ມອບລົດຈັກ 10 ຄັນ ທີ່ຖືກຄົນຮ້າຍລັກໄປສົ່ງຄືນໃຫ້ເຈົ້າຂອງເດີມ
ພັທ ອິນປັນ ຫາດາວເຮືອງ ຮອງຫົວໜ້າກອງບັນຊາການເມືອງສີສັດຕະນາກ ນະຄອນຫຼວງວຽງຈັນ ພ້ອມດ້ວຍພະນັກງານທີ່ກ່ຽວຂ້ອງໄດ້ມອບລົດຈັກ 10 ຄັນ ທີ່ເກັບກູ້ຄືນມາໄດ້ຈາກຄົນຮ້າຍລັກໄປ ສົ່ງຄືນໃຫ້ເຈົ້າຂອງເດີມ. ໃນວັນທີ 21 ມິຖຸນາ 2023 ຢູ່ທີ່ຄ້າຍຄຸມຂັງຊົ່ວຄາວ ປກສ ເມືອງສີສັດຕະນາກ ເຊິ່ງຕາງໜ້າກ່າວຮັບໂດຍ ທ່ານ ນາງ ສຸຄະວິນັດ ທີ່ເປັນເຈົ້າຂອງລົດໜຶ່ງໃນຈຳນວນ 10 ຄັນທີ່ມອບໃນຄັ້ງນີ້ ແລະ ມີອີກ 8 ຄົນທີ່ເປັນເຈົ້າຂອງ ເຂົ້າມາຮັບລົດຄືນ ແລະ ລົດຈັກຄັນທີ 10 ແມ່ນກຳລັງປະສານຫາເຈົ້າຂອງລົດໃຫ້ມາຮັບເອົາ ເປັນລົດຈັກເວບ100 ບໍ່ມີປ້າຍທະບຽນ, ເລກຈັກ SA5E2008226 ເລກຖັງ PR2SA1500SC008226. ພັທ ອິນປັນ ຫາດາວເຮືອງ ໄດ້ແຈ້ງໃຫ້ຮູ້ວ່າລົດຈັກທີ່ມາມອບໃນຄັ້ງນີ້ ,ເຈົ້າໜ້າທີ່ ປກສ ເມືອງສີສັດຕະນາກແມ່ນສາມາດນຳເກັບກູ້ຄືນມາໄດ້ໃນວັນທີ 2 ພຶດສະພາ 2023 ຈຳນວນ 1 ຄັນ, ພ້ອມກັບຕົວຜູ້ຖືກຫາ 2 ຄົນຊື່ […]
ດວງລາຍວັນປະຈໍາວັນອາທິດ ທີ 25 ມິຖຸນາ 2023
ຄົນເກີດວັນອາທິດ:ການງານພົບອຸປະສັກທາງດ້ານການງານແຕ່ກໍສາມາດແກ້ໄຂບັນຫາໄດ້ວ່ອງໄວ ການເງິນມີໂຊກຈະໄດ້ເງິນເຂົ້າມາແບບງ່າຍດາຍ ຄວາມຮັກມີໂອກາດທີ່ຄົນຮັກເກົ່າຢາກກັບມາຂໍຄືນດີ ເຄື່ອງມຸງຄຸນຫີນນໍາໂຊກສີແດງ ສີມຸງຄຸນສີສົ້ມ ເລກນຳໂຊກ6 ຄົນເກີດວັນຈັນ:ການງານເຮັດທຸລະກິດດ້ານວົງການບັນເທິງຈະປະສົບຜົນດີີ ການເງິນມີໂອກາດໄດ້ຮັບໂຊກທາງດ້ານຊັບສິນ ຄວາມຮັກບໍ່ລົງຕົວໃນເລື່ອງຄວາມສຳພັນ ຂອງຄວາມຮັກ ເຄື່ອງມຸງຄຸນແຫວນຄໍາ ສີມຸງຄຸນສີເຫຼືອງ ເລກນຳໂຊກ2 ຄົນເກີດວັນອັງຄານ: ການງານຈະພົບອຸປະສັກແຕ່ໂຊກດີທີ່ມີບໍລິວານຄອຍຖ້າຊ່ວຍເຫລືອ ການເງິນໃນມື້ນີ້ມີໂຊກຈະໄດ້ເງິນ ແຕ່ໃຫ້ລະວັງດ້ານລາຍຈ່າຍ ຄວາມຮັກຄວາມສຳພັນມີໂອກາດໄດ້ເລິກລາກັນໄປ ອາດເປັນຍ້ອນນິໄສແຕກຕ່າງກັນເກີນໄປ ເຄື່ອງມຸງຄຸນ ໄຂ່ມຸກ ສີມຸງຄຸນສີນໍ້າຕານ ເລກນຳໂຊກ3 ຄົນເກີດວັນພຸດ:ການງານຈະພົບອຸປະສັກດ້ານການງານ ວຽກຈະຫຼາຍກວ່າປົກກະຕິ ເພາະຢູ່ໃນຊ່ວງທົນລອງວຽກ ການເງິນຈະມີຄົນເຂົ້າມາລົບກວນຢືມເງິນ ແຕ່ກໍຄວນເບິ່ງສະຖານະການໃຫ້ດີ ຄວາມຮັກລະວັງຄວາມໃຈຮ້ອນເຮັດໃຫ້ເກີດຄວາມຂັດແຍ້ງ ເຄື່ອງມຸງຄຸນຄໍາ ສີມຸງຄຸນສີດໍາ ເລກນຳໂຊກ2 ຄົນເກີດວັນພະຫັດ:ການງານເຮັດທຸລະກິດດ້ານການຂາຍອາຫານເພື່ອສຸກຂະພາບຊ່ວງນີ້ຈະໄດ້ຜົນກຳໄລດີ ການເງິນຈະໄດ້ໂຊກຈາກຄົນຮັກ ເພາະຊ່ວງນີ້ຢູ່ໃນເກນຄົນຮັກຕາມໃຈ ຄວາມຮັກເກີດຄວາມສຸກ ຄວາມພຶງພໍໃຈ ເພາະທ່ານທັງສອງຢູ່ໃນຊ່ວງເປີດໃຈລົມກັນທຸກເລື່ອງ ເຄື່ອງມຸງຄຸນ ແຫວນຄໍາ ສີມຸງຄຸນສີແດງ ເລກນຳໂຊກ1 ຄົນເກີດວັນສຸກ:ການງານຊ່ວງນີ້ຈະເມື່ອຍຫລາຍເປັນພິເສດໃນການທີ່ຈະແກ້ໄຂບັນຫາສະເພາະໜ້າ ການເງິນຈະພົບເລື່ອງເສຍເງິນແບບບໍ່ຄາດຝັນ ຄວາມຮັກມີໂອກາດພົບຮັກ ເກີດຄວາມສຸກສະບາຍໃຈ ເຄື່ອງມຸງຄຸນຄໍາຝຣັ່ງ ສີມຸງຄຸນສີເທົາ ເລກນຳໂຊກ2 ຄົນເກີດວັນເສົາ:ການງານ ເຮັດທຸລະກິດປະສົບຜົນສຳເລັດ ແຕ່ທ່ານກໍຕ້ອງໝັ່ນໃຈກັບສິ່ງທີ່ກໍາລັງເຮັດຢູ່ ການເງິນຈະຕັດສິນໃຈໃນການໃຊ້ເງິນຕົກແຕ່ງທີ່ຢູ່ອາໄສ ຄວາມຮັກປະຕິເສດເລື່ອງຂອງຄວາມຮັກ ຊ່ວງນີ້ບໍ່ມີເວລາໃຫ້ຄົນຮັກເລີຍ […]
ເກີດແຜ່ນດິນໄຫວ 1 ຄັ້ງ ຢູ່ເມືອງ ລອງ ແຂວງຫລວງນ້ຳທາ ດ້ວຍແຮງສັ່ນ ສະເທືອນ 2,8 ຣິກເຕີ
ລາຍງານຈາກສູນຂ່າວສານແຜ່ນດິນໄຫວແຫ່ງຊາດວ່າ: ວັນທີ 22 ມິຖຸນາ 2023 ເວລາ 23:53 ໂມງ ໄດ້ພົບສັນຍານການເກີດແຜ່ນດິນໄຫວ 1 ຄັ້ງໃນບໍລິເວນ ແຂວງຫລວງນໍ້າທາ ຈຸດສູນ ກາງເສັ້ນຂະໜານທີ 20.717 ອົງສາເໜືອ ແລະ ເສັ້ນແວງທີ 100.795 ອົງສາຕາເວັນອອກ ຄວາມແຮງສັ່ນສະເທືອນວັດແທກໄດ້ 2,8 ຣິກເຕີ, ເຊິ່ງມີຄວາມເລິກຈາກເທິງໜ້າດິນປະມານ 4 ກິໂລແມັດ ຈຸດສູນກາງເກີດແຜ່ນດິນໄຫວຢູ່ທີ່ບໍລິເວນ ເມືອງລອງ ແຂວງຫລວງນໍ້າທາ ຫ່າງຈາກເທດສະບານເມືອງລອງ ປະມານ 27 ກິໂລແມັດ. ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.
ລາວ-ຈີນ ເປີດໂຄງການຜ່າຕັດໃຫ້ເດັກນ້ອຍທີ່ເປັນພະຍາດຫົວໃຈໂດຍບໍ່ເສຍຄ່າ
ພິທີເປີດໂຄງການ ຜ່າຕັດໃຫ້ເດັກນ້ອຍ ທີ່ເປັນພະຍາດຫົວໃຈ ໂດຍບໍ່ເສຍຄ່າ ໄດ້ຈັດຂຶ້ນເມື່ອວັນທີ 20 ມິຖຸນາ 2023, ຢູ່ໂຮງໝໍມະໂຫສົດ ນະຄອນຫຼວງວຽງຈັນ ພາຍໃຕ້ການເປັນປະທານຮ່ວມຂອງທ່ານບຸນແຝງພູມມະໄລສິດ ລັດຖະມົນຕີກະຊວງສາທາລະນະສຸກ ແລະ ທ່ານ ຈ້າວ ເຫວິນຢູ ທີ່ປຶກສາດ້ານເສດຖະກິດ-ການຄ້າ ສະຖານທູດສປ ຈີນ ປະຈໍາສປປ ລາວ, ໂດຍມີທ່ານ ຊູຊາດ ວົງພະຈັນ ຜູ້ອໍານວຍການໂຮງໝໍມະໂຫສົດ, ທ່ານ ຟ້ານ ຊຽງປິ່ງ ຮອງຜູ້ອໍານວຍການໂຮງໝໍຟູວ້າຍ ແຂວງຢຸນນານ ສປ ຈີນ ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍ ລາວ-ຈີນ ເຂົ້າຮ່ວມ. ໃນໂອກາດນີ້, ທ່ານ ຊູຊາດ ວົງພະຈັນ ໄດ້ກ່າວຄວາມເປັນມາຂອງໂຄງການວ່າ: ໂຄງການດັ່ງກ່າວ ໄດ້ເລີ່ມແຕ່ປີ 2019 ແຕ່ຍ້ອນການແຜ່ລະບາດຂອງພະຍາດໂຄວິດ-19 ຈຶ່ງເຮັດໃຫ້ໂຄງການດັ່ງກ່າວໄດ້ຢຸດຊົ່ວຄາວ, ພາຍຫຼັງສະພາບໂຄວິດ-19 ສະຫງົບລົງ, ທີມແພດຊ່ຽວຊານຈີນ ໄດ້ກໍຮີບຮ້ອນເດີນທາງມາລາວຮ່ວມກັບທີມແພດລາວສືບຕໍ່ຈັດຕັ້ງປະຕິບັດໂຄງການຢູ່ແຂວງຫຼວງພະບາງ, ອຸດົມໄຊ ແລະ ໂຮງໝໍມະໂຫສົດ. ໃນມື້ພິທີເປີດໄດ້ດໍາເນີນການຜ່າຕັດເດັກນ້ອຍທີ່ເປັນພະຍາດຫົວໃຈແຕ່ກໍາເນີດ 4 ຄົນ […]
ດວງລາຍວັນປະຈໍາວັນສຸກ ທີ 23 ມິຖຸນາ 2023
ຄົນເກີດວັນອາທິດ:ການງານການເຈລະຈາຕໍ່ລອງທາງທຸລະກິດໄດ້ຮັບຜົນປະໂຫຍດທີ່ດີ ການເງິນມີເຫດເຮັດໃຫ້ເສຍເງິນໃນການໃຊ້ຈ່າຍຫຼາຍກວ່າປົກກະຕິ ຄວາມຮັກຕ້ອງໃຊ້ເວລາເບິ່ງໃຈກັນຕໍ່ໄປທຸກຢ່າງທີ່ຕັ້ງເປົ້າໝາຍຍັງບໍ່ລົງຕົວ ເຄື່ອງມຸງຄຸນໄຂ່ມຸກ ສີມຸງຄຸນສີດໍາ ເລກນຳໂຊກ9 ຄົນເກີດວັນຈັນ:ການງານເຮັດທຸລະກິດປະສົບຄວາມສຳເລັດໄດ້ຜົນກຳໄລດີ ການເງິນພົບເລື່ອງໃຊ້ຈ່າຍແບບບໍ່ຄາດຝັນ ຄວາມຮັກ ມີໂອກາດພົບຄົນຜິວສອງສີ ອາດເຂົ້າໃນຖານະໝູ່ເພື່ອນກ່ອນ ເຄື່ອງມຸງຄຸນແຫວນຄໍາ ສີມຸງຄຸນສີນໍ້າຕານ ເລກນຳໂຊກ6 ຄົນເກີດວັນອັງຄານ:ການງານ ປະສົບຄວາມສຳເລັດໃນການສ້າງຜົນງານ ການເງິນໄດ້ເງິນເຂົ້າມາດ້ວຍຄວາມສາມາດພິເສດໂດຍທີ່ບໍ່ແມ່ນໜ້າວຽກດຽວ ຄວາມຮັກໄດ້ພົບຮັກກັບຄົນດີ ແຕ່ລາວອາດເປັນຄົນທີ່ມີອາລົມຮ້ອນ ເຄື່ອງມຸງຄຸນ ຄໍາຝຣັ່ງ ສີມຸງຄຸນສີດໍາ ເລກນຳໂຊກ7 ຄົນເກີດວັນພຸດ:ການງານສາມາດສ້າງຜົນງານໄດ້ໂດດເດັ່ນ ເພາະມີເພື່ອນຮ່ວມງານທີ່ດີ ການເງິນມີອິດສະຫລະໃນການໃຊ້ຈ່າຍເປັນໄລຍະທີ່ມີລາຍຈ່າຍເລືອກໃຊ້ ຄວາມຮັກໄດ້ພົບຮັກກັບຄົນອາຍຸນ້ອຍກວ່າ ເຄື່ອງມຸງຄຸນຫິນນໍາໂຊກສີແດງ ສີມຸງຄຸນສີບົວ ເລກນຳໂຊກ0 ຄົນເກີດວັນພະຫັດ:ການງານ ເຮັດທຸລະກິດຈະການຄ້າໄດ້ຜົນກຳໄລເພີ່ມຂຶ້ນ ການເງິນໄດ້ຮັບໂຊກຈາກເພດກົງກັນຂ້າມ ຄວາມຮັກຄວາມຫ່າງເຫີນເຮັດໃຫ້ຄວາມສຳພັນບໍ່ສົມຫວັງ ເຄື່ອງມຸງຄຸນຄໍາ ສີມຸງຄຸນສີເທົາ ເລກນຳໂຊກ5 ຄົນເກີດວັນສຸກ:ການງານເຮັດອາຊີບໃນວົງການບັນເທິງຈະປະສົບຄວາມສຳເລັດ ການເງິນໄລຍະນີ້ທ່ານໃຊ້ເງິນເກີນລາຍຮັບຕ້ອງຄວບຄຸມການໃຊ້ເງິນໃຫ້ຫຼາຍ ຄວາມຮັກຈະມີຂ່າວດີໃນເລື່ອງຄວາມຮັກ ອາດເປັນສິ່ງທີ່ເຮັດໃຫ້ທ່ານຕື່ນເຕັ້ນ ເຄື່ອງມຸງຄຸນເງິນ ສີມຸງຄຸນສີບົວອ່ອນ ເລກນຳໂຊກ4 ຄົນເກີດວັນເສົາ:ການງານພົບອຸປະສັກໃນການສ້າງຜົນງານ ການເງິນພົບເລື່ອງເສຍເງິນກັບການຊື້ສິ່ງຂອງເຂົ້າມາ ຄວາມຮັກລະວັງຈະເກີດການປະທະຄາລົມກັບຄົນຮັກ ເຄື່ອງມຸງຄຸນໄຂ່ມຸກ ສີມຸງຄຸນສີແດງ ເລກນຳໂຊກ5
ເປັນໂລກຊຶມເສົ້າ ຍ້ອນທຸກ ເມຍໜີປະ ຈຶ່ງຕັດສິນໃຈຈົບຊີວິດຕົນເອງ
ທ່ານ ຮທ ອາຊື ຊອງແມະ ຮອງຫົວໜ້າໜ່ວຍງານຄະດີອາຍາ ປກສ ເມືອງລອງ ແຂວງຫຼວງນໍ້າທາ ໃຫ້ຮູ້ວ່າ: ເວລາປະມານ 9 ໂມງເຊົ້າຂອງວັນທີ 15 ມິຖຸນາ 2023 ໄດ້ຮັບແຈ້ງຄວາມຈາກພົນລະເມືອງດີກໍລະນີ ມີເຫດຄົນເສຍຊິວິດ ຢູ່ເຂດບ້ານຫ້ວຍໝໍ້ ເມືອງລອງ ເເຂວງຫຼວງນໍ້າທາ ຈຶ່ງໄດ້ລົງພື້ນທີ່ກວດກາສະຖານທີ່ເກີດເຫດພົບຜູ້ເສຍຊີວິດ 1 ຄົນ ຊື່ທ້າວ ຈໍໂຕ ອາຍຸ 48 ປີ ປະຊາຊົນບ້ານ ຫ້ວຍໝໍ້. ເບື້ອງຕົ້ນ ພົບເຫັນຮ່ອງຮອຍລູກປືນແກັບຍິງເຂົ້າ ບໍລິເວນໜ້າເອິກ ຊອດອອກສັນຫຼັງ 1 ຮູ, ນອນເສຍຊິວິດຢູ່ພາຍໃນເຮືອນຂອງຜູ້ກ່ຽວ ນອກນັ້ນຍັງພົບເຫັນປືນແກັບ 1 ກະບອກຍາວປະມານ 1,40 ຊັງຕີແມັດ. ຜ່ານການເກັບກໍາຂໍ້ມູນ ແລະ ເອົາຄໍາໃຫ້ການຈາກຍາດຕິພີ່ນ້ອງຂອງ ທ້າວ ຈໍໂຕ ພົບວ່າຜູ້ກ່ຽວເກີດມີແນວຄິດຊຶມເສົ້າ ຍ້ອນຄວາມທຸກຍາກ, ເມຍກໍ່ໜີປະຍ້ອນວ່າ ໄລຍະທີ່ຜ່ານມາຜູ້ກ່ຽວເສບຢາບ້າ ແລະ ຖືກເຈົ້າໜ້າທີ່ກັກຕົວໄປດັດສ້າງ ແລ້ວ 2 […]
ເຈົ້າໜ້າທີ່ແຂວງສາລະວັນ ກວດຈັບຢາເສບຕິດທີ່ຝາກມານຳລົດເມ
ເຈົ້າໜ້າທີ່ ຈະລາຈອນ ປກສ ແຂວງສາລະວັນ ປະຈຳປ້ອມຖ້ຳພວງ ສາມາດກວດຈັບຢາເສບຕິດທີ່ຝາກມານຳລົດເມ ລົງແຂວງພາກໃຕ້ ໄດ້ເຖິງ 3 ລາຍ ໃນເດືອນ ມິຖຸນາ 2023. ໃນຄັ້ງວັນທີ 8 ມິຖຸນາ 2023 ຈະລາຈອນ ປກສ ແຂວງສາລະວັນ ໄດ້ກັກໂຕ ທ້າວ ອຳນວຍ ອາຍຸ 48 ປີ, ບ້ານງິ້ວ, ເມືອງຊະນະສົມບູນ, ແຂວງຈໍາປາສັກ ຢາບ້າ 5 ມັດພ້ອມລົດຈັກ 1 ຄັນ, ເຊີ່ງຜູ້ກ່ຽວແມ່ນເອົາລົດຈັກໃສ່ລົດເມ ມາແຕ່ເມືອງຄໍາເກີດ ( ຫຼັກ20 ) ແລະ ໃນເວລາດຽວກັນ ຍັງໄດ້ກວດລົດຈັກທີ່ໄດ້ເຊື່ອງໄວ້ຢູ່ພາຍໃນລົດເມ ພົບເຫັນຢາບ້າ ອີກຈຳນວນ 7 ແພັກ ຕິດມາໃນລົດເມຄັນດຽວກັນ ຈາກນັ້ນໄດ້ສອບສວນຜູ້ຂັບລົດເມຈຶ່ງໄດ້ຮູ້ວ່າຢາບ້າຈໍານວນດັ່ງກ່າວເປັນຂອງທ້າວແດງ ອາຍຸ 20 ປີ,ບ້ານກອງຄຳ, ເມືອງປາກກະດິງ ແຂວງບໍລິຄຳໄຊ . ຕໍ່ມາ […]
ດວງລາຍວັນປະຈໍາວັນພະຫັດ ທີ 22 ມິຖຸນາ 2023
ຄົນເກີດວັນອາທິດ:ການງານໃຊ້ຄວາມສະຫລຽວສະຫລາດໃນການເຈລະຈາຕໍ່ລອງຈົນປະສົບຄວາມສຳເລັດ ການເງິນມີໂຊກຈະໄດ້ເງິນເຂົ້າມາໃນຊ່ວງນີ້ ຄວາມຮັກຊ່ວງນີ້ຈະເກີດຄວາມຫ່າງເຫີນເພາະເວລາທີ່ບໍ່ມີໃຫ້ກັນ ເຄື່ອງມຸງຄຸນແຫວນຄໍາ ສີມຸງຄຸນສີດໍາ ເລກນຳໂຊກ0 ຄົນເກີດວັນຈັນ:ການງານຮຽນຮູ້ປະສົບການໃໝ່ໆ ວາງແຜນໃນທຸລະກິດຈະການງານ ເຮັດໃຫ້ຕົນເອງນັ້ນເກີດຄວາມສຳເລັດ ການເງິນຈະໃຊ້ເງິນກ້ອນໃຫຍ່ໃນຊ່ວງນີ້ອອກໄປ ຄວາມຮັກມີໂອກາດພົບຄົນຜິວຂາວ ມີສະເໜ່ ເປັນຄົົນທີ່ມີບຸກຄະລິກດີ ເຄື່ອງມຸງຄຸນໄຂ່ມຸກ ສີມຸງຄຸນສີເຫຼືອງ ເລກນຳໂຊກ9 ຄົນເກີດວັນອັງຄານ:ການງານຈະພົບອຸປະສັກທີ່ຕ້ອງຖ້າແກ້ໄຂບັນຫາ ແຕ່ມີບໍລິວານທີ່ດີຄອຍຖ້າຊ່ວຍເຫລືອ ການເງິນມັກຈະພົບເລື່ອງລາຍຈ່າຍແບບບໍ່ຄາດຝັນສະເໝີ ຄວາມຮັກລະວັງການສື່ສານບໍ່ເຂົ້າໃຈກັບຄົນຮັກ ເຮັດໃຫ້ອີກຝ່າຍອາດເກີດຄວາມນ້ອຍໃຈກໍເປັນໄປໄດ້ ເຄື່ອງມຸງຄຸນຄໍາ ສີມຸງຄຸນສີນໍ້າຕານ ເລກນຳໂຊກ6 ຄົນເກີດວັນພຸດ:ການງານ ການຕິດຕໍ່ເຈລະຈາກັບຜູ້ໃຫຍ່ຫລືຜູ້ທີ່ມີຕຳແໜ່ງສູງກວ່າຄວນໃຊ້ສິນລະປະທີ່ດີ ການເງິນຈະພົບຄວາມສຳເລັດທາງດ້ານການເງິນດີຂຶ້ນ ດ້ວຍພະຍາຍາມຂອງຕົນເອງ ຄວາມຮັກມີໂອກາດພົບຮັກແບບບໍ່ຄາດຝັນ ອາດເປັນຄົນທີ່ທ່ານຄິດຫາຕະຫຼອດ ເຄື່ອງມຸງຄຸນເພັດສີແດງ ສີມຸງຄຸນສີຂຽວ ເລກນຳໂຊກ6 ຄົນເກີດວັນພະຫັດ:ການງານໂຊກດີຈະໄດ້ຮັບການຊ່ວຍເຫລືອຈາກທີມງານຈຶ່ງເຮັດໃຫ້ວຽກງານນັ້ນສຳເລັດ ການເງິນໃຊ້ຈ່າຍເງິນອອກໄປຫລາຍເປັນພິເສດແຕ່ຈະໄດ້ກັບມາເທົ່າທີ່ຈ່າຍອອກໄປ ຄວາມຮັກພົບຄົົນທີ່ມີລັກສະນະອວບໆ ຜິວຂາວ ເກັ່ງ ມີຄວາມສາມາດ ມີສະເໜ່ ເຄື່ອງມຸງຄຸນຄໍາຝຣັ່ງ ສີມຸງຄຸນສີສົ້ມ ເລກນຳໂຊກ 0 ຄົນເກີດວັນສຸກ:ການງານການເຈລະຈາຕໍ່ລອງຈະປະສົບຄວາມສຳເລັດດັ່ງທີ່ຫວັງ ການເງິນຈະໄດ້ເງິນເຂົ້າມາຢ່າງຕໍ່ເນື່ອງ ໂຊກດີຫລາຍໆ ຄວາມຮັກຍັງບໍ່ພົບໃຜທີ່ຖືກໃຈຊ່ວງນີ້ ໃຫ້ໃຊ້ຊີວິດແບບເປັນອິດສະຫລະໄປກ່ອນຈຶ່ງຈະດີ ເຄື່ອງມຸງຄຸນຫີີນນໍາໂຊກສີແດງ ສີມຸງຄຸນສີດໍາ ເລກນຳໂຊກ9 ຄົນເກີດວັນເສົາ:ການງານຊ່ວງນີ້ຄວນກວດທົບທວນໃນເລື່ອງຂອງແຜນງານຕ່າງໆ ການເງິນໂຊກດີຈະໄດ້ຈາກເພດກົງກັນຂ້າມມາຊ່ວຍໃນການຕົກລົງຕໍ່ລອງເຈລະຈາ ຄວາມຮັກສຸກສົມຫວັງຈະໄດ້ຮັບຂ່າວດີທາງດ້ານຄວາມຮັກ ເຄື່ອງມຸງຄຸນໄຂ່ມຸກ […]
ຫົວພັນ-ແທັງຮວ່າ ສືບຕໍ່ເພີ່ມທະວີການຮ່ວມມືຮອບດ້ານ
ຂປລ. ແຫລ່ງຂ່າວຈາກ ແຂວງຫົວພັນ ໃຫ້ຮູ້ວ່າ: ພິທີເຊັນສາລະບານເພີ່ມເຕີມ ໃນບົດບັນທຶກຮ່ວມມື ລະຫວ່າງສອງແຂວງ ຫົວພັນ-ແທັງຮວ່າ ໄລຍະແຕ່ປີ 2021-2025 ແລະ ບົດບັນທຶກຮ່ວມມືຂອງສອງແຂວງ ຫົວພັນ-ແທັງຮວ່າ ປະຈຳປີ 2023 ໃນວັນທີ 20 ມິຖຸນາ 2023 ທີ່ແຂວງແທັງຮວ່າ. ຕາງໜ້າລົງນາມໂດຍທ່ານ ວັນໄຊ ແພງຊຸມມາ ເຈົ້າແຂວງຫົວພັນ ແລະ ທ່ານ ໂດ່ ມິງ ຕວັນ ປະທານຄະນະກຳມະການປະຊາຊົນແຂວງແທັງຮວ່າ, ມີທ່ານ ໂດ່ ຈ້ອງ ຮຶງ ປະທານສະພາປະຊາຊົນແຂວງແທັງຮວ່າ ພ້ອມດ້ວຍຄະນະຜູ້ແທນທັງສອງແຂວງເຂົ້າຮ່ວມ. ການພົບປະຄັ້ງນີ້, ທັງສອງຝ່າຍໄດ້ພັດປ່ຽນກັນລາຍງານ ກ່ຽວກັບສະພາບການພັດທະນາເສດຖະກິດ-ສັງຄົມ ຂອງແຕ່ລະແຂວງໃນໄລຍະຜ່ານມາ, ສະພາບການຮ່ວມມືລະຫວ່າງສອງຝ່າຍ ບົນພື້ນຖານບົດບັນທຶກການຮ່ວມມື ຕ່າງຝ່າຍຕ່າງໄດ້ຮັບປະໂຫຍດຮ່ວມກັນ ເພື່ອສືບຕໍ່ເສີມຂະຫຍາຍສາຍພົວພັນມູນເຊື້ອມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມື ຮອບດ້ານລະຫວ່າງ ສອງປະເທດ ລາວ-ຫວຽດນາມ ເວົ້າລວມ, ເວົ້າສະເພາະ ສອງແຂວງ ຫົວພັນ-ແທັງຮວ່າ, ເຊິ່ງສອງແຂວງໄດ້ເປັນເອກະພາບລົງນາມ ເຊັນສາລະບານເພີ່ມເຕີມ […]
ຈະຈັດສັນຕະຫຼາດກາງຄືນ ເຂດສວນເຈົ້າອະນຸວົງແລະປ່ຽນໃຫ້ເປັນເຕັ້ນສີຂາວ
ໜັງສືພິມ ວຽງຈັນໃໝ່ ລາຍງານ ໃນວັນທີ 21/06/2023 ນີ້ໃຫ້ຮູ້ວ່າ ໃນການຈັດສັນການຄ້າຂາຍ (ເຂດເຕັ້ນແດງ) ຢູ່ຕະຫຼາດກາງຄືນ ເຂດສວນເຈົ້າອະນຸວົງ ນະຄອນຫຼວງວຽງຈັນ ພາຍຫຼັງໄດ້ ມີການແຕ່ງຕັ້ງຄະນະຈັດສັນຈາກການຄ້ານະຄອນຫລວງ ແລະ ເມືອງ ກໍໄດ້ມີການປັບປຸງບໍ່ໃຫ້ແອອັດ ແລະ ຈັດໃຫ້ມີ ໂຊນຫັດຖະກຳດ້ານໜ້າຈຳນວນ 60 ເຕັ້ນ ໃນຈໍານວນ 60 ເຕັ້ນແມ່ນຈັດເປັນ 8 ໝວດຜະລິດຕະພັນ. ປັດຈຸບັນແມ່ນ ຢູ່ໃນຂັ້ນຕອນປ່ຽນຜະລິດຕະພັນຕາມໝວດໝູ່ ຄຽງຄູ່ກັນ ນັ້ນ ກໍຈະໄດ້ຈົກສະຫຼາກເພື່ອຈັດໂຊນຜະລິດຕະພັນລວມ ທັງໝົດມີ 6 ໂຊນ ພາຍຫຼັງຈັດໂຊນຜະລິດຕະພັນແລ້ວ ຈະໃຫ້ຊາວຄ້າຂາຍປ່ຽນຫຼັງຄາເຕັ້ນເປັນສີຂາວຄືກັນໝົດ. ສ່ວນການຖິ້ມຂີ້ເຫຍື້ອ ບໍລິສັດໄດ້ພົວພັນສົມທົບກັບ ຜູ້ປະກອບການຂົນສົ່ງຂີ້ເຫຍື້ອ ຂໍໃຫ້ເພິ່ນປັບປ່ຽນເວລາ ຄືນໃໝ່ຈາກ 12 ໂມງກາງຄືນມາເອົາຂີ້ເຫຍື້ອ ມາເປັນ ເວລາ 5 ໂມງເຊົ້າ ອີງໃສ່ທີມງານເກັບມ້ຽນຂີ້ເຫຍື້ອພາຍໃນ ສວນເຈົ້າອານຸວົງຈະເກັບຂີ້ເຫຍື້ອສຳເລັດເວລາ 3-4 ໂມງ ເຊົ້າ ຂອງທຸກໆມື້ ພ້ອມນັ້ນກໍໄດ້ເອົາໃຈໃສ່ຮັກສາ ຄວາມສະຫງົບປອດໄພຮອບດ້ານພາຍໃນຂອບເຂດສວນ […]