ເວລາ 02:00 ໂມງ ຂອງວັນທີ 10 ພຶດສະພາ 2023, ອາສາສະໝັກ ມູນນິທິ ປໍເຕັກຕຶ້ງ ໄດ້ຮັບແຈ້ງເຫດວ່າ ມີແມ່ຍິງເກີດລູກ ຢູ່ໃນລົດກະບະ ຢູ່ເສັ້ນທາງ ທິວວານົນ. ຢູ່ໃກ້ໆແຍກສານໄພສານ, ເມືອງປາກເກັດ ແຂວງ​ນົນທະ​ບູ​ລີ ຟ້າວໄປຊ່ວຍເຫຼືອທັນທີ

ຈຸດເກີດເຫດພົບເຫັນລົດກະບະ ຍີ່ຫໍ້ ໂຕໂຢຕ້າ. Hilux Revo ສີດໍາ ໝາຍເລກທະບຽນ 8 ກ6764 ກຸງເທບ, ຢູ່ບໍລິເວນບ່ອນນັ່ງເບື້ອງຫລັງ ພົບເຫັນຜູ້ຍີງ 1 ຄົນ ຊື່ວ່າ ນາງ XEM ສັນຊາດລາວ ທີ່ເກີດລູກອອກມາເປັນເພດຊາຍ.ໂດຍມີຜູ້ເປັນຜົວ, ທ້າວ ພາກພູມ ອາຍຸ 22 ປີ ອາຊີບຮັບເໝົາທົ່ວໄປ, ຢູ່ໃນອາການດີໃຈ ແລະ ຕົກໃຈທີ່ເມຍເກີດລູກຢູ່ໃນລົດ. ພະນັກງານມູນນິທິ ອາສາສະມັກປໍເປັກຕຶ່ງ ຮີບຟ້າວນຳສົ່ງຄົບໄປໂຮງໝໍ ກົມຊົນລະປະທານ ປາກເກັດ.

ທ້າວ ພາກພູມ ບອກວ່າ: ແຟນຂອງລາວບອກວ່າເຈັບທ້ອງ, ເຈັບຫຼັງ ທົນບໍ່ໄດ້, ຈຶ່ງໄປຊື້ຢາພາຣາເຊຕາໂມນມາກິນໄດ້ 2-3 ຄຳ ແລະ ນໍ້າຄ້ຳກໍ່ແຕກຄາບ່ອນນອນເລີຍຂັໍບລົດອອກມາຮອດຖະໜົນທີ່ລ້ຽງເມືອງປາກເກັດ ເມຍບອກທົນບໍ່ໄຫວແລ້ວເກີດລູກຢູ່ໃນລົດ ພໍດີເຫັນເຈົ້າໜ້າທີ່ກູ້ໄພຈອດລົດຢູ່ ຈຶ່ງໄດ້ຂໍຄວາມຊ່ວຍເຫຼືອ, ຕ້ອງຂອບໃຈໜ່ວຍກູ້ໄພທີ່ຊ່ວຍນຳເມຍຕົນໄປສົ່ງໂຮງໝໍ.

ທ້າວ ພະຫັດ ໂຊກສົມລິດພົນ ອາຍຸ 22 ປີ ເຈົ້າໜ້າທີ່ອາສາສະໝັກກູ້ໄພປໍເຕັກຕຶ້ງ ກ່າວວ່າຕົນກຳລັງເຂົ້າປະຈຳການຢູ່ແລ້ວລົດກະບະກໍ່ຂັບເຂົ້າມາຂໍູວາມຊ່ວຍເຫຼືອ ໂດຍບອກວ່າ ເມຍຂອງລາວ ໃກ້ຈະເກີດລູກ. ແຕ່ເມື່ອເຈົ້າໜ໊າທີ່ມາຮອດ ເດັກນ້ອຍກໍ່ເກີດກ່ອນແລ້ວ ເດັກນ້ອຍມີຮ່າງກາຍແຂງແຮງດີ ຈຶ່ງໄດ້ຊ່ວຍນຳແມ່ ແລະ ເດັກໄປໂຮງໝໍ ກົມຊົນລະປະທານ ປາກເກັດ.

ສະແດງຄຳຄິດເຫັນ