ວັນທີ 16 ກໍລະກົດ 2023 , ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຈ້ງເຕືອນພະຍຸໝູນເຂດຮ້ອນໃນໄລຍະວັນທີ 17-19 ກໍລະກົດ 2023, ເນື່ອງຈາກວ່າພະຍຸດີເປຼຊັນປັດຈຸບັນໄດ້ກໍ່ຕົວຢູ່ເຂດທະເລຈີນຕອນກາງໃກ້ກັບພາກເໜືອຂອງປະເທດຟິລິບປິນ, ຊຶ່ງມີຈຸດສູນກາງຢູ່ເສັ້ນຂະຫນານທີ 18.0 ອົງສາ ເຫນືອ ແລະ ເສັ້ນແວງທີ 118.4 ອົງສາຕາເວັນອອກ ດ້ວຍຄວາມໄວ 55 ກິໂລແມັດຕໍ່ຊົ່ວໂມງ ແລະ ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ທີ່ມີກາລັງແຮງປານກາງພັດປົກຄຸມຢູ່ ທົ່ວທຸກພາກຂອງປະເທດລາວ ໃນໄລຍະວັນທີ 17 ຫາ 19 ກໍລະກົດ 2023ນີ້, ຊຶ່ງ

ຈະເຮັດໃຫ້ມີຝົນຕົກໃນລະດັບ ຄ່ອຍ ຫາ ປານກາງ ແລະ ຕົກໜັກພ້ອມມີລົມພັດແຮງຢູ່ບາງທ້ອງຖິ່ນ ແຂວງ ພາກໃຕ້ໂດຍສະເພາະແຂວງອັດຕະປື. ດັ່ງນັ້ນ, ຈຶ່ງຂໍແຈ້ງເຕືອນມາຍັງອໍານາດການປົກຄອງແຂວງ ແລະ ພໍ່ແມ່ປະຊາຊົນພາຍໃນ 5 ຕົວເມືອງ, ຈົ່ງມີສະຕິ ລະມັດລະວັງໃນການເດີນທາງ, ຜູ້ທີ່ໃຊ້ລົດ, ເຮືອ, ຕາມສະຖານທີ່ຕ່າງໆ ຕໍ່ສະພາບຝົນຕົກໜັກ, ຟ້າຮ້ອງ, ຟ້າ ເຫຼື້ອມໃນໄລຍະ 1 – 3 ວັນຕໍ່ຫນ້ານີ້ ພ້ອມມີລົມພັດແຮງທີ່ຈະເຮັດໃຫ້ຕົ້ນໄມ້ຫັກ, ດິນເຈື່ອນ, ນໍ້າຖ້ວມກະທັນຫັນທີ່ ອາດຈະເກີດຂື້ນໄດ້ໃນໄລຍະນີ້, ຂໍໃຫ້ຕິດຕາມຂ່າວພະຍາກອນອາກາດຈາກພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ອັດຕະປື.

ສະແດງຄຳຄິດເຫັນ