ວັນທີ່ 9 ມິຖຸນາ 2023 ທີ່ພະແນກກະສິກຳ ແລະ ປ່າໄມ້ແຂວງຫຼວງພະບາງ ໄດ້ມີພິທີມອບຮັບ ຜະລິດຕະພັນສີ້ນສ່ວນສັດປ່າ (ງາຊ້າງ) ທີ່ຜ່ານການດຳເນີນຄະດີສຳເລັດ ລະຫວ່າງ ພະແນກຄຸ້ມຄອງສັດປ່າ ແລະ ສົນທິສັນຍາສາກົນ CITES, ມີ ທ່ານ ບຸນມີ ສະຫັວດ ຮອງຫົວໜ້າພະແນກກະສິກຳ ແລະ ປ່າມ້ແຂວງ, ທ່ານ ສຸນັນທາ ຈຸນລະມະນີ ວ່າການຫົວໜ້າກົມກວດກາປ່າໄມ້ ກະຊວງກະສິກຳ ແລະ ປ່າໄມ້, ແລະ ພາກສ່ວນກ່ຽວຂ້ອງເຂົ້າຮ່ວມ.

ກອງກວດກາປ່າໄມ້ ພະແນກກະສິກຳ ແລະ ປ່າມ້ແຂວງຫຼວງພະບາງ ໄດ້ລາຍງານວ່າ: ການດຳເນີນຄະດີຜະລິດຕະພັນ ຊີ້ນສ່ວນສັດປ່າ ໃນໄລຍະຜ່ານມາ ມີຄະດີປະເພດງາຊ້າງ 11 ເລື່ອງ ລວມມີ 5.761 ອັນ ນ້ຳໜັກຫລາຍກວ່າ 137 ກິໂລກຣາມ. ເຈົ້າໜ້າທີ່ໄດ້ມີວິທີແກ້ໄຂຄະດີຄື: ສຶກສາອົບຮົມ  2 ເລື່ອງ, ແກ້ໄຂດ້ານບໍລິຫານ 2 ເລື່ອງ, ນອກນັ້ນແມ່ນສົ່ງໃຫ້ເຈົ້າໜ້າທີ່ດຳເນີນຄະດີຕາມຂັ້ນຕອນ.

ກອງກວດກາປ່າໄມ້ ໄດ້ສຳເລັດການດຳເນີນຄະດີ ແລະ ສົ່ງມອບຜະລິດຕະພັນງາຊ້າງຂອງແທ້ ແລະ ຂອງຮຽນແບບ ໃຫ້ພະແນກຄຸ້ມຄອງສັດປ່າ ແລະ ສົນທິສັນຍາສາກົນ CITES ກົມປ່າໄມ້  5 ເລື່ອງ ລວມມີຜະລິດຕະພັນຈຳນວນ 1.288 ອັນ ນໍ້າໜັກ 34,40 ກິໂລກຼາມ. ໃນນີ້ ຜະລິດຕະພັນງາຊ້າງຂອງແທ້ 784 ອັນ ນໍ້າໜັກ 18,050 ກິໂລກຼາມ. ໜັງຊ້າງ 11 ອັນ ນ້ຳໜັກ 1,2 ກິໂລກຼາມ, ຜະລິດຕະພັນຂອງຮຽນແບບ 504 ອັນ ນໍ້າໜັກຫລາຍກວ່າ 16 ກິໂລກຼາມ.

ສະແດງຄຳຄິດເຫັນ