6 ຈຸດທີ່ຕ້ອງກວດກາລົດກ່ອນຂັບໄປທາງໄກໃນຊ່ວງເທດສະການສົງການ 2025
6 ຈຸດທີ່ຕ້ອງກວດລົດກ່ອນຂັບທາງໄກລະຫວ່າງເທດສະການສົງການ ມີຫຍັງແດ່? ເທດສະການສົງການ 2025 ນີ້, ເຊື່ອວ່າຫຼາຍຄົນມີແຜນເດິນທາງທ່ອງທ່ຽວຕ່າງແຂວງຢ່າງແນ່ນອນ. ສິ່ງສຳຄັນທີ່ສຸດຄືສະພາບລົດຕ້ອງພ້ອມສົມບູນ ເພື່ອໃຫ້ການເດິນທາງເປັນໄປຢ່າງລາບລື່ນແລະປອດໄພ. ບົດຄວາມນີ້ຂໍແນະນຳ 6 ຈຸດທີ່ຕ້ອງກວດລົດກ່ອນອອກເດີນທາງ ມີຫຍັງແດ່? ຈຸດທີ່ຕ້ອງກວດກາລົດກ່ອນຂັບໄປທາງໄກໃນຊ່ວງເທດສະການສົງການ 2025: ກວດສານຂອງແຫຼວໃນຫ້ອງເຄື່ອງຈັກ: ກວດລະດັບນໍ້າມັນເຄື່ອງ, ນໍ້າມັນເກຍ, ນໍ້າຫລໍ່ລື່ນ, ນໍ້າມັນເບຣກ, ນໍ້າກັ່ນແບັດເຕີຣີ, ນໍ້າມັນພາວເວີ (ຖ້າມີ). ຕ້ອງແນ່ໃຈວ່າຂອງແຫຼວທຸກຊະນິດຢູ່ໃນລະດັບເໝາະສົມ ບໍ່ຕໍ່າກວ່າຂີດ MIN ແລະ ບໍ່ມີສີຫຼືກິ່ນຜິດປົກກະຕິ. ກວດສະພາບຢາງແລະລົມຢາງ: ຢາງຕ້ອງບໍ່ມີການຜິດປົກກະຕິ, ບໍ່ມີຮອຍແຕກດອກຢາງຢ່າງໜ້ອຍ 2 ມມ. ຕ້ອງປັບແຮງດັນລົມຢາງຕາມຄໍາແນະນໍາຂອງຜູ້ຜະລິດ. ຖ້າບັນທຸກຫຼາຍ, ຄວນເພີ່ມແຮງດັນລົມທີ່ລໍ້ຫຼັງປະມານ 3-5 ປອນ. ໄຟສ່ອງແສງຮອບຄັນ: ກວດໄຟທຸກດວງ (ໄຟໜ້າ, ໄຟທ້າຍ, ໄຟລ້ຽວ, ໄຟເບຣກ, ໄຟຕັດໝອກ) ຕ້ອງເຮັດວຽກປົກກະຕິ. ຖ້າຫຼອດໄຟຂາດ, ຄວນປ່ຽນໃໝ່. ທີ່ປັດນໍ້າຝົນ: ຢາງປັດນໍ້າຝົນຕ້ອງມີສະພາບດີ ສາມາດປັດນໍ້າອອກໄດ້ໝົດຈົດຕັ້ງແຕ່ຄັ້ງທໍາອິດ. ຖ້າປັດແລ້ວບໍ່ສະອາດຫຼືຢາງຂາດ, ຄວນປ່ຽນໃໝ່. ຄວນເຕີມນໍ້າລ້າງກະຈົກໃຫ້ເຕັມດ້ວຍ. ກວດຄວາມຜິດປົກກະຕິຕ່າງໆ: […]
“ນ້ຳມັນໝູ” ມີປະໂຫຍດ ຫຼື ໂທດ? ແລ້ວໃຊ້ເຮັດອາຫານໄດ້ຫຼືບໍ່ ມື້ນີ້ເຮົາມີຄຳຕອບ.
ນ້ຳມັນໝູ ອາດຈະເຄີຍເປັນສ່ວນປະສົມຫຼັກໃນເຮືອນຄົວຂອງຫຼາຍຄົວເຮືອນ, ແຕ່ຕໍ່ມາກໍ່ຄ່ອຍໆ ເສື່ອມຄວາມນິຍົມລົງ, ເມື່ອການຕະຫຼາດຂອງໄຂມັນຈາກໂຮງງານ, ເຊັ່ນ: ນ້ຳມັນພືດ ແລະ ມາກາລີນ, ຊັກຈູງໃຫ້ຜູ້ຄົນປ່ຽນພຶດຕິກຳການບໍລິໂພກແລະ ສ່ວນປະສົມທີ່ໃຊ້ໃນຄົວ. ເຖິງຢ່າງໃດກໍຕາມ, ພວກເຮົາກຳລັງຄ່ອຍໆ ຄົ້ນພົບວ່າການຮັບປະທານອາຫານທີ່ປະກອບດ້ວຍອາຫານທຳມະຊາດ ແລະ ໄຂມັນດີມີປະໂຫຍດຕໍ່ສຸຂະພາບ. ຮ່າງກາຍຂອງພວກເຮົາຕ້ອງການໄຂມັນເພື່ອດູດຊຶມວິຕາມິນທີ່ຈຳເປັນ, ແລະ ນ້ຳມັນໝູຈາກໝູທີ່ລ້ຽງແບບປ່ອຍອິດສະຫຼະກໍ່ເປັນໜຶ່ງໃນໄຂມັນດີທີ່ມີປະໂຫຍດຫຼາຍ. ນອກຈາກນີ້ຍັງສາມາດນຳໄປໃຊ້ໃນການປຸງອາຫານໄດ້ຫຼາກຫຼາຍວິທີ. ປະໂຫຍດຂອງນ້ຳມັນໝູ 1.ນ້ຳມັນໝູເປັນອາຫານທຳມະຊາດ ນ້ຳມັນໝູຄືນ້ຳມັນທີ່ໄດ້ຈາກການຈຽວມັນໝູ, ຊຶ່ງໝາຍຄວາມວ່າຜ່ານຂະບວນການແປຮູບໜ້ອຍທີ່ສຸດ, ບໍ່ມີສ່ວນປະສົມ, ສານເຕີມແຕ່ງ, ຫຼື ສານກັນບູດອື່ນໆ, ແຕກຕ່າງຈາກອາຫານແປຮູບທີ່ພົບໄດ້ທົ່ວໄປຕາມຊັ້ນວາງສິນຄ້າໃນຮ້ານຂາຍເຄື່ອງ. ຮ່າງກາຍຂອງພວກເຮົາຖືກອອກແບບມາໃຫ້ຮູ້ວ່າຈະຕ້ອງເຮັດແນວໃດເມື່ອພວກເຮົາກິນອາຫານທຳມະຊາດ. 2.ນ້ຳມັນໝູທົນຄວາມຮ້ອນ ນ້ຳມັນໝູມີຈຸດເກີດຄວັນຢູ່ທີ່ 187.78 ອົງສາເຊວຊຽດ, ຊຶ່ງໝາຍຄວາມວ່ານ້ຳມັນໝູບໍ່ສະຫຼາຍຕົວ ແລະ ເກີດປະຕິກິລິຍາອອກຊີເດຊັນໄດ້ໄວເທົ່າກັບໄຂມັນຊະນິດອື່ນໆ ທີ່ໃຊ້ກັນໃນຄົວ, ເຊັ່ນ: ນ້ຳມັນພືດ. ເມື່ອໄຂມັນບໍ່ເກີດປະຕິກິລິຍາອອກຊີເດຊັນໄດ້ໄວ, ກໍ່ຈະສ້າງອະນຸມູນອິດສະຫຼະໜ້ອຍລົງ. ອະນຸມູນອິດສະຫຼະມີຄວາມເຊື່ອມໂຍງກັບອາການອັກເສບແລະການທຳລາຍເຊວ, ດັ່ງນັ້ນ ການມີອະນຸມູນອິດສະຫຼະໃນອາຫານຂອງພວກເຮົາໜ້ອຍລົງຈຶ່ງເປັນສິ່ງທີ່ດີ. […]
ການເບິ່ງໜ້າຈໍໃນເວລາເຂົ້ານອນສົ່ງຜົນການນອນແບບບໍ່ມີຄຸນນະພາບ
ການສຶກສາພົບວ່າ ຜູ້ທີ່ໃຊ້ເວລາຫຼາຍຂຶ້ນໃນການເບິ່ງໜ້າຈໍໃນເວລາເຂົ້ານອນມີແນວໂນ້ມທີ່ຈະລາຍງານກ່ຽວກັບອາການນອນບໍ່ຫຼັບ ແລະ ການສູນເສຍການນອນຫຼັບຫຼາຍຂຶ້ນ. ການຄົ້ນຄວ້ານີ້ອີງໃສ່ການສຳຫຼວດຂອງນັກສຶກສານໍແວຫຼາຍກວ່າ 45,000 ຄົນ. ໄດ້ຊີ້ໃຫ້ເຫັນວ່າ ທຸກໆຊົ່ວໂມງເພີ່ມເຕີມຂອງການໃຊ້ໜ້າຈໍແມ່ນເຊື່ອມໂຍງກັບຄວາມສ່ຽງຂອງອາການນອນບໍ່ຫຼັບເພີ່ມຂຶ້ນ 63%, ແລະ ການນອນຫຼັບຫຼຸດລົງ 24 ນາທີ. ເຖິງຢ່າງໃດກໍຕາມ, ນັກຄົ້ນຄວ້າກ່າວວ່າພວກເຂົາພຽງແຕ່ສາມາດສ້າງຄວາມສຳພັນລະຫວ່າງການໃຊ້ໜ້າຈໍ ແລະ ຄຸນນະພາບການນອນທີ່ຕ່ຳກວ່າ. ຜູ້ຊ່ຽວຊານກ່າວວ່າ ການວາງໂທລະສັບລົງກ່ອນເຂົ້ານອນ, ການເຮັດບາງສິ່ງເພື່ອຜ່ອນຄາຍ ແລະ ການສ້າງກິດຈະວັດປະຈຳອາດຊ່ວຍປັບປຸງການນອນຫຼັບໄດ້. ເປັນຫຍັງທ່ານຄວນໄປນອນໃນເວລາດຽວກັນຕະຫຼອດທັງອາທິດ ນັກຄົ້ນຄວ້າທີ່ຢູ່ເບື້ອງຫຼັງການສຶກສານີ້, ເຊິ່ງອີງໃສ່ຂໍ້ມູນການສຳຫຼວດທີ່ເປັນຕົວແທນລະດັບຊາດຂອງນັກສຶກສາອາຍຸ 18-28 ປີ ທີ່ເກັບກຳໃນປີ 2022, ຕ້ອງການສຶກສາຄວາມເຊື່ອມໂຍງລະຫວ່າງຈຳນວນເວລາທີ່ໃຊ້ໜ້າຈໍໃນເວລາເຂົ້ານອນ ແລະ ຮູບແບບການນອນຫຼັບ. ພວກເຂົາຍັງພະຍາຍາມສຶກສາຜົນກະທົບຕໍ່ການນອນຫຼັບຈາກການໃຊ້ສື່ສັງຄົມອອນໄລນ໌ ທຽບກັບກິດຈະກຳໜ້າຈໍອື່ນໆ. ດຣ. ກັນຮິວ ຈອນເຊັນ ເຮັດແລນ ຈາກສະຖາບັນສາທາລະນະສຸກນໍແວ, ຜູ້ເປັນຜູ້ຂຽນຫຼັກຂອງການຄົ້ນຄວ້ານີ້ – ເຊິ່ງໄດ້ຖືກເຜີຍແຜ່ໃນວາລະສານ Frontiers – ກ່າວວ່າ ປະເພດຂອງກິດຈະກຳໜ້າຈໍເບິ່ງຄືວ່າຈະມີຜົນກະທົບໜ້ອຍກວ່າເວລາໜ້າຈໍໂດຍລວມ. “ພວກເຮົາບໍ່ພົບຄວາມແຕກຕ່າງທີ່ສຳຄັນລະຫວ່າງສື່ສັງຄົມອອນໄລນ໌ ແລະ ກິດຈະກຳໜ້າຈໍອື່ນໆ, ເຊິ່ງຊີ້ໃຫ້ເຫັນວ່າການໃຊ້ໜ້າຈໍເອງເປັນປັດໄຈສຳຄັນໃນການລົບກວນການນອນຫຼັບ,” ລາວກ່າວ. ການນອນຫຼັບ ຫຼື ສື່ສັງຄົມອອນໄລນ໌ […]
9 ແນວທາງດູແລສຸຂະພາບຜູ້ຊາຍໄວ 30+ ໃຫ້ແຂງແຮງທັງກາຍແລະໃຈ
ເມື່ອອາຍຸເລີ່ມກາຍວັຍ 30 ປີຂຶ້ນໄປ, ຜູ້ຊາຍຫຼາຍຄົນອາດຮູ້ສຶກວ່າເລີ່ມມີຄວາມປ່ຽນແປງ ທັງເລື່ອງຮ່າງກາຍແລະຈິດໃຈ. ສິ່ງທີ່ເຄີຍເຮັດໄດ້ງ່າຍໆ ອາດເລີ່ມຮູ້ສຶກຍາກຂຶ້ນ, ແຕ່ນີ້ຄືຊ່ວງເວລາສຳຄັນທີ່ຕ້ອງເລີ່ມເອົາໃຈໃສ່ໃນການດູແລຕົນເອງຫຼາຍຂຶ້ນ ເພື່ອໃຫ້ສຸຂະພາບທັງກາຍແລະໃຈແຂງແຮງ, ພ້ອມຮັບມືກັບຄວາມທ້າທາຍຕ່າງໆໃນຊີວິດທີ່ເພີ່ມຂຶ້ນໄດ້ຢ່າງໝັ້ນໃຈ. ດັ່ງນັ້ນ, ການດູແລຕົນເອງໃນໄວ 30+ ເປັນເລື່ອງທີ່ບໍ່ຄວນມອງຂ້າມ. ມາເບິ່ງກັນວ່າ 9 ແນວທາງໃນການດູແລສຸຂະພາບຜູ້ຊາຍໄວ 30+ ຈະມີຫຍັງແດ່. 1. ອອກກຳລັງກາຍເປັນປະຈຳ ການອອກກຳລັງກາຍຄືວິທີທີ່ດີທີ່ສຸດໃນການຮັກສາສຸຂະພາບທີ່ດີ, ໂດຍສະເພາະໃນໄວ 30+ ເຊິ່ງລະບົບການເຜົາຜານເລີ່ມຊ້າລົງ. ການອອກກຳລັງກາຍຊ່ວຍເພີ່ມມວນກ້າມເນື້ອແລະເສີມຄວາມແຂງແຮງຂອງຫົວໃຈ, ຫຼືເລືອກກິດຈະກຳທີ່ມັກ ເຊັ່ນ: ການຍ່າງ, ແລ່ນ, ປັ່ນລົດຖີບ, ຫຼືເຂົ້າຍິມ ເພື່ອເສີມສ້າງສຸຂະພາບໃຫ້ແຂງແຮງທັງຮ່າງກາຍແລະຈິດໃຈ. 2. ກິນອາຫານທີ່ມີຄຸນຄ່າທາງໂພຊະນາການ ອາຫານທີ່ດີຈະຊ່ວຍໃຫ້ຮ່າງກາຍໄດ້ຮັບພະລັງງານແລະສານອາຫານທີ່ຈຳເປັນ, ຈຶ່ງຄວນກິນອາຫານທີ່ມີປະໂຫຍດ ເຊັ່ນ: ຜັກ, ໝາກໄມ້, ເຂົ້າກ້ອງ, ປາ, ແລະໂປຣຕີນຈາກແຫຼ່ງທຳມະຊາດ ເພື່ອຫຼຸດຄວາມສ່ຽງໃນການເກີດພະຍາດທີ່ກ່ຽວກັບການກິນອາຫານທີ່ບໍ່ສົມດຸນ ເຊັ່ນ: ພະຍາດເບົາຫວານ ແລະພະຍາດຫົວໃຈ ເປັນຕົ້ນ. 3. ນອນຫຼັບໃຫ້ພຽງພໍ ການນອນຫຼັບທີ່ພຽງພໍແລະມີຄຸນນະພາບ ເປັນປັດໄຈສຳຄັນໃນການຟື້ນຟູຮ່າງກາຍແລະຈິດໃຈ. ການນອນຫຼັບບໍ່ພຽງພໍຈະເຮັດໃຫ້ລະບົບພູມຄຸ້ມກັນຫຼຸດລົງ ແລະເກີດຄວາມກົດດັນຫຼາຍຂຶ້ນ, ຈຶ່ງຄວນຕັ້ງເວລານອນໃຫ້ໄດ້ […]
April Fool’s Day, ວັນທີ1 ເມສາ ຖືເອົາເປັນວັນຂີ້ຕວົະ ແລ້ວເປັນຫຍັງຕ້ອງເປັນມື້ນີ້? ເຮົາມີຄຳຕອບ!
1 ເມສາແມ່ນວັນຫຍັງ? ເປັນຫຍັງຕ້ອງຕວົະກັນຫຼິ້ນໃນມື້ນີ້. ຮູ້ຈັກທີ່ມາ April Fool’s Day ວັນແຫ່ງການຢອກຫຼິ້ນ ທີ່ມີເລື່ອງຈິງແອບຢູ່ຫຼາຍກວ່າທີ່ຄິດ! April Fool’s Day ເປັນຫຍັງຕ້ອງເປັນວັນຂີ້ຕວົະ? ຄຳຖາມນີ້ເກີດຂຶ້ນທຸກປີເມື່ອເຂົ້າສູ່ວັນທີ 1 ເມສາ ເພາະໃນຫຼາຍປະເທດ ລວມເຖິງປະເທດລາວເຮົາເອງ ກໍມັກຈະເຫັນຂ່າວປອມ ມຸກຕະຫລົກຂຳໆ ຫຼື ໂພສເປັນຕາຫົວ ເຕັມໜ້າຟີດ ແຕ່ຮູ້ຫຼື ບໍ່ວ່າວັນນີ້ບໍ່ໄດ້ມີໄວ້ເພື່ອຂີ້ຕວົະແບບມົ່ວໆ ຢ່າງທີ່ຫຼາຍຄົນເຂົ້າໃຈ ແຕ່ມີປະຫວັດຄວາມເປັນມາໜ້າສົນໃຈ ແລະ ມີຂອບເຂດທີ່ຄວນລະວັງໃນການຫຼິ້ນມ່ວນເຊັ່ນກັນ. ປະຫວັດ April Fool’s Day ເປັນຫຍັງຕ້ອງເປັນມື້ຂີ້ຕວົະ? ທີ່ມາຂອງ April Fool’s Day ຫຼື ມື້ຂີ້ຕວົະ ຍັງບໍ່ສາມາດລະບຸໄດ້ຊັດເຈນ ແຕ່ມີທິດສະດີໜຶ່ງທີ່ໄດ້ຮັບການເວົ້າເຖິງຫຼາຍທີ່ສຸດຄື: ຕົ້ນກຳເນີດຈາກປະເທດຝຣັ່ງໃນຊ່ວງປາຍສະຕະວັດທີ 16 ໂດຍໃນປີ ຄ.ສ. 1582 ຝຣັ່ງໄດ້ປ່ຽນການເລີ່ມຕົ້ນປີໃໝ່ຈາກວັນທີ 1 ເມສາ ມາເປັນວັນທີ 1 […]
ChatGPT ບົ່ງອາການສາວໄວ 27 ປີ ວ່າກຳລັງປ່ວຍເປັນມະເຮັງ ສຸດທ້າຍໄປໃຫ້ໝໍກວດກໍພົບວ່າເປັນມະເຮັງແທ້ໆ
ສຳນັກຂ່າວ ມິຣ໌ເຣີ ແຫ່ງປະເທດອັງກິດ ລາຍງານວ່າ ມາຣ໌ລີ ກາຣ໌ນໄຣແຕຣ໌ (Marly Garnreiter) ຍິງຊາວຝຣັ່ງ ອາຍຸ 27 ປີ ເຄີຍຄິດວ່າອາການຂອງລາວເກີດຈາກຄວາມກົດດັນແລະຄວາມເສົ້າຫຼັງຈາກສູນເສຍພໍ່ໄປ ແຕ່ສຸດທ້າຍລາວກັບພົບວ່າຕົວເອງກຳລັງປະເຊິນກັບໂລກມະເຮັງເລືອດ ຊຶ່ງເປັນ ChatGPT ທີ່ບອກໃບ້ເຖິງໂຣກນີ້ກ່ອນທີ່ແພດຈະວິນິດໄສໄດ້ ມາຣ໌ລີ ເລີ່ມມີເຫື່ອອອກຕອນກາງຄືນ ແລະ ອາການຄັນທີ່ຜິວໜັງ ລາວເຊື່ອວ່າອາການເຫຼົ່ານີ້ເກີດຈາກຄວາມເສົ້າໂສກຫຼັງຈາກທີ່ພໍ່ຂອງລາວ ອາຍຸ 58 ປີ ເສຍຊີວິດຈາກມະເຮັງລຳໄສ້ໃຫຍ່ໃນປີ 2024. ນອກຈາກນີ້ ລາວຍັງມີນ້ຳໜັກລົດລົງຢ່າງວ່ອງໄວ ແຕ່ຄິດວ່າເປັນຜົນຈາກຄວາມກົດດັນ ເມື່ອລາວລອງປ້ອນອາການເຫຼົ່ານີ້ລົງໃນ ChatGPT ລະບົບຕອບວ່າລາວອາດເປັນມະເຮັງເລືອດ ເຖິງຢ່າງໃດກໍຕາມ ລາວເລືອກທີ່ຈະບໍ່ໃສ່ໃຈເພາະຄິດວ່າເປັນພຽງການຄາດເດົາຂອງ AI ບໍ່ດົນຫຼັງຈາກນັ້ນ ລາວເລີ່ມຮູ້ສຶກເມື່ອຍຢູ່ຕະຫຼອດເວລາ ແລະ ມີແຮງກົດດັນທີ່ໜ້າເອິກ ເຮັດໃຫ້ຕັດສິນໃຈໄປພົບແພດ ເມື່ອແພດເຮັດການສະແກນພົບວ່າມີກ້ອນເນື້ອງອກຂະໜາດໃຫຍ່ທີ່ປອດເບື້ອງຊ້າຍຂອງລາວ ລາວຖືກສົ່ງຕົວໄປພົບແພດສະເພາະທາງດ້ານປອດ ຊຶ່ງເຮັດການກວດຊິ້ນເນື້ອ ແລະ ບົ່ງອາການວ່າລາວເປັນ ມະເຮັງຕ່ອມນ້ຳເຫຼືອງຮອດຈ໌ກິນ (Hodgkin’s lymphoma) ຊຶ່ງເປັນມະເຮັງຊະນິດໜຶ່ງທີ່ເກີດຂຶ້ນໃນລະບົບນ້ຳເຫຼືອງ. […]
ສະພາບ PM2.5 ປະຈຳວັນທີ 26 ມີນາ 2025 ເຂດໃດແດ່ທີ່ມີຜົນກະທົບຕໍ່ສຸຂະພາບ
ສະພາບຜົນການວັດແທກຝຸ່ນລະອອງຂະໜາດນ້ອຍກວ່າ 2.5 ໄມຄຣອນ (PM 2.5) ປະຈໍາວັນທີ 26 ມີນາ 2025 ຈາກຂໍ້ມູນຂອງ ການວັດແທກຝຸ່ນລະອອງ PM 2.5 ຂອງ ສະຖາບັນຄົ້ນຄວ້າ ຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໃນການຈັດລະດັບຄຸນນະພາບອາກາດ ທີ່ມີຜົນ ກະທົບຕໍ່ສຸຂະພາບຢູ່ແຕ່ລະຈຸດ ມີຄືດັ່ງລຸ່ມນີ້: ແຫຼ່ງທີ່ມາ: MONRE ກຊສ
ມາຮູ້ຈັກກັບເທັກນິກປົດໜີ້ແບບ “ຫິມະຖະຫຼົ່ມ” ຈົບໜີ້ໄວ-ຈ່າຍດອກເບ້ຍໜ້ອຍ
ໜີ້ສິນເປັນເລື່ອງທີ່ຫຼາຍຄົນຕ້ອງປະເຊີນ, ບາງຄັ້ງມີໜີ້ຫຼາຍກ້ອນຈົນບໍ່ຮູ້ຈະເລີ່ມຈັດການແນວໃດດີ. ແຕ່ຖ້າເປົ້າໝາຍຄືການປົດໜີ້ໃຫ້ໄວທີ່ສຸດ ແລະ ຈ່າຍດອກເບ້ຍໜ້ອຍທີ່ສຸດ, ນັກວາງແຜນການເງິນແນະນຳວ່າ “ເທັກນິກຫິມະຖະຫຼົ່ມ” ຫຼື Debt Avalanche Method ອາດເປັນທາງອອກທີ່ດີ. ຢ່າງໃດກໍຕາມ, ສິ່ງສຳຄັນຄື ຢຸດສ້າງໜີ້ໃໝ່ ແລະ ມີວິໄນທາງການເງິນ, ເພາະຕໍ່ໃຫ້ປົດໜີ້ໝົດ ແຕ່ຖ້າຍັງໃຊ້ຈ່າຍເກີນຕົວ, ວົງຈອນໜີ້ກໍຈະກັບມາອີກ. ດັ່ງນັ້ນ, ການມີແຜນການເງິນທີ່ດີຈະຊ່ວຍໃຫ້ກ້າວອອກຈາກວັງວົນນີ້ໄດ້ຢ່າງຖາວອນ. ຮູ້ຈັກເທັກນິກກຳຈັດໜີ້ແບບຫິມະຖະຫຼົ່ມ ກັນຍະວີ ໂຣດສຸຂພັດທະນາ ນັກວາງແຜນການເງິນ CFP® ເຜີຍແຜ່ບົດຄວາມ ເທັກນິກກຳຈັດໜີ້ແບບຫິມະຖະຫຼົ່ມ ຜ່ານສະມາຄົມນັກວາງແຜນການເງິນໄທ ໂດຍລະບຸວ່າ ບັນຫາໜີ້ສິນເປັນເລື່ອງທີ່ເຮັດໃຫ້ຫຼາຍຄົນເຈັບຫົວ ຈັບຕົ້ນຊົນປາຍບໍ່ຖືກວ່າຈະເລີ່ມເຄລຍໜີ້ແນວໃດ ຊຶ່ງວິທີຈັດການນັ້ນງ່າຍ ແລະ ບໍ່ຍາກ ເລີ່ມຈາກຕັ້ງສະຕິແລ້ວກໍລົງມືເຮັດ ສຳລັບເທັກນິກກຳຈັດໜີ້ທີ່ຄຸ້ນເຄີຍ ຄື ການປົດໜີ້ແບບໝາກບານຫິມະ (Debt Snowball Method) ທີ່ເລີ່ມຈາກການກຳຈັດໜີ້ກ້ອນທີ່ນ້ອຍທີ່ສຸດກ່ອນຈົນໝົດ ໃນຂະນະທີ່ໜີ້ກ້ອນອື່ນໆ ຈ່າຍພຽງຂັ້ນຕ່ຳເທົ່ານັ້ນ ເມື່ອຈ່າຍໜີ້ກ້ອນທີ່ນ້ອຍທີ່ສຸດໝົດແລ້ວຄ່ອຍໄປຈັດການໜີ້ກ້ອນທີ່ໃຫຍ່ຂຶ້ນລຳດັບຖັດໄປ ຊຶ່ງເປັນວິທີທີ່ພິຈາລະນາພຽງຈຳນວນຍອດໜີ້ທີ່ເຫຼືອເທົ່ານັ້ນ ຈະບໍ່ຄຳນຶງເຖິງອັດຕາດອກເບ້ຍຂອງໜີ້ […]
ເປີດເຜີຍຄຳທຳນາຍປີໃໝ່ລາວ ຄສ.2025 ພສ 2568
ມື້ສັງຂານລ່ວງ : ວັນຈັນ, ແຮມ 2 ຄໍ່າ ເດືອນ 5, ພສ 2567 – ກົງກັບວັນທີ 14 ເມສາ 2025, ເວລາ 04 ໂມງ 30 ນາທີ 00 ວິນາທີ. ມື້ສັງຂານເນົາ : ວັນອັງຄານ, ແຮມ 3 ຄໍ່າ ເດືອນ 5, ພສ 2567 – ກົງກັບວັນທີ 15 ເມສາ 2025. ວັນສັງຂານຂຶ້ນ : ວັນພຸດ, ແຮມ 4 ຄໍ່າ ເດືອນ 5, ພສ 2567 – ກົງກັບວັນທີ່ 16 ເມສາ 2025, ເວລາ […]
ວິທີກຳຈັດຍຸງແບບເປັນມິດກັບສິ່ງແວດລ້ອມ: ປະສິດທິຜົນສູງ, ບໍ່ເປັນອັນຕະລາຍ
ຍຸງບໍ່ພຽງແຕ່ເປັນສັດລົບກວນເທົ່ານັ້ນ, ແຕ່ຍັງເປັນພາຫະນຳເຊື້ອພະຍາດອັນຕະລາຍຫຼາຍຊະນິດ ເຊັ່ນ: ໄຂ້ຍຸງລາຍ, ໄຂ້ມາລາເລຍ, ແລະ ໄຂ້ເລືອດອອກ. ແຕ່ສານເຄມີຂ້າຍຸງທີ່ໃຊ້ກັນຢ່າງແຜ່ຫຼາຍອາດສົ່ງຜົນກະທົບດ້ານລົບຕໍ່ສິ່ງແວດລ້ອມ ແລະ ສຸຂະພາບຂອງຄົນ. ນັກຄົ້ນຄວ້າ ແລະ ຜູ້ຊ່ຽວຊານດ້ານສິ່ງແວດລ້ອມຈຶ່ງໄດ້ແນະນຳວິທີກຳຈັດຍຸງແບບທຳມະຊາດທີ່ມີປະສິດທິຜົນ ແລະ ບໍ່ເປັນອັນຕະລາຍ. ປ້ອງກັນການເກີດຂອງຍຸງ: ກຳຈັດແຫຼ່ງເພາະພັນ “ການປ້ອງກັນທີ່ດີທີ່ສຸດຄືການກຳຈັດແຫຼ່ງເພາະພັນຍຸງ,” ທ່ານ ດຣ. ສົມໄຊ ວິໄລສຸກ, ຜູ້ຊ່ຽວຊານດ້ານກີຕະວິທະຍາຈາກສະຖາບັນຄົ້ນຄວ້າສາທາລະນະສຸກແຫ່ງຊາດໄດ້ກ່າວ. ຍຸງວາງໄຂ່ໃນນ້ຳນິ້ງ, ດັ່ງນັ້ນການກຳຈັດແຫຼ່ງນ້ຳຂັງຈຶ່ງເປັນວິທີທີ່ມີປະສິດທິຜົນທີ່ສຸດໃນການຄວບຄຸມປະຊາກອນຍຸງ. ວິທີກຳຈັດແຫຼ່ງເພາະພັນຍຸງທີ່ມີປະສິດທິຜົນ: ກວດສອບ ແລະ ລະບາຍນ້ຳຂັງຢູ່ອ້ອມບ້ານເຮືອນຢ່າງໜ້ອຍອາທິດລະຄັ້ງ ຖາດຮອງກະຖາງຕົ້ນໄມ້ ຢາງລົດເກົ່າ ພາຊະນະເກັບນ້ຳທີ່ບໍ່ໄດ້ປິດຝາ ຮ່ອງນ້ຳທີ່ມີນ້ຳຂັງ ນຳໃຊ້ປາກິນລູກນ້ຳ ການນຳໃຊ້ປາກິນລູກນ້ຳໃນແຫຼ່ງນ້ຳທີ່ບໍ່ສາມາດລະບາຍໄດ້ ເຊັ່ນ: ອ່າງນ້ຳ, ໜອງນ້ຳຂະໜາດນ້ອຍ ຫຼື ຕຸ່ມເກັບນ້ຳຂະໜາດໃຫຍ່ແມ່ນວິທີທີ່ມີປະສິດທິຜົນໃນການຄວບຄຸມປະຊາກອນຍຸງ. “ປາຫົວຕະກຽວ, ປາຫາງນົກຍຸງ, ແລະ ປາຊິວ ແມ່ນປາກິນລູກນ້ຳທີ່ມີປະສິດທິຜົນສູງ ແລະ ເປັນວິທີທີ່ເປັນມິດກັບສິ່ງແວດລ້ອມ,” ນາງ ນາລີ ວົງສີສຸລາດ, ຜູ້ຊ່ຽວຊານຈາກກົມຄວບຄຸມມົນລະພິດໄດ້ແນະນຳ. ວິທີໄລ່ຍຸງແບບທຳມະຊາດ ນອກຈາກການປ້ອງກັນການເກີດຂອງຍຸງແລ້ວ, ການໄລ່ຍຸງດ້ວຍວິທີທຳມະຊາດກໍ່ແມ່ນອີກທາງເລືອກໜຶ່ງທີ່ສາມາດໃຊ້ທົດແທນສານເຄມີໄດ້. 1. […]