ມ້ຽນເຮືອນໃນຊ່ວງກຸດຈີນ ຢ່າລືມກວດເບິ່ງ 5 ສິ່ງ “ຄວນທຳລາຍແລະຖິ້ມໄປ”
ການມ້ຽນເຮືອນທຳຄວາມສະອາດບ້ານຊ່ວງກ່ອນງານບຸນກຸດຈີນ ເພື່ອກຽມຕ້ອນຮັບສິ່ງໃໝ່ໆ ເປັນກິດຈະກຳທີ່ຄົນທຸກຄົນປະຕິບັດກັນເປັນຢ່າງດີ. ນອກຈາກຈະເຮັດໃຫ້ບ້ານເຮືອນຊານສະອາດແລະສວຍງາມແລ້ວ, ຍັງເປັນໂອກາດໃນການດູແລສຸຂະພາບຂອງສະມາຊິກໃນຄອບຄົວດ້ວຍ, ຜ່ານທາງການກຳຈັດສິ່ງຂອງເຄື່ອງໃຊ້ເກົ່າໆທີ່ອາດຈະເປັນແຫຼ່ງສະສົມຂອງເຊື້ອພະຍາດ, ແລະນີ້ແມ່ນ 5 ສິ່ງທີ່ຄວນທຳລາຍໄປຖ້າຫາກມັນເກົ່າຫຼືຊຳລະລາຍ. 1. ໝອນແລະຕຸກກະຕາເກົ່າ ໝອນແລະຕຸກກະຕາທີ່ໃຊ້ມາດົນ ອາດຈະສະສົມເຊື້ອພະຍາດຈາກເຫື່ອ, ຝຸ່ນ, ຫຼືເຊວຜິວຫນັງທີ່ຕາຍແລ້ວ, ເຊິ່ງອາດຈະເຮັດໃຫ້ເກີດບັນຫາດ້ານການນອນຫຼືການຫາຍໃຈ. ນອກຈາກນີ້, ໝອນທີ່ໃຊ້ມາດົນອາດຈະເສຍຮູບຊົງ ເຮັດໃຫ້ເກີດອາການປວດເມື່ອຍຕາມຮ່າງກາຍ. 2. ອຸປະກອນເຄື່ອງໃຊ້ໃນຄົວເຮືອນເກົ່າ ເຄື່ອງໃຊ້ໃນຄົວເຮືອນທີ່ໃຊ້ມາດົນ, ເຊັ່ນ: ໝໍ້ທີ່ມີການສະສົມສານຕ່າງໆ, ຊາມທີ່ແຕກ, ຫຼືອຸປະກອນອື່ນໆທີ່ຂຶ້ນລາ, ສາມາດເຮັດໃຫ້ລົດຊາດອາຫານຫລຸດລົງ, ແລະຍັງອາດຈະນຳສານພິດເຂົ້າສູ່ຮ່າງກາຍໄດ້. 3. ເຄື່ອງສຳອາງທີ່ໝົດອາຍຸ ເຄື່ອງສຳອາງມັກຈະມີອາຍຸການໃຊ້ງານຫຼັງຈາກເປີດໃຊ້ແລ້ວ ເຊັ່ນ: ລິບສະຕິກ, ຫຼືຄີມບຳລຸງຜິວ. ຖ້າຫາກໝົດອາຍຸແລ້ວອາດຈະເຮັດໃຫ້ສານເຄມີໃນຜະລິດຕະພັນປ່ຽນແປງ, ແລະເຮັດໃຫ້ເກີດການລະຄາຍເຄືອງຜິວຫນັງ. 4. ຜ້າເຊັດໂຕແລະແປງສີຟັນທີ່ໃຊ້ມາດົນ ຜ້າເຊັດໂຕທີ່ໃຊ້ໄປດົນໆ ອາດຈະເປັນແຫຼ່ງສະສົມຂອງເຊື້ອພະຍາດ, ຄືກັນກັບແປງສີຟັນທີ່ໃຊ້ຈົນຂົນແປງຫຼຸດ ນີ້ແມ່ນເຫດຜົນທີ່ເຮັດໃຫ້ເກີດການຕິດເຊື້ອຫຼືບັນຫາສຸຂະພາບໃນຊ່ອງປາກ. 5. ອາຫານທີ່ເກັບໃນຕູ້ເຢັນດົນເກີນໄປແລະກ່ອງພາດສະຕິກເກົ່າ ອາຫານທີ່ເກັບໄວ້ດົນເກີນໄປໃນຕູ້ເຢັນອາດຈະເຮັດໃຫ້ເກີດການເນົ່າເສຍ, ຫຼືເຮັດໃຫ້ເກີດອາຫານເປັນພິດ. ສ່ວນກ່ອງພາດສະຕິກເກົ່າທີ່ໃຊ້ມາດົນອາດຈະປ່ອຍສານພິດເຊັ່ນ BPA, ເຊິ່ງສາມາດເຮັດໃຫ້ເກີດອັນຕະລາຍຕໍ່ຮ່າງກາຍ. ການໃຊ້ໂອກາດກຳຈັດທຳລາຍສິ່ງເຫຼົ່ານີ້ໃນຊ່ວງເທດສະການກຸດຈີນ ຈະຊ່ວຍໃຫ້ບ້ານສະອາດແລະປອດໄພຫຼາຍຂຶ້ນ, ພ້ອມທັງຊ່ວຍໃຫ້ສຸຂະພາບຂອງທຸກຄົນໃນຄອບຄົວດີຂຶ້ນດ້ວຍ.
ຄວາມໝາຍຂອງຄໍາວ່າ “ຕາແສງ”
ຕາແສງ ເປັນຄຳສັບລາວເດີມ ໝາຍເຖິງເຂດການປົກຄອງຂັ້ນທ້ອງຖິ່ນຂອງລັດໃດໜຶ່ງ ປະກອບດ້ວຍຫຼາຍໆບ້ານ ຫຼື ກຸ່ມບ້ານ ແຕ່ນ້ອຍກວ່າເມືອງ ຕາມລຳດັບຄື: ຫຼາຍຫຼັງຄາເຮືອນ ໂຮມເຂົ້າກັນ ເປັນບ້ານ ຫຼາຍບ້ານ ໂຮມເຂົ້າກັນ ເປັນຕາແສງ ຫຼາຍຕາແສງ ໂຮມເຂົ້າກັນ ເປັນເມືອງ ຫຼາຍເມືອງ ໂຮມເຂົ້າກັນ ເປັນແຂວງ ຫຼາຍ ແຂວງ ໂຮມເຂົ້າກັນ ເປັນປະເທດ ຕາແສງ ຢູ່ປະເທດລາວເຮົາ ແມ່ນເລີ່ມໃຊ້ມາແຕ່ສະໄໝຝຣັ່ງເຂົ້າມາປົກຄອງລາວ ເພື່ອງ່າຍຕໍ່ການປົກຄອງ ແລະ ຕັ້ງຢ່າງເປັນທາງການໃນປີ 1920 ຈົນເຖິງປີ 1990 ຖືກຍົກເລີກ (ວັດຈະນານຸກົມພາສາລາວ 2012). ປີ 2025 ລັດຖະບານ ກະກຽມຈະຄົ້ນຄວ້າໃຫ້ມີການສ້າງຕັ້ງຕາແສງຄືນໃໝ່ ຢູ່ລຳດັບເກົ່າ ເຊິ່ງຄາດວ່າເບື້ອງຕົ້ນຈະມີ 950 ຕາແສງ ໜ້ອຍກວ່າ 24 ບ້ານລົງມາ ຫຼື ພົນລະເມືອງໜ້ອຍກວ່າ 20,000 ຄົນ ເປັນໜຶ່ງຕາແສງ. ທີ່ມາ: ປ່ອງຢ້ຽມພາສາລາວ ພາບປະກອບຈາກ: […]
ການລ້ຽງກຸ້ງກ້າມກາມ ໃນນໍ້າຈືດ
ກຸ້ງນ້ຳຈືດ ທີ່ມີຂະໜາດ ໃຫຍ່ ມີລົດຊາດທີ່ດີ ແລະ ລາຄາແພງ ຈັດເປັນສັດນ້ຳທີ່ມີ ຄວາມສຳຄັນທາງດ້ານເສດຖະກິດຊະນິດໜຶ່ງ ສາມາດນຳປຸງແຕ່ງເປັນອາຫານໄດ້ຫຼາກຫຼາຍເຊັ່ນ: ປີ້ງ, ຕົ້ມຍໍາ, ຕຳ, ທອດ, ອົບ ແລະ ອື່ນໆ, ຊຶ່ງໃນປັດຈຸບັນກຸ້ງກ້າມກາມເປັນທີ່ຕ້ອງການຂອງຕະຫຼາດໂດຍສະເພາະໃນ ສປປ ລາວ ແມ່ນຍັງບໍ່ທັນມີການລ້ຽງເປັນຈຳນວນ ຫຼາຍຈຶ່ງເຮັດໃຫ້ມີການນຳເຂົ້າຈາກປະເທດໃກ້ຄຽງ. ດັ່ງນັ້ນ, ຈຶ່ງໄດ້ມີການສ້າງຄູ່ມືແນະນໍາວິທີການລ້ຽງກຸ້ງສະບັບນີ້ເພື່ອເປັນບົດຮຽນ, ປະສົບການ, ການຮຽນຮູ້, ທັກສະ ແລະ ສ້າງຄວາມເຂົ້າໃຈວິທີການລ້ຽງກຸ້ງກ້າມກາມໃຫ້ແກ່ຜູ້ທີ່ມີຄວາມສົນໃຈເພື່ອເປັນແນວທາງ,ໃນການປະກອບອາຊີບ ແລະ ສ້າງລາຍຮັບ. ກຸ້ງກ້າມກາມເປັນກຸ້ງນ້ຳຈືດຊະນິດໜຶ່ງ ທີ່ອາໄສ ຢູ່ຕາມແມ່ນ້ຳ, ລຳຄອງທົ່ວໆໄປ ແຕ່ຖ້າຮອດລະດູປະສົມພັນ ພໍ່ພັນ-ແມ່ພັນ ກຸ້ງຈະໄດ້ປະສົມພັນແຫຼ່ງນ້ຳທຳມະຊາດປະສົມລະຫວ່າງນ້ຳຈືດ+ນ້ຳເຄັມ ເພື່ອວາງໄຂ່ ແລະ ລ້ຽງຕົວອ່ອນ. ■ການເລືອກສະຖານທີ່: ຄວນເປັນສະຖານທີ່ຢູ່ໃກ້ເສັ້ນທາງ, ມີໄຟຟ້າ, ແຫ່ງນ້ຳທີ່ມີຄຸນນະພາບດີ, ສະອາດ ແລະ ມີນ້ຳໄຫຼຕະຫຼອດປີ ບໍ່ຄວນຢູ່ໃກ້ໂຮງງານອຸດສາຫະກຳ ແລະ ໃກ້ຊຸມຊົນຫຼາຍເກີນໄປຖ້າຈະຂຸດໜອງ ຄວນເລືອກບ່ອນທີ່ເປັນດິນໜຽວເພື່ອເກັບຮັກສານ້ຳໄດ້ດີ ເນື້ອດິນ ບໍ່ຄວນເປັນດິນສົ້ມຈະເຮັດໃຫ້ນໍ້າເປັນກົດບໍ່ເໝາະສຳລັບການຈະເລີນເຕີບໂຕຂອງກຸ້ງ. ■ຮູບແບບໜອງ: ສ່ວນຫຼາຍແມ່ນເປັນຮູບສີຫຼ່ຽມ […]
ການລ່າສັດປ່າບໍ່ຖືກຕ້ອງຕາມກົດ ໝາຍຈະຖືກລົງໂທດຕັດອິດສະລະພາບ 2 ຫາ 5 ປີ ແລະ ຈະຖືກປັບໃໝ
ວັນທີ 13 ກໍລະກົດ ຂອງທຸກປີລັດຖະບານໄດ້ກໍານົດເປັນວັນປ່ອຍປາ, ວັນອະນຸລັກສັດນໍ້າ ແລະ ສັດປ່າແຫ່ງຊາດ ເພື່ອເພີ່ມຄວາມອຸດົມສົມບູນດ້ານຊັບພະຍາກອນທໍາມະຊາດ ແລະ ສິ່ງທີ່ມີຊີວິດນາໆພັນ. ອີງຕາມປະມວນກົດໝາຍອາຍາມາດ ຕາ 331 ຂອງປະເທດລາວໄດ້ລະບຸໄວ້ວ່າ: ການລ່າສັດໂດຍບໍ່ຖືກຕ້ອງຕາມກົດໝາຍລະບຸແຈ້ງ “ບຸກຄົນໃດ ຫາກໄດ້ລ່າສັດໂດຍບໍ່ຖືກຕ້ອງຕາມລະບຽບການກ່ຽວກັບລ່າສັດ ເຊັ່ນ: ລ່າສັດປະເພດຫວງຫ້າມ, ລ່າສັດຖືພາມານ, ລ່າສັດໃນລະດູ ຫຼື ໃນເຂດທີ່ຫວງຫ້າມ ຫຼື ດ້ວຍເຄື່ອງມືທີ່ເກືອດຫ້າມ ແລະ ອື່ນໆ ຈະຖືກລົງໂທດຕັດອິດສະລະພາບ ແຕ່ສາມເດືອນ ຫາ ສອງປີ ແລະ ຈະຖືກປັບໃໝ ແຕ່ 3.000.000 ກີບ ຫາ 10.000.000 ກີບ. ໃນກໍລະນີການກະທໍາຜິດເປັນອາຈິນ, ມີການຈັດຕັ້ງເປັນກຸ່ມ ຫຼື ກໍ່ຄວາມເສຍຫາຍທີ່ມີມູນຄ່າແຕ່ 50.000.000 ກີບຂຶ້ນໄປຈະຖືກລົງໂທດຕັດອິດສະລະພາບ ແຕ່ 2 ປີ ຫາ 5 ປີ ແລະ ຈະຖືກປັບໃໝສອງເທົ່າຂອງມູນຄ່າຄວາມເສຍຫາຍ”. ສະເພາະ ມາດຕາ […]
ຍັງຄົ້ນພົບພຣະພຸດທະຮູບ ຫຼາຍຮູບ ຢູ່ແຂວງບໍ່ແກ້ວ
ທີມງານຂຸດຄົ້ນວັດຖຸບູຮານ ຫຼຶ ພຣະພຸດທະຮູບ ຍັງສຶບຕໍ່ຄົ້ນພົບພຣະພຸດທະຮູບ ຫຼາຍຮູບ ຢູ່ທີ່ດອນເຜິ້ງຄໍາ ເມືອງຕົ້ນເຜິ້ງ ແຂວງບໍ່ແກ້ວ, ຊຶ່ງການຂຸດຄົ້ນກອບກູ້ພຣະພຸດທະຮູບ ປະກອບ ມີ 2 ໄລຍະ. ໄລຍະທີ1: ແມ່ນເລີ່ມການຂຸດຄົ້ນແຕ່ວັນທີ 14 ມີນາ – 6 ເມສາ 2024 ເປັນເວລາ 24 ວັນ ຊຶ່ງສາມາດກອບກູ້ພຣະພຸດທະຮູບ ທີ່ຝັ່ງຢູ່ພື້ນແຮ່-ຊາຍ ທີ່ມີອາຍຸຫຼາຍຮ້ອຍປີ ໄດ້ທັງໝົດ 204 ອົງ ແລະ 910 ລາຍການ, ສ່ວນຫຼາຍແມ່ນພຣະພຸດທະຮູບ ທອງສໍາລິດ ປາງຊະນະມານ ໃນນີ້ ມີພຣະພຸດທະຮູບ ອົງທີ່ສົມບູນເປັນຈໍານວນຫຼາຍ ແລະ ອົງທີ່ບໍ່ສົມບູນຈໍານວນໜຶ່ງ. ໄລຍະທີ2 ແມ່ນໄດ້ເລີ່ມການຂຸດຄົ້ນແຕ່ວັນມາ 10-17 ພຶດສະພາ 2024 ສາມາດຂຸດຄົ້ນ ແລະ ກອບກູ້ພຣະພຸດທະຮູບໄດ້ທັງໝົດ 51 ອົງ, ໃນນັ້ນ ມີອົງໜຶ່ງທີ້ໃຫຍ່ທີສຸດຄາດວ່າອາດເປັນອົງປະທານມີຄວາມສູງ 2,67cm, ອົງພຣະ […]
ມາຮູ້ຈັກວິທີປິ່ນປົວ ແລະ ອາການສະແດງທີ່ບົງບອກວ່າເປັນໄຂ້ຍຸງລາຍ
ພະຍາດໄຂ້ຍຸງລາຍ ເກີດຈາກເຊື້ອຈຸລະໂລກ ຫຼື ເຊື້ອໄວຣັສ ຕິດຕໍ່ໂດຍຍຸງລາຍ ຊຶ່ງມີອາການສະແດງໄຂ້ສູງຕະຫຼອດ 2-3 ວັນ, ເຈັບຫົວ, ປວດກະໂບງຕາ, ປວດກ້າມຊີ້ນ, ປວດຕາມຂໍ່ກະດູກ, ປວດຮາກ, ຜື່ນແດງຕາມຜິວໜັງ, ມີເລືອດອອກຕາມເຟັນແຂ້ວ ແລະ ຖ້າຮຸນແຮງຈະມີອາການຊ໋ອກ ໝົດສະຕິ ແລະ ອາດເສຍຊີວິດໄດ້. ອີງຕາມຂໍ້ມູນສູນຂ່າວສານການແພດສຸຂະສຶກສາ ໄດ້ແນະນໍາວ່າ: ການປິ່ນປົວພະຍາດໄຂ້ຍຸງລາຍ ຫຼື ໄຂ້ເລືອດອອກ ແມ່ນຕ້ອງໄດ້ປຶກສາທ່ານໝໍ, ພັກຜ່ອນໃຫ້ພຽງພໍ, ດື່ມນໍ້າຫຼາຍໆ ແລະ ກິນອາຫານທີ່ມີປະໂຫຍດ, ຖ້າມີໄຂ້ຂຶ້ນສູງກວ່າ 39 ອົງສາ ແມ່ນໃຫ້ກິນຢາປາຣາເຊຕາໂມນ ທຸກໆ 8 ຊົ່ວໂມງ ພ້ອມທັງໃຫ້ຮີບຮ້ອນໄປພົບແພດໝໍ ເພື່ອຈະໄດ້ຮັບການປິ່ນປົວ ຢ່າງທັນການ. ພ້ອມກັນນັ້ນ, ການປ້ອງກັນຕົນເອງຈາກຍຸງລາຍກັດ ແມ່ນຕ້ອງໄດ້ ທາຢາກັນຍຸງ, ທູບໄລ່ຍຸງ ແລະ ເຄື່ອງໄລ່ຍຸງແບບໃຊ້ໄຟຟ້າ,ໃສ່ຕາໜ່າງກັນຍຸງໃນປະຕູ ແລະ ປ່ອງຢ້ຽມ ແມ່ນສາມາດປ້ອງກັນຍຸງ ບໍ່ໃຫ້ເຂົ້າມາໃນເຮືອນໄດ້, ນອນໃນມຸ້ງຍ້ອມນໍ້າຢາກັນຍຸງ ທັງກາງເວັນ ແລະ ກາງຄືນ, […]
ສຳປະທານດິນ 3.000 ກວ່າເຮັກຕາ ປູກຫຍ້າ ແລະ ລ້ຽງງົວ ເພື່ອສົ່ງອອກ
ກຸ່ມບໍລິສັດ ດວງຈະເລີນ ກໍ່ສ້າງ ຈຳກັດ ສຳປະທານທີ່ດິນລັດ 3.000 ກວ່າເຮັກຕາ ຢູ່ແຂວງ ບໍ່ແກ້ວ ເພື່ອປູກຫຍ້າ ແລະ ລ້ຽງງົວ ເພື່ອຕອບສະໜອງຄວາມຕ້ອງການຊີ້ນງົວຂອງຕະຫຼາດທັງພາຍໃນ ແລະ ຕ່າງປະເທດ ໂດຍແນໃສ່ຕະຫຼາດຈີນເປັນຕະຫຼາດຫຼັກ. ອີງຕາມການລາຍງານຂອງ ໜັງສືພິມ ເສດຖະກິດ-ການຄ້າ, ທ່ານ ຄຳຝາຍ ສີລາຊາ ປະທານ ກຸ່ມບໍລິສັດ ດວງຈະເລີນ ກໍ່ສ້າງ ຈຳກັດ ໃນນາມຜູ້ພັດທະນາປູກຝັງ ແລະ ລ້ຽງສັດຢູ່ແຂວງບໍ່ແກ້ວ ກ່າວວ່າ: ໂຄງການດັ່ງກ່າວ ເລີ່ມມາແຕ່ປີ 2021 ໄດ້ສຳປະທານດິນທັງໝົດ 5 ຕອນເນື້ອທີ່ລວມ 3.687 ເຮັກຕ້າ ຕັ້ງຢູ່ໃນເນື້ອທີ່ຂອງ 2 ເມືອງໃນແຂວງບໍ່ແກ້ວ, ເນື້ອທີ່ສ່ວນຫຼາຍແມ່ນເປັນເຂດພູດອຍ ສະຫຼັບກັບພູພຽງ ເໝາະສຳລັບການປູກຝັງລ້ຽງສັດ. ໂດຍໂຄງການດັ່ງກ່າວ ໄດ້ທົດລອງລ້ຽງງົວຢູ່ 4 ສາຍພັນ ປະກອບມີ: ສາຍພັນ ແອັງກາສ ວາກິວ ນຳເຂົ້າຈາກ ອົດສະເຕເລຍ […]
ພະຍາດຕັບອັກເສບ ສາຍເຫດເຮັດໃຫ້ຕັບແຂງ ແລະ ນຳໄປສູ່ການເສຍຊີວິດ ໄດ້
ພະຍາດຕັບອັກເສບ ແມ່ນການອັກເສບຂອງຕັບ ຊຶ່ງການອັກເສບດັ່ງກ່າວ ສາມາດພາໃຫ້ເກີດເປັນກະດັນຕັບ ຫຼື ຕັບແຂງ, ມະເຮັງຕັບ ແລະ ສາມາດນຳໄປສູ່ການເສຍຊີວິດ ໄດ້. ອີງຕາມສູນຂ່າວສານການແພດສຸຂະສຶກສາ: ພະຍາດຕັບອັກເສບ ແມ່ນເກີດຈາກການຕິດເຊື້ອໄວຣັສຕັບອັກເສບ ເຊິ່ງມີຫຼາຍຊະນິດ, ແຕ່ໄວຣັສຕັບອັກເສບ B ແລະ C ເປັນຊະນິດທີ່ຮ້າຍແຮງກວ່າໝູ່ ແລະ ເປັນສາເຫດໃຫ້ມີຄົນເສຍຊີວິດເຖິງ 1.34 ລ້ານຄົນຕໍ່ປີ ໃນທົ່ວໂລກ, ພ້ອມນັ້ນ ການແຜ່ເຊື້ອໄວຣັສຕັບອັກເສບ ແມ່ນມິດງຽບ, ສາມາດເກີດຂຶ້ນໄດ້ກັບທຸກຄົນ ແລະ ເກີດຂຶ້ນໄດ້ທຸກເວລາ ແບບບໍ່ມີສັນຍານເຕືອນ. ຄົນຕິດເຊື້ອໄວຣັສຕັບອັກເສບ ‘ບໍ່ຮູ້ຕົວ’ ວ່າຕົນເອງຕິດເຊື້ອ,ທ່ານສາມາດປົກປ້ອງຕົນເອງ ແລະ ຄົນທີ່ທ່ານຮັກໄດ້ ໂດຍການເຂົ້າຮັບການກວດຫາເຊື້ອຢູ່ໂຮງໝໍໃກ້ບ້ານທ່ານ, ໂດຍສະເພາະ ແມ່ຍິງຖືພາ, ເນື່ອງຈາກວ່າ ໄວຣັສຕັບອັກເສບ B ສາມາດຕິດຕໍ່ຈາກແມ່ສູ່ລູກໄດ້ງ່າຍໃນເວລາເກີດ, ສັກວັກຊີນປ້ອງກັນໄວຣັສຕັບອັກເສບ B ສໍາລັບທ່ານເອງ ແລະ ລູກນ້ອຍຂອງທ່ານ ຕາມຕາຕະລາງການສັກວັກຊີນແຫ່ງຊາດ ຢູ່ໂຮງໝໍໃກ້ບ້ານທ່ານ,ປຶກສາແພດ ແລະ ເຂົ້າຮັບການປິ່ນປົວ ຖ້າທ່ານກວດພົບວ່າຕົນເອງຕິດເຊື້ອ ເພາະວ່າ ພວກເຮົາມີຕັບພຽງອັນດຽວ […]
ໂຄງການເຝິກອົບຮົມພາສາອັງກິດຟຣີ! ສ້າງຄວາມໝັ້ນໃຈໃນຕົນເອງຂອງໄວໜຸ່ມລາວໃນຍຸກໃໝ່
ນະຄອນຫຼວງວຽງຈັນ, ວັນທີ 09 ກຸມພາ 2024 – ໂດຍປາດຖະໜາຢາກສະໜັບສະໜູນຊາວໜຸ່ມລາວ ທີ່ພວມດຳລົງຊີວິດໃນຍຸກໃໝ່ໃຫ້ປັບຕົວໃຫ້ດີຂຶ້ນ ແລະ ເຕີບໃຫຍ່ໃນຕໍ່ໜ້າ, ພວກເຮົາແມ່ນກຸ່ມຄູສອນພາສາສາດ ແລະ ອະນາຄົດ, ສະໜັບສະໜູນໂດຍສະຖາບັນສ້າງຂີດຄວາມສາມາດໃຫ້ແກ່ໄວໜຸ່ມທົ່ວໂລກ. (iBC4Y), ອົງການບໍ່ຫວັງຜົນກຳໄລໄດ້ລິເລີ່ມໂຄງການໄລຍະຍາວໄດ້ເລີ່ມຕັ້ງແຕ່ປີ 2023, ເອີ້ນວ່າ “ໂຄງການພັດທະນາຄວາມຫມັ້ນໃຈຕົນເອງໃນພາສາອັງກິດ”. ສັງເກດເຫັນວ່າ ຊາວໜຸ່ມລາວ ມີຄວາມປາຖະໜາຢາກຮຽນ ແລະ ພັດທະນາພາສາອັງກິດ ແລະ ມີຄວາມໝັ້ນໃຈໃນຕົນເອງຫຼາຍດ້ານ ເຊັ່ນ: ເໝາະສົມກັບການຂະຫຍາຍຕົວຂອງປະເທດ ແລະ ໂລກ, ໄດ້ທຶນການສຶກສາ ຫຼື ໄປຮຽນຢູ່ຕ່າງປະເທດ, ມີວຽກເຮັດງານທຳທີ່ດີຂຶ້ນ ແລະ ມີວຽກເຮັດງານທຳຫຼາຍຂຶ້ນ. ໂອກາດໃນຊີວິດຂອງເຂົາເຈົ້າ. ຄວາມເຂົ້າໃຈຈາກທັດສະນະນີ້, ພວກເຮົາໄດ້ລິເລີ່ມໂຄງການເພື່ອປະກອບສ່ວນເພື່ອເຮັດໃຫ້ຄວາມປາດຖະຫນາເຫຼົ່ານີ້ເກີດຂຶ້ນ. ມີ 2 ຄຸນຄ່າທີ່ສຸມໃສ່ນຳເຂົ້າຮ່ວມ. ກ່ອນອື່ນໝົດ, ການເຕີບໂຕດ້ານແນວຄິດ ແລະ ການປັບຕົວໃນຍຸກໃໝ່ຂອງການປ່ຽນແປງ ແລະ ພັດທະນາເຕັກໂນໂລຢີ Ai, ໄວໜຸ່ມຕ້ອງຮຽນຮູ້, ປ່ຽນແປງ ແລະ ປັບຕົວໃຫ້ເໝາະສົມ. ອັນທີສອງ, ຜູ້ເຂົ້າຮ່ວມຈະໄດ້ຮັບການຝຶກອົບຮົມໃຫ້ມີຄວາມຫມັ້ນໃຈຕົນເອງຈາກພາຍໃນສູ່ພາຍນອກ, […]
6 ພະຍາດຈາກການກິນປີ້ງ – ດາດ
ໜຶ່ງໃນອາຫານຍອດນິຍົມບໍ່ວ່າແຕ່ຍາມໜາວ ຫຼື ຍາມໃດທີ່ເຮົາມັກຊວນກັນໄປກິນ ຄົງແມ່ນອາຫານປະເພດ ບຸບເຟ່, ຊີ້ນດາດ, ປີ້ງ… ເປັນຕົ້ນ ອາຫານເຫຼົ່ານີ້ ຖ້າດົນໆກິນເທື່ອໜຶ່ງຄົງບໍ່ເປັນຫຍັງ ແຕ່ຖ້າກິນດຸເກີນໄປ ເຊັ່ນອາທິດລະຫຼາຍໆເທື່ອ ສຸຂະພາບເຮົາຈະຄ່ອຍໆເສື່ອມໂຊມໂດຍບໍ່ຮູ້ຕົວ ອັນຕະລາຍທີ່ແຝງຢູ່ນຳອາຫານປີ້ງດາດ ມີດັ່ງນີ້: 1. ສ່ຽງມະເຮັງຕັບ ຈາກສານໄນໂຕຣຊາມີນ ທີ່ຢູ່ໃນປາມຶກປີ້ງ, ປາທະເລປີ້ງ ແລະ ຊີ້ນແປຮູບທີ່ມີການໃສ່ສານກັນບູດ ເຊັ່ນ: ສົ້ມ, ໄສ້ກອກ, ເບຄອນ, ແຮມ ເປັນຕົ້ນ. 2. ສ່ຽງມະເຮັງກະເພາະ ໃນຂະບວນການປີ້ງ – ດາດ ເຮັດໃຫ້ເກີດສານ PAHs ເຊິ່ງຈະຢູ່ໃນອາຫານສ່ວນທີ່ໄໝ້ແຫ້ມ ຖ້າສະສົມຫຼາຍໆຈະເປັນໂຕກໍ່ມະເຮັງ. 3. ເກີດເປັນພະຍາດຕຸ້ຍ ແນ່ນອນ ໄປກິນຊີ້ນດາດ ຫຼື ບຸບເຟ່ທັງທີ່ເຮົາກໍຕ້ອງກິນໃຫ້ຄຸ້ມ ກິນຫຼາຍເຂົ້າ ກໍໄດ້ຮັບໄຂມັນສ່ວນເກີນໄປສະສົມຢູ່ໜ້າທ້ອງ ເຮັດໃຫ້ນ້ຳໜັກຂຶ້ນມີພາວະຕຸ້ຍລົງພຸງ. 4. ສ່ຽງພະຍາດຫົວໃຈ ຊີ້ນງົວ, ຊີ້ນໝູ ມີໄຂມັນອີ່ມໂຕ ແລະ ຄໍເລສເຕີຣໍ່ສູງ ໂດຍສະເພາະຊີ້ນຕິດມັນກິນຫຼາຍໆສ່ຽງໄຂມັນອັດຕັນໃນເສັ້ນເລືອດ ມີໂອກາດເປັນພະຍາດຫົວໃຈ […]