ມາຮູ້ຈັກວິທີປິ່ນປົວ ແລະ ອາການສະແດງທີ່ບົງບອກວ່າເປັນໄຂ້ຍຸງລາຍ
ພະຍາດໄຂ້ຍຸງລາຍ ເກີດຈາກເຊື້ອຈຸລະໂລກ ຫຼື ເຊື້ອໄວຣັສ ຕິດຕໍ່ໂດຍຍຸງລາຍ ຊຶ່ງມີອາການສະແດງໄຂ້ສູງຕະຫຼອດ 2-3 ວັນ, ເຈັບຫົວ, ປວດກະໂບງຕາ, ປວດກ້າມຊີ້ນ, ປວດຕາມຂໍ່ກະດູກ, ປວດຮາກ, ຜື່ນແດງຕາມຜິວໜັງ, ມີເລືອດອອກຕາມເຟັນແຂ້ວ ແລະ ຖ້າຮຸນແຮງຈະມີອາການຊ໋ອກ ໝົດສະຕິ ແລະ ອາດເສຍຊີວິດໄດ້. ອີງຕາມຂໍ້ມູນສູນຂ່າວສານການແພດສຸຂະສຶກສາ ໄດ້ແນະນໍາວ່າ: ການປິ່ນປົວພະຍາດໄຂ້ຍຸງລາຍ ຫຼື ໄຂ້ເລືອດອອກ ແມ່ນຕ້ອງໄດ້ປຶກສາທ່ານໝໍ, ພັກຜ່ອນໃຫ້ພຽງພໍ, ດື່ມນໍ້າຫຼາຍໆ ແລະ ກິນອາຫານທີ່ມີປະໂຫຍດ, ຖ້າມີໄຂ້ຂຶ້ນສູງກວ່າ 39 ອົງສາ ແມ່ນໃຫ້ກິນຢາປາຣາເຊຕາໂມນ ທຸກໆ 8 ຊົ່ວໂມງ ພ້ອມທັງໃຫ້ຮີບຮ້ອນໄປພົບແພດໝໍ ເພື່ອຈະໄດ້ຮັບການປິ່ນປົວ ຢ່າງທັນການ. ພ້ອມກັນນັ້ນ, ການປ້ອງກັນຕົນເອງຈາກຍຸງລາຍກັດ ແມ່ນຕ້ອງໄດ້ ທາຢາກັນຍຸງ, ທູບໄລ່ຍຸງ ແລະ ເຄື່ອງໄລ່ຍຸງແບບໃຊ້ໄຟຟ້າ,ໃສ່ຕາໜ່າງກັນຍຸງໃນປະຕູ ແລະ ປ່ອງຢ້ຽມ ແມ່ນສາມາດປ້ອງກັນຍຸງ ບໍ່ໃຫ້ເຂົ້າມາໃນເຮືອນໄດ້, ນອນໃນມຸ້ງຍ້ອມນໍ້າຢາກັນຍຸງ ທັງກາງເວັນ ແລະ ກາງຄືນ, […]
ມີພຣະພຸດທະຮູບທີ່ຂຸດຄົ້ນໄດ້ຢູ່ດອນເຜິ້ງຄໍາ ຈໍານວນ 154 ອົງທີ່ຂຶ້ນທະບຽນສໍາເລັດແລ້ວ
ພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງບໍ່ແກ້ວ ແລະ ຫ້ອງການ ຖວທ ເມືອງຕົ້ນເຜິ້ງໄດ້ຂຶ້ນທະບຽນພຣະພຸດທະຮູບທີ່ຂຸດຄົ້ນໄດ້ຢູ່ດອນເຜິ້ງຄໍາ ສໍາເລັດແລ້ວຈໍານວນ 154 ອົງ. ພຣະພຸດທະຮູບທີ່ຂຶ້ນທະບຽນສໍາເລັດນັ້ນແມ່ນໄດ້ ຜ່ານການຂຸດຄົ້ນເປັນເວລາ 12 ວັນ ເລີ່ມແຕ່ວັນທີ 16-28 ມີນາ 2024, ໃນນັ້ນມີທັງພຣະພຸດທະຮູບທີ່ສົມບູນ ແລະ ບໍ່ສົມບູນ ສ່ວນພຣະພຸດທະຮູບປາງລີລາ, ພຣະພຸດທະຮູບໃບໂພ ແລະ ຊິ້ນສ່ວນອື່ນໆທີ່ໄດ້ຈາກການຂຸດຄົ້ນ ແມ່ນຍັງບໍ່ໄດ້ຂຶ້ນທະບຽນເທື່ອ ສໍາລັບອົງທີ່ໄດ້ຂຶ້ນລະບຽນແລ້ວສ່ວນຫຼາຍແມ່ນມີລັກສະນະສິລະປະລາວລ້ານຊ້າງ. ສ່ວນລາຍລະອຽດຕ່າງໆຍັງຢູ່ໃນການສະຫຼຸບສັງລວມ ແລະ ທາງທີມງານຂຶ້ນທະບຽນຈະລາຍງານເປັນໄລຍະ. ຂ່າວ: ຄໍາເພັງ ສີສະຫວ່າງ
ລັດວິສາຫະກິດ ຖືຮຸ້ນລາວ ສ້າງລາຍຮັບກວ່າ 50,51 ລ້ານໂດລາ ຈາກ 4 ໂຄງການ ຜະລິດພະລັງງານໄຟຟ້າ
ໃນປີ 2023 ລັດວິສາຫະກິດ ຖືຮຸ້ນລາວ ສ້າງລາຍຮັບກວ່າ 50,51 ລ້ານໂດລາ ຈາກການຖືຮຸ້ນ 4 ໂຄງການ ຜະລິດພະລັງງານໄຟຟ້າ, ມີຜົນກໍາໄລທາງການບັນຊີ 21,86 ລ້ານໂດລາ,ໄດ້ຊຳລະຕົ້ນທຶນ-ດອກເບັ້ຍໃຫ້ກະຊວງການເງິນ ແລະ ທະນາຄານທຸລະກິດພາຍໃນປະເທດຕາມສັນຍາ ແລະ ປະຕິບັດພັນທະອາກອນ 5,51 ລ້ານໂດລາສະຫະລັດ. ໃນວັນທີ 26 ມີນາ 2024 ນີ້, ທີ່ຫໍປະຊຸມແຫ່ງຊາດ ລັດວິສາຫະກິດຖືຮຸ້ນລາວ ຫຼື ລຮລ, ໄດ້ຈັດກອງປະຊຸມສະຫຼຸບວຽກງານ ປະຈໍາປີ 2023 ແລະ ທິດທາງແຜນການປີ 2024, ໂດຍການເປັນປະທານຂອງທ່ານ ຈັນທະບູນ ສຸກອາລຸນ ຮອງລັດຖະມົນຕີກະຊວງພະລັງງານ ແລະ ບໍ່ແຮ່; ມີທ່ານ ມານະສິນ ວົງໄຊ ຜູ້ອໍານວຍການລັດວິສາຫະກິດຖືຮຸ້ນລາວ ແລະ ບັນດາກົມກອງ ທີ່ກ່ຽວຂ້ອງເຂົ້າຮ່ວມ. ໂດຍໃນ 4 ໂຄງການທີ່ລັດວິສາຫະກິດຖືຮຸ້ນລາວຮ່ວມຖືຮຸ້ນໃນປັດຈຸບັນສາມາດຜະລິດພະລັງງານໄຟຟ້າໄດ້ທັງໝົດ 19.688 ລ້ານກິໂລວັດໂມງ(kWh) ໃນນັ້ນ, ໂຄງການໄຟຟ້ານໍ້າເທີນ […]
ມອບ-ຮັບສັນຍາເງິນກູ້ ນະໂຍບາຍ ສິນເຊື່ອກະຈາຍແຫຼ່ງທຶນສູ່ທ້ອງຖິ່ນ
ສາຂາທະນາຄານ ແຫ່ງ ສປປ ລາວ ພາກເໜືອແຂວງອຸດົມໄຊ ແລະ ທະນາຄານພັດທະນາລາວ ຈໍາກັດ ສາຂາ ແຂວງຜົ້ງສາລີ ໄດ້ຈັດພິທີມອບ-ຮັບສັນຍາເງິນກູ້ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຂື້ນໃນວັນທີ 26 ມີນາ 2024 ຜ່ານມານີ້, ໂດຍຮັບກຽດເປັນປະທານຂອງ ທ່ານ ຄໍາເຫຼັກ ແສນທະພູມ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງຜົ້ງສາລີ, ມີຄະນະຮັບຜິດຊອບຈັດຕັ້ງປະຕິບັດ ນະໂຍບາຍສິນເຊື່ອເພື່ອກະຈາຍແຫຼ່ງທຶນສູ່ທ້ອງຖິ່ນ ແລະ ພາກສ່ວນກ່ຽວຂ້ອງເຂົ້າຮ່ວມ. ໃນພິທີ ທ່ານ ແອ ສ້ອຍສຸວັນ ຕາງໜ້າສາຂາທະນາຄານແຫ່ງ ສປປ ລາວ ພາກເໜືອ ແຂວງອຸດົມໄຊ ໄດ້ກ່າວວ່າ: ພາຍຫຼັງໄດ້ຮັບສຳນວນເງິນກູ້ ຂອງຫົວໜ່ວຍທຸລະກິດທີ່ສະເໜີຂໍແຫຼ່ງທຶນນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຜ່ານທະນາຄານພັດທະນາລາວ ຈຳກັດ ຈຳນວນ 1 ຫົວໜ່ວຍ ຊື່ວິສາຫະກິດສ່ວນບຸກຄົນ ສຸກຈະເລີນ ຟາມລ້ຽງໄກ່ຄົບວົງຈອນ, ທີ່ໃນວົງເງິນ 2,5 ຕື້ກີບ ເຊິ່ງເປົ້າໝາຍນໍາໃຊ້ເງິນກູ້ທຶນໝູນວຽນຊື້ໄກ່ພັນໄຂ່ ແລະ […]
ແຈ້ງປັບລາຄານ້ຳມັນລົງ 14/03/2024
ກະຊວງອຸດສາຫະກຳ ແລະ ການຄ້າໄດ້ປັບລົງລາຄານ້ຳມັນແອັດຊັງພິເສດ ແລະ ກາຊວນ, ສ່ວນລາຄານ້ຳມັນແອັດຊັງທໍາມະດາ ຍັງລາຄາເກົ່າ, ເລີ່ມປະຕິບັດ ມື້ອື່ນ ນັບແຕ່ເວລາ 06:00 ໂມງ.
ພົບລະເບີດຈໍານວນຫຼາຍຢູ່ສວນປູກມັນຕົ້ນທີ່ເມືອງສະໜາມໄຊ ແຂວງອັດຕະປື
ປະຊາຊົນ ໄດ້ບຸກເບີກດິນ ຫຼື ດຸດສວນເພື່ອປູກມັນຕົ້ນ ເມື່ອວັນທີ 11 ມີນາ 2024 ທີ່ຜ່ານມາ ຢູ່ເຂດບ້ານອຸດົມສຸກ ເມືອງສະໜາມໄຊ ແຂວງອັດຕະປື ແລະ ໄດ້ພົບລະເບີດຈໍານວນຫຼາຍທີ່ຕົກຄ້າງສະໄໝສົງຄາມ ຊຶ່ງປັດຈຸບັນຊ່ຽວຊານສະເພາະດ້ານໄດ້ລົງເກັບກູ້ໄວ້ໝົດແລ້ວເພື່ອກຽມທໍາລາຍໃນໄລຍະຕໍ່ໄປ. ປະເທດລາວເກືອບທົ່ວທຸກແຂວງໄດ້ມີລະເບີດຕົກຄ້າງໃນສະໄໝສົງຄາມ, ໃນສະໄໝສົງຄາມລະຫວ່າງປີ 1964-1973, ສັດຕູໄດ້ຂົນລະເບີດຖິ້ມໃສ່ແຜ່ນດິນປະເທດລາວປະມານ 580.000 ຖ້ຽວ ບັນຈຸລູກລະເບີດເກືອບ 3 ລ້ານໂຕນ ແລະ ຄາດຄະເນວ່າມີລະເບີດລູກຫວ່ານຢູ່ 270 ລ້ານໜ່ວຍຊຶ່ງປະກອບມີຫຼາຍຊະນິດ. ໃນນັ້ນ, ຍັງມີລູກລະເບີດປະມານ 30% ບໍ່ທັນແຕກ, ໃນນັ້ນມີລະເບີດລູກຫວ່ານປະມານ 80 ລ້ານໜ່ວຍ ເຊິ່ງແຂວງທີ່ມີລູກລະເບີດຫຼາຍກວ່າໝູ່ແມ່ນແຂວງ ຊຽງຂວາງ ແລະ ສະຫວັນນະເຂດ, ສາລະວັນ ຕາມລໍາດັບ. ຂໍ້ມູນ: ຫຄຊກລ
ລາວ-ອົດສະຕຣາລີ ລົງນາມເຊັນສັນຍາ ຂຶ້ນເປັນຄູ່ຮ່ວມມືຮອບດ້ານ
ທ່ານ ສອນໄຊ ສິພັນດອນ ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ທ່ານ ແອນໂທນີ ອານບານີຊີ (Anthony Albanese) ນາຍົກລັດຖະມົນຕີ ແຫ່ງ ອົດສະຕຣາລີ ໄດ້ລົງນາມເຊັນສັນຍາ ຍົກລະດັບສາຍພົວພັນ ລະຫວ່າງ ອົດສະຕຣາລີ ແລະ ລາວ ໃຫ້ເປັນ ຄູ່ຮ່ວມມືຮອບດ້ານ. ການລົງນາມດັ່ງກ່າວ ມີຂຶ້ນ ໃນໂອກາດ ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ເດີນທາງຢ້ຽມຢາມ ອົດສະຕຣາລີ ຢ່າງເປັນທາງການ, ໃນລະຫວ່າງວັນທີ 4-7 ມີນາ 2024. ທ່ານນາຍົກລັດຖະມົນຕີ ແອນໂທນີ ອານບານີຊີ ກ່າວວ່າ: “ການພົວພັນຄູ່ຮ່ວມມືຮອບດ້ານອັນສຳຄັນນີ້ສະແດງໃຫ້ເຫັນເຖິງຄຳໝັ້ນສັນຍາຂອງພວກເຮົາທີ່ຈະນຳເອົາອົດສະຕຣາລີ ແລະ ສປປ ລາວ ເຂົ້າໃກ້ກັນໃຫ້ຫຼາຍຂຶ້ນກວ່າເກົ່າ”. ທ່ານ ແອນໂທນີ ອານບາຊີນີ […]
ສະຫວັນນະເຂດກໍານົດເອົາທາດອີງຮັງ-ຕິບເຂົ້າ-ປີ້ງໄກ່-ຊີ້ນສະຫວັນເປັນສັນຍາລັກປີທ່ອງທ່ຽວລາວ 2024
ອົງການປົກຄອງແຂວງສະຫວັນນະເຂດໄດ້ຈັດພິທີເປີດປີທ່ອງທ່ຽວລາວ 2024 ຂອງແຂວງເມື່ອມໍ່ໆມານີ້ ທີ່ເທດສະບານຕົວເມືອງເກົ່ານະຄອນໄກສອນພົມວິຫານໂດຍໄດ້ກຳນົດເອົາທາດອີງຮັງ-ຕິບເຂົ້າ-ປີ້ງໄກ່-ຊີ້ນສະຫວັນ-ມີຮູບນັກທ່ອງທ່ຽວ ເປັນສັນຍາລັກໂດຍການເຂົ້າຮ່ວມຂອງທ່ານ ບຸນທອງ ຈິດມະນີ ຮອງປະທານປະເທດ, ທ່ານນາງສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ທ່ານ ບຸນໂຈມ ອຸບົນປະເສີດເຈົ້າແຂວງສະຫວັນນະເຂດ. ປີທ່ອງທ່ຽວລາວ 2024 ທີ່ແຂວງສະຫວັນນະເຂດ ໄດ້ກໍານົດເອົາ 26 ກິດຈະກໍາ ໃນນັ້ນ ມີ 2 ກິດຈະກໍາລະດັບຊາດ, ມີ 09 ກິດຈະກໍາລະດັບແຂວງ ແລະ 15 ກິດຈະກໍາລະດັບເມືອງ-ນະຄອນ. ສະເພາະກິດຈະກໍາໃນໂອກາດເປີດງານໃນຄັ້ງນີ້ ໄດ້ມີການສະແດງສິລະປະ-ວັນນະຄະດີ, ການສະແດງກ້ອນກໍາລັງສວນສະໜາມຕົວແທນຂອງພະແນກການ, ເມືອງ-ນະຄອນ, ຊັ້ນຄົນຕ່າງໆ ລວມທັງໝົດ 1.058 ຄົນ ແລະ ອື່ນໆ. ພາຍໃນງານຍັງຈະມີການປະກວດຟ້ອນກອງຕຸ້ມ-ກອງຫາງພື້ນບ້ານ, ການປະກວດ-ແຂ່ງຂັນເປົ່າແຄນ, ການສະແດງ ລົງຄວ້າງເຂັນຝ້າຍວິຖີຊີວິດຂອງຊົນເຜົ່າຜູ້ໄທ,ການປະກວດ-ແຂ່ງຂັນເທສະການອາຫານພື້ນບ້ານ,ຖະໜົນຄົນຍ່າງເພື່ອຈໍາໜ່າຍ-ບໍລິການອາຫານ, ງານຕະຫຼາດນັດວາງສະແດງຈໍາໜ່າຍສິນຄ້າ, ການສະແດງສິລະປະ ແລະ ວັດທະນະທໍາຈາກພາກສ່ວນຕ່າງໆໃນແຕ່ລະຄໍ່າຄືນ ແລະ ການໃສ່ບາດພຣະສົງ 108 ອົງ. […]
ຈັບໄວໜຸ່ມ 13 ຄົນ ພ້ອມຂອງກາງໃບກະທ້ອມ ແລະ ນໍ້າຢາດາທິດຊິນ
ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຄຳມ່ວນໄດ້ຈັບກຸ່ມແກ້ງໄວລຸ້ນ 13 ຄົນ ທີ່ເຄື່ອນໄຫວມົ້ວສຸມ ແລະ ຄ້າ-ຂາຍ ພຶດອອກລິດຕໍ່ຈິດປະສາດ (ໃບກະທ້ອມ) ເມື່ອມໍ່ໆມານີ້ ຢູ່ເຂດບ້ານ ວຽງວິໄລ ເມືອງທ່າແຂກ ແຂວງຄຳມ່ວນ ພ້ອມຂອງກາງໃບກະທ້ອມ 44 ກິໂລກຣາມ ແລະ ນໍ້າຢາດາທິດຊິນ ຈຳນວນ 514 ແກ້ວ. ແຫຼ່ງຂໍ້ມູນ: ຄວາມສະຫງົບແຂວງຄຳມ່ວນ
ປກສ ເມືອງຫົງສາ ຢຶດຢາໄອໄດ້ຫຼາຍກວ່າ 1.000 ກິໂລ
ເຈົ້າໜ້າທີ່ກອງບັນຊາການ ປກສ ເມືອງຫົງສາ ແຂວງໄຊຍະບູລີ ໄດ້ກັກຕົວເປົ້າໝາຍຄ້າຂາຍຢາເສບຕິດ 1 ຄົນ ເມື່ອມໍ່ໆມານີ້ ຊື່ ທ້າວ ເນັງ ຢາ ອາຍຸ 36 ປີ ປະຊາຊົນ ຢູ່ບ້ານເລົາຫຼວງ ເມືອງຫ້ວຍຊາຍ ແຂວງບໍ່ແກ້ວພ້ອມຂອງກາງ ເປັນຢາເສບຕິດປະເພດຢາໄອ KKK-1000 ຈຳນວນ 33 ເປົາ ນໍ້າໜັກລວມ 1.033 ກິໂລກຣາມ, ລົດຈິບ ຍີ່ຫໍ້ ອີຊູຊູ ໝາຍເລກທະບຽນ ບໍ່ແກ້ວ 4490 ຈຳນວນ 1 ຄັນ, ປຶນສັ້ນ 1 ກະບອກ ພ້ອມລູກປືນ 19 ລູກ, ໂຟນີ 1 ເຄື່ອງ, ມີດ 1 ດວງ ແລະ ອື່ນໆ. ປັດຈຸບັນນີ້ຄະດີດັ່ງກ່າວຍັງຢູ່ໃນຂັ້ນຕອນການສືບສວນ ສອບສວນຂອງເຈົ້າໜ້າທີ່ ເພື່ອຊອກຫາແຫຼ່ງທີ່ມາຂອງຢາໄອ ແລະ ຜູ້ຮ່ວມຂະບວນການ. […]