອນໄຂ້ຍຸງລາຍ

ສະພາບການລະບາດຂອງໄຂ້ຍຸງລາຍ ຍັງມີທ່າອ່ຽງສຶບຕໍ່ແຜ່ລະບາດໃນຂອບ​ເຂດທົ່ວປະເທດ ບໍ່ວ່າຈະຢູ່ໃນໄລຍະລະດູຝົນ ແລະ ລະດູໜາວ, ໂດຍສະເພາະ ປີ 2024 ມີຜູ້ເສຍຊິວິດຍ້ອນໄຂ້ຍຸງລາຍ ແລ້ວ 1 ຄົນ, ເພດຊາຍ ອາຍຸ 33 ປີ, ພັກຢູ່ຫ້ອງແຖວຫໍພັກບຸນເກີດ, ບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ ໃນວັນທີ 20 ກຸມພາ 2024 ຜ່ານມານີ້. ສູນຂ່າວສານການແພດສຸຂະສຶກສາ ໄດ້ລາຍງານວ່າ: ນັບແຕ່ຕົ້ນເດືອນມັງກອນ 2024 ມາຮອດປະຈຸບັນ, ມີຜູ້ປ່ວຍໄຂ້ຍຸງລາຍສະສົມແລ້ວ 1.053 ກໍລະນີ,​ ໃນ​ນັ້ນ ມີຜູ້ປ່ວຍໄຂ້ຍຸງລາຍຫຼາຍກວ່າໝູ່ແມ່ນແຂວງເຊກອງ 296 ກໍລະນີ, ນະຄອນຫຼວງວຽງຈັນ 217ກໍລະນີ, ຫຼວງນໍ້າທາ 173 ກໍລະນີ ແລະ ແຂວງ ອື່ນໆ ອີກ. ສໍາລັບ ປີ 2023 ທີ່ຜ່ານມາ, ໃນທົ່ວປະເທດລາວ ມີຜູ້ປ່ວຍໄຂ້ຍຸງລາຍທັງໝົດ 35.317 ກໍລະນີຄົນ ແລະ […]

ດວງລາຍວັນປະຈໍາວັນ ອັງຄານ ທີ 20 ກຸມພາ 2024

ຄົນເກີດວັນອາທິດ:ການ​ງານ ກຳ​ລັງ​ວາງ​ແຜນ​ເພື່ອ​ທີ່​ຈະ​ຕຽມ​ຕົວ​ໃນ​ການ​ກໍ່ການ​ຄ້າ​ແລ້ວ​ຈະ​ເກີດ​ຄວາມ​ສຳ​ເລັດ ການ​ເງິນ ຊ່ວງ​ນີ້​ເຂົ້າ​ສູ່​ຊ່ວງ​ການ​ໃຊ້​ເງິນ​ແບບ​ປະ​ຢັດ ຄວາມ​ຮັກ ລະວັງເລື່ອງຂອງຄໍາເວົ້າອາດເຮັດໃຫ້ຄົນຮັກນ້ອຍໃຈ ຫາເວລາວ່າງໄປກັນເຂົ້າຮ່ວມກັນມີເວລາໃຫ້ກັນຈະດີ ເຄື່ອງມຸງຄຸນ​ ໄຂ່ມຸກ ສີມຸງຄຸນ​ ສີສົ້ມ ເລກ​ນຳ​ໂຊກ​ 4 ຄົນເກີດວັນຈັນ:ການ​ງານ​ ເຮັດ​ທຸລະກິດ​ດ້ານ​ແຟ​ຊັ່ນ ການ​ຄ້າ​ອາຫານ ໄດ້​ຜົນ​ກຳ​ໄລ​ດີ ການ​ເງິນ ມື້​ນີ້​ໂຊ​ກດີ​ຈະ​ໄດ້​ເງິນ​ເຂົ້າ​ມາ​ເພີ່ມ​ຂຶ້ນ ໃນໄລຍະນີ້ ຄວາມ​ຮັກ​ ​ ມີ​ໂອ​ກາດ​ໄດ້​ສານ​ຄວາມ​ສຳພັນ​ເກີດ​ຄວາມ​ສຸກ​ໃນ​ເລື່ອງ​ຮັກ ເຄື່ອງມຸງຄຸນ​ ເງິນ ສີມຸງຄຸນ ສີ​ນໍ້າຕານ ເລກ​ນຳ​ໂຊກ​ 1 ຄົນເກີດວັນອັງຄານ:ການ​ງານ​ ສາມາດ​ເຮັດ​ທຸລະກິດ​ແບບປະ​ສົບ​ຄວາມ​ສຳ​ເລັດໄດ້ດ້ວຍໂຕເອງ ການ​ເງິນ​ ຊ່ວງ​ນີ້​ໂຊ​ກດີ​ຈະ​ໄດ້ຮັບ​ເງິນ​ກ້ອນ​ໃຫຍ່ເຂົ້າມາໃຊ້ຈ່າຍ ຄວາມ​ຮັກ ມີ​ໂອ​ກາດ​ພົບ​ຮັກ​ກັບ​ຄົົນທີ່​ດີ ມີ​ສະເໜ່ ເຄື່ອງມຸງຄຸນ​ ​ແຫວນຄໍາ ສີມຸງຄຸນ ສີບົວ ເລກ​ນຳ​ໂຊກ​ 7 ຄົນເກີດວັນພຸດ:ການ​ງານ ການ​ເຈລະຈາ​ຕໍ່​ລອງ​ທາງ​ດ້ານ​ການ​ວຽກງານ​ປະ​ສົບຜົນສໍາເລັດ ການ​ເງິນ ເປັນຊ່ວງທີ່ທ່ານຕ້ອງນໍາເງິນໃນອານາຄົດມານໍາໃຊ້ຕ້ອງລະວັງເລື່ອງຂອງລາຍຈ່າຍ ຄວາມ​ຮັກ​ ພົບ​ຄົົນທີ່​ຈິງ​ຈັງ​ ແລະ​ ຈິງ​ໃຈ ມີ​ເກນ​ອາ​ຍຸຫລາຍກວ່າ ເຄື່ອງມຸງຄຸນ​​ ໄຂ່ມຸກ ສີມຸງຄຸນ ສີດໍາ […]

ເມືອງຕົ້ນເຜິ້ງ ຮື້ຖອນປ້າຍໂຄສະນາທີ່ບໍ່ຖືກລະບຽບ

ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເມືອງຕົ້ນເຜິ້ງ ແຂວງບໍ່ແກ້ວ ລົງຮື້ຖອນປ້າຍໂຄສະນາ, ປ້າຍບອກຊື່, ປ້າຍທີ່ຕິດລາຄາເປັນເງິນຕາຕ່າງປະເທດ ແລະ ປ້າຍອື່ນໆ ທີ່ບໍ່ຖືກຕ້ອງຕາມລະບຽບຂອງ ສປປ ລາວ ເມື່ອມໍ່ໆມານີ້ ພາຍໃນເມືອງຕົ້ນເຜິ້ງ. ການລົງຮື້ຖອນດັ່ງກ່າວໄດ້ຮື້ຖອນປ້າຍຫຼາຍກວ່າ 30 ປ້າຍທີ່ບໍ່ຖືກລະບຽບຂອງ ສປປ ລາວ ເຊັ່ນ: ປາຍທີ່ບໍ່ມີໂຕໜັງສືລາວ (ພາສາຈີນ, ຫວຽດນາມ..), ປ້າຍທີ່ໂຕໜັງສືຕ່າງປະເທດຂື້ນກ່ອນ ພາສາລາວ ແລະ ປ້າຍໂຕໜັງສືໃຫຍ່ກວ່າໂຕໜັງສືລາວ, ປ້າຍທີ່ຕິດລາຄາສິນຄ້າເປັນສະກຸນເງິນຕາຕ່າງປະເທດ ແລະ ປ້າຍອື່ນໆ. ການລົງຮື້ຖອນນີ້ແມ່ນອີງຕາມດຳລັດ 209 ຂອງປະທານປະເທດກ່ຽວກັບການປະກາດໃຊ້ກົດໝາຍວ່າດ້ວຍປ້າຍ, ເນື້ອໃນ, ສີພື້ນ, ສີຕົວໜັງສື ແລະ ຄວາມຮຸ່ງແຈ້ງຂອງປ້າຍ. ແຫຼ່ງຂໍ້ມູນ: ໜັງສືພິມແຂວງບໍ່ແກ້ວ

ພະຍາດຕັບອັກເສບ ສາຍເຫດເຮັດໃຫ້ຕັບແຂງ ແລະ ນຳໄປສູ່ການເສຍຊີວິດ ໄດ້

ພະຍາດຕັບອັກເສບ ແມ່ນການອັກເສບຂອງຕັບ ຊຶ່ງການອັກເສບດັ່ງກ່າວ ສາມາດພາໃຫ້ເກີດເປັນກະດັນຕັບ ຫຼື ຕັບແຂງ, ມະເຮັງຕັບ ແລະ ສາມາດນຳໄປສູ່ການເສຍຊີວິດ ໄດ້. ອີງຕາມສູນຂ່າວສານການແພດສຸຂະສຶກສາ: ພະຍາດຕັບອັກເສບ ແມ່ນເກີດຈາກການຕິດເຊື້ອໄວຣັສຕັບອັກເສບ ເຊິ່ງມີຫຼາຍຊະນິດ, ແຕ່ໄວຣັສຕັບອັກເສບ B ແລະ C ເປັນຊະນິດທີ່ຮ້າຍແຮງກວ່າໝູ່ ແລະ ເປັນສາເຫດໃຫ້ມີຄົນເສຍຊີວິດເຖິງ 1.34 ລ້ານຄົນຕໍ່ປີ ໃນທົ່ວໂລກ, ພ້ອມນັ້ນ ການແຜ່ເຊື້ອໄວຣັສຕັບອັກເສບ ແມ່ນມິດງຽບ, ສາມາດເກີດຂຶ້ນໄດ້ກັບທຸກຄົນ ແລະ ເກີດຂຶ້ນໄດ້ທຸກເວລາ ແບບບໍ່ມີສັນຍານເຕືອນ. ຄົນຕິດເຊື້ອໄວຣັສຕັບອັກເສບ ‘ບໍ່ຮູ້ຕົວ’ ວ່າຕົນເອງຕິດເຊື້ອ,ທ່ານສາມາດປົກປ້ອງຕົນເອງ ແລະ ຄົນທີ່ທ່ານຮັກໄດ້ ໂດຍການເຂົ້າຮັບການກວດຫາເຊື້ອຢູ່ໂຮງໝໍໃກ້ບ້ານທ່ານ, ໂດຍສະເພາະ ແມ່ຍິງຖືພາ, ເນື່ອງຈາກວ່າ ໄວຣັສຕັບອັກເສບ B ສາມາດຕິດຕໍ່ຈາກແມ່ສູ່ລູກໄດ້ງ່າຍໃນເວລາເກີດ, ສັກວັກຊີນປ້ອງກັນໄວຣັສຕັບອັກເສບ B ສໍາລັບທ່ານເອງ ແລະ ລູກນ້ອຍຂອງທ່ານ ຕາມຕາຕະລາງການສັກວັກຊີນແຫ່ງຊາດ ຢູ່ໂຮງໝໍໃກ້ບ້ານທ່ານ,ປຶກສາແພດ ແລະ ເຂົ້າຮັບການປິ່ນປົວ ຖ້າທ່ານກວດພົບວ່າຕົນເອງຕິດເຊື້ອ ເພາະວ່າ ພວກເຮົາມີຕັບພຽງອັນດຽວ […]