ດວງ-Tou-Vientianepost (2)
ມອບ​-ຮັບ ​ອັດຖິ​ທະຫານ​ອາສາ​ສະຫມັກ ​​ແລະ ຊ່ຽວຊານ​ຫວຽດນາມ ​ທີ່​ເສຍ​ສະ​ຫຼະຊີວິດ​ໃນ​ປາງ​ສົງຄາ​​ມຢູ່​ລ​າວກັບ​ຄືນ​ປະ​ເທດ
ຮຽບຮຽງໂດຍ:Staff
ເຜີຍແຜ່: 21 ເດືອນພຶດສະພາ, 2023
ໝວດ: ຂ່າວ

ວັນ​ທີ 19 ພຶດສະພາ 2023 ນີ້, ຢູ່​ທີ່​ກອງ​ບັນຊາ​ການ​ທະຫານ​ນະຄອນຫຼວງ​ວຽງ​ຈັນ ​ໄດ້​ຈັດ​ພິທີ​ ມອບ​-ຮັບ ​ແລະ ຈັດ​ສົ່ງ​ອັດຖິ​ທະ​ຫານ​ອາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນສະ ໄໝສົງຄາມຢູ່ດິນແດນນະ​ຄອນ​ຫຼວງວຽງ​ຈັນກັບຄືນສູ່ປະເທດຈຳນວນ 01 ອັດຖິ ​ໂດຍມີ​ສະຫາ​ຍ ພົນ​ຈັດຕະວາ ສີ​ພອນ ຈັນ​ສົມ​ວົງ ຮອງເລຂາຄະນະພັກນະຄອນຫຼວງ ຫົວໜ້າຄະນະປະຕິບັດງານພິເສດ ນະຄອນຫຼວງວຽງຈັນ, ມີທ່ານ ຫງວຽນ ຮົງ ລິ່ງ ຮອງປະທານຄະນະກຳມະການປະຊາຊົນແຂວງຮ່າຕິ້ງ (ຜູ້ປະຈຳການ), ມີສະຫາຍ ພົນຈັດຕະວາ ໄພວັນ ຈັນທະພົມມາ ຫົວໜ້າ​ການ​ເມືອງ​ກອງບັ​ນຊ​າການ​ທະຫານນະຄອນ ຫຼວງ​ວຽງ​ຈັນ, ມີຄະນະປະຕິບັດງານພິເສດທັງ​ສອງ​ຝ່າຍ​, ພ້ອມ​ດ້ວຍ​ພາກ ສ່ວນ​ກ່ຽວຂ້ອງ​ເຂົ້າ​ຮ່ວມ.

​ໃນ​ພິທີດັ່ງກ່າວ​ພາກສ່ວນ​ຕ່າງໆກໍ​ໄດ້​ເຂົ້າ​ວາງ​ພວງ​ມະລາ​​ ຈໍານວນ 09 ຄະນະໃນ​ນັ້ນ​ມີຄະ​ນະ​ປະຕິບັດ​ງານ​ພິ​ເສດນະ ຄອນຫຼວງ​ວຽງ​ຈັນ, ຄະ​ນະ​ປະຕິບັດ​ງານ​ພິ​ເສດ​ແຂວງຮ່າ​ຕິ່ງ, ຫ້ອງການທີ່ປຶກສາທູດ​ທະຫານ​ຫວຽດນາມ​ປະ​ຈໍາ​ລາວ​, ກອງ​ບັນຊາ​ການ​ທະຫານ​ນະຄອນຫຼວງ​ວຽງ​ຈັນ, ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ນະ​ຄອນ​ຫຼວງ​ວຽງ​ຈັນ, ສະຫະພັນ​ນັກຮົບ​ເກົ່າ​ນະຄອນຫຼວງ​ວຽງ​ຈັນ, ພະ​ແນ​ກ​

ແຮງ​ງານ- ສະຫວັດດີ​ການສັງຄົມນະຄອນຫຼວງ​ວຽງ​ຈັນ, ກອງບັນຊາການທະຫານເມືອງ ໄຊທານີ ແລະ ກອງ​ບັນຊາ​ການ​ທະຫານ​ທະຫານ​ເມືອງ​ສີ​ໂຄດ​ຕະບອງ, ທັ້ງນີ້ກໍ່​ເພື່ອເປັນການສະແດງເຖິງຄວາມກະຕັນຍູຮູ້ບຸນຄຸນຕໍ່ຜົນງານ​ຄຸນງາມຄວາມດີ​ຂອງບັນດາສະຫາຍນັກຮົບວິລະ​ຊົນ, ທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດ ເພື່ອພາລະກິດ​ອັນ​ສູງ​ສົ່ງ ​ເພື່ອຄວາມສົມບູນພູນສຸກ, ຄວາມເປັນເອກະລາດ, ຄວາມຢູ່ເຢັນເປັນສຸກຂອງປະຊາຊົນລາວ ກໍຄື ການປະຕິບັດໜ້າທີ່ດ້ວຍນໍ້າໃຈສາກົນກຳມະຊີບອັນສູງສົ່ງຂອງບັນດາສະຫາຍນັກຮົບວິລະ​ຊົນ, ທະຫານອາສາສະໝັກ ແລະ ຊ່ຽວຊານຫວຽດນາມທີ່ມາປະຕິບັດໜ້າທີ່ຢູ່ລາວ​ໃນ​ປາງ​ສົງຄາມ.

ໂດຍ​ປະຕິບັດ​ຕາມສັນຍາ​ຂອງ 2 ລັດຖະບານ ​ແລະ ບົດ​ບັນທຶກ​ຊ່ວຍ​ຈໍາ​ລະຫວ່າງ 2 ຄະນະ ປະຕິບັດ​ງານ​ພິ​ເສດ​ລາວ-ຫວຽດນາມ​ກ່ຽວ​ກັບ​ການ​ຊອກ​ຫາ ​ແລະ ຂຸດ​ຄົ້ນ​ອັດຖິ​ທະຫານ​ອາສາ​ສະໝັກ ​ແລະ ຊ່ຽວຊານ​ຫວຽດນາມ ທີ່​ເສຍ​ຊີວິດ​ໃນ​ປາ​ສົງຄາມ​ຢູ່​ລາວ​ເວົ້າ​ລວມ, ​ເວົ້າ​ສະ​ເພາະ​ຢູ່​ນະຄອນຫຼວງ​ວຽງ​ຈັນ ​ໂດຍ​​ໄດ້​ປະສານ​ງານ​ກັນ​ແໜ້ນລະຫວ່າງ​ຄະນະ​ປະຕິບັດ​ງານ​ພິ​ເສດຂອງ​ທະຫານ​​ນະ​ຄອນ​ຫຼວງ​ວຽງ​ຈັນ ກັບ ​ຄະນະ​ປະຕິບັດ​ງານ​ພິ​ເສດ​ແຂວງຮ່າ​ຕິ່ງ ​ເຊິ່ງ​ເລີ່​ມມາ​ແຕ່​ປີ 2000 ​ເຖິງ​ປີ 2022 ສາມາດຂຸດ​ຄົ້​ນ​ ໄດ້ 127 ອັດຖິ ​ແລະ ​ໄດ້​ມອບ-ຮັບ​ຈັດ​ສົ່ງ​ແລ້ວ, ສະ​ເພາະ​ປີ 2023 ນີ້ ໜ່ວຍ​ງານ​ຊອກ​ຄົ້ນ ​ແລະ ຂຸດ​ຄົ້ນ​ໄດ້​ລົງມື​ປະຕິບັດ​ນັບ​ແຕ່​ເດືອນ ມີນາ ​ຫາ​ເດືອນ ​ເມສາ ສາມາດ​ຂຸດ​ຄົ້ນ​ໄດ້ຕົວ​ຈິງ​ 01 ອັດຖິ ຢູ່ບ້ານດົງຄວາຍ ເມືອງໄຊທານີ ນະຄອນຫຼວງວຽງຈັນ.

​​ໂອກາດ​ນີ້ ​ສະຫາ​ຍ ພົນ​ຈັດຕະວາ ສີ​ພອນ ຈັນ​ສົມ​ວົງ ຮອງເລຂາຄະນະພັກນະຄອນຫຼວງ ຫົວໜ້າຄະນະປະຕິບັດງານພິເສດ ນະຄອນຫຼວງວຽງຈັນ ແລະ ທ່ານ ຫງວຽນ ຮົງ ລິ່ງ ຮອງປະທານຄະນະກຳມະການສະພາປະຊາຊົນແຂວງຮ່າຕິ້ງ ກໍ່ໄດ້​ລົງ​ນາມ​ເຊັນສັນຍາ​ມອບ-ຮັບ​ເຊິ່ງກັນ ​ແລະ ກັນ, ໂດຍມີ​ການ​ນໍາ​ທັງ​ສອງ​ຝ່າຍ ​ແລະ ພາກສວນ​ກ່ຽວ​ຂ້ອງ​ເຂົ້າ​ຮ່ວມ​ເປັນ​ສັກ​ຂິພະຍານ ແລະ ໄດ້ຈັດສົ່ງອັດຖິຂອງທະຫານອາສາສະໝັກກັບຄືນປະເທດຢ່າງສົມກຽດ.

ໂດຍ: ​ແສງດາລາ ໄຊຍະລາດ
ທີ່ມາ ຂ່າວ ກອງບັນຊາການທະຫານ ນວ

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ