2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 9 ເດືອນມີນາ, 2024
ໝວດ: ຂ່າວ

ສະພາບນໍ້າຖ້ວມຂັງຕາມເສັ້ນທາງຫລາຍເສັ້ນໃນນະຄອນຫລວງວຽງຈັນ ກໍຄືໃນຕົວເມືອງໃຫຍ່ບັນດາແຂວງໃນທົ່ວປະເທດ ໄດ້ກາຍເປັນປະເດັນຫ່າງສຽງໃນສັງຄົມ ເນື່ອງຈາກທໍ່ລະບາຍນໍ້າຕາມແຄມທາງມີຂີ້ເຫຍື້ອ, ຂີ້ຕົມ, ແຮ່ຊາຍອັດຕັນເຮັດໃຫ້ນໍ້າໄຫລບໍ່ທັນສ້າງຄວາມຫຍຸ້ງຍາກໃນການສັນຈອນໄປມາ ແລະ ສ້າງຄວາມເປິເປື້ອນໃຫ້ຖະໜົນຫົນທາງດົນນານໄປເຮັດໃຫ້ທາງເປ່ເພ ແລະ ອື່ນໆ.

ຢ່າງໃດກໍດີ ຕໍ່ກັບບັນຫານີ້ ແມ່ນຕິດພັນກັບການຂາດຄວາມເປັນເຈົ້າການຮ່ວມກັນເຮັດອະນາໄມຢ່າງຈິງຈັງ. ຈາກສະພາບທີ່ເກີດຂຶ້ນໃນແຕ່ລະປີຜ່ານມານີ້, ໄດ້ສະທ້ອນໃຫ້ເຫັນເຖິງການຮັບມືໃນໄລຍະລະດູຝົນປີນີ້ ທີ່ພາກສ່ວນທີ່ກ່ຽວຂ້ອງຕ້ອງໄດ້ສົມທົບກັນວາງແຜນແກ້ໄຂກໍຄືການເຮັດອະນາໄມ ຫລື ການລ່ວງທໍ່ລະບາຍນໍ້າໃຫ້ທັນ ເພື່ອຫລຸດຜ່ອນການເກີດສະພາບນໍ້າຖ້ວມຂັງຕາມເສັ້ນທາງໃນນະຄອນຫລວງວຽງຈັນ ກໍຄືບັນດາເມືອງໃຫຍ່ໃນທົ່ວປະເທດ.  ປັດຈຸບັນນີ້ ໄດ້ກ້າວສູ່ລະດູຝົນ ແລະ ກໍມີຝົນຕົກຕໍ່ເນື່ອງໃນຂອບເຂດທົ່ວປະເທດ ເຊິ່ງມັນຮຽກຮ້ອງເຖິງການຮັບມືຕໍ່ສະພາບນ້ຳຖ້ວມຕ່າງໆ ຂອງທຸກພາກສ່ວນໃນສັງຄົມ. ໜຶ່ງໃນນີ້ ກໍແມ່ນການຮັບມືຕໍ່ສະພາບນ້ຳຖ້ວມຂັງເສັ້ນທາງທີ່ສ້າງຄວາມຫຍຸ້ງຍາກຕໍ່ການສັນຈອນໄປມາໃນລະດູຝົນປີນີ້.

ຢ່າງໃດກໍດີທ້າຍອາທິດຜ່ານມານີ້, ຜູ້ຂຽນໄດ້ມີໂອກາດໄປບ້ານຫລັກ 52 ຫລື ເມືອງ ໂພນໂຮງ ແຂວງວຽງຈັນ ກໍປະກົດເຫັນພາກສ່ວນກ່ຽວຂ້ອງໄດ້ເປັນເຈົ້າການຮ່ວມກັນອະນາໄມປັດກວດດິນອອກຈາກແຄມທາງ,  ລ່ວງຮ່ອງລະບາຍນ້ຳຕາມເສັ້ນທາງ ເລກທີ 13 ເໜືອ ຂອບເຂດເມືອງນາ ຊາຍທອງ ນະຄອນຫລວງວຽງຈັນ ຍ່ານທາງທີ່ມີຄວາມສ່ຽງຕໍ່ສະ ພາບນ້ຳຖ້ວມຂັງໃນເວລາມີຝົນຕົກ ເພື່ອຮັບມືກັບນ້ຳຖ້ວມຂັງ ແລະ ອຳ ນວຍຄວາມສະດວກໃຫ້ແກ່ການ ສັນຈອນໄປມາຂອງສັງຄົມໃນປີນີ້. ສຳລັບໃນນະຄອນຫລວງວຽງຈັນ ໃນໄລຍະຜ່ານມາເສັ້ນທາງທີ່ມັກ ເກີດນ້ຳຖ້ວມຂັງກໍມີຫລາຍຈຸດ  ໂດຍ ສະເພາະແມ່ນຈຸດ 4 ແຍກໄຟແດງ ທາດຫລວງ, ໄຟແດງໂພນປ່າເປົ້າ, ເສັ້ນທາງສຸພານຸວົງ ແລະ ອື່ນໆ ຖ້າ ມີຝົນຕົກແຮງຫລາຍຊົ່ວໂມງກໍຈະ ກໍ່ໃຫ້ເກີດນ້ຳຖ້ວມຂັງເປັນປະຈຳ. ດັ່ງນັ້ນ, ພວກເຮົາຕ້ອງເປັນເຈົ້າການຊ່ວຍ ໃນການເຮັດອະນາໄມ ເປັນປະຈຳດ້ວຍການເອົາດິນທີ່ອັດຕັນຮ່ອງລະບາຍນ້ຳອອກ, ປັດກວາດດິນຕົກຄ້າງສອງຝາກທາງຢູ່ຕາມໜ້າເຮືອນໃຜລາວ, ມ້ຽນມັດຂີ້ເຫຍື້ອໃຫ້ເປັນລະບຽບບໍ່ໃຫ້ໄຫລໄປອັດຕັນຮ່ອງລະບາຍນ້ຳເວລາມີຝົນຕົກ, ການຂົນສົ່ງດິນຫີນ-ຊາຍ ຂອງຜູ້ປະກອບການກໍຕ້ອງມີຄວາມຮັບປະກັນ ແລະ ບໍ່ຫລາຍເກີນຈົນຫລົ້ນຕົກເຮ່ຍໄປຕາມທາງ ອັນຈະເຮັດໃຫ້ຕັນທໍ່ລະບາຍນ້ຳຈົນເກີດມີນ້ຳຖ້ວມຂັງທີ່ສ້າງຄວາມຫຍຸ້ງຍາກຕໍ່ສັງຄົມ.

KPL

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ