ພາສີ ແຂວງສະຫວັນນະເຂດ​ ແຈ້ງປະມູນຂາຍຖ່ານດຳດັງໄຟ 27.​070 ເປົາ​ ເພື່ອນຳເງິນເຂົ້າງົບປະມານ.ພາສີປະຈຳແຂວງສະຫວັນນະເຂດ ຂໍແຈ້ງມາຍັງ ບັນດາບຸກຄົນ, ນິຕິບຸກຄົນ ພາຍໃນແຂວງ ແລະ​ ຕ່າງແຂວງ ຊາບວ່າ: ພາສີປະຈຳແຂວງຈະໄດ້ນຳເອົາສິນຄ້າທີ່ໄດ້ອະນຸມັດຕົກເປັນຂອງລັດ ອອກປະມູນຂາຍ ເພື່ອນຳເງິນມອບເຂົ້າງົບ ປະມານຕາມລະບຽບກົດໝາຍ,ຊຶ່ງສິນຄ້າທີ່ນຳມາປະມູນຄັ້ງນີ້ມີປະເພດ ຖ່ານດຳດັງໄຟ ຈຳນວນ 681,75 ໂຕນ ( 27.070 ກະສອບ).​

ສໍາລັບເງື່ອນໄຂຜູ້ເຂົ້າຮ່ວມປະມູນຊື້ຕ້ອງເປັນບຸກຄົນ, ນິຕິບຸກຄົນ ທີ່ມີອະນຸຍາດດຳເນີນທຸລະກິດກ່ຽວກັບຖ່ານດັງໄຟ ແລະ ມີອະນຸຍາດຖືກຕ້ອງ, ຄົບຖ້ວນ ຕາມລະບຽບກົດໝາຍຂອງ ສປປ.ລາວ

ທີ່ມີຜົນບັງຄັບໃຊ້ໃນປັດຈຸບັນ, ຜູ້ທີ່ມີຄວາມສົນໃຈສາມາດເຂົ້າໄປພົວພັນນຳຂະແໜງກວດກາ ແລະ ກວດສອບຄືນການແຈ້ງພາສີ ສະຖານທີ່ຕັ້ງຢູ່ຫ່າງຈາກດ່ານສາກົນຂົວມິດຕະພາບລາວ-ໄທແຫ່ງທີ 2 ປະມານ 2 Km.​

ເລີ່ມແຕ່ ວັນທີ​ 18/07/2023 ຫາວັນທີ 20/07/2023 ຕາມວັນລັດຖະການ, ຖ້າກາຍກຳນົດດັ່ງກ່າວຈະບໍ່ຮັບພິຈາລະນາ, ກຳນົດມື້ເປີດຊອງ ວັນທີ​ 21/07/2023, ເວລາ 9:30 ໂມງ.

ທີ່ມາ :ກະຊວງການເງິນ

ສະແດງຄຳຄິດເຫັນ