ດວງລາຍວັນປະຈໍາວັນພະຫັດ ທີ 25 ພຶດສະພາ 2023 ຕາມແຕ່ລະວັນເກີດ
ຄົນເກີດວັນອາທິດ:ການງານການເຮັດທຸລະກິດໃໝ່ຮ່ວມກັບຮຸ້ນສ່ວນທີ່ໄວ້ໃຈຈະເຮັດໃຫ້ທ່ານປະສົບຜົນສໍາເລັດ ການເງິນມື້ນີ້ໂຊກດີຈະໄດ້ຮັບເງິນຈາກຜູ້ໃຫຍ່ ຄວາມຮັກມີໂອກາດພົບຮັກແບບບໍ່ຕັ້ງໂຕ ອາດມີຄົນເຂົ້າມາໃຫ້ຮູ້ຈັກເພີ່ມ ເຄື່ອງມຸງຄຸນໄຂ່ມຸກ ສີມຸງຄຸນສີແດງ ເລກນຳໂຊກ0 ຄົນເກີດວັນຈັນ:ການງານເຮັດທຸລະກິດປະສົບຄວາມສຳເລັດ ແຕ່ໃຫ້ລະວັງເລື່ອງຂອງການເຊັນສັນຍາ ການເງິນການໃຊ້ຈ່າຍຍັງບໍ່ຄົງທີ່ຕ້ອງລະວັງເລື່ອງການໃຊ້ຈ່າຍໃຫ້ຫຼາຍ ຄວາມຮັກມີໂອກາດໄດ້ພົບຮັກພົບຄູ່ຄອງເຂົ້າມາໃຫ້ຮູ້ຈັກໃນຖານະໝູ່ ເຄື່ອງມຸງຄຸນຫິນນໍາໂຊກສີແດງ ສີມຸງຄຸນສີບົວ ເລກນຳໂຊກ6 ຄົນເກີດວັນອັງຄານ:ການງານການເຈລະຈາຕິດຕໍ່ເຮັດສັນຍາຈະປະສົບຄວາມສຳເລັດ ການເງິນດ້ວຍຄວາມສະຫຼຽວສະຫຼາດຈະເຮັດໃຫ້ໄດ້ເງິນເຂົ້າມາ ຄວາມຮັກມີໂອກາດພົບຮັກກັບຄົນລຸ້ນນ້ອງ ອາຍຸອາດມີຄວາມແຕກຕ່າງແຕ່ການກະທໍາອາດເປັນຄືອ້າຍໄປເລີຍ ເຄື່ອງມຸງຄຸນເງິນ ສີມຸງຄຸນສີຂຽວ ເລກນຳໂຊກ6 ຄົນເກີດວັນພຸດ:ການງານ ປະສົບຄວາມສຳເລັດມີຊື່ສຽງໃນການສ້າງຜົນງານທີ່ດີ ການເງິນມີໂຊກຈະຖືກອຸປະຖຳທາງດ້ານການເງິນ ຄວາມຮັກໄດ້ພົບຮັກກັບຄົນທີ່ທ່ານໝາຍຕາໄວ້ ແຕ່ຕ້ອງລະວັງຄ່ອຍເປັນຄ່ອຍໄປຈະດີກວ່າ ເຄື່ອງມຸງຄຸນ ຫິນນໍາໂຊກສີຟ້າ ສີມຸງຄຸນສີດໍາ ເລກນຳໂຊກ9 ຄົນເກີດວັນພະຫັດ:ການງານເຮັດທຸລະກິດຈະການຄ້າໄດ້ກຳໄລຫຼາຍ ການເງິນມື້ນີ້ໂຊກດີຈະໄດ້ຮັບເງິນຈາກຜູ້ໃຫຍ່ໃຈດີ ຄວາມຮັກໄດ້ພົບຮັກຄູ່ຄອງທີ່ດີ ມີຄວາມເປັນຜູ້ນໍາຊ່ວຍທ່ານໃນທຸກໆເລື່ອງ ເຄື່ອງມຸງຄຸນໄຂ່ມຸກ ສີມຸງຄຸນສີຂາວ ເລກນຳໂຊກ4 ຄົນເກີດວັນສຸກ:ການງານເຮັດທຸລະກິດດ້ານຊັບສິນ ການລົງທຶນດ້ານການຄ້າ ໄດ້ຜົນກຳໄລທີ່ດີ ການເງິນລາຍຈ່າຍໃຫ້ລະວັງເລື່ອງຂອງການຊື້ສິນຄ້າທີ່ບໍ່ຈໍາເປັນ ຄວາມຮັກໄດ້ພົບຮັກກັບຄົນຜິວຂາວມີໂອກາດໄດ້ພັດທະນາຄວາມສໍາພັນ ເຄື່ອງມຸງຄຸນແຫວນຄໍາ ສີມຸງຄຸນສີນໍ້າຕານ ເລກນຳໂຊກ1 ຄົນເກີດວັນເສົາ:ການງານຖ້າມັກໃນການຄ້າຂາຍແນະນໍາໃຫ້ລົງມືເຮັດເລີຍ ເພາະຈະກໍໃຫ້ທ່ານປະສົບຄວາມສໍາເລັດ ການເງິນມື້ນີ້ໂຊກດີຫຼາຍຈະໄດ້ເງິນເຂົ້າມາໃຫ້ທ່ານໄດ້ໃຊ້ຈ່າຍ ຄວາມຮັກຢູ່ໃນໄລຍະປັບໂຕເຂົ້າຫາກັນ ເພາະຢູ່ໃນໂໝດທີ່ອາດໄດ້ເລີກລາກັນ ເຄື່ອງມຸງຄຸນຄໍາຝຣັ່ງ ສີມຸງຄຸນສີຂຽວ ເລກນຳໂຊກ5
ປກສ ກຸ່ມບ້ານຈຽງໄຈ ເຂົ້າຈັບຕົວໄວໜຸ່ມມົ້ວສຸມຢາເສບຕິດ 5 ຄົນ ພ້ອມຢາບ້າ
ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງສິງ ແຂວງຫຼວງນ້ຳທາ ສົມທົບກັບ ປກສ ກຸ່ມບ້ານຈຽງໄຈ ເຂົ້າຈັບຕົວໄວໜຸ່ມມົ້ວສຸມຢາເສບຕິດ 5 ຄົນ ພ້ອມຢາບ້າ 13 ເມັດ ໃນວັນທີ 5 ເມສາ 2023 ຜ່ານມາ. ໃນນີ້ ຊື່ ນາງ ມຸກດາ ອາຍຸ 18 ປີ ບ້ານປ່າງາ ເມືອງງອຍ ພ້ອມຂອງກາງຢາບ້າ 10 ເມັດ; ນາງ ມຸກ ອາຍຸ 23 ປີ ຢູ່ບ້ານຫາດປາງ ເມືອງປາກອູ ທັງ 2 ຢູ່ແຂວງຫຼວງພະບາງ, ທ້າວ ດົມ ອາຍຸ 29 ປີ ຢູ່ບ້ານຈຽງໄຈ ພ້ອມຂອງກາງ 3 ເມັດ, ທ້າວ ຄຳທິດ ອາຍຸ 30 […]
ເຈົ້າເມືອງ ເມືອງວຽງໄຊ ຊີ້ແຈງ ຈາກສາເຫດປາຕາຍຢູ່ນ້ຳຊຳ
ຈາກບັນຫາປາຕາຍຈໍານວນຫລາຍທີ່ເກີດຂຶ້ນຢູ່ສາຍນໍ້າຊໍາໃນວັນທີ 18 ພຶດສະພາ 2023 ຜ່ານມານີ້, ເຮັດໃຫ້ສັງຄົມມີຄວາມສົນໃຈ ແລະ ຢາກຮູ້ເຖີງສາ ເຫດທີ່ເກີດຂຶ້ນ. ກ່ຽວກັບບັນຫານີ້, ທ່ານ ຄໍາ ໂຮມມີໄຊ, ເຈົ້າເມືອງ ເມືອງວຽງໄຊ, ແຂວງຫົວພັນ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນທີ 23 ພຶດສະພານີ້ວ່າ: ໃນວັນທີ 18 ພຶດສະພານີ້, ມີປະຊາຊົນຢູ່ ບ້ານດ່ານເພົ້າ ແຈ້ງວ່າມີປາຕາຍຈໍານວນຫລາຍຢູ່ກ້ອງເຂື່ອນນໍ້າສິງພາວເວີ ຫລື ເຂື່ອນແກ້ງລິດ. ຈາກນັ້ນທາງການນຳເມືອງ ໄດ້ແຕ່ງຕັ້ງຫ້ອງວ່າການ ທຳມະຊາດ ແລະ ສິ່ງແວດລ້ອມ ແລະ ພະນັກງານບໍ່ແຮ່ ເພື່ອກວດກາຕົວຈິງ ເຫັນວ່າເປັນຄວາມຈິງແທ້ ແລະ ສາເຫດການຕາຍຂອງປານັ້ນ ແມ່ນທາງບໍລິສັດໄດ້ອະນາໄມອຸໂມງເຂື່ອນ ເຮັດໃຫ້ມີສານປົ່ນເປຶ້ອນແຕ່ບໍ່ໄດ້ເອົານໍ້າເຂົ້າຫລາຍ ຫລັງຈາກນັ້ນໄດ້ປ່ອຍນໍ້າລົງໄປຈຶ່ງເຮັດໃຫ້ນັບແຕ່ກ້ອງເຂື່ອນລົງໄປຫາເຂດ ບ້ານດ່ານເພົ້າ ມີປາຕາຍເກີດຂຶ້ນ, ຈາກນັ້ນ ທາງເມືອງໄດ້ແຈ້ງເຕືອນບໍ່ໃຫ້ປະຊາຊົນ ນໍາເອົາປາທີ່ຕາຍໄປບໍລິໂພກ ຫລື ນໍາໄປຂາຍ, ແຕ່ບັນຫາປາຕາຍແມ່ນເກີດຂຶ້ນສະເພາະໃນວັນທີ 18 ພຶດສະພາເທົ່ານັ້ນ ເພາະໄດ້ຮັບການແກ້ໄຂເຂົ້າສູ່ສະພາບປົກກະຕິ. ຢ່າງໃດກໍຕາມ ມາຮອດວັນທີ […]
ເຈົ້າໜ້າທີ່ ປກສ ເມືອງວິລະບູລີ ສາມາດກວດຍຶດແຮ່ຫີນຂຽວໄດ້ 41 ໂຕນ ກັກຕົວຜູ້ກະທໍາຜິດໄດ້ 4 ຄົນ
ໃນຄັ້ງວັນທີ 23 ພຶດສະພາ 2023 ທ່ານ ພັທ ສິດທິເດດ ພຸດທະວົງ ຮອງຫົວໜ້າກອງບັນຊາການ ປກສ ເມືອງ ວິລະບູລີ ແຂວງສະຫວັນນະເຂດ ໄດ້ໃຫ້ຮູ້ວ່າ : ໃນຄັ້ງວັນທີ 16 ພຶດສະພາ 2023 ເວລາ ປະມານ 4:20 ນາທີ ທາງເຈົ້າໜ້າທີ່ ປກສ ເມືອງວິລະບູລີ ໄດ້ຮັບຂໍ້ມູນແຫຼ່ງຂ່າວຈາກພົນລະເມືອງດີວ່າ ຢູ່ໃນຂອບເຂດດິນຂອງປະຊາຊົນ ບ້ານໂນນສົມບູນ (ໃກ້ກັບເຂດສຳປະທານພູແທ່ງຄຳ 24) ແມ່ນໄດ້ມີກຸ່ມປະຊາຊົນຂອງເມືອງ ວິລະບູລີ ຈໍານວນໜຶ່ງ, ໄດ້ມີການເຄື່ອນໄຫວລັກລອບເອົາແຮ່ທອງ ມາຊຸກເຊື່ອງ ແລະ ທ້ອນໂຮມໄວ້ຢູ່ສວນດັ່ງກ່າວເປັນຈຳນວນຫຼາຍ. ຈາກນັ້ນພໍຕົກມາເຖິງເວລາປະມານ 5 ໂມງ ຂອງວັນດຽວກັນ ທາງເຈົ້າໜ້າທີ່ເພື່ອສະແດງຕົວເຂົ້າທຳການເລີກຮື້ ແລະ ສະກັດກັ້ນຕໍ່ສະພາບດັ່ງກ່າວ, ເມື່ອຜ່ານການເລີກຮື້ ແລະ ສະກັດກັ້ນ ຈຶ່ງສາມາດກັກຕົວຜູ້ກະທຳຜິດໃນສະຖານທີ່ດັ່ງກ່າວ ໄດ້ຈຳນວນ 4 ຄົນ ຍິງ 1 ຄົນ, […]
ເດັກນ້ອຍອາຍຸ 13 ປີ ກໍ່ເຫດເຄື່ອນໄຫວລັກຊັບ
ເຈົ້າໜ້າທີ່ ປກສ ເມືອງໂພນທອງ ໄດ້ນຳເອົາເຄື່ອງຂອງກາງ ປະເພດສາຍແຂນ ສາຍຄໍຄຳ ແລະ ໂທລະສັບ ໄດ້ມອບໃຫ້ແກ່ເຈົ້າຂອງເດີມ.ຕາມການລາຍງານ ຂອງເຈົ້າຫນ້າທີ່ ປກສ ເມືອງ ໂພນທອງ ແຂວງຈຳປາສັກ ໃຫ້ຮູ້ວ່າ: ໃນວັນທີ 13 ພຶດສະພາ 2023 ຜ່ານມາໄດ້ ມີພົນລະເມືອງເຂົ້າມາແຈ້ງຄວາມກັບເຈົ້າໜ້າທີ່ວ່າ ໄດ້ມີຄົນບໍ່ດີ 1 ຄົນ ເຂົ້າມາລັກຊັບຢູ່ພາຍໃນເຮືອນ ຂອງຕົນເອງ ເຊິ່ງໃນນັ້ນ ມີເງິນກີບຈໍານວນ 30 ລ້ານກີບ, ຄໍາ 3 ບາດ, ໂທລະສັບ 2 ໜ່ວຍ ລວມມູນຄ່າເສຍຫາຍ ທັງໝົດ 88 ລ້ານກີບ, ພາຍຫຼັງໄດ້ຮັບແຈ້ງຄວາມແລ້ວ ເຈົ້າໜ້າທີ່ວິຊາສະເພາະເມືອງ ຈຶ່ງໄດ້ປະສານສົມທົບ ກັບພາກສ່ວນທີ່ກ່ຽວຂ້ອງລົງເກັບກໍາຂໍ້ມູນຫຼັກຖານຕົວຈິງ ເຫັນວ່າ ພົບຂໍ້ມູນ ແລະ ຊອກຫາເປົ້າໝາຍທີ່ກໍ່ເຫດ. ມາໃນວັນທີ 15 ພຶດສະພາ 2023 ຈຶ່ງສາມາດກັນຕົວຜູ້ກໍ່ເຫດຊື່ທ້າວ ອາຄົມ ອາຍຸ […]
ດວງລາຍວັນປະຈໍາວັນພຸດ ທີ 24 ພຶດສະພາ 2023 ຕາມແຕ່ລະວັນເກີດ
ຄົນເກີດວັນອາທິດ:ການງານວາງແຜນໃນເລື່ອງຂອງທຸລະກິດການງານຢ່າງລະອຽດຮອບຄອບ ການເງິນຈະໄດ້ເງິນເຂົ້າມາຢ່າງຕໍ່ເນື່ອງ ມີໂຊກດີໃນໄລຍະນີ້ ຄວາມຮັກຈະພົບຄົນທີ່ມີອາຍຸຫຼາຍກວ່າ ແຕ່ກໍຍັງບໍ່ຖືກໃຈ ເຄື່ອງມຸງຄຸນຄໍາຝຣັ່ງ ສີມຸງຄຸນສີສົ້ມ ເລກນຳໂຊກ0 ຄົນເກີດວັນຈັນ:ການງານເຮັດວຽກປະດິດ ວຽກງານທີ່ໃຊ້ຄວາມລະອຽດຮອບຄອບ ຫລືເຮັດວຽກທີ່ມັກຈະໄດ້ດີສະເໝີໃນໄລຍະນີ້ ການເງິນຄິດທົບທວນໃນເລື່ອງຂອງການໃຊ້ຈ່າຍ ແຕ່ຈະໃຊ້ເງິນຊື້ຂອງທີ່ຖືກໃຈເຂົ້າມາເປັນຂອງທີ່ຢາກໄດ້ແທ້ໆ ຄວາມຮັກບໍ່ມີເວລາໃຫ້ກັບຄວາມຮັກທີ່ຈະທຸ້ມເທ ເພາະໄປໂຟກັດໃນເລື່ອງຂອງການງານຫຼາຍກວ່າ ເຄື່ອງມຸງຄຸນເງິນ ສີມຸງຄຸນສີຟ້າ ເລກນຳໂຊກ3 ຄົນເກີດວັນອັງຄານ:ການງານລະວັງເອກະສານສັນຍາສົ່ງຜົນຕໍ່ຄວາມຊ້າ ແລະ ຄວາມຜິດພາດ ການເງິນຢູ່ໃນເກນຊົງຕົວໃນໄລຍະນີ້ ລະວັງຈະຖືກຢືມເງິນແລ້ວບໍ່ໄດ້ຄືນຄວາມຮັກສຸກສົມຫວັງລົງຕົວໃນເລື່ອງຂອງຄວາມຮັກ ພົບຄົນທີ່ຕົນເອງນັ້ນປາດຖະຫນາໂດຍບໍ່ທັນຕັ້ງໂຕ ເຄື່ອງມຸງຄຸນແຫວນຄໍາ ສີມຸງຄຸນສີຂຽວ ເລກນຳໂຊກ9 ຄົນເກີດວັນພຸດ:ການງານທຸລະກິດທີ່ກ່ຽວຂ້ອງກັບການຂາຍເສື້ອຜ້າ ແຟຊັ່ນ ຫລືດ້ານອາຫານ ຈະປະສົບຄວາມສຳເລັດ ການເງິນມີໂຊກຈະໄດ້ເງິນເຂົ້າມາຢ່າງຕໍ່ເນື່ອງໃນໄລຍະນີ້ດວງທາງດ້ານການເງິນດີຂຶ້ນຫຼາຍໆ ຢ່າງເຫັນໄດ້ແຈ້ງ ຄວາມຮັກມີຄວາມເຂົ້າໃຈ ແລະ ເຫັນໃຈຊຶ່ງກັນ ແລະ ກັນກັບຄົນຮັກໃນໄລຍະນີ້ ເຄື່ອງມຸງຄຸນໄຂ່ມຸກ ສີມຸງຄຸນສີແດງ ເລກນຳໂຊກ2 ຄົນເກີດວັນພະຫັດ:ການງານຕ້ອງມີທີມງານ ແລະ ທີ່ປຶກສາທີ່ດີຄອຍຖ້າໃຫ້ຄຳແນະນຳ ຈຶ່ງຈະເກີດຄວາມສຳເລັດ ແລະ ຄວາມກ້າວຫນ້າທີ່ດີໄດ້ ການເງິນໄລຍະນີ້ລາຍຈ່າຍມີມາຕະຫລອດ ບໍ່ສາມາດຫຼີກເວັ້ນໄດ້ເລີຍ ຄວາມຮັກລະວັງການໃຊ້ອາລົມ ແລະ ຄວາມໃຈຮ້ອນລະຫວ່າງກັນກັບຄົນຮັກ ເຄື່ອງມຸງຄຸນຕຸ້ມຫູຄໍາ ສີມຸງຄຸນສີເຫຼືອງ ເລກນຳໂຊກ7 […]
ແຕ່ງງານໃນຕູບ ກ່ອນຖືກສະເຫຼີຍ ວ່າເຈົ້າບ່າວລວຍມີຄະລຶຫາດຫຼັງໃຫ່ຍ
ໂລກອອນໄລນ໌ຂອງຫວຽດນາມຮືຮາ ພາບເຈົ້າສາວ ແລະ ເຈົ້າບ່າວ ຈັດງານແຕ່ງງານພາຍໃນເຮືອນຫຼັງຄາດ້ວຍຫຍ້າແບບລຽບງ່າຍ ທັນທີທີ່ໄດ້ເຫັນ ເຮັດໃຫ້ທຸກຄົນອົດຄິດບໍ່ໄດ້ທີ່ຕ້ອງເຫັນອົກເຫັນໃຈ. ແຕ່ໃນນາທີຕໍ່ມາ, ຄວາມຈິງຖືກເປີດເຜີຍ ເຮັດໃຫ້ພາກັນຕົກໃຈ. ຢູ່ໆພວກເຂົາພາກັນຍ່າງເຂົ້າໄປກໍ່ກາຍເປັນຄະລຶຫາດ ຈາກຮູບພາບທີ່ຖືກແຊຣໃນໂລກອອນໄລນ໌ ທຳອິດ, ເຈົ້າບ່າວ ແລະ ເຈົ້າບ່າວຢືນສວດມົນຢູ່ຕໍ່ໜ້າແທ່ນບູຊາບັນພະບຸລຸດຢູ່ໃນເຮືອນຫຼັງໜຶ່ງທີ່ຫຼັງຄາມຸງດ້ວຍຫຍ້າ. ຜູ້ຊົມຫຼາຍຄົນທີ່ໄດ້ເຫັນຕ່າງກໍ່ໃຫ້ກຳລັງໃຈ ຄູ່ຮັກທີ່ຄາດວ່າຈະຢູ່ໃນສະຖານະການທີ່ຫຍຸ້ງຍາກລຳບາກ, ແນວໃດກໍ່ຕາມ, ພາບທີ່ເກີດຂຶ້ນຕໍ່ມາພຽງບໍ່ເທົ່າໃດນາທີຕໍ່ມາ ກໍ່ເຮັດໃຫ້ທຸກຄົນປະຫຼາດໃຈ. ປະກົດວ່າ ບ້ານທີ່ມຸງດ້ວຍຫຼັງຄານັ້ນ ເປັນພຽງບ້ານທີ່ຄອບຄົວຂອງເຈົ້າບ່າວເກັລໄວ້ເປັນທີ່ລະນຶກ ແລະທັງສອງໄດ້ມາພຽງແຕ່ເພື່ອໄຫວ້ບັນພະບຸລຸດຂອງເຂົາເຈົ້າ. ແຕ່ໃນຄວາມເປັນຈິງແລ້ວງານແຕ່ງງານ ໄດ້ຖືກຈັດຂຶ້ນໃນເຮືອນທີ່ຄອບຄົວອາໄສຢູ່ໃນປັດຈຸບັນ. ເຊິ່ງແມ່ນເຮືອນທີ່ປຸກຢູ່ຕິດກັນ… ມັນເປັນເຮືອນຫຼັງສີຂາວຂະຫນາດໃຫຍ່. ດັ່ງເຈົ້າຂອງໂພສບອກວ່າ: ປະຈຸບັນຫຼາຍຄອບຄົວ, ບໍ່ວ່າຈະສ້າງເຮືອນໃໝ່ຫຼັງໃຫຍ່ປານໃດ. ກໍາຍັງບໍ່ຍອມຖິ້ມເຮືອນເກົ່າ ທັງເກັບຮັກສາໄວ້ເປັນທີ່ລະນຶກແລະເຕືອນໃຈຕົນເອງ, ເຖິງແມ່ນວ່າເດັກນ້ອຍອິ່ມທ້ອງແລ້ວກໍ່ຕາມ. ແຕ່ພວກເຂົາຈະບໍ່ລືມອະດີດທີ່ຍາກລຳບາກ.” ທັນທີທີ່ຮູບພາບແຕ່ງງານ “ທັງຫມົດ” ປາກົດຢູ່ໃນໂຊຊ້ຽວ. ກໍ່ໄດ້ຮັບຄວາມສົນໃຈຈາກຊາວເນັດທັນທີ. ຫຼາຍຄົນອົດບໍ່ໄດ້ທີ່ຈະປະຫລາດໃຈທີ່ເຮືອນຂອງເຈົ້າບ່າວ. ແລະສະແດງຄໍາຄິດເຫັນເປັນຈຳນວນລາຍກ່ຽວກັບງານແຕ່ງທີ່ຫນ້າສົນໃຈນີ້.
ນ້ຳປະປານະຄອນຫລວງ ແຈ້ງໃຫ້ໃຊ້ນ້ຳຢ່າງປະຢັດ ຍ້ອນກະແສໄຟຟ້າບາງຄັ້ງບໍ່ມາປົກກະຕິ
ລັດວິສາຫະກິດນ້ຳປະປາ ນະຄອນຫລວງວຽງຈັນ ອອກແຈ້ງການ ເລກທີ 0551/ນປນຄ ວັນທີ 19 ພຶດສະພາ 2023 ເລື່ອງ ການນໍາໃຊ້ນໍ້າປະປາຢ່າງປະຢັດ ແລະ ໃຫ້ມີຖັງເກັບນໍ້າຊົມໃຊ້ສຸກເສີນ ໃນກໍລະນີແຮງດັນນໍ້າປະປາ ອອກຄ່ອຍ ເນື່ອງປັດຈຸບັນ ແມ່ນຍາມລະດູແລ້ງ ມີຟ້າຝົນລົມແຮງ ສົ່ງຜົນໃຫ້ກະແສໄຟຟ້າຂັດຂ້ອງບາງໄລຍະ ສົ່ງຜົນໃຫ້ການດຳເນີນການຜະລິດນໍ້າ ທາງດ້ານເຕັກນິກຂອງໂຮງງານເລື່ອງການແລ່ນໂປ້ມຜະລິດນໍ້າຂັດຂ້ອງເປັນໄລຍະ ຍ້ອນກະແສໄຟຟ້າບາງຄັ້ງບໍ່ມາປົກກະຕິ ເຊິ່ງປັດຈຸບັນກຳລັງການຜະລິດແມ່ນເຕັມສ່ວນ ແລະ ບາງເຂດກໍ່ເປັນພື້ນທີ່ສູງ ແລະ ເຂດຫ່າງໄກ, ນໍ້າຈະໄປຮອດຊ້າກວ່າພື້ນທີ່ອື່ນໆ ເມື່ອມີບັນຫາແຕ່ລະຄັ້ງ. ດັ່ງນັ້ນຈຶ່ງຂໍແຈ້ງມາຍັງລູກຄ້າ ເພື່ອກະກຽມໂຕ່ງນໍ້າໄວ້ຊົມໃຊ້ລ່ວງໜ້າ ຈົນກວ່າແຮງດັນນໍ້າຈະມາປົກກະຕິ ແລະ ຂໍອະໄພໃນຄວາມບໍ່ສະດວກຕໍ່ການຊົມໃຊ້ນໍ້າປະປາຂອງລູກຄ້າໃນຄັ້ງນີ້ດ້ວຍ.
ແຈ້ງການຫ້າມກິນປາ ທີ່ຕາຍບໍ່ຮູ້ສາເຫດຕາມສາຍນໍ້າຊໍາ ຈຸດກໍ່ສ້າງເຂື່ອນໄຟຟ້ານໍ້າຊຳ3
ວັນທີ 22 ພຶດສະພາ 2023 ຜ່ານມານີ້ ຫ້ອງການຊັບພະຍາກອນ ແລະ ສິ່ງແວດລ້ອມເມືອງຊຳໃຕ້ ແຂວງຫົວພັນ ອອກແຈ້ງການ ໃຫ້ຊາບວ່າ: ມີປະຊາຊົນພົບເຫັນປາຕາຍຈໍານວນຫຼວງຫຼາຍ ເຊິ່ງມີເຫດການຈາກຈຸດກໍ່ສ້າງເຂື່ອນໄຟຟ້ານ້ໍາຊຳ3 ປາຈໍານວນດັ່ງກ່າວແມ່ນໄຫຼລົງຕາມສາຍນໍ້າຊໍາ ເຊິ່ງບໍ່ຮູ້ສາຍເຫດປາກົດການແບບນີ້ແມ່ນບໍ່ເຄີຍເກີດຂື້ນມາ ໃນປັດຈຸບັນເຈົ້າໜ້າທີ, ພາກສ່ວນກ່ຽວຂ້ອງກໍາລັງເລັ່ງຊອກຫາສາຍເຫດ ແລະ ນໍາປາດັ່ງກ່າວໄປວິໄຈຫາ ສານພິດທີ່ກໍ່ໃຫ້ເກີດການຕາຍຂອງປາ. ສະນັ້ນຫາມທຸກພາກສ່ວນ, ພໍ່ແມ່ປະຊາຊົນນໍາເອົາປາທີ່ໃນຂອບເຂດ ດັ່ງກ່າວມາບໍລິໂພກ ແລະ ຫ້າມ ຊື້-ຂາຍ ດັ່ງນັ້ນ, ຈິງປະກາດແຈ້ງການມາຍັງທ່ານເພື່ອຊາບ ແລະ ພ້ອມກັນຈັດຕັ້ງ ປະຕິບັດຢ່າງເຂັ້ມງວດດ້ວຍ.
ກະຊວງ ປກສ ໄດ້ຮັບພາຫະນະ ແລະ ອຸປະກອນຮັບໃຊ້
ໃນວັນທີ 18 ພຶດສະພາ 2023 ຜ່ານມາ, ອົງການສະຫະປະຊາດ ເພື່ອຕ້ານຢາເສບຕິດ ແລະ ອາຊະຍາກໍາ (UNODC ) ປະຈໍາ ສປປ ລາວ ໄດ້ມອບພາຫະນະ ແລະ ອຸປະກອນຮັບໃຊ້ຫ້ອງການວຽກງານປະສານງານຊາຍແດນ ໃຫ້ກະຊວງ ປກສ, ກ່າວຮັບໂດຍ ພົຕ ສົມວັນ ສາຍລ້ອງພາ ຫົວໜ້າຫ້ອງວ່າການກະຊວງ ປກສ ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍ ເຂົ້າຮ່ວມ. ທ່ານ David Frend ຮັກສາການຫົວໜ້າອົງການ UNODC ປະຈໍາ ສປປ ລາວ ກ່າວ ວ່າ: ເຄື່ອງທີ່ນໍາມາມອບໃນຄັ້ງນີ້ ປະກອບມີລົດໃຫຍ່ 1 ຄັນ, ລົດຈັກ 1 ຄັນ, ເສື້້ອກັນກະສູນ, ກ້ອງສ່ອງ, ຄອມພິວເຕີ້, ນໍ້າຢາກວດຢາເສບຕິດ ແລະ ອຸປະກອນຕ່າງໆ ລວມມູນຄ່າ 55.000 ໂດລາສະຫະລັດ ເພື່ອເປັນການປະກອບສ່ວນສ້າງຄວາມເຂັ້ມແຂງໃຫ້ແກ່ຫ້ອງການປະສານງານຊາຍແດນໃນ ສປປ […]