Tou-Vientianepost (34)
ອຸທາຫອນ ພໍ່ຄ້າຂາຍຂອງເກົ່າ ເຜົາຖັງເຫຼົ້າ 200 ລິດ ເຮັດໃຫ້ເກີດລະເບີດທີ່ຂາ ແລະໄຟໄໝ້ທົ່ວຕົວ
ຮຽບຮຽງໂດຍ:Staff
ເຜີຍແຜ່: 27 ເດືອນເມສາ, 2023

ຂ່າວຈາກປະເທດເພື່ອນບ້ານ ບ້ານສະເທືອນ ພໍ່ຄ້າຂາຍຂອງເກົ່າ ເຜົາຖັງເຫຼົ້າ 200 ລິດ ເຮັດໃຫ້ເກີດລະເບີດທີ່ຂາ ແລະໄຟໄໝ້ທົ່ວຕົວເວລາ 12:00 ໂມງ (26 ເມສາ 2023) ໜ່ວຍກູ້ໄພມູນນິທິ ສະຫວ່າງ ບໍລິບູນ ເມືອງ ພັດທະຍາ ໄດ້​ຮັບ​ແຈ້ງເຫດວ່າຖັງບັນຈຸນ້ຳມັນລະເບີດ ມີຜູ້ບາດເຈັບສາຫັດ 1 ຄົນ ພາຍໃນເຮືອນຮັບຊື້ຂອງເກົ່າ ທີ່ບໍ່ມີເລກທີ່ເຮືອນ , ຮ່ອມ ບ້ານວັດສະຫວ່າງອາລົມ , ໝູ່.1 , ບ.ປອງ , ເມືອງບາງລະມຸງ , ແຂວງຊົນນະບູລີ , ພາຍຫຼັງຮັບຮູ້ເລື້ອງແລ້ວຈຶ່ງຟ້າວໄປກວດສອບ , ພ້ອມດ້ວຍທີມແພດໂຮງໝໍບາງລະມຸງ     

ສະຖານທີ່ເກີດເຫດແມ່ນເຮືອນຊັ້ນດຽວ. ແລະເປີດເປັນຮ້ານຮັບຊື້ຂອງເກົ່າ ພາຍໃນເຮືອນມີການເກັບຂອງເກົ່າເປັນ: ຂວດແກ້ວ, ກ່ອງເຈ້ຍແຂງ, ເຫຼັກ ແລະຖັງເຫຼັກປະເພດຕ່າງໆ. ໄວ້ເປັນຈຳນວນຫຼາຍ ບໍລິເວນໜ້າບ້ານພົບຮ່າງຂອງ ທ້າວສະຫວຽນ ອາຍຸ 58 ປີ ເປັນຄົນ ອຸບົນລາດຊະທານີ ເຊິ່ງເປັນເຈົ້າຂອງບ້ານຫຼັງດັ່ງກ່າວ ແລະຢູ່ໃນສະພາບຖືກແຮງຂອງລະເບີດເຮັດໃຫ້ຂາທັງສອງຂ້າງເປັນບາດໃຫ່ຍ ເຫັນຮອດກະດູກ. ຕາມຮ່າງກາຍທັງຫມົດຖືກໄຟໄຫມ້ຢູ່ໃນລະດັບ 80% ນອນຫາຍໃຈຢ່າງເບົາໆ ໂດຍມີພີ່ນ້ອງຊ່ວຍປະຄັບປະຄອງຕະຫຼອດເວລາ ທາງທີມແພດໄດ້ເຮັດການຊ່ວຍເຫຼືອໃນເບື້ອງຕົ້ນ ກ່ອນເຄື່ອນຕົວນຳສົ່ງໂຮງໝໍ ບາງລະມຸງ ນອກຈາກນີ້ກວດສອບໃນສະຖານທີ່ເກີດເຫດ ໃກ້ກັບຮ່າງທີ່ຄົນເຈັບນອນຢູ່ ພົບຖັງເຫຼັກສີຂຽວ ຂະໜາດ 200 ລິດ ເຊິ່ງເປັນຖັງເກົ່າ. ສໍາລັບບັນຈຸເຫຼົ້າຄວາມເຂັ້ມ 75% ຢູ່ໃນສະພາບຜິດຮູບ ຫຼັງຈາກເກີດການລະເບີດ.

ນາງ ພິມຊະນົກ ອາຍຸ 25 ປີ ລູກສາວຂອງຜູ້ບາດເຈັບ ໄດ້ເລົ່າວ່າ: ກ່ອນເກີດເຫດ, ເຫັນພໍ່ໃຊ້ ເຄື່ອງເປົ່າຕັດເຫຼັກ ແບບໃຊ້ແກັດ ຜ່າຖັງ 200 ລິດ ຖັງໜ່ວຍດັ່ງກ່າວເຊິ່ງເປັນຖັງເກົ່າ ສຳລັບບັນຈຸເຫຼົ້າ ໃນລະຫວ່າງທີ່ພໍ່ກຳລັງຜ່າຖັງຢູ່ ກໍ່ເກີດລະເບີດຢ່າງຮຸນແຮງ ແລະ​ມີ​ລູກ​ໄຟຂະໜາດ​ໃຫຍ່. ແຮງລະເບີດເຮັດໃຫ້ບ້ານສັ່ນສະເທືອນທັງຫຼັງ ແລະແຮງລະເບີດເຮັດໃຫ້ພໍ່ກະເດັນລອຍໄປໄກ ປະມານ 2-3 ​ແມັດ, ຈົນ​ເຮັດ​ໃຫ້​ພໍ່​ໄດ້​ຮັບ​ບາດ​ເຈັບ. ແລະຖືກໄຟເຜົາແລະຈາກການລະເບີດ. ນອກຈາກນີ້ໝູ່ເພື່ອນຮ່ວມງານຂອງພໍ່ທີ່ຢູ່ໃກ້ກັນ ກໍ່ເກີດອາການຫູອື້ ຈາກສຽງ​ເຫດ​ລະ​ເບີດໃນ​ຄັ້ງ​ນີ້

ສອບຖາມຊາວບ້ານທີ່ຢູ່ໃກ້ກັບບ່ອນເກີດເຫດ ບອກວ່າ: ແຮງລະເບີດເຮັດໃຫ້ເຮືອນທີ່ຢູ່ໃກ້ຄຽງເກີດ ການສັ່ນສະເທືອນທັງຫລັງ ​ແຕ່​ບໍ່​ມີ​ເຮືອນ​ໃຜ​ໄດ້​ຮັບ​ຄວາມ​ເສຍ​ຫາຍ, ​ຢ່າງໃດກໍ່ຕາມ, ທາງເທດສະບານຕຳບົນໂປ່ງ ແລະເຈົ້າໜ້າທີ່ຕຳຫຼວດ ຢູ່ໃນລະຫວ່າງການກວດສອບ ຫາຂໍ້ແທ້ຈິງ ໂດຍສັນນິຖານວ່າ​ຖັງ 200 ລິດເຊິ່ງ​ເປັນ​ຖັງ​ເກົ່າ. ສໍາລັບບັນຈຸເຫຼົ້າ 75% ໂດຍຄົນເຈັບອາດຈະບໍ່ທັນລະວັງວ່າຍັງມີສານຕົກຄ້າງຢູ່ແລ້ວນຳເຄື່ອງຕັດເຫຼັກແບບໃຊ້ແກັດໄປຕັດ ຈົນເກີດປະກາຍໄຟແລະເກີດການລະເບີດດັ່ງກ່າວ

ສະແດງຄຳຄິດເຫັນ

ຂ່າວມາໃໝ່ 
2
ນາຍົກ ຈະເຂົ້າຮ່ວມກອງປະຊຸມ ເວທີປຶກສາຫາລື ອະນາຄົດອາຊຽນ
2
ປະທານປະເທດ ແຫ່ງ ສປປ ລາວ ຈະເດີນທາງຢ້ຽມຢາມ ກຳປູເຈຍ ເພື່ອເພີ່ມທະວີ ແລະ ຮັດແໜ້ນສາຍພົວພັນມິດຕະພາບ
2
ກຳປູເຈຍ ສົ່ງອອກລົດຖີບ ຫລຸດລົງ 43%
2
ສປຈີນ ຈັດສັນງົບປະມານ ຊຸກຍູ້ການລົງທຶນ ຫລາຍກວ່າ 2 ແສນລ້ານຢວນ
2
ສປຊ ຮຽກຮ້ອງໃຫ້ຄວາມຊ່ວຍເຫຼືອເຂດກາຊາ ຈຳນວນ ເງິນ 2,8 ຕື້ໂດລາ
2
ໄອເອັມເອຟ (IMF) ຍົກລະດັບການຄາດການອັດຕາການເຕີບໂຕເສດຖະກິດໂລກໃນປີ 2024
2
ສສ ຫວຽດນາມ ນອນໃນກຸ່ມແຖວໜ້າອາຊີ ກ່ຽວກັບການລົງທຶນພື້ນຖານໂຄງລ່າງ
2
ການຂຸດຄົ້ນບໍ່ແຮ່ ເປັນຂະແໜງການສຳຄັນ ແລະ ເປັນແມ່ແຮງ ດຶງດູດການລົງທຶນມາ ແຂວງຫົວພັນ
2
ປະເທດລາວມີແຫຼ່ງຜະລິດໄຟຟ້າ 97 ແຫ່ງທີ່ຂາຍເຂົ້າລະບົບລັດວິສາຫະກິດໄຟຟ້າລາວ
2
ທຳລາຍສວນປູກຝິ່ນ 5 ເຮັກຕາກວ່າ ຢູ່ເມືອງລອງ ແຂວງຫຼວງນ້ຳທາ
ຢ່າລື່ມກົດຕິດຕາມ