ວັນທີ 15 ກັນຍາ 2023, ຫ້ອງການກະຊວງພະລັງງານ ແລະ ບໍ່ແຮ່ ໄດ້ອອກແຈ້ງການສະບັບເລກທີ 3630 ເພື່ອແຈ້ງເຖິງກົມ, ສະຖາບັນ ແລະ ພະແນກພະລັງງານ ແລະ ບໍ່ແຮ່ ຂັ້ນແຂວງ ທີ່ຂຶ້ນກັບກະຊວງພະລັງງານ ແລະ ບໍ່ແຮ່, ໃຫ້ໂຈະຊົ່ວຄາວ ການຄົ້ນຄວ້າພິຈາລະນາໂຄງການ ພັດທະນາພະລັງງານລົມ, ແສງຕາເວັນ, ເຂື່ອນປ້ຳນໍ້າສູບເກັບ (Pumped Storage Power) ແລະ Hydrogen ທີ່ສະເໜີມາໃນໄລຍະນີ້, ເພື່ອໃຫ້ກົມນະໂຍບາຍ ແລະ ແຜນພະລັງງານຮ່າງແຜນແມ່ບົດພະລັງງານໃຫ້ສໍາເລັດກ່ອນ.

ທັງນີ້ກໍເພື່ອເຮັດໃຫ້ການຈັດຕັ້ງປະຕິບັດແຜນພັດທະນາພະລັງງານໄຟຟ້າ ຢູ່ ສປປລາວ ມີການເຕີບໃຫຍ່, ຂະຫຍາຍຕົວຢ່າງໜັກແໜ້ນ ທັງຮັບປະກັນໃຫ້ດຳເນີນໄປຕາມແຜນພັດທະນາເສດຖະກິດ-ສັງຄົມຂອງປະເທດ.

ສະແດງຄຳຄິດເຫັນ