ພົບສົບສອງຜົວ-ເມຍແຂວນຄໍ ຢູ່ເຂດປ່າເລົ່າ
ຕາມການໃຫ້ຂໍ້ມູນເບື້ອງຕົ້ນ ຂອງ ສະຫາຍ ຮທ ວິໄລ ໝັ້ນສະຫວ່າງ ຮອງຫົວໜ້າໜ່ວຍງານຄະດີອາຍາ-ເສດຖະກິດ ປກສ ເມືອງສິງ ແຂວງຫຼວງນ້ຳທາ ໃຫ້ຮູ້ວ່າ: ໃນວັນທີ 2 ກໍລະກົດ 2023 ໄດ້ຮັບແຈ້ງຈາກ ປກສ ກຸ່ມບ້ານທົ່ງໃໝ່ ວ່າ: ມີປະຊາຊົນພົບສອງຜົວເມຍແຄນຄໍເສຍຊີວິດ ຢູ່ເຂດບ້ານຫ້ວຍນໍ້າແດງ ເມືອງສິງ. ດັ່ງນັ້ນ, ຈຶ່ງໄດ້ແຕ່ງຕັ້ງພະນັກງານວິຊາສະເພາະ ລົງສົມທົບກັບ ປກສ ກຸ່ມບ້ານທົ່ງໃໝ່, ອໍານາດການປົກຄອງບ້ານ ກວດກາຊັນນະສູດພິກສາກສົບ ຈຶ່ງຮູ້ວ່າ ຜູ້ເສຍຊີວິດຊື່ ທ້າວ ວັງປ່າວຊົງ ອາຍຸ 33 ປີ ເສຍຊີວິດໃນເວລາປະມານ 17 ໂມງ ຂອງວັນທີ 01 ກໍລະກົດ 2023 ແລະນາງ ເຈ່ຍ ອາຍຸ 34 ປີ ເສຍຊີວິດ ໃນວັນທີ 25 ມີຖຸນາ 2023. ເຊິ່ງທັງສອງເປັນຜົວເມຍກັນ, ມີລູກນຳກັນ […]
ແຂວງອັດຕະປື ທຳລາຍເຄື່ອງມືຫາປາທີ່ຜິດກົດໝາຍ
ໃນວັນທີ 4 ກໍລະກົດ 2023 ທີ່ຫ້ອງຕຳຫຼວດພະແນກຕຳຫຼວດສິ່ງແວດລ້ອມ ກອງບັນຊາການປ້ອງກັນຄວາມສະຫງົບແຂວງອັດຕະປື ໄດ້ຈັດພິທີທຳລາຍເຄື່ອງມືຫາປາທີ່ຜິດກົດໝາຍ ປະເພດ ໝໍ້ດູດ-ໝໍ້ຊ໋ອດປາ. ທ່ານ ພັນໂທ ຄຳໄຫວ ແດງຄຳໃບ ຫົວໜ້າພະແນກສິ່ງແວດລ້ອມ ກອງບັນຊາການປ້ອງກັນຄວາມສະຫງົບແຂວງອັດຕະປື ໄດ້ລາຍງານຜົນການເຄື່ອນໄຫວເຮັດວຽກສະກັດກັ້ນການລັກລອບຫາປາ ແລະ ສັດນໍ້າອື່ນໆໂດຍບໍ່ຖືກຕ້ອງຕາມລະບຽບກົດໝາຍ ເຊິ່ງໃນກາງເດືອນ ພຶດສະພາ 2023 ຜ່ານມານີ້ວ່າ: ພາຍຫຼັງເຈົ້າໜ້າທີ່ຕໍ່າຫຼວດສິ່ງແວດລ້ອມ ປກສ ແຂວງ ໄດ້ປະຕິບັດວຽກງານວິຊາສະເພາະຕາມເຂດແມ່ນໍ້າເຊກອງເມືອງສາມັກຄີໄຊແຂວງອັດຕະປື ໄດ້ພົບເຫັນປະຊາຊົນຈຳນວນໜຶ່ງທີ່ລັກລອບນຳໃຊ້ເຄື່ອງໜໍ້ຊ໋ອດປາໂດຍບໍຖືກຕ້ອງຕາມກົດໝາຍ, ດັ່ງນັ້ນທາງເຈົ້າໜ້າທີ່ກໍ່ໄດ້ກັກຕົວຜູ້ກ່ຽວພ້ອມ ຂອງກາງເຂົ້າຫ້ອງການ, ຜ່ານການສືບສວນຜູ້ກ່ຽວກໍ່ໄດ້ຮັບສາລະພາບວ່າ: ແມ່ນໄດ້ເຄີຍເຄື່ອນໄຫວກະທຳມາຫຼາຍຄັ້ງແລ້ວ, ສ່ວນເຄື່ອງຊ໋ອດ-ໝໍ້ດູດປາ ແມ່ນໄດ້ຊື້ມາຈາກຮ້ານແຫ່ງໜື່ງທີ່ຂາຍຢູ່ຕະຫຼາດເມືອງໃໝ່ ເມືອງສາມັກຄີໄຊ ແຂວງອັດຕະປື, ຈາກນັ້ນເຈົ້າໜ້າທີ່ຕຳຫຼວດຈິ່ງໄດ້ເຮັດຕາມຂັ້ນຕອນລະບຽບກົດໝາຍ, ສົມທົບກັບພາກສ່ວນທີ່ກ່ຽວຂ້ອງພ້ອມກັບອຳນາດການປົກຄອງບ້ານໄດ້ລົງກວດຄົ້ນຮ້ານແຫ່ງໜຶ່ງຢູ່ຕະຫຼາດເມືອງໃໝ່ເມືອງສາມັກຄີໄຊແຂວງອັດຕະປື. ຜ່ານການກວດຄົ້ນໄດ້ພົບເຫັນຂອງກາງທີ່ຜິດກົດໝາຍ ປະເພດ ໝໍ້ດູດ-ໝໍ້ຊ໋ອດຈຳນວນ 13 ເຄື່ອງ, ເຈົ້າໜ້າທີ່ກໍ່ໄດ້ນໍາພໍ່ຄ້າຂາຍເຄື່ອງດັ່ງກ່າວນໍາມາສືບສວນ-ສອບສວນ ແລະໄດ້ຮັບສາລະພາບວ່າ: ໄດ້ນຳເຄື່ອງດັ່ງກ່າວເຂົ້າມາແຕ່ປີ 2022 ທີ່ຮ້ານແຫ່ງໜື່ງຢູ່ຕະຫຼາດຊັງຈຽງເມືອງສີໂຄດຕະບອງນະຄອນຫຼວງວຽງຈັນ ມີຈຳນວນ 20 ເຄື່ອງ, ໄດ້ຂາຍອອກແລ້ວ 7 ເຄື່ອງ, ສ່ວນຜູ້ກ່ຽວທີ່ກະທຳຜິດໃຊ້ໝໍ້ຊ໋ອດ-ໝໍ້ດູດປາ ແລະ […]
ດວງລາຍວັນປະຈໍາວັນພຸດ ທີ 05 ກໍລະກົດ 2023
ຄົນເກີດວັນອາທິດ:ການງານການຕິດຕໍ່ການເດີນທາງໄກຈະປະສົບຄວາມສຳເລັດ ການເງິນມີຂ່າວດີດ້ານການເງິນຈະມີຜູ້ຊ່ວຍອຸປະຖໍາ ຄວາມຮັກຈະໄດ້ຂ່າວລືທີ່ບໍ່ຊັດເຈນກ່ຽວກັບຄົນຮັກອາດມາໃນຮູບແບບໝູ່ຄູ່ ເຄື່ອງມຸງຄຸນສາຍແຂນຫິນນໍາໂຊກ ສີມຸງຄຸນສີຟ້າ ເລກນຳໂຊກ8 ຄົນເກີດວັນຈັນ:ການງານລະວັງການລົງທຶນເຮັດທຸລະກິດໃນໄລຍະນີ້ເກີດຄວາມຜິດພາດເຮັດໃຫ້ຂາດທຶນ ການເງິນພົບບັນຫາດ້ານການເງິນແຕ່ແລ້ວຈະມີຄົນອຸປະຖຳຊ່ວຍເຫລືອ ຄວາມຮັກຄວາມສຳພັນດ້ານຄວາມຮັກມີຄວາມສຸກ ເພາະຄວາມເຂົ້າໃຈກັນ ເຄື່ອງມຸງຄຸນ ແຫວນຄໍາ ສີມຸງຄຸນສີນໍ້າຕານ ເລກນຳໂຊກ8 ຄົນເກີດວັນອັງຄານ:ການງານມີໂອກາດເລື່ອນຂັ້ນ ເລື່ອນຕຳແໜ່ງ ປະສົບຄວາມສຳເລັດ ເກີດຊື່ສຽງທີ່ດີ ການເງິນລາຍຈ່າຍມີຫຼຍເປັນພິເສດຕ້ອງຄອບຄຸມການໃຊ້ຈ່າຍໃຫ້ຫຼາຍ ຄວາມຮັກມີໂອກາດໄດ້ພົບຮັກກັບຄົນຕ່າງອາຍຸ ເຄື່ອງມຸງຄຸນ ໄຂ່ມຸກ ສີມຸງຄຸນສີເທົາ ເລກນຳໂຊກ3 ຄົນເກີດວັນພຸດ:ການງານປັບປ່ຽນການເຮັດທຸລະກິດດ້ານອະສັງຫາຈະໄດ້ຜົນກຳໄລຫລາຍ ການເງິນການເຈລະຈາຕໍ່ລອງດ້ານການເງິນໄດ້ຮັບຜົນປະໂຫຍດທີ່ດີ ຄວາມຮັກ ສຸກສົມຫວັງໃນຊີວິດຮັກເປັນໄລຍະປັບໂຕເຂົ້າຫາກັນໃຫ້ຫຼາຍ ເຄື່ອງມຸງຄຸນຄໍາ ສີມຸງຄຸນສີສົ້ມ ເລກນຳໂຊກ8 ຄົນເກີດວັນພະຫັດ:ການງານການເຮັດວຽກງານເກີດການຂັດແຍ້ງກັບຫົວໜ້າຕ້ອງລະວັງເລື່ອງຂອງເອກະສານ ການເງິນໂຊກດີມີໂອກາດທີ່ຈະໄດ້ເງິນເຈົ້າມາໃນຈໍານວນຫຼາຍ ຄວາມຮັກປັບຄວາມສຳພັນໃຫ້ຢູ່ໃນສະຖານະເປັນໝູ່ເພື່ອນກັນຈະດີກວ່າ ເພາະຕ່າງຝ່າຍຕ່າງມີກົນລະຍຸດທີ່ແຕກຕ່າງກັນ ເຄື່ອງມຸງຄຸນຄໍາຝຣັ່ງ ສີມຸງຄຸນສີດໍາ ເລກນຳໂຊກ 6 ຄົນເກີດວັນສຸກ:ການງານໄລຍະນີ້ທຸ້ມເທວຽກຫຼາຍເກີນໄປສົ່ງຜົນຕໍ່ສຸຂະພາບ ການເງິນໄດ້ຮັບການຊ່ວຍເຫລືອທາງການເງິນຈາກຍາດພີ່ນ້ອງ ຄວາມຮັກຊີວິດຮັກມີຄວາມສຸກດີເພາະຢູ່ໃນໄລຍະປັບຕົວ ເຄື່ອງມຸງຄຸນແຫວນຄໍາ ສີມຸງຄຸນສີມ່ວງ ເລກນຳໂຊກ1 ຄົນເກີດວັນເສົາ:ການງານການເຈລະຈາຕໍ່ລອງທຸລະກິດໄດ້ຜົນກຳໄລຫລາຍ ການເງິນມີໂອກາດໄດ້ຊັບສິນທີ່ມີມູນຄ່າລາຄາແພງເຂົ້າມາ ຄວາມຮັກສົມຫວັງໃນເລື່ອງຮັກກັບຄົົນທີ່ຕົນເອງນັ້ນປາດຖະຫນາ ເຄື່ອງມຸງຄຸນຫິນນໍາໂຊກສີແດງ ສີມຸງຄຸນສີແດງ ເລກນຳໂຊກ4
ໄຂກອງປະຊຸມລັດຖະບານ ເປີດກວ້າງ ຄັ້ງທີ I ປີ 2023
ຂປລ. ກອງປະຊຸມລັດຖະບານເປີດກວ້າງ ຄັ້ງທີ I ປີ 2023 ໄດ້ໄຂຂຶ້ນໃນຕອນເຊົ້າວັນທີ 4 ກໍລະກົດ 2023 ທີ່ຫໍປະຊຸມແຫ່ງຊາດ, ນະຄອນຫລວງວຽງຈັນ ພາຍໃຕ້ການເປັນປະທານຂອງ ທ່ານສອນໄຊ ສີພັນດອນ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະ ບານ, ເຈົ້າແຂວງ, ເຈົ້າຄອງນະຄອນຫລວງວຽງຈັນ, ຜູ້ຕາງໜ້າອົງການຈັດຕັ້ງພັກ-ລັດທຽບເທົ່າກະ ຊວງ, ສູນກາງແນວລາວສ້າງຊາດ, ອົງການນິຕິບັນຍັດ, ອົງການຕຸລາການ, ສະຫະພັນນັກຮົບເກົ່າແຫ່ງຊາດລາວ, ບັນດາອົງການຈັດຕັ້ງມະຫາຊົນ, ອົງການກວດກາແຫ່ງລັດ, ອົງການກວດສອບແຫ່ງລັດ ເຂົ້າຮ່ວມແບບເຊິ່ງໜ້າ ແລະ ທ່ານເຈົ້າແຂວງຈຳນວນໜຶ່ງເຂົ້າຮ່ວມຜ່ານລະບົບກອງປະຊຸມທາງໄກ. ກອງປະຊຸມລັດຖະບານເປີດກວ້າ ງຄັ້ງທີ I ປີ 2023 ຈະດຳເນີນໄປເປັນເວລາ 2 ວັນເຄິ່ງໂດຍຜູ້ເຂົ້າຮ່ວມ ຈະໄດ້ພ້ອມກັນປຶກສາຫາລື, ຄົ້ນຄວ້າ 15 ຫົວຂໍ້ທີ່ສໍາຄັນ ແລະ ເຄັ່ງຮ້ອນໃນການຈັດຕັ້ງຜັນຂະຫຍາຍແຜນພັດທະນາເສດຖະກິດ-ສັງຄົມ ຕິດພັນກັບແຜນວຽກຈຸດສຸມຂອງ 2 ວາລະແຫ່ງຊາດ ກໍຄື ການແກ້ໄຂບັນຫາລວມຂອງຊາດ ຄື: 1. ສະຫລຸບຕີລາຄາ […]
ສະພາແຫ່ງຊາດ ເນັ້ນໃຫ້ ສານປະຊາຊົນ ແລະ ອົງການໄອຍະການ ດຳເນີນຄະດີ ໃຫ້ຖືກຕ້ອງ ໂປ່ງໃສ ເປັນທຳຢ່າງແທ້ຈິງ
ໃນກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດຊຸດທີ IX ໃນວັນທີ 4 ກໍລະກົດ 2023 ນີ້, ທ່ານ ຄໍາແພງ ວິລະພັນ ປະທານກໍາມາທິການຍຸຕິທໍາ ໄດ້ຂຶ້ນປະກອບຄໍາເຫັນຕໍ່ບົດລາຍງານ ຂອງສານປະຊາຊົນສູງສຸດ ແລະ ອົງການໄອຍະການປະຊາຊົນສູງສຸດ ກ່ຽວກັບການປະເມີນຜົນການຈັດຕັ້ງປະຕິບັດ ກົດໝາຍວ່າດ້ວຍສານປະຊາຊົນ, ກົດໝາຍວ່າດ້ວຍການດໍາເນີນຄະດີແພ່ງ, ກົດ ໝາຍວ່າດ້ວຍ ອົງການໄອຍະການປະຊາຊົນ ແລະ ກົດ ໝາຍວ່າດ້ວຍການດໍາເນີນຄະດີອາຍາ ໂດຍທ່ານ ໄດ້ຕາງ ໜ້າໃຫ້ຄະນະປະຈໍາສະພາແຫ່ງຊາດ ສະເໜີ ໃຫ້ສານປະ ຊາຊົນສູງສຸດ ແລະ ອົງການໄອຍະການປະຊາຊົນສູງສຸດ, ລວມເຖິງ ທຸກຂະແໜງການ ທີ່ກ່ຽວຂ້ອງໃນການດຳເນີນຄະດີ ຕາມຂະບວນການຍຸຕິທໍາ ປັບປຸງກົນໄກ ການດຳເນີນຄະດີ ໃຫ້ຮັບປະກັນຄວາມຖືກຕ້ອງ, ຮອບດ້ານ, ຄົບຖ້ວນ, ພາວະວິໄສ, ມີຄວາມໂປ່ງໃສ ແລະ ເປັນທຳຢ່າງແທ້ຈິງ, ແນໃສ່ເຮັດໃຫ້ຜູ້ກະທໍາຜິດ ຕ້ອງຖືກລົງໂທດຢ່າງເຂັ້ມງວດ ແລະ ຜູ້ບໍລິສຸດ ເດັດຂາດ ບໍ່ໃຫ້ຖືກລົງໂທດ. ທ່ານ […]
ເລັ່ງທາວເອົາຜັກຕົບອອກຈາກຮ່ອງແຊງ ໃຫ້ນ້ຳໄຫຼສະດວກ ເພື່ອຫຼຸດຜ່ອນນ້ຳຖ້ວມຂັງໃນຕົວເມືອງ
ໃນທີ່ສຸດຜັກຕົບທີ່ກີດຂວາງທາງໄຫຼຂອງນ້ຳຢູ່ຮອງແຊງຊຶ່ງເປັນຮ່ອງລະບາຍນ້ຳຂະໜາດໃຫຍ່ ເພື່ອລະບາຍນ້ຳເປື້ອນຈາກຄົວເຮືອນອອກຈາກ 2 ເມືອງຄື: ເມືອງສີໂຄດຕະບອງ, ເມືອງຈັນທະບູລີ ແລະ ເມືອງໄຊເສດຖາ ນະຄອນຫຼວງວຽງຈັນ ບາງຈຸດ ໂດຍສະເພາະ ຢູ່ຈຸດ ບ້ານຮ່ອງໄກ່ແກ້ວ ເມືອງຈັນທະບູລີ ກໍຖືກອະນາໄມຮື້ຖອນ ຈາກໜ່ວຍງານທີ່ກ່ຽວຂ້ອງຂອງເມືອງແລ້ວ, ພາຍຫຼັງທີ່ຈະເລີນເຕີບໂຕເບັ່ງບານ ກີດຂວາງການໄຫຼຂອງນ້ຳມາເປັນເວລາດົນນານ. ວັນທີ 30 ມິຖຸນາ 2023 ຜ່ານມາ ໜ່ວຍງານທີ່ກ່ຽວຂ້ອງຂອງເມືອງຈັນທະບູລີ ໄດ້ນຳເອົາລົດຈົກຄັນໃຫຍ່ໄປຈົກ, ໄປທາວເອົາຜັກຕົບຢູ່ຈຸດຂົວຮ່ອງແຊງຂອບເຂດບ້ານຮ່ອງໄກ່ແກ້ວຂຶ້ນໄວ້ຕາມບໍລິເວນແຄມຮ່ອງລະບາຍນ້ຳແລ້ວ ນີ້ຖືວ່າເປັນການເລີ່ມຕົ້ນອັນດີທີ່ຍັງເຫັນໄດ້ເຖິງຄວາມສຳຄັນຂອງສະພາບສິ່ງແວດລ້ອມແລ້ວລົງມືປະກອບສ່ວນເຮັດໃຫ້ບ້ານເມືອງສະອາດງາມຕາ ເຮັດໃຫ້ນ້ຳໄຫຼສະດວກ ຫຼຸດຜ່ອນນ້ຳຖ້ວມຂັງໃນຕົວເມືອງໃນລະດູຝົນ ແລະ ຍັງເປັນຕົວແບບທີ່ດີໃຫ້ພາກສ່ວນອື່ນນຳອີກ. ແຕ່ສິ່ງໜຶ່ງ ຊຶ່ງພາກສ່ວນກ່ຽວຂ້ອງອາດລືມຄຳນຶງເຖິງ ຫຼືບໍ່ ກໍບໍ່ສາມາດຮູ້ໄດ້ ຄືເວລາກ່ອນຈະໄປຈົກໄປທາວເອົາຜັກຕົບອອກນັ້ນ ໄດ້ກຽມພ້ອມທຸກຢ່າງຫຼືຍັງ ເຊັ່ນ: ກຳລັງແຮງງານທີ່ຊ່ວຍວຽກອະນາໄມ, ກຽມທັງລົດທີ່ຈະຂົນເອົາໄປຖິ້ມໄປມ້ຽນຢູ່ໃສ ຈຸດໃດ ຈຶ່ງຈະບໍ່ສ້າງຄວາມເປື້ອນເປິ, ຮົກເຮື້ອ ຫຼື ຈະປະປ່ອຍໄວ້ຕາມແຄມຮ່ອງລະບາຍນ້ຳນັ້ນເລີຍເພື່ອລໍຖ້າໃຫ້ປະຊາຊົນໄປຂົນເອົາມາເປັນອາຫານໃຫ້ສັດລ້ຽງ, ທີ່ສຳຄັນໄປກວ່ານັ້ນ ຄວນໄດ້ປະສານສົມທົບກັບອຳນາດການປົກຄອງ ບຸກຄົນ, ນິຕິບຸກຄົນທີ່ອາໄສຢູ່ເຂດລຽບຄອງຄັກແນ່ກ່ອນລົງມືເຮັດຫຼີກເວັ້ນຜົນເສຍຫາຍທີ່ກະທົບເຖິງຊັບສິນຂອງປະຊາຊົນ ເຊັ່ນ: ຖະໜົນເຂົ້າເຮືອນ, ຕົ້ນໄມ້ກິນໝາກ ແລະ ອື່ນໆຂອງເຂົາເຈົ້າເພື່ອບໍ່ໃຫ້ເກີດມີບັນຫາຕາມມາພາຍຫຼັງ. ຜ່ານມາ […]
ລັດຈະສຸມໃສ່ແກ້ໄຂການອ່ອນຄ່າຂອງເງິນກີບ ແລະ ການເພີ່ມຂຶ້ນຂອງລາຄາສິນຄ້າ ເປັນການຮີບດ່ວນ
ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ຊີ້ແຈງຕໍ່ຄຳຊັກຖາມຂອງສະມາຊິກສະພາແຫ່ງຊາດຫຼາຍບັນຫາ .oກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ IX ໃນວັນທີ 3 ກໍລະກົດ 2023 ນີ້ວ່າ: ລັດຖະບານຈະໄດ້ສຸມໃສ່ແກ້ໄຂ ແລະ ສະເໜີໃຫ້ທົ່ວສັງຄົມຊ່ວຍສະໜັບສະໜູນ ແລະ ໃຫ້ການຮ່ວມມື ຊຶ່ງໄລຍະຜ່ານມາລັດຖະບານກໍໄດ້ສຸມໃສ່ໃນການແກ້ໄຂ ໂດຍໄດ້ແຕ່ງຕັ້ງຄະນະຮັບຜິດຊອບໃນການແກ້ໄຂ ແຕ່ສະພາບການດັ່ງກ່າວກໍຍັງບໍ່ທັນຜ່ອນຄາຍລົງ ຊຶ່ງສາເຫດຕົ້ນຕໍທີ່ເກີດຂຶ້ນເບື້ອງຕົ້ນແມ່ນເລີ່ມຈາກປັດໄຈພາຍນອກ ທີ່ສືບເນື່ອງຈາກຜົນກະທົບແຜ່ລະບາດຂອງພະຍາດໂຄວິດ-19 ແລະ ສະພາບການຜັນແປຂອງພາກພື້ນ ແລະ ສາກົນ. ກົມການເມືອງສູນກາງພັກໄດ້ຕົກລົງແຕ່ງຕັ້ງຄະນະສະເພາະກິດໃນການແກ້ໄຂບັນຫາເຄັ່ງຮ້ອນຂອງເສດຖະກິດ-ການເງິນ, ບັນຫາເງິນເຟີ້, ການແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ, ລັດຖະບານຈະຢືນຢັນສຸມໃສ່ແກ້ໄຂບັນຫາດັ່ງກ່າວ ໂດຍຈະວາງມາດຕະການດັ່ງນີ້: ມາດຕະການສະເພາະໜ້າ: ເລັ່ງໃສ່ຄົ້ນຄວ້າແກ້ໄຂບັນຫາໂຄງສ້າງດຸນການຊຳລະ ລະຫວ່າງປະເທດທີ່ຂາດດຸນໃຫ້ມີຄວາມສົມດຸນເທື່ອລະກ້າວ ໄປຄວບຄູ່ກັນກັບປະຕິບັດມາດຕະການສະເພາະໜ້າເພື່ອຄວບຄຸມຄວາມກົດດັນຂອງອັດຕາແລກປ່ຽນ; ສືບຕໍ່ຫັນການແລກປ່ຽນເງິນຕາເຂົ້າສູ່ລະບົບທະນາຄານ ແລະ ໃຫ້ມີໜ່ວຍບໍລິການພຽງພໍ ເພື່ອຮັບໃຊ້ສັງຄົມ ເຊັ່ນ: ເປັນໜ່ວຍບໍລິການແລກປ່ຽນ, ການແລກປ່ຽນຜ່ານລະບົບເອເລັກໂຕຣນິກ; ປັບປຸງຕະຫຼາດເງິນຕາຕ່າງປະເທດລະຫວ່າງທະນາຄານທຸລະກິດດ້ວຍກັນ; ຄຸ້ມຄອງບັນດາບໍລິສັດນຳເຂົ້າ-ສົ່ງອອກ ແຈ້ງລົງທະບຽນ ແລະ […]
ພະນັກງານຫຼາຍຄົນບໍ່ພໍໃຈຕໍ່ບໍລິສັດຂຸດຄົ້ນຖ່ານຫີນທີ່ບໍ່ຈ່າຍຄ່າແຮງງານ
ນາຍທຶນຈີນບໍ່ຈ່າຍຄ່າແຮງງານໃຫ້ແກ່ພະນັກງານລາວ. ໃນວັນທີ 2 ກໍລະກົດ 2023 ທີ່ຜ່ານມາ ໄດ້ມີການເຜີຍແຜ່ວິດີໂອທີ່ມາຈາກພະນັກງງານຄົນລາວທີ່ເປັນຄົນຖ່າຍຊື່ K’kham Lar ໂດຍລະບຸໄວ້ໃນວິດີໂອວ່າ: ບໍລິສັດ SCC-MHC ຂຸດຄົ້ນຖ່ານຫີນທີ່ເມືອງກະລຶມ ແຂວງເຊກອງ ເປັນບໍລິສັດຂອງນາຍທຶນຈາກຈີນ ບໍລິສັດດັ່ງກ່າວໄດ້ປ່ຽນກົດລະບຽບໄປມາ ແລະ ມີການຕັດເງິນເດືອນພະນັກງງານຕາມອຳເພີໃຈ, ພ້ອມກັນນັ້ນ ເງິນເດືອນ ຫຼື ຄ່າແຮງກໍບໍ່ໄດ້ຈ່າຍໃຫ້ພະນັກງງານ. ທັ້ງນີ້ ໄດ້ສ້າງຄວາມບໍ່ພໍໃຈແກ່ພະນັກງານຈຳນວນຫຼາຍ ແລະ ນີ້ກໍຍັງເປັນການລະເມີດກົດໝາຍວ່າດ້ວຍແຮງງານ.ຖ້າມີລາຍງານເພີ່ມຕື່ມຈະແຈ້ງໃຫ້ຊາບຕາມພາຍຫຼັງ
ດວງລາຍວັນປະຈໍາວັນຄານ ທີ 04 ກໍລະກົດ 2023
ຄົນເກີດວັນອາທິດ:ການງານເຮັດທຸລະກິດກ່ຽວຂ້ອງກັບອາຫານ ທຸລະກິດດ້ານສິນເຊື່ອ ແລະການເງິນ ຊ່ວງນີ້ຈະໄດ້ຮັບຜົນກຳໄລ ການເງິນເຄື່ອງຂອງທ່ານຈະເສຍຫາຍຕ້ອງເສຍເງິນຊື້ເຂົ້າມາທົດແທນ ຄວາມຮັກຄວາມສຳພັນຢູ່ໃນເກນດີມີຄວາມສຸກ ເຄື່ອງມຸງຄຸນໄຂ່ມຸກ ສີມຸງຄຸນສີບົວ ເລກນຳໂຊກ7 ຄົນເກີດວັນຈັນ:ການງານຊ່ວງນີ້ເໝາະໃນການເຮັດທຸລະກິດກ່ຽວກັບການຄ້າເຄື່ອງໃຊ້ໄຟຟ້າຫລືການຄ້າອາຫານ ການເງິນໂຊກດີຈະໄດ້ຊື້ເຄື່ອງຂອງຖືກໃຈເຂົ້າມາ ຄວາມຮັກມີໂອກາດພົບເລື່ອງຂອງຄວາມເຫີນຫ່າງລະຫວ່າງທ່ານກັບຄົນຮັກ ເຄື່ອງມຸງຄຸນແຫວນຄໍາ ສີມຸງຄຸນສີສົ້ມ ເລກນຳໂຊກ9 ຄົນເກີດວັນອັງຄານ:ການງານໃນການຕິດຕໍ່ເຈລະຈາຈະໄດ້ຂໍ້ຕົກລົງທີ່ໜ້າພໍໃຈກັບເລື່ອງການງານ ການເງິນໂຊກດີຈະໄດ້ເງິນມາໃນໄວໆນີ້ ຊ່ວງນີ້ຈະມີຜູ້ອຸປະຖໍາ ຄວາມຮັກການມຸ້ງມັ່ນເຮັດທຸລະກິດຫລາຍເກີນໄປເຮັດໃຫ້ທ່ານແລະຄົນຮັກປະຕິສຳພັນທີ່ດີຂື້ນ ເຄື່ອງມຸງຄຸນສາຍແຂນຫີນນໍາໂຊກ ສີມຸງຄຸນສີຂຽວ ເລກນຳໂຊກ9 ຄົນເກີດວັນພຸດ;ການງານມີໂອກາດໄດ້ຮັບຕຳແໜ່ງໃໝ່ຫລືຫນ້າທີ່ການງານມີການປັບປ່ຽນ ການເງິນໄດ້ຮູ້ຂ່າວດີທາງດ້ານການເງິນເຮັດໃຫ້ຕົນເອງນັ້ນມີຄວາມສຸກໃຈ ຄວາມຮັກມີຄວາມສຸກສົມຫວັງດ້ານຄວາມຮັກຫລາຍໆ ເຄື່ອງມຸງຄຸນເງິນ ສີມຸງຄຸນສີນໍ້າຕານ ເລກນຳໂຊກ7 ຄົນເກີດວັນພະຫັດ:ການງານກຳລັງໃຊ້ເງິນທຶນໃນການລົງທຶນເຮັດທຸລະກິດໃຫ້ເກີດຄວາມຈະເລີນຮຸ່ງເຮືອງ ການເງິນມີໂຊກຈະໄດ້ເງີນເຂົ້າມາເພີ່ມເຕີມໃນຊ່ວງນີ້ ຄວາມຮັກຈະພົບຄົນຮັກກັບຄົນສ້າງສັນ ເກັ່ງ ມີຄວາມສາມາດຫລາຍໆ ເຄື່ອງມຸງຄຸນຕ່າງຫູຄໍາ ສີມຸງຄຸນສີແດງ ເລກນຳໂຊກ5 ຄົນເກີດວັນສຸກ:ການງານ ຈະເຮັດທຸລະກິດຈະການງານໃດໆ ກໍຈະປະສົບຄວາມສຳເລັດ ການເງິນມີໂຊກຈະໄດ້ເງິນເຂົ້າມາເພີ່ມເຕີມຫລາຍຂຶ້ນ ຄວາມຮັກໃຫ້ລະວັງເລື່ອງຄໍາເວົ້າ ແລະ ການເຈລະຈາອາດມີຜົນຕໍ່ຄວາມຮັກຂອງທ່ານໄດ້ ເຄື່ອງມຸງຄຸນເພັດສີແດງ ສີມຸງຄຸນສີບົວ ເລກນຳໂຊກ3 ຄົນເກີດວັນເສົາ:ການງານຈະໂຊກດີເພາະມີຜູ້ຮ່ວມງານທີ່ຄອຍຖ້າໃຫ້ຄວາມຊ່ວຍເຫລືອສະເໝີ ຫລືເປັນໄປໄດ້ໃນຊ່ວງນີ້ຈະໄດ້ເລື່ອນຂັ້ນ ເລື່ອນຕຳແໜ່ງ ການເງິນຈະໄດ້ຮັບການຊ່ວຍເຫລືອທາງດ້ານການເງິນຈາກຜູ້ໃຫຍ່ ຄວາມຮັກຈະພົບຄົົນທີ່ມີຊື່ສຽງ ຢູ່ໃນເກນຜິວຂາວ ເປັນຄົນໃຈດີ ເຄື່ອງມຸງຄຸນ ຫີນນໍາໂຊກສີຂຽວ […]
ເກີດແຜ່ນດິນໄຫວ ຂະໜາດ 2.0 ຣິກເຕີ ຢູ່ ແຂວງບໍ່ແກ້ວ
ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ໃນຂອບເຂດທົົ່ວປະເທດ ລາຍງານ ວ່າ ໄດ້ພົບສັນຍານການເກີດແຜ່ນດິນໄຫວພາຍໃນປະເທດ ຈໍານວນ 1 ຄັັ້ງຢູ່ບໍລິເວນແຂວງບໍ່ແກ້ວ ໃນວັນທີ 3 ກໍລະກົດ 2023, ເວລາ 16:55:38 ໂມງທ້ອງຖິ່ນ ຈຸດສູນກາງເສັັ້ນຂະໜານທີ 20.352°N ແລະ ເສັັ້ນແວງທີ 100.103°E ຄວາມແຮງສັ່ນສະເທືອນວັດແທກໄດ້ 2.0 ຣິກເຕີ, ເຊິ່ງມີຄວາມເລີກຈາກເທິງໜ້າດິນ ປະມານ 2 Km ຈຸດສູນກາງເກີດແຜ່ນດິນໄຫວ ຢູ່ບໍລິເວນ ບ້ານຂວັນ, ເມືອງ ຕົ້ນເຜິ້ງ, ແຂວງບໍ່ແກ້ວ, ເຊິ່ງຈຸດເກີດແຜ່ນດິນໄຫວແມ່ນຫ່າງຈາກເທສະບານເມືອງຕົ້ນເຜີ້ງ ປະມານ 8 ກິໂລແມັດ. ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.