ດວງ-Tou-Vientianepost - 2023-06-21T101735.124
ກັກຕົວເປົ້າໝາຍຊື້-ຂາຍຢາເສບຕິດ ໄດ້ 3 ຄົນ ພ້ອມຂອງກາງຢາບ້າ 120.000 ເມັດ
ຮຽບຮຽງໂດຍ:Staff
ເຜີຍແຜ່: 21 ເດືອນມີນາ, 2023
ໝວດ: ຂ່າວ

ເຈົ້າໜ້າທີ່ຕໍາຫລວດພະແນກສະກັດກັ້ນ ແລະ ຕ້ານຢາເສບຕິດ ຫ້ອງຕໍາຫລວດ ປກສ ແຂວງວຽງຈັນ ໄດ້ຮັບແຈ້ງຈາກພົນລະເມືອງດີ ໃນວັນທີ 17 ພຶດສະພາ 2023 ຜ່ານມາວ່າມີເປົ້າໝາຍຄ້າຂາຍຢາເສບຕິດ 3 ຄົນ ຂີ່ລົດກະບະລີໂວສີຂາວ ມຸ່ງໜ້າມາແຕ່ນະຄອນຫລວງວຽງຈັນ ໄປພັກເຊົາຢູ່ເຮືອນພັກແຫ່ງໜຶ່ງ ໃນເມືອງທຸລະຄົມ ແຂວງວຽງຈັນ, ຈາກນັ້ນຈຶ່ງແຕ່ງຕັ້ງກໍາລັງລົງປິດລ້ອມສະຖານທີ່ດັ່ງກ່າວແລ້ວທໍາການກວດຄົ້ນຕາມຫລັກ ການວິຊາສະເພາະ ພົບເຫັນເປົ້າໝາຍຄື: ທ້າວ ລູຮື ອາຍຸ 25 ປີ ອາຊີບກຳມະກອນ ບ້ານທາງແບ່ງ ເມືອງປາກກະດິງ ແຂວງບໍລິຄໍາໄຊ, ທ້າວ ກາເສັງ ອາຍຸ 19 ປີ ອາຊີບກໍາມະກອນ ບ້ານກາຕັ້ງຢ່າ ແລະ ທ້າວ ຫລ້າວື ອາຍຸ 30 ປີ ອາຊີບກໍາມະກອນ ບ້ານຈັນໄຕ ທັງສອງແມ່ນຢູ່ ເມືອງຮຸນ ແຂວງອຸດົມໄຊ ພ້ອມທັງຢຶດຂອງກາງຢາບ້າ ຈໍານວນ 120.000 ເມັດ ມາທໍາການສືບສວນ-ສອບສວນ.

ຜ່ານການສືບສວນ-ສອບສວນ ພວກກ່ຽວຮັບສາລະພາບວ່າ: ວັນທີ 12 ພຶດສະພາ 2023 ມີ ທ້າວ ນ້ອຍ (ບໍ່ຮູ້ບ້ານ) ໄດ້ໂທລະສັບຕິດຕໍ່ສັ່ງຊື້ຢາບ້ານຳ ທ້າວ ລູຮື ຈໍານວນ 60 ມັດ ເທົ່າກັບ 120.000 ເມັດ ຕົກລົງຊື້ໃນລາຄາ 289.000.000 ກີບ ຈາກນັ້ນ ທ້າວ ລູຮື ໄດ້ຕິດຕໍ່ຊື້ຢາບ້າຈໍານວນດັ່ງກ່າວ ນໍາ ທ້າວ ກາເສັງ, ຈົນມາຮອດວັນທີ 16 ພຶດສະພາ 2023 ທ້າວ ກາເສັງ ຈຶ່ງໄດ້ຕົກລົງຊື້-ຂາຍ ຢາບ້າ ນຳ ທ້າວ ລູຮື ຈໍານວນ 60 ມັດ ໃນລາຄາ 234.000.000 ກີບ, ຫລັງຈາກໄດ້ຕົກລົງກັນແລ້ວ ທ້າວ ລູຮື ໄດ້ຂີ່ລົດໂດຍສານຂຶ້ນມານະຄອນຫລວງວຽງຈັນ.

ຕົກມາຮອດວັນທີ 17 ພຶດສະພາ 2023 ທ້າວ ກາເສັງ ໄດ້ມາຮັບ ທ້າວ ລູຮື ຢູ່ຄິວລົດສາຍໃຕ້ ແລ້ວພາກັນໄປຖ້າລົດຢູ່ແຄມທາງ, ຈາກນັ້ນ ໄດ້ມີ ທ້າວ ໄຊ ກັບ ທ້າວ ຫລ້າວື ຂັບລົດກະບະລີໂວສີຂາວ ມາຮັບເອົາພວກກ່ຽວ ທັງ 2 ຄົນ ຂຶ້ນລົດພາກັນເອົາຢາບ້າຈໍານວນດັ່ງກ່າວໄປສົ່ງໃຫ້ຜູ້ຮ່ວມຂະບວນການຢູ່ຂອບເຂດເມືອງທຸລະຄົມ ແຂວງວຽງຈັນ ເມື່ອໄປຮອດຈຸດນັດພົບທີ່ເຮືອນພັກແຫ່ງໜຶ່ງ

ພວກກ່ຽວໄດ້ຂົນຢາບ້າ ລົງລົດແລ້ວເອົາໄປຊຸກເຊື່ອງໄວ້ໃນຫ້ອງພັກແຫ່ງໜຶ່ງ ທັນໃດນັ້ນເຈົ້າໜ້າທີ່ຕໍາຫລວດໄດ້ເຂົ້າປິດລ້ອມທໍາການກວດຄົ້ນຈຶ່ງພົບເຫັນຢາບ້າຈໍານວນ 60 ມັດ, 120.000 ເມັດ ພ້ອມທັງກັກຕົວພວກກ່ຽວ 3 ຄົນ ແລະ ຂອງກາງຢາບ້າ ມາທໍາການສືບສວນ-ສອບສວນຕາມຂັ້ນຕອນຂອງກົດໝາຍ,ສ່ວນ ທ້າວ ໄຊ ຄົນຂັບລົດໄດ້ເອົາຕົວລົບໜີ ປັດຈຸບັນເຈົ້າໜ້າທີ່ຕໍາຫລວດກໍາລັງເລັ່ງຕິດຕາມຜູ້ກ່ຽວ ພ້ອມທັງດໍາເນີນການສືບສວນ-ສອບສວນ ພວກກະທຳຜິດທັງ 3 ຄົນ ເພື່ອຂະຫຍາຍຜົນຫາກຸ່ມແກ້ງ, ເຄືອຂ່າຍ, ຜູ້ຮ່ວມຂະບວນການ ມາລົງໂທດຕາມລະບຽບກົດໝາຍ.

ສະແດງຄຳຄິດເຫັນ

ຂ່າວມາໃໝ່ 
2
ການລ່າສັດປ່າບໍ່ຖືກຕ້ອງຕາມກົດ ໝາຍຈະຖືກລົງໂທດຕັດອິດສະລະພາບ 2 ຫາ 5 ປີ ແລະ ຈະຖືກປັບໃໝ
2
ກຳປູເຈຍ ຈະເກັບພາສີ ພະລັງງານໄຟຟ້າ ຈາກ ຜູ້ໃຊ້ໂຊລາເຊລ ຢູ່ຫລັງຄາ
2
ຫາລືຄວາມປອດໄພຂອງເຂື່ອນ ໃນການບໍລິຫານຈັດການນໍ້າ ແລະ ການຮັບມືສຸກເສີນ
2
ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບ ທູດເວເນຊູເອລາ ຄົນໃໝ່
2
ສປປ ລາວຈະເປັນປະທານອາຊຽນໃນປີ 2024 ພາຍໃຕ້ຄໍາຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”
2
ສປປ ລາວ ເລີ່ມປະຕິບັດນະໂຍບາຍ ຍົກເວັ້ນ-ຂະຫຍາຍເວລາ VISA ໃຫ້ກັບຫຼາຍປະເທດ ດຶງດູດນັກທ່ອງທ່ຽວ
2
ບໍລິສັດ ເທີນ-ຫີນບູນ ມອບເງິນ 1 ຕື້ກີບ ສະໜັບສະໜູນການເປັນປະທານອາຊຽນ ຂອງ ສປປ ລາວ
2
ຄຸນຄ່າຄວາມເປັນເອກະລັກ ທີ່ໂດດເດັ່ນລະດັບໂລກ ຂອງອຸທິຍານແຫ່ງຊາດຫີນໜາມໜໍ່
2
ອັດຕະປືມີບໍລິການລົດໂດຍສານສີຂຽວພາຍໃນແຂວງແລ້ວ
2
ປະກາດປ່າອາຮັກປາກຫ້ວຍເກາະ ເຂດ ບ້ານນາຢອງເປັນປ່າສະຫງວນຂອງເມືອງລະມາມ
ຢ່າລື່ມກົດຕິດຕາມ