ດວງ-Tou-Vientianepost - 2023-07-21T103021.946
ພະແນກສາທາລະນະສຸກແຂວງຄໍາມ່ວນ ໃຫ້ລົບລ້າງຫນັງສືແຈ້ງການຂອງໂຮງຫມໍແຂວງຄໍາມ່ວນ ສະບັບເລກທີ 373/ ຮຫມຂ
ຮຽບຮຽງໂດຍ:Staff
ເຜີຍແຜ່: 21 ເດືອນກໍລະກົດ, 2023
ໝວດ: ຂ່າວ

ພະແນກສາທາລະນະສຸກແຂວງຄໍາມ່ວນ ໄດ້ອອກແຈ້ງການໃນວັນທີ 18 ກໍລະກົດ 2023 ໃຫ້ລົບລ້າງຫນັງສືແຈ້ງການຂອງໂຮງຫມໍແຂວງຄໍາມ່ວນ ສະບັບເລກທີ 373/ ຮຫມຂ, ລົງວັນທີ 17 ກໍລະກົດ 2023 ທີ່ບໍ່ສອດຄ່ອງກັບນະໂຍບາຍປະກັນສຸຂະພາບແຫ່ງຊາດ ໂດຍມີເນື້ອໃນລະບຸວ່າ ປະຈຸບັນໂຮງຫມໍຂາດຢາປິ່ນປົວຈໍາເປັນພື້ນຖານ ເນື່ອງຈາກບໍ່ສາມາດຊໍາລະຫນີ້ສິນໄດ້ຕາມກໍານົດເວລາ ຈົນບໍລິສັດຢຸດການສົ່ງຢາໃຫ້ແກ່ໂຮງຫມໍ.

ການລົບລ້າງແຈ້ງການສະບັບດັ່ງກ່າວຂອງທາງໂຮງຫມໍແຂວງ ກໍເພື່ອໃຫ້ເຮັດໃຫ້ການບໍລິການຂອງສະຖານປິ່ນປົວສຸຂະພາບຂອງພາກລັດສອດຄ່ອງຕາມລະບຽບ ກົດຫມາຍ ແລະ ນະໂຍບາຍທີ່ວາງອອກ ພະແນກສາທາລະນະສຸກແຂວງຄໍາມ່ວນ ຈຶ່ງອອກແຈ້ງການລະບຸໄວ້ ວ່າ:

ປະຊາຊົນທີ່ເຂົ້າມາໃຊ້ບໍລິການຮັກສາສຸຂະພາບທົ່ວໄປ ຢູ່ໂຮງຫມໍແຂວງ, ໂຮງຫມໍຊຸມຊົນ ແລະ ໂຮງນ້ອຍ ແມ່ນຍັງສືບຕໍ່ຈັດຕັ້ງປະຕິບັດຕາມປົກກະຕິຄືຜ່ານມາ ເຊິ່ງຜູ້ໃຊ້ ບໍລິການຕ້ອງໄດ້ນໍາເອົາປື້ມສໍາມະໂນຄົວ ຫຼື ເອກະສານຢັ້ງຢືນທີ່ຖືກຕ້ອງມາແຈ້ງຕໍ່ສະຖານທີ່ບໍລິການ ເພື່ອຮັບສິດໃນການປິ່ນປົວຕາມນະໂຍບາຍຂອງລັດ. ພະນັກງານລັດຖະກອນ, ທະຫານ, ຕໍາຫລວດ, ພະນັກງານລັດວິສາຫະກິດ, ຜູ້ທີ່ເຂົ້າປະກັນສັງຄົມ ແລະ ຜູ້ທີ່ໄດ້ຮັບສິດຄຸ້ມຄອງ ໃຫ້ຈັດຕັ້ງປະຕິບັດຕາມປົກກະຕິຄືຜ່ານ ມາ ໂດຍໃຫ້ຖືບັດປະກັນສັງຄົມມາແຈ້ງຕໍ່ສະຖານທີ່ບໍລິການ ເພື່ອປະຕິບັດຕາມກົດຫມາຍວ່າດ້ວຍການປະກັນສຸຂະພາບແລະ ຄໍາສັ່ງແນະນໍາ ຂອງລັດຖະມົນຕີ ກະຊວງ ສາທາລະນະສຸກ ວ່າດ້ວຍກົນໄກການເກັບເງິນສົມທົບ, ການຈ່າຍເງິນ ແລະ ການຄິດໄລ່ອັດຕາຄ່າບໍລິການ ສໍາລັບກອງທຶນປະກັນສຸຂະພາບແຫ່ງຊາດສະບັບເລກທີ 0476/ສທ, ລົງວັນທີ 16 ພຶດສະພາ 2018 ກໍານົດ.

ພ້ອມກັນນັ້ນ ສະເໜີໃຫ້ບັນດາພະແນກການ, ອົງການຈັດຕັ້ງທຽບເທົ່າ ແລະ ບັນດາເມືອງ ເຜີຍແຜ່ເນື້ອໃນແຈ້ງການສະບັບນີ້ ໃຫ້ພະນັກງານ, ທະຫານ, ຕໍາຫຼວດ, ປະຊາຊົນ ແລະ ສັງຄົມ ໄດ້ຮັບຮູ້, ເຂົ້າໃຈຢ່າງກວ້າງຂວາງ ແລະ ທົ່ວເຖິງ. ພ້ອມທັງ ໃຫ້ໂຮງຫມໍແຂວງ, ໂຮງຫມໍຊຸມຊົນ ແລະ ໂຮງຫມໍນ້ອຍ ເຜີຍແຜ່, ປະຊາສໍາພັນເນື້ອໃນ ແຈ້ງການສະບັບນີ້ໃຫ້ປະຊາຊົນ ແລະ ຜູ້ເຂົ້າມາໃຊ້ບໍລິການຢູ່ສະຖານປິ່ນປົວຂອງຕົນ ໃຫ້ຮັບຊາບສິດໃນການມາປິ່ນປົວ ຕາມນະໂຍບາຍປະກັນສຸຂະພາບແຫ່ງຊາດຂອງ ລັດຖະບານວາງອອກຢ່າງຖືກຕ້ອງ.

ສະແດງຄຳຄິດເຫັນ

ຂ່າວມາໃໝ່ 
2
ລາຄານໍ້າມັນລົງ
2
ຈັບຊາຍອາຍຸ 19 ປີແອບອ້າງເອົາເງິນບໍລິຈາກຊ່ວຍເຫຼືອຈາກປະຊາຊົນ
2
ເດືອນມັງກອນ ຕົ້ນປີ 2024 ມີຜູ້ເສຍຊີວິດເຖິງ 119 ຄົນ ຈາກອຸບັດເຫດໃນທົ່ວປະເທດ
2
ຍີ່ປຸ່ນ ສົ່ງເສີມກະສິກອນສວນກາເຟ ຢູ່ 8 ບ້ານ ໃນເມືອງໂພນໄຊ ແລະ ເມືອງວຽງຄຳ
2
ສຳປະທານດິນ 3.000 ກວ່າເຮັກຕາ ປູກຫຍ້າ ແລະ ລ້ຽງງົວ ເພື່ອສົ່ງອອກ
2
ກໍ່ເຫດຂ້າເມຍຕົວເອງ ຍ້ອນເມຍຖາມປະ ແລະ ເມຍບໍ່ໃຫ້ເງິນ
2
ປີ 2024 ເສຍຊີວິດແລ້ວ 1 ຄົນ ຍ້ອນໄຂ້ຍຸງລາຍ
ດວງ-Tou-Vientianepost (4)
ດວງລາຍວັນປະຈໍາວັນ ອັງຄານ ທີ 20 ກຸມພາ 2024
2
ເມືອງຕົ້ນເຜິ້ງ ຮື້ຖອນປ້າຍໂຄສະນາທີ່ບໍ່ຖືກລະບຽບ
2
ພະຍາດຕັບອັກເສບ ສາຍເຫດເຮັດໃຫ້ຕັບແຂງ ແລະ ນຳໄປສູ່ການເສຍຊີວິດ ໄດ້
ຢ່າລື່ມກົດຕິດຕາມ