ວິທີສ້າງຕົວຕົນໃນໂລກອອນລາຍ ເປີດໂອກາດໃໝ່ໆ ໃຫ້ຊີວິດ
ໃນຍຸກທີ່ໂລກອອນລາຍມີບົດບາດສຳຄັນກັບການໃຊ້ຊີວິດ ແລະ ການເຮັດທຸລະກິດ ໃນຍຸກທີ່ໂລກອອນລາຍມີບົດບາດສຳຄັນກັບການໃຊ້ຊີວິດ ແລະ ການເຮັດທຸລະກິດ, ການສ້າງຕົວຕົນຈຶ່ງກາຍເປັນເລື່ອງສຳຄັນສຳລັບຄົນທີ່ຢາກມີອິດທິພົນ, ສ້າງລາຍໄດ້, ຫຼື ຂະຫຍາຍໂອກາດໃນອະນາຄົດ. ເປັນຫຍັງການສ້າງຕົວຕົນຈຶ່ງສຳຄັນ ການສ້າງຕົວຕົນໃນໂລກອອນລາຍຊ່ວຍໃຫ້ຜູ້ຄົນຮູ້ຈັກເຈົ້າໃນວົງກວ້າງ, ບໍ່ຈຳກັດສະເພາະຄົນໃກ້ຕົວອີກຕໍ່ໄປ. ນອກຈາກນີ້ ຍັງສາມາດໃຊ້ເປັນຊ່ອງທາງນຳສະເໜີຄວາມສາມາດ, ຜົນງານ, ຫຼື ສິນຄ້າ ແລະ ການບໍລິການຂອງເຈົ້າໄດ້ຢ່າງມີປະສິດທິພາບ. ອີກທັງຍັງສ້າງໂອກາດໃນການເຊື່ອມຕໍ່ກັບກຸ່ມເປົ້າໝາຍໃໝ່ໆ ທີ່ສົນໃຈໃນສິ່ງທີ່ເຈົ້ານຳສະເໜີ. ວິທີການເລີ່ມສ້າງຕົວຕົນໃນໂລກອອນລາຍ ຖ້າຢາກເລີ່ມສ້າງຕົວຕົນໃຫ້ມີຄຸນນະພາບ ແລະ ຍືນຍົງ, ລອງເຮັດຕາມຂັ້ນຕອນເຫຼົ່ານີ້: 1. ກຳນົດພາບລັກຂອງຕົນເອງທີ່ຕ້ອງການນຳສະເໜີ ເລີ່ມຕົ້ນດ້ວຍການວາງແຜນວ່າເຈົ້າຢາກໃຫ້ຄົນຈົດຈຳເຈົ້າແບບໃດ, ເຊັ່ນ: ມືອາຊີບ, ເປັນມິດ, ຫຼື ສ້າງແຮງບັນດານໃຈ. ການເລືອກພາບລັກທີ່ຈະແຈ້ງຈະເຮັດໃຫ້ການສ້າງເນື້ອຫາ ແລະ ການສື່ສານມີທິດທາງທີ່ຕົງກັບເປົ້າໝາຍ. 2. ເລືອກແພລດຟອມທີ່ເໝາະສົມ ເລືອກແພລດຟອມທີ່ເໝາະກັບກຸ່ມເປົ້າໝາຍ, ເຊັ່ນ: Instagram ສຳລັບສາຍຄີເອີທີບ, Facebook ສຳລັບເນື້ອຫາກວ້າງໆ, ຫຼື LinkedIn ສຳລັບສາຍອາຊີບ. 3. ສ້າງເນື້ອຫາທີ່ມີຄຸນຄ່າ ການສ້າງຕົວຕົນບໍ່ໄດ້ໝາຍເຖິງການໂພສສິ່ງທີ່ຕົວເອງຢາກບອກເທົ່ານັ້ນ, ແຕ່ຄວນມອບຄຸນຄ່າໃຫ້ກັບຄົນທີ່ຕິດຕາມ, ເຊັ່ນ: ຄວາມຮູ້, […]
ເຕັກນິກການສ້າງການເຊື່ອມຕໍ່ສະບັບຄົນເກັບຕົວ (Introvert)
ຫຼາຍຄົນເຂົ້າໃຈຜິດວ່າການ ສ້າງການເຊື່ອມຕໍ່ ຕ້ອງໃຊ້ຄວາມກ້າ, ເວົ້າເກັ່ງ, ຫຼື ເຂົ້າສັງຄົມເກັ່ງເທົ່ານັ້ນ. ແຕ່ສຳລັບຄົນທີ່ເປັນເກັບຕົວ (Introvert) ກໍສາມາດ ສ້າງການເຊື່ອມຕໍ່ ທີ່ມີຄຸນນະພາບໄດ້ເຊັ່ນກັນ, ພຽງແຕ່ເລືອກວິທີທີ່ເໝາະກັບສະໄຕລ໌ຂອງຕົນເອງ. ບົດຄວາມນີ້ຈະພາໄປເບິ່ງວິທີງ່າຍໆ ໃນການ ສ້າງການເຊື່ອມຕໍ່ ໂດຍບໍ່ຝືນທຳມະຊາດ. ເຂົ້າໃຈຈຸດແຂງຂອງຕົນເອງກ່ອນເລີ່ມສ້າງການເຊື່ອມຕໍ່ ກ່ອນຈະເລີ່ມສ້າງການເຊື່ອມຕໍ່, ສິ່ງສຳຄັນຄື ການເຂົ້າໃຈວ່າຄົນເກັບຕົວມີຈຸດແຂງສະເພາະຕົວ ເຊັ່ນ: ການຟັງຢ່າງຕັ້ງໃຈ, ການສື່ສານເຊິງເລິກ, ແລະ ການສ້າງຄວາມສຳພັນທີ່ຈິງໃຈ. ການຮູ້ຈັກໃຊ້ຈຸດແຂງເຫຼົ່ານີ້ໃຫ້ຖືກທີ່ຖືກເວລາຈະຊ່ວຍໃຫ້ການສ້າງການເຊື່ອມຕໍ່ງ່າຍ ແລະ ມີປະສິດທິພາບຫຼາຍຂຶ້ນ. ເຕັກນິກສ້າງການເຊື່ອມຕໍ່ທີ່ເໝາະສຳລັບຄົນເກັບຕົວ 1. ເລີ່ມຈາກກຸ່ມນ້ອຍໆ ທີ່ມີຄວາມສົນໃຈຄືກັນ ການສ້າງການເຊື່ອມຕໍ່ ບໍ່ຈຳເປັນຕ້ອງເລີ່ມຈາກການເຂົ້າສັງຄົມໃຫຍ່ໆ. ລອງເລີ່ມຈາກກຸ່ມນ້ອຍໆ ຫຼື ຊຸມຊົນອອນລາຍທີ່ມີຄວາມສົນໃຈຄືກັນ ເຊັ່ນ: ກຸ່ມອ່ານໜັງສື, ກຸ່ມເຮັດວຽກອະດິເຣກ, ຫຼື ກຸ່ມວິຊາຊີບສະເພາະທາງ. 2. ໃຊ້ບົດສົນທະນາເຊິງເລິກແທນການລົມກັນສັ້ນໆ ຄົນເກັບຕົວມັກຖະໜັດການສົນທະນາເຊິງເລິກຫຼາຍກວ່າການລົມເລັ່ນສັ້ນໆ. ລອງເລີ່ມຕົ້ນດ້ວຍການຕັ້ງຄຳຖາມທີ່ມີຄວາມໝາຍ ຫຼື ແບ່ງປັນປະສົບການຈິງ, ຈະເຮັດໃຫ້ການສ້າງການເຊື່ອມຕໍ່ແໜ້ນແຟ້ນກວ່າການລົມກັນແບບຜິວເຜີນ. 3. ສ້າງຕົວຕົນອອນລາຍໃຫ້ຄົນຮູ້ຈັກກ່ອນ ຫາກບໍ່ຖະໜັດພົບໜ້າກັນໂດຍກົງ, ການສ້າງໂປຣໄຟລ໌ອອນລາຍ ເຊັ່ນ: LinkedIn, […]
ຮອບຮູ້ເລື່ອງ “ມັດຊະ” ດື່ມແນວໃດດີຕໍ່ສຸຂະພາບຫຼາຍທີ່ສຸດ?
ເຄື່ອງດື່ມຊະນິດທີ່ວ່າຊຶ່ງກຳລັງຮອດຮິດຕິດເທຣນໃນໂຊຊຽວມີເດຍ ກໍຄື “ມັດຊະ” (matcha) ຫຼື ຊາຂຽວທີ່ບົດເປັນຜົງລະອຽດ ໂດຍບັນດາອິນຟລູເອັນເຊີໃນແພລັດຟອມຕ່າງໆ ບໍ່ວ່າຈະເປັນຕິກຕອກຫຼືອິນສຕາແກຣມ ຕ່າງກໍພາກັນໂຫມໂຄສະນາເຖິງຂໍ້ດີຂອງມັດຊະ ຈົນກາຍເປັນເຄື່ອງດື່ມທີ່ກຳລັງໄດ້ຮັບຄວາມນິຍົມຢ່າງສູງ ໂດຍສະເພາະຢ່າງຍິ່ງໃນກຸ່ມຄົນໜຸ່ມສາວເຈນຊີ (Gen Z) ທີ່ແຫ່ກັນໄປເຂົ້າຄິວຍາວໜ້າຄາເຟ່ຫຼືຮ້ານຊາ ເພື່ອລິ້ມລອງລົດຊາດຂອງມັດຊະທີ່ຊົງເປັນເຄື່ອງດື່ມຫຼາກຫຼາຍສູດ ມັດຊະບໍ່ແມ່ນເຄື່ອງດື່ມຊະນິດທີ່ຄິດຄົ້ນຂຶ້ນໃໝ່ ເພາະມີການຜະລິດແລະບໍລິໂພກກັນມາແຕ່ໂບຮານໃນປະເທດຍີ່ປຸ່ນ ໂດຍການດື່ມຜົງຊາສີຂຽວສະຫວ່າງສົດໃສນີ້ ເປັນສ່ວນໜຶ່ງຂອງຂະນົບທຳນຽມທີ່ຝັງຮາກເລິກໃນວັດທະນະທຳແດນອາທິດອຸທັຍ ຊຶ່ງມັກຈະໃຊ້ມັດຊະໃນພິທີຊົງຊາ ແຕ່ປັດຈຸບັນຄົນລຸ້ນໃໝ່ນິຍົມດື່ມມັດຊະໃນຮູບແບບຂອງລາເຕ້ (latte) ຫຼື ການຊົງດ້ວຍນົມທັງຮ້ອນແລະເຢັນ ລວມທັງນຳໄປເຮັດເປັນຂອງຫວານ ຫຼື ແມ່ນກະທັ້ງປະສົມລົງໃນອາຫານເສີມຫຼືຜະລິດຕະພັນບຳລຸງຜິວ ອັນທີ່ຈິງແລ້ວ ມັດຊະຄືຊາຂຽວ (green tea) ປະເພດໜຶ່ງ ຊຶ່ງເຮັດຈາກໃບຂອງຕົ້ນຊາ (Camellia sinensis) ທີ່ພາະປູກດ້ວຍວິທີພິເສດ ແຕ່ວ່າມັດຊະແຕກຕ່າງຈາກຊາຂຽວທົ່ວໄປທີ່ເຮົາຄຸ້ນເຄີຍ ຕົງທີ່ຊາຂຽວນັ້ນຄືໃບຊາແຫ້ງທີ່ບັນຈຸໃນກະປ໋ອງຫຼືຖົງຊາ ໂດຍມີລັກສະນະຄືກັບໃບຊາທີ່ພ້ອມຊົງດ້ວຍນ້ຳຮ້ອນຊະນິດອື່ນໆ ແຕ່ມັດຊະນັ້ນເປັນຍອດອ່ອນຂອງໃບຊາທີ່ບົດຈົນເປັນຜົງລະອຽດ ແລະ ມັກຈະຊົງດ້ວຍວິທີຕີກັບນ້ຳຮ້ອນຫຼືນົມຈົນເຂົ້າກັນດີ ມິແຣນດາ ກາລາຕິ ນັກໂພຊະນາການຊາວແຄນາດາຜູ້ດູແລເວັບໄຊ Real Life Nutritionist ບອກວ່າ “ທີ່ຜ່ານມາມີການສຶກສາວິໄຈທາງວິທະຍາສາດຫຼາຍມາກ ທີ່ພິສູດເຖິງຄຸນປະໂຫຍດຂອງຊາຂຽວ […]
ເຕືອນຢ່າຟ້າວໂອນ (ເງິນ) ຖ້າຍັງບໍ່ກວດສອບໃຫ້ຊັດເຈນ ອາດຕົກເປັນເຫຍື່ອມິຈຊາຊີບ
ຕຳຫຼວດໄຊເບີແນະນຳວິທີການກວດສອບກ່ອນໂອນເງິນ ຖ້າບໍ່ຢາກຕົກເປັນເຫຍື່ອຂອງມິຈຊາຊີບທີ່ມັກປ່ຽນຮູບແບບໃຫ້ໂອນຜ່ານ QR Code ຫຼື ກະເປົາເງິນດິຈິຕອລຯ ທີ່ບໍ່ສາມາດກວດສອບເຈົ້າຂອງບັນຊີໄດ້ ເນື່ອງຈາກປັດຈຸບັນ ມິຈຊາຊີບໃຊ້ກົນໂກງຫຼາກຫຼາຍຮູບແບບ ໂດຍສະເພາະການຫຼອກໃຫ້ໂອນເງິນຜ່ານ QR Code ຫຼື ກະເປົາເງິນດິຈິຕອລຕ່າງໆ ຊຶ່ງມັກເປັນຊ່ອງທາງທີ່ບໍ່ສາມາດກວດສອບຊື່ເຈົ້າຂອງບັນຊີໄດ້ຊັດເຈນຄືກັບການໂອນຜ່ານບັນຊີທະນາຄານທົ່ວໄປ ແລະ ເມື່ອເກີດບັນຫາ ບໍ່ວ່າຈະເປັນການໂອນຜິດ ຫຼື ຖືກຕວົະໃຫ້ໂອນ ການຕາມເສັ້ນທາງເງິນກັບຄືນຫຼືການດຳເນີນການອາຍັດເງິນຈະເປັນໄປໄດ້ຍາກຫຼາຍ ເພື່ອຄວາມປອດໄພທາງການເງິນ ກ່ອນໂອນເງິນທຸກຄັ້ງ ຄວນກວດສອບໃຫ້ແນ່ໃຈວ່າ • ເປັນບັນຊີທະນາຄານທີ່ສາມາດກວດສອບຊື່ເຈົ້າຂອງໄດ້ • ຊື່ບັນຊີຕ້ອງຕົງກັບຊື່ຂອງຜູ້ຮັບຈິງ • ຫຼີກລ່ຽງການໂອນຜ່ານ QR Code ຫຼື ກະເປົາເງິນດິຈິຕອລທີ່ບໍ່ຮູ້ທີ່ມາຊັດເຈນ ຢ່າປ່ອຍໃຫ້ຄວາມຟ້າວຮ້ອນຫຼືຄວາມໄວ້ໃຈເກີນເຫດ ກາຍເປັນຊ່ອງທາງໃຫ້ມິຈຊາຊີບເອົາປຽບ ກວດສອບກ່ອນໂອນທຸກຄັ້ງ ປ້ອງກັນຄວາມເສຍຫາຍທີ່ອາດເກີດຂຶ້ນໄດ້ໃນອະນາຄົດ
8 ກຸ່ມຄົນ “ຢ່າດື່ມກາເຟ” ຢຸດຊວນໄພພິບັດເຂົ້າສູ່ຮ່າງກາຍ ພວກເຮົາຮູ້ຕົວຫຼືຍັງ?!
ເຖິງແມ່ນວ່າກາເຟຈະເປັນເຄື່ອງດື່ມທີ່ຫຼາຍຄົນມັກຫຼາຍທີ່ສຸດ ດ້ວຍກິ່ນຫອມ ແລະ ລົດຊາດຂົມກົມກ່ອມອັນເປັນເອກະລັກ ແຕ່ສຳລັບບາງຄົນ ການດື່ມກາເຟອາດບໍ່ແມ່ນເລື່ອງດີຕໍ່ສຸຂະພາບສະເໝີໄປ ເພາະອາດກໍ່ໃຫ້ເກີດຜົນຂ້າງຄຽງຮຸນແຮງຈົນນຳໄປສູ່ບັນຫາສຸຂະພາບແບບບໍ່ຮູ້ຕົວ ໂດຍສະເພາະໃນ 8 ກຸ່ມຄົນຕໍ່ໄປນີ້ ທີ່ບົດຄວາມຈາກເວັບໄຊ SOHA ທາງຝັ່ງຫວຽດນາມ ໄດ້ກ່າວຢ້ຳເຕືອນເປັນພິເສດດ້ວຍຄວາມເປັນຫ່ວງ 1. ຜູ້ທີ່ມີບັນຫາກ່ຽວກັບພະຍາດຫົວໃຈ ຄາເຟອີນເປັນສານກະຕຸ້ນທີ່ສົ່ງຜົນໂດຍກົງຕໍ່ລະບົບປະສາດແລະຫົວໃຈ ຫາກເປັນຜູ້ທີ່ມີພາວະຫົວໃຈເຕັ້ນຜິດຈັງຫວະ ຄວາມດັນເລືອດສູງ ຫຼື ພະຍາດຫຼອດເລືອດຫົວໃຈ ຄາເຟອີນອາດເຮັດໃຫ້ອາການຮ້າຍແຮງຂຶ້ນ ເຊັ່ນ: ໃຈສັ່ນ ເມື່ອຍງ່າຍ ຫຼື ເຈັບໜ້າເອິກ ນອກຈາກນີ້ຍັງມີຜົນຕໍ່ການຫົດຕົວຂອງຫຼອດເລືອດ ເຮັດໃຫ້ຫົວໃຈເຮັດວຽກໜັກຂຶ້ນອີກ 2. ຜູ້ທີ່ມີພາວະວິຕົກກັງວົນ ຫຼື ເປັນພະຍາດນອນບໍ່ຫຼັບຊຳເຮື້ອ ຄາເຟອີນສາມາດກະຕຸ້ນການຫຼັ່ງອະດຣີນາລິນ ຊຶ່ງເປັນຮໍໂມນຄວາມກົດດັນ ສົ່ງຜົນໃຫ້ຜູ້ທີ່ມີພາວະວິຕົກກັງວົນມີອາການຮ້າຍແຮງຂຶ້ນ ເຊັ່ນ: ກະສັບກະສ່າຍ ຫງຸດຫງິດ ນອນບໍ່ຫຼັບ ແລະ ເກີດວົງຈອນ “ຍິ່ງເມື່ອຍຍິ່ງກິນ ຍິ່ງກິນຍິ່ງນອນບໍ່ຫຼັບ” ທີ່ທຳລາຍສຸຂະພາບຢ່າງງຽບໆ 3. ຜູ້ທີ່ມີບັນຫາກ່ຽວກັບກະເພາະອາຫານ ກາເຟມີຄວາມເປັນກົດສູງ […]
“ເດັກ EQ ຕ່ຳ” ມັກມີ 3 ພຶດຕິກຳນີ້ເທິງໂຕະອາຫານ, ພໍ່ແມ່ຕ້ອງຮີບແກ້ໄຂດ່ວນ!
ສາດສະດາຈານຊື່ດັງ ຊີ້ວ່າສັງເກດ “ເດັກ EQ ຕ່ຳ” ມັກມີ 3 ພຶດຕິກຳນີ້ເທິງໂຕະອາຫານ, ພໍ່ແມ່ຕ້ອງຮີບແກ້ໄຂດ່ວນ! ນັກຈິດຕະວິທະຍາອາຊະຍາວິທະຍາ ເປີດເຜີຍໃຫ້ສັງເກດ “ເດັກທີ່ມີ EQ ຕ່ຳ” ມັກເຮັດ 3 ພຶດຕິກຳນີ້ເທິງໂຕະອາຫານ, ພໍ່ແມ່ຄວນຮີບແກ້ໄຂດ່ວນ! ຜົນການສຶກສາຈາກມະຫາວິທະຍາໄລຮາວາດ ປະເທດສະຫະລັດອາເມລິກາ ຊີ້ວ່າ ຄວາມສະຫຼາດທາງອາລົມ (EQ) ມີບົດບາດສຳຄັນເຖິງ 80% ຕໍ່ຄວາມສຳເລັດໃນຊີວິດ, ຫຼາຍກວ່າ IQ ທີ່ມີສັດສ່ວນພຽງແຕ່ 20% ເທົ່ານັ້ນ. ນັ້ນໝາຍຄວາມວ່າ EQ ເປັນປັດໄຈຫຼັກທີ່ກຳນົດທິດທາງອະນາຄົດຂອງເດັກ ແລະ ສາມາດສັງເກດໄດ້ຈາກພຶດຕິກຳໃນຊີວິດປະຈຳວັນ ເຊັ່ນ: ຂະນະຮັບປະທານອາຫານຮ່ວມກັນໃນຄອບຄົວ. ສາດສະດາຈານຫຼີ່ ເໝີຍຈິ່ນ (李玫瑾) ຜູ້ຊ່ຽວຊານດ້ານຈິດຕະວິທະຍາອາຊະຍາກຳຊື່ດັງຈາກປະເທດຈີນ ໄດ້ເປີດເຜີຍວ່າ ເດັກທີ່ມີ EQ ຕ່ຳ ມັກສະແດງອອກຜ່ານ 3 ພຶດຕິກຳສຳຄັນເທິງໂຕະອາຫານ ຊຶ່ງຫາກຜູ້ປົກຄອງສັງເກດເຫັນ ຄວນຮີບປັບພຶດຕິກຳທັນທີເພື່ອບໍ່ໃຫ້ສົ່ງຜົນຕໍ່ການພັດທະນາໃນອະນາຄົດ: ຮັບປະທານອາຫານບໍ່ເປັນລະບຽບ ເຮັດສຽງດັງລົບກວນ: ເດັກບາງຄົນມັກລຸກຍ່າງຫຼິ້ນ, ເວົ້າສຽງດັງ […]
ໝໍເຕືອນ “ພາວະສະໝອງເສື່ອມ” ບໍ່ແມ່ນພຽງແຕ່ພະຍາດຂອງຄົນເຖົ້າ
ໝໍເຕືອນ “ພາວະສະໝອງເສື່ອມ” ບໍ່ແມ່ນພຽງແຕ່ພະຍາດຂອງຄົນເຖົ້າ ແນະນຳໃຫ້ເຮັດ 3 ຂໍ້ນີ້ ປ້ອງກັນໄດ້ຕັ້ງແຕ່ໄວໜຸ່ມ ອະນາຄົດທ່ານຈະຂອບໃຈຕົນເອງ ຄວາມສ່ຽງຂອງພະຍາດສະໝອງເສື່ອມອາດເລີ່ມສະສົມຕັ້ງແຕ່ຊ່ວງອາຍຸ 20 ປີ. ຈາກການຄົ້ນຄວ້າລ່າສຸດຂອງມະຫາວິທະຍາໄລໂຄລຳເບຍ, ສະຫະລັດອາເມຣິກາ ພົບວ່າ ປັດໄຈສ່ຽງຂອງພະຍາດອັລໄຊເມີ ເຊັ່ນ: ຄວາມດັນເລືອດສູງ, ໄຂມັນໃນເລືອດຜິດປົກກະຕິ ແລະ ການຂາດການອອກກຳລັງກາຍ ມີຜົນກະທົບຕໍ່ການເຮັດວຽກຂອງສະໝອງໃນກຸ່ມຄົນໄວໜຸ່ມ ເຖິງແມ່ນວ່າຍັງບໍ່ປາກົດອາການຊັດເຈນກໍຕາມ. ນພ.ເຈິ້ງ ຊຸນອວີ່ ແພດຜູ້ຊ່ຽວຊານດ້ານປະສາດວິທະຍາ ໄດ້ໂພສຂໍ້ຄວາມຜ່ານເຟສບຸກ ລະບຸວ່າ ຄວາມສ່ຽງຂອງພະຍາດສະໝອງເສື່ອມອາດເລີ່ມສະສົມຢ່າງງຽບໆ ຕັ້ງແຕ່ຊ່ວງອາຍຸ 20 ປີ. ຫຼາຍຄົນມັກເຂົ້າໃຈວ່າພະຍາດນີ້ເປັນເລື່ອງຂອງຜູ້ສູງອາຍຸເທົ່ານັ້ນ ແຕ່ຄວາມຈິງແລ້ວ ສັນຍານເບື້ອງຕົ້ນອາດປາກົດຕັ້ງແຕ່ອາຍຸພຽງແຕ່ 24 ປີ. ອ້າງອີງຈາກການຄົ້ນຄວ້າຊິ້ນໃໝ່ຂອງທີມມະຫາວິທະຍາໄລໂຄລຳເບຍທີ່ຕີພິມໃນວາລະສານ The Lancet Regional Health – Americas ເມື່ອເມສາ 2025 ພົບວ່າ ປັດໄຈສ່ຽງຂອງພະຍາດອັລໄຊເມີ ບໍ່ວ່າຈະເປັນຄວາມດັນເລືອດສູງ, ໄຂມັນໃນເລືອດຜິດປົກກະຕິ, ການບໍ່ອອກກຳລັງກາຍ ຫຼື ພາວະອັກເສບຊຳເຮື້ອ ລ້ວນສົ່ງຜົນກະທົບຕໍ່ສະໝອງຕັ້ງແຕ່ອາຍຸຍັງນ້ອຍ. ນອກຈາກນີ້, ການສຶກສາຍັງພົບວ່າ […]
ຢາງລົດຍົນ 1 ເສັ້ນໃຊ້ໄດ້ຈັກປີ ຈຶ່ງຈະຕ້ອງປ່ຽນໃໝ່?
ຢາງລົດຍົນ 1 ເສັ້ນ ໃຊ້ໄດ້ຈັກປີຫຼືຈັກກິໂລແມັດ? ໂດຍທົ່ວໄປແລ້ວຢາງລົດຍົນແຕ່ລະເສັ້ນ ຈະມີອາຍຸການໃຊ້ງານປະມານ 4 – 5 ປີ ຫຼື ປະມານ 50,000 – 80,000 ກິໂລແມັດ ນັບຕັ້ງແຕ່ວັນທີ່ເລີ່ມໃຊ້ງານຄັ້ງທຳອິດ. ເຖິງຢ່າງໃດກໍຕາມ, ອາຍຸການໃຊ້ງານທີ່ແທ້ຈິງຂອງຢາງຈະແປຜັນຂຶ້ນຢູ່ກັບລັກສະນະການໃຊ້ງານ ລວມເຖິງສະພາບຂອງລະບົບຊ່ວງລ່າງລົດດ້ວຍ. ຫາກລົດໃຊ້ງານເທິງຖະໜົນທີ່ມີສະພາບບໍ່ລຽບພຽງ ແລະ ອາກາດຮ້ອນເປັນປະຈຳ ຈະເຮັດໃຫ້ເນື້ອຢາງເສື່ອມສະພາບໄວຂຶ້ນ ແລະ ຫາກລົດມີອາການສູນລໍ້ບ້ຽວ, ໂຊກອັບເສື່ອມສະພາບ ກໍສົ່ງຜົນໃຫ້ຢາງມີການສຶກຫໍຜິດປົກກະຕິໄດ້ເຊັ່ນກັນ. ສັນຍານບົ່ງບອກວ່າຄວນປ່ຽນຢາງ ດອກຢາງສຶກຫຼໍ – ເມື່ອດອກຢາງສຶກຫຼໍຈົນເຖິງສະພານຢາງ ຫຼື ມີດອກຢາງເຫຼືອຕໍ່າກວ່າ 2 ມິລລິແມັດ ຄວນປ່ຽນຢາງໃໝ່ ເພື່ອປະສິດທິພາບການຮີດນໍ້າ ຢາງມີຮອຍແຕກ ຫຼື ບວມ – ຫາກພົບຮອຍແຕກ, ຮອຍບວມ ຫຼື ຮອຍຈີກຂາດເທິງຢາງ ຄວນປ່ຽນຢາງໃໝ່ທັນທີ ຢາງມີອາຍຸເກີນ 5 ປີ – […]
ສານເຄມີໃນພລາສຕິກ ກ່ຽວຂ້ອງກັບການເສຍຊີວິດຈາກພະຍາດຫົວໃຈຫຼາຍກວ່າ 3.5 ແສນຄົນ
ວາລະສານອີໄບໂອເມດິຊີນ (eBioMedicine) ລາຍງານຜົນການສຶກສາສະບັບໜຶ່ງ ຊຶ່ງລະບຸວ່າສານເຄມີທີ່ກວດພົບໃນບັນຈຸພັນອາຫານ, ພລາສຕິກ, ລວມເຖິງໂລຊັ່ນ ແລະ ແຊມພູ ມີສ່ວນເຊື່ອມໂຍງກັບກໍລະນີຜູ້ເສຍຊີວິດຈາກພະຍາດຫົວໃຈຫຼາຍແສນຄົນ. ຄະນະນັກຄົ້ນຄວ້າພົບວ່າສານເຄມີເຫຼົ່ານີ້ ຫຼື ສານພາທາເລດ (phthalates) ມີສ່ວນກ່ຽວຂ້ອງກັບການເສຍຊີວິດຂອງຄົນທົ່ວໂລກຫຼາຍກວ່າ 3.5 ແສນຄົນໃນປີ 2018 ຊຶ່ງປະມານຮ້ອຍລະ 75 ຢູ່ໃນອາຊີ, ຕາເວັນອອກກາງ ແລະ ປາຊີຟິກ, ສະທ້ອນຄວາມກັງວົນທີ່ເພີ່ມຂຶ້ນກ່ຽວກັບປະລິມານການແຜ່ກະຈາຍຂອງພລາສຕິກໃນກຸ່ມປະເທດກຳລັງພັດທະນາ. ເດິ ວໍຊິງຕັນ ໂພສຕ໌ ລາຍງານວ່າຄະນະນັກຄົ້ນຄວ້າຍອມຮັບວ່າການສຳຜັດສານພາທາເລດເປັນປັດໄຈຮ່ວມກັບຄວາມສ່ຽງອື່ນໆ ເຊັ່ນ: ພະຍາດອ້ວນ ແລະ ຄວາມຜິດປົກກະຕິຂອງລະບົບຈ່ອຍສະຫຼາຍ. ແຕ່ຜົນການສຶກສານີ້ເປັນອີກໜຶ່ງຫຼັກຖານທີ່ບົ່ງຊີ້ວ່າສານເຄມີທີ່ໃຊ້ໃນພລາສຕິກກໍ່ໃຫ້ເກີດຄວາມສ່ຽງຕໍ່ສຸຂະພາບຢ່າງຮ້າຍແຮງ. ສານພາທາເລດເປັນຊຸດສານເຄມີທີ່ເຂົ້າໃນພລາສຕິກເພື່ອສ້າງຄວາມຢືດຢຸ່ນຫຼືອ່ອນນຸ້ມຍິ່ງຂຶ້ນ ແລະ ເຕີມເຂົ້າໃນໂລຊັ່ນ, ແຊມພູ ແລະ ນ້ຳຫອມເພື່ອກັກເກັບກິ່ນໃຫ້ຕິດທົນນານ. ແຕ່ສານເຄມີຕົວນີ້ທີ່ນັກຄົ້ນຄວ້າບາງສ່ວນຮຽກວ່າ “ສານເຄມີທຸກຫົນແຫ່ງ” ໄດ້ປຸກກະແສວິຕົກກັງວົນຈາກນັກວິທະຍາສາດໃນວົງກວ້າງ.
ບໍ່ຢາກເປັນ “ພະຍາດອັລໄຊເມີ” ມີວິທີປ້ອງກັນ ແລະ ການກວດເຊັກຄວາມສ່ຽງ
ອັລໄຊເມີ ເປັນພະຍາດທີ່ບໍ່ສາມາດປິ່ນປົວໃຫ້ຫາຍຂາດໄດ້ ແຕ່ຫາກຄົນໃນຄອບຄົວຄອຍສັງເກດຄວາມຜິດປົກກະຕິຂອງຜູ້ສູງອາຍຸໄດ້ໄວ ລວມເຖິງການດູແລເອົາໃຈໃສ່ຈະຊ່ວຍຄວບຄຸມພະຍາດອັລໄຊເມີໃນໄລຍະເລີ່ມຕົ້ນ ຊະລໍໃຫ້ເກີດພະຍາດຊ້າລົງ ຫຼືອາດບໍ່ເກີດພະຍາດເລີຍໄດ້. ຜົນການສຶກສາພົບວ່າການມີວິຖີຊີວິດທີ່ມີສຸຂະພາບດີ ໄດ້ແກ່ ອອກກຳລັງກາຍ ອາຫານ ອາລົມ ແລະ ການນອນຫຼັບທີ່ດີ ຊ່ວຍປົກປ້ອງສະໝອງຈາກຄວາມເສື່ອມ ຫຼື ຊະລໍການເກີດພະຍາດອັລໄຊເມີໄດ້ເຖິງ 40%. ການກວດພະຍາດອັລໄຊເມີສາມາດເຮັດໄດ້ຫຼາຍປີກ່ອນທີ່ຜູ້ປ່ວຍຈະເລີ່ມສະແດງອາການ ຊ່ວຍກວດຄົ້ນຫາກ່ອນທີ່ຈະເກີດພາວະສະໝອງເສື່ອມໃນອະນາຄົດ ແລະ ຊະລໍການດຳເນີນພະຍາດຂອງພາວະສະໝອງເສື່ອມທີ່ເກີດຂຶ້ນແລ້ວໃຫ້ຊ້າລົງໄດ້. ແມ້ອາຍຸທີ່ຫຼາຍຂຶ້ນຈະເປັນໜຶ່ງໃນປັດໄຈສ່ຽງພະຍາດອັລໄຊເມີ ເນື່ອງຈາກຄວາມເສື່ອມຂອງທຸກອະໄວຍະວະໃນຮ່າງກາຍ ລວມເຖິງສະໝອງ ແຕ່ບໍ່ໄດ້ໝາຍຄວາມວ່າຜູ້ສູງອາຍຸທຸກຄົນຈະຕ້ອງເປັນ “ອັລໄຊເມີ“. ອັລໄຊເມີ ເປັນພະຍາດທີ່ບໍ່ສາມາດປິ່ນປົວໃຫ້ຫາຍຂາດໄດ້ ແຕ່ຫາກຄົນໃນຄອບຄົວຄອຍສັງເກດຄວາມຜິດປົກກະຕິຂອງຜູ້ສູງອາຍຸໃນເຮືອນໄດ້ໄວ ກວດພົບຕັ້ງແຕ່ເນິ່ນໆ ລວມເຖິງການດູແລເອົາໃຈໃສ່ຈາກລູກຫຼານ ຈະຊ່ວຍຄວບຄຸມພະຍາດໃນໄລຍະເລີ່ມຕົ້ນ ຊະລໍໃຫ້ເກີດພະຍາດຊ້າລົງ ຫຼື ອາດບໍ່ເກີດພະຍາດເລີຍກໍໄດ້. ສັນຍານເຕືອນອັລໄຊເມີ ອາການເລີ່ມຕົ້ນຂອງຜູ້ປ່ວຍອັລໄຊເມີຄືການສູນເສຍຄວາມຈຳລະຍະສັ້ນ ຊຶ່ງເປັນອາການໃກ້ຄຽງກັບອາການຂີ້ຫຼົງຂີ້ລືມຕາມທຳມະຊາດໃນຜູ້ສູງອາຍຸ ແຕ່ເມື່ອເວລາຜ່ານໄປຜູ້ປ່ວຍ 80-90% ຈະມີອາການທາງພຶດຕິກຳຫຼືທາງຈິດຮ່ວມດ້ວຍ. ອາການຂອງ ພະຍາດອັລໄຊເມີ ຈະດຳເນີນໄປເລື້ອຍໆ ກິນເວລາຫຼາຍປີ ໂດຍຈະສະແດງອາການຕາມລະຍະເສື່ອມຂອງສະໝອງ 3 […]