ດວງ-Tou-Vientianepost - 2023-08-10T112955.184
ແຂວງຄໍາມ່ວນ ເລັ່ງແກ້ໄຂລະບົບໄຟຟ້າ ທີ່ໄດ້ຮັບຜົນກະທົບ ຈາກນໍ້າຖ້ວມ
ຮຽບຮຽງໂດຍ:Staff
ເຜີຍແຜ່: 10 ເດືອນສິງຫາ, 2023
ໝວດ: ຂ່າວ

ຕາມການລາຍງານຜົນການສໍາຫລວດ , ເກັບກໍາຂໍ້ມູນ ແລະ ປະເມີນຄວາມເສຍຫາຍ ຈາກຜົນກະທົບຂອງຝົນຕົກໜັກ, ດິນເຈື່ອນຕາມແລວສາຍໃນລະບົບຈໍາໜ່າຍໄຟຟ້າ ສາຂາແຂວງຄໍາມ່ວນ ແລະ ການແກ້ໄຂໃນແຕ່ລະໄລຍະແຕ່ວັນທີ 28 ກໍລະກົດ – 09 ສິງຫາ 2023 ເຊິ່ງສາມາດເກັບກໍາຂໍ້ມູນ ທີ່ມີຜົນກະທົບໄດ້ໃນທົ່ວແຂວງຄື:

ເມືອງມະຫາໄຊ ໝໍ້ແປງມີບັນຫາຈໍານວນ 03 ໜ່ວຍ ປັດຈຸບັນແມ່ນແກ້ໄຂສໍາເລັດ, ນອກນັ້ນ ແມ່ນໄດ້ຮັບຜົນກະທົບຈາກນໍ້າຖ້ວມເສັ້ນທາງຈໍານວນ 15 ບ້ານ ເຂດປ່າໜາມ-ແກ້ງແປ, ປັດຈຸບັນແມ່ນໄດ້ແກ້ໄຂປ່ອຍໄຟສໍາເລັດໃນວັນທີ 04 ສິງຫາ 2023; ເມືອງບົວລະພາ ໝໍ້ແປງມີບັນຫາ 01 ໜ່ວຍ ແລະ ມີເສົາໄຟຟ້າ 12 ແມັດລົ້ມຈໍານວນ 01 ຕົ້ນປັດຈຸບັນແກ້ໄຂສໍາເລັດ; ເມືອງຫີນບູນ ເສົາໄຟຟ້າ 12 ແມັດລົ້ມຈໍານວນ 04 ຕົ້ນ ແຕ່ເຂດບ້ານນາບົງ ຫາ ບ້ານອິນແປງ ແກ້ໄຂສໍາເລັດແລ້ວໃນວັນທີ 06 ສິງຫາ 2023 ພ້ອມທັງດຶງສາຍໄຟຟ້າ 22 ກິໂລໂວນຈໍານວນ 12 ສາຍ ສໍາເລັດໃນວັນທີ 07 ສິງຫາ 2023, ມີເສົາໄຟຟ້າ 12 ແມັດຈໍານວນ 02 ຕົ້ນເຊິ່ງມີຄວາມສ່ຽງຕໍ່ນໍ້າເຊາະເຈື່ອນ ( ຍັງບໍ່ທັນໄດ້ແກ້ໄຂ ); ສະເພາະເມືອງຫີນບູນ ມີບ້ານທີ່ໄດ້ຮັບຜົນກະ ທົບດ້ານລະບົບໄຟຟ້າທັງໝົດ 24 ບ້ານຄື: ໂພນຕິ້ວ, ມ່ວງໄຂ່ເໜືອ, ມ່ວງໄຂ່ກາງ , ມ່ວງໄຂ່ໃຕ້ , ນ້ອຍ , ບໍ່ແໜ່ງ , ອິນແປງ, ບົງ, ແສງອາລຸນ, ຜາແຫຼມ, ນາເມືອງ, ນາອັນ, ນາຮີ, ຊາວ , ຫົວນາ , ຫ້ວຍຊາຍ , ນາຄໍາ , ທົ່ງຄາ , ທ່າຫຍໍ , ນາສາ, ວັງເຜິ້ງ, ສະນາກ, ບວມລູ ແລະ ໜອງຊືນ ເຊິ່ງໃນຈໍານວນ 24 ບ້ານດັ່ງກ່າວແມ່ນໄດ້ສະໜອງໄຟຟ້າໃຫ້ແລ້ວໃນວັນທີ 07 ສິງຫາ 2023 .

ເມືອງຍົມມະລາດ ໝໍ້ນັບໄຟຈໍານວນ 03 ໜ່ວຍແມ່ນຖືກໄຟໄໝ້, ແກ້ໄຂສໍາເລັດແລ້ວ; ເມືອງໜອງບົກ ເສົາໄຟຟ້າ 14 ແມັດຈໍານວນ 02 ຕົ້ນ ຢູ່ບ້ານທ່າມ່ວງເຊິ່ງມີຄວາມສ່ຽງຖືກນໍ້າເຊາະເຈື່ອນ (​ຍັງບໍ່ທັນແກ້ໄຂ )

ເມືອງເຊບັ້ງໄຟ ບ້ານທີ່ຖືກນໍ້າຖ້ວມມີຈໍານວນ 08 ບ້ານຄື: ບ້ານທັບ , ໂນນກະແຕ້ , ເວີນຄໍາຂຽວ , ວັງເດືອນ, ຄໍາເຕີຍ, ປົ່ງແດງ, ນາຊອຍ, ດອນສະອາດ ( ປະຈຸບັນໄຟຟ້າໄດ້ນໍາໃຊ້ເປັນປົກກະຕິແລ້ວນັບແຕ່ວັນທີ 05 ສິງຫາ 2023 )

ເມືອງໄຊບົວທອງ ຕົ້ນໄມ້ຫັກທັບສາຍຕາຂ່າຍໄຟຟ້າ 22 ກິໂລໂວນ ເຂດບ້ານຜາຂາດເຮັດໃຫ້ຟິວຂາດ, ແກ້ໄຂສໍາເລັດແລ້ວ; ເມືອງຄູນຄໍາ ບ້ານທີ່ຖືກຜົນກະທົບຈາກນໍ້າຖ້ວມທັງໝົດມີ 14 ບ້ານ ( ທົ່ວເມືອງມີ 22 ບ້ານ ) ເຊິ່ງບໍ່ມີໄຟຟ້າໃຊ້ນັບແຕ່ວັນທີ 03-08 ສິງຫາ 2023, ປັດຈຸບັນແມ່ນວາມາດແກ້ໄຂ 02 ບ້ານພາຍໃນເຂດເທສະບານເມືອງຄື: ບ້ານຄູນຄໍາ ແລະ ບ້ານຄູນແກ້ວ, ປັດຈຸບັນນີ້ສາມາດປ່ອຍໄຟໄດ້ພຽງແຕ່ 10 ໜ່ວຍໝໍ້ແປງ ຈາກທັງໝົດ 30 ໜ່ວຍໝໍ້ແປງ, ລວມທັງໄຟຟ້າສະໜອງໃຫ້ແກ່ຜູ້ປະກອບການ; ເມືອງນາກາຍ ບ້ານທີ່ໄດ້ຮັບຜົນກະທົບຈາກໄພນໍ້າຖ້ວມ 100% ມີ 04 ຄຸ້ມບ້ານຄື: ບ້ານນາຕານ, ໂພນຄໍາ , ທ່າຂັນແກ້ວ ແລະ ໂພນບົກ . ທັງ 04 ດັ່ງກ່າວແມ່ນສະໜອງໄຟສໍາເລັດໃນວັນທີ 05 ສິງຫາ 2023

ສໍາລັບວຽກທີ່ຍັງຄົງຄ້າງ ແມ່ນຈະໄດ້ພ້ອມກັນສືບຕໍ່ແກ້ໄຂໂດຍມີການສົມທົບກັບ ພາກສ່ວນທີ່ກ່ຽວຂ້ອງ ເພື່ອເຮັດໃຫ້ສໍາເລັດຕາມຈຸດປະສົງທີ່ວາງໄວ້ , ສ່ວນຢູ່ພາຍໃນເທດສະບານເມືອງທ່າແຂກ ແມ່ນໄດ້ມີການເຝົ້າລະວັງສະ ພາບການຢ່າງເປັນປົກກະຕິ .

ຂ່າວ-ພາບ: ແດງສະຫວັດ ແສນພານິດ

ສະແດງຄຳຄິດເຫັນ

ຂ່າວມາໃໝ່ 
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນຈັນ ທີ 02 ຕຸລາ 2023
ດວງ-Tou-Vientianepost (34)
ຈຳປາສັກ ແຈ້ງຫ້າມເກັບກູ້ ແລະ ຊື້ຂາຍ ປະເພດ ຂີ້ກະເດືອນ ແລະ ນົກ ທຳມະຊາດ
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນອາທິດ ທີ 01 ຕຸລາ 2023
ek
ດວງລາຍວັນປະຈໍາວັນສຸກ ທີ 29 ກັນຍາ 2023
ດວງ-Tou-Vientianepost (30)
ມອບຊີ້ນໝູສົດທີ່ຍຶດໄດ້ໃຫ້ໂຮງຮຽນ ມ.ສ ສາມັນກີນນອນຊົນເຜົ່າແຂວງບໍ່ແກ້ວ
ດວງ-Tou-Vientianepost (28)
ທີມຊາດລາວ ຊຸດໃຫຍ່ ກະກຽມຄວາມພ້ອມເຂົ້າຮ່ວມ ບານໂລກ 2026 ຮອບຄັດເລືອກ ຮອບທີ 1 ທະວີບອາຊີ
ດວງ-Tou-Vientianepost (26)
ແຈ້ງການປິດການສັນຈອນຊົ່ວຄາວ ຂົວຫຼັກນ້ຳຄານ 1 ວັນ
ek
ດວງລາຍວັນປະຈໍາວັນພຸດ ທີ 27 ກັນຍາ 2023
ດວງ-Tou-Vientianepost - 2023-07-31T112850.794
ດວງລາຍວັນປະຈໍາວັນອັງຄານ ທີ 26 ກັນຍາ 2023
ດວງ-Tou-Vientianepost (22)
ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນພາຍຸດີເປຊັ່ນ ໄລຍະວັນທີ 25-27 ກັນຍາ 2023
ຢ່າລື່ມກົດຕິດຕາມ