ດວງລາຍວັນປະຈໍາວັນພຸດ ທີ 17 ພຶດສະພາ 2023 ຕາມແຕ່ລະວັນເກີດ
ຄົນເກີດວັນອາທິດ:ການງານເຮັດທຸລະກິດຈະການຄ້າ ຫລື ການເປັນນາຍໜ້າຈະປະສົບຄວາມສຳເລັດໄດ້ດີ ການເງິນມື້ນີ້ໂຊກດີຈະໄດ້ເງິນເຂົ້າມາໃຫ້ໄດ້ໃຊ້ຈ່າຍ ແຕ່ຕ້ອງລະວັງບຸກຄົນເຂົ້າມາຢືມ ຄວາມຮັກໄດ້ພົບຮັກກັບຄົນຜິວສອງສີແຕ່ລາວຈະບໍ່ແມ່ນເນື້ອຄູ່ຂອງທ່ານ ເຄື່ອງມຸງຄຸນໄຂ່ມຸກ ສີມຸງຄຸນສີບົວ ເລກນຳໂຊກ1 ຄົນເກີດວັນຈັນ:ການງານການເດີນທາງຈະປະສົບຄວາມສຳເລັດເພາະທ່ານເປັນຄົນທີ່ລະອຽດ ການເງິນໄດ້ໂຊກແບບໄດ້ໄດ້ຕ້ັງໃຈ ຈະໄດ້ເງິນຈາກຜູ້ໃຫຍ່ຊ່ວຍອຸປະຖໍາ ຄວາມຮັກມີໂອກາດພົບຄົົນທີ່ມີອາຍຸຕ່າງກັນແຕ່ກໍຢູ່ໃນຊ່ວງທີ່ກໍາລັງລົມກໍາລັງພິຈາລະນາ ເຄື່ອງມຸງຄຸນແຫວນຄໍາ ສີມຸງຄຸນສີນໍ້າຕານ ເລກນຳໂຊກ1 ຄົນເກີດວັນອັງຄານ:ການງານເຮັດທຸລະກິດຈະການຄ້າຈະມີກຳໄລເພີ່ມຂຶ້ນຖ້າກ່ຽວກັບດ້ານຂາຍເຄື່ອງ ການເງິນມີລາຍຈ່າຍໃນເລື່ອງຂອງການຊ່ອມແຊມທີ່ຢູ່ອາໄສແຕ່ຕ້ອງລະວັງລາຍຈ່າຍ ຄວາມຮັກບໍ່ຄ່ອຍມີເວລາໃຫ້ກັນເທົ່າໃດເພາະຕ່າງຝ່າຍຕ່າງມີເວລາທີ່ຕ້ອງຈັດການເລື່ອງຂອງຕົນເອງ ເຄື່ອງມຸງຄຸນຄໍາຝຣັ່ງ ສີມຸງຄຸນສີຂາວ ເລກນຳໂຊກ6 ຄົນເກີດວັນພຸດ:ການງານທ່ານສາມາດສ້າງຜົນງານດີເກີດຄວາມສຳເລັດໃນດ້ານການງານ ການເງິນເກີດຄວາມໂຊກດີຈະໄດ້ເງິນເຂົ້າມາໃຫ້ຈັບຈ່າຍ ຄວາມຮັກພົບຄົົນທີ່ມີພາວະຄວາມເປັນຜູ້ນຳໝັ່ນໃຈຕົນເອງສູງ ເຄື່ອງມຸງຄຸນ ເງິນ ສີມຸງຄຸນສີຟ້າ ເລກນຳໂຊກ8 ຄົນເກີດວັນພະຫັດ:ການງານເຮັດທຸລະກິດປະສົບຄວາມສຳເລັດໄດ້ຮັບຜົນກຳໄລດີ ການເງິນມີໂຊກຈະໄດ້ຮັບຊັບໄດ້ເງິນກ້ອນໃຫຍ່ອາດມາຈາກຜູ້ໃຫຍ່ ຄວາມຮັກສຸກສົມຫວັງໃນເລື່ອງຮັກໄດ້ພົບຮັກກັບຄົົນທີ່ຖືກໃຈ ເຄື່ອງມຸງຄຸນຄໍາ ສີມຸງຄຸນສີບົວອ່ອນ ເລກນຳໂຊກ3 ຄົນເກີດວັນສຸກ :ການງານລະວັງຈະມີບັນຫາໃນເລື່ອງການເຮັດທຸລະກິດຮ່ວມຫຸ້ນສ່ວນ ການເງິນໄດ້ເງິນເຂົ້າມາກໍຕ້ອງຈ່າຍອອກໄປແບບວ່ອງໄວ ຄວາມຮັກອາດຕົກຢູ່ໃນສະຖານນະການຮັກຊ້ອນເພາະຢູ່ໃນຊ່ວງປັບຕົວ ເຄື່ອງມຸງຄຸນແຫວນຄໍາ ສີມຸງຄຸນສີສົ້ມ ເລກນຳໂຊກ1 ຄົນເກີດວັນເສົາ:ການງານ ໄດ້ເດິນທາງຕິດຕໍ່ງານເພື່ອຂະຫຍາຍທຸລະກິດໄດ້ຜົນກຳໄລດີ ການເງິນໃຊ້ເງິນກ້ອນໃຫຍ່ໃນການຕໍ່ລອງເລື່ອງທຸລະກິດ ຄວາມຮັກຍັງບໍ່ຕັດສິນໃຈທີ່ຈະເລືອກໃຜເພາະທ່ານຄິດວ່າຍັງບໍ່ມີໃຜທີ່ຖືກໃຈໃນຊ່ວງນີ້ ເຄື່ອງມຸງຄຸນໄຂ່ມຸກ ສີມຸງຄຸນສີເທົາ ເລກນຳໂຊກ2
ຂ່າວດີສຳລັບຊາວຜູ້ອອກແຮງງານ ທີ່ຢາກຈະໄປອອກແຮງງານຢູ່ປະເທດ ເກົາຫຼີ
ພະແນກແຮງງານ ແລະ ສະຫວັດດີການສັງຄົມແຂວງ ຂໍແຈ້ງມາຍັງທ່ານ ຊາບວ່າ: ເມືອງອັນດອງ ສ ເກົາຫຼີ ໄດ້ ສະແດງເຈດຈໍານົງ ໃນການນໍາໃຊ້ແຮງງານຂອງເມືອງໄຊຍະບູລີ, ເມືອງພຽງ ແລະ ເມືອງຄອບ ແຂວງໄຊຍະບູລີ ເພື່ອໄປ ເຮັດວຽກຕາມລະດູການຢູ່ເມືອງດັ່ງກ່າວ ໃນຊ່ວງຕົ້ນເດືອນກໍລະກົດ 2023; ສະນັ້ນ ເພື່ອເປັນການກະກຽມຄວາມພ້ອມ ແລະ ຮັບປະກັນໃຫ້ແກ່ການຄັດເລືອກແຮງງານທີ່ມີຄຸນນະພາບ ແລະ ຖືກຕ້ອງຕາມຈຸດປະສົງຂອງນາຍຈ້າງ, ພະແນກ ແຮງງານ ແລະ ສະຫວັດດີການສັງຄົມແຂວງແຈ້ງມາຍັງທ່ານ ເພື່ອປະກາດຮັບສະຫມັກ ແລະ ຂື້ນທະບຽນ ແຮງງານ ມີ ລາຍລະອຽດລຸ່ມນີ້ : 1. ໃຫ້ຫ້ອງການແຮງງານ ແລະ ສະຫວັດດີການສັງຄົມເມືອງ ລາຍງານຕໍ່ການນໍາຂອງເມືອງ ຮັບຊາບ ພ້ອມທັງຂໍ ທິດຊີ້ນໍາໃນການຈັດຕັ້ງປະຕິບັດ ແລ້ວສົມທົບກັບພາກສ່ວນທີ່ກ່ຽວຂ້ອງ ເພື່ອໂຄສະນາເຜີຍແຜ່ໃຫ້ແຮງງານຢູ່ພາຍໃນ ເມືອງຂອງຕົນໄດ້ຮັບຮູ້ຢ່າງກວ້າງຂວາງ, ຖ້າບຸກຄົນໃດມີຄວາມສົນໃຈຢາກໄປເຮັດວຽກ ຢູ່ເມືອງອັນດອງ ສ ເກົາຫຼີ ແມ່ນໃຫ້ມາລົງທະບຽນ ຢູ່ຫ້ອງການແຮງງານ ແລະ ສະຫວັດດີການສັງຄົມເມືອງ […]
ລາວ-ອົດສະຕຣາລີ ສືບຕໍ່ເພີ່ມທະວີ ການພົວພັນຮ່ວມມືສອງຝ່າຍ
ຂປລ. ໃນວັນທີ 15 ພຶດສະພາ 2023, ທີ່ ກະຊວງການຕ່າງປະເທດ ໄດ້ມີກອງປະຊຸມພົບປະສອງຝ່າຍຢ່າງເປັນທາງການ ລະຫວ່າງ ທ່ານ ສະເຫລີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ນາງ ເພັນນີ ວອງ ລັດຖະມົນຕີ ກະຊວງການຕ່າງປະເທດ ອົດສະຕຣາລີ ພ້ອມຄະນະ. ໃນໂອກາດນີ້, ທ່ານ ສະເຫລີມໄຊ ກົມມະສິດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການມາຢ້ຽມຢາມ ສປປ ລາວ ຂອງ ທ່ານ ນາງ ເພັນນີ ວອງ ພ້ອມຄະນະ, ເປັນການສືບຕໍ່ປະກອບສ່ວນອັນສໍາຄັນເຂົ້າໃນການ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສອງປະເທດ ໂດຍສະເພາະການພົວພັນຮ່ວມມື ລະຫວ່າງ ສອງ ກະຊວງການຕ່າງປະເທດ ລາວ-ອົດສະຕຣາລີ. ສອງຝ່າຍແມ່ນໄດ້ປຶກສາຫາລື ແລະ […]
ເມືອງສະໜາມໄຊ ພວມກວດກາໃຫ້ລະອຽດກ່ຽວກັບຂ່າວບຸກລຸກເນື້ອທີ່ທໍາການຜະລິດຂອງປະຊາຊົນ
ພາຍຫລັງທີ່ມີຂ່າວອອກຜ່ານສື່ສັງຄົມອອນລາຍກ່ຽວກັບ ມີນາຍທຶນເຂົ້າໄປບຸກລຸກເນື້ອທີ່ທໍາການຜະລິດຂອງ ປະຊາຊົນຢູ່ ເມືອງສະໜາມໄຊ, ແຂວງອັດຕະປື ໃນວັນທີ 13 ພຶດສະພາ 2023 ນີ້ ເຮັດໃຫ້ເກີດມີຫາງສຽງວິພາກວິຈານຫລາຍສົມຄວນຜ່ານສື່ດັ່ງກ່າວ. ຕໍ່ບັນຫາທີ່ເກີດຂຶ້ນ, ທ່ານ ພູວັນ ມະນີໂຊດ ຮອງເລຂາພັກເມືອງສະໜາມໄຊ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນ ທີ 15 ພຶດສະພາ 2023 ນີ້ ວ່າ: “ຄະນະພັກ-ອົງການປົກ ຄອງເມືອງ ແລະ ແຂວງ ໄດ້ຮັບຮູ້ເລື່ອງນີ້ແລ້ວໂດຍຜ່ານການລົງຂ່າວຜ່ານສື່ສັງຄົມອອນລາຍຂອງພົນລະເມືອງວ່າ ມີບໍລິສັດເຂົ້າໄປບຸກລຸກເນື້ອທີ່ທໍາການຜະລິດຂອງ ປະຊາຊົນ, ເຊີ່ງປັດຈຸບັນກໍາລັງໃຫ້ເຈົ້າໜ້າທີ່ກ່ຽວຂ້ອງເຄື່ອນໄຫວເກັບກໍາຂໍ້ມູນ ແລະ ກວດກາກ່ຽວກັບສາເຫດວ່າເກີດຂຶ້ນໄດ້ແນວໃດ, ແຕ່ປັດຈຸບັນຍັງບໍ່ທັນຮູ້ຢ່າງລະອຽດ ແລະ ບໍ່ທັນສາມາດສະຫລຸບໄດ້ເທື່ອວ່າເປັນການບຸກລຸກແທ້ ຫລື ພາກສ່ວນໃດທີ່ມີການເຄື່ອນໄຫວບໍ່ຖືກຕ້ອງຈົນເຮັດໃຫ້ມີບັນຫາເກີດຂຶ້ນ” ສໍາລັບຈຸດທີ່ເກີດເຫດແມ່ນຢູ່ເຂດບ້ານໜອງຫີນ-ບ້ານໄຊດອນໂຂງ, ເຂດດັ່ງກ່າວເປັນພື້ນທີ່ປ່າປ້ອງກັນພູພຽງບໍລະເວນຕິດກັບປ່າຜະລິດເຊຄໍາພໍ-ແປງວິໄລ, ແຕ່ຈຸດທີ່ມີບັນຫາອາດນອນໃນເຂດປ່າຜະລິດເຊຄໍາພໍ-ແປງວິໄລ ທີ່ລັດຈັດສັນໄວ້ໃຫ້ທໍາການຜະລິດ ເຊີ່ງປະຊາຊົນທໍາການຜະລິດຫລາຍຢ່າງໃນການການປູກຝັງ ເປັນຕົ້ນ: ກາເຟ, ປູກມັນຕົ້ນ ແລະ ອື່ນໆ. ທ່ານຢືນຢັນວ່າ: ກ່ຽວກັບບັນຫາທີ່ເກີດຂຶ້ນ ທາງພາກລັດ ກໍຄື ຄະນະພັກ-ອົງການປົກຄອງເມືອງ ແລະ […]
ດວງລາຍວັນປະຈໍາວັນອັງຄານ ທີ 16 ພຶດສະພາ 2023 ຕາມແຕ່ລະວັນເກີດ
ຄົນເກີດວັນອາທິດ:ການງານເລີ່ມໂຄງການທຸລະກິດໃໝ່ປະສົບຄວາມສຳເລັດໄດ້ຜົນກຳໄລດີ ການເງິນມີໂອກາດໄດ້ເງິນແບບບໍ່ຄາດຝັນ ຄວາມຮັກຈະພົບຄວາມສຳພັນທີ່ເຫີນຫ່າງ ເພາະທ່ານແລະຄົນຮັກມັກມີບັນຫາກັນ ເຄື່ອງມຸງຄຸນຫິນນໍາໂຊກສີແດງ ສີມຸງຄຸນສີນໍ້າຕານ ເລກນຳໂຊກ3 ຄົນເກີດວັນຈັນ:ການງານການລົງນາມເອກະສານສັນຍາຈະປະສົບຄວາມສຳເລັດ ການເງິນຈະໄດ້ເງິນຈາກການເຮັດວຽກງານພິເສດ ຄວາມຮັກມີໂອກາດພົບຄົນອາຍຸນ້ອຍກວ່າ ລັກສະນະຜິວຂາວ ເຄື່ອງມຸງຄຸນ ຄໍາຝຣັ່ງ ສີມຸງຄຸນສີດໍາ ເລກນຳໂຊກ7 ຄົນເກີດວັນອັງຄານ:ການງານການເຈລະຈາເຮັດທຸລະກິດຈະປະສົບຄວາມສຳເລັດໄດ້ດີ ການເງິນມີໂຊກຈະໄດ້ສິ່ງຂອງສິ່ງໃໝ່ເຂົ້າມາ ແຕ່ອາດເປັນສິ່ງທີ່ທ່ານຕ້ອງໃຊ້ເງິນຈໍານວນຫຼາຍ ຄວາມຮັກ ຄວາມສຳພັນຖືກພັດທະນາຢູ່ໃນເກນທີ່ດີ ແຕ່ຕ້ອງໃຊ້ຄໍາເວົ້າທີ່ຖະໜອມນໍ້າໃຈກັນຈະດີ ເຄື່ອງມຸງຄຸນ ໄຂ່ມຸກ ສີມຸງຄຸນສີບົວອ່ອນ ເລກນຳໂຊກ8 ຄົນເກີດວັນພຸດ:ການງານມີຄວາມຮີບເລັ່ງໃນເລື່ອງຂອງການຕັດສິນໃຈເລີ່ມທຸລະກິດໃໝ່ ການເງິນມີໂອກາດສູນເສຍເງິນແບບບໍ່ຄາດຝັນ ຄວາມຮັກໄລຍະທາງຍັງເປັນອຸປະສັກດ້ານຄວາມສຳພັນ ເຄື່ອງມຸງຄຸນ ເງິນ ສີມຸງຄຸນສີນໍ້າຕານ ເລກນຳໂຊກ6 ຄົນເກີດວັນພະຫັດ:ການງານເຮັດທຸລະກິດປະສົບຄວາມສຳເລັດມີຊື່ສຽງ ແລະ ໄດ້ກຳໄລດີ ການເງິນມີໂຊກຈະໄດ້ຊັບສິນໄດ້ເຄື່ອງໃໜ່ເຂົ້າມາ ຄວາມຮັກໄດ້ຈົບຄວາມສຳພັນທີ່ເຮັດໃຫ້ຮູ້ສຶກທຸກໃຈ ແລະ ເລີ່ມຄວາມສຳພັນທີ່ດີງາມກັບຄົນໃໝ່ ເຄື່ອງມຸງຄຸນແຫວນຄໍາ ສີມຸງຄຸນສີຂາວ ເລກນຳໂຊກ5 ຄົນເກີດວັນສຸກ:ການງານ ເຮັດອາຊີບທີ່ກ່ຽວຂ້ອງກັບການສ້າງຜົນງານຈະເຮັດໃຫ້ຕົນເອງມີຄວາມສຸກ ການເງິນມີໂຊກຈະໄດ້ເງິນເຂົ້າມາແຕ່ກໍມີລາຍຈ່າຍທີ່ຢູ່ເປັນຈຳນວນຫລາຍ ຄວາມຮັກຄວາມສຳພັນພົບບັນຫາເລື່ອງການສົນທະນາ ອາດກໍເປັນເຫດທີ່ມີການຜິດຖຽງກັນຕ້ອງລະວັງເລື່ອງອາລົມທັງສອງຝ່າຍ ເຄື່ອງມຸງຄຸນເງິນ ສີມຸງຄຸນສີຟ້າ ເລກນຳໂຊກ8 ຄົນເກີດວັນເສົາ:ການງານໃຊ້ຄວາມສາມາດສັກກະຍາພາບຂອງຕົນເອງສ້າງຜົນງານໄດ້ໂດດເດັ່ນ ການເງິນຈະໃຊ້ເງິນທີ່ໄດ້ເຂົ້າມາຈັດການຊົດໃຊ້ໜີ້ສິນເກົ່າ ຄວາມຮັກເລືອກຄວາມສຳພັນທີ່ດີທີ່ຈະສ້າງຄວາມສຸກໃຫ້ກັບຕົນເອງ ເຄື່ອງມຸງຄຸນເພັດສີແດງ ສີມຸງຄຸນສີຂຽວອ່ອນ ເລກນຳໂຊກ9
ຫນຸ່ມຄິດໜັກ ໜ້າຜາກສູງ ສຸດທ້າຍແກ້ໄຂບັນຫາດ້ວຍການ ສັກຜົມໜ້າມ້າ ພໍສ່ອງກະຈົກເຖິງກັບຮ້ອງໄຫ້
ຊາຍຊາວອີຕາລີອາຍຸ 26 ຄິດເຖິງວິທີແກ້ໄຂບັນຫາ ເພາະບໍ່ພໍໃຈກັບໜ້າຜາກທີ່ມີຮູບຊົງເປັນຕົວ M ຂອງລາວ, ລາວຈຶ່ງໄດ້ຂໍຄວາມຊ່ວຍເຫຼືອຈາກຊ່າງສັກທີ່ມີປະສົບການ. ວ່າຊ່ວຍສັກຜົມໜ້າມ້າຢູ່ເທິງຫນ້າຜາກຂອງລາວ. ແຕ່ເມື່ອເຫັນຜົນລັບຫຼັງສັກແລ້ວກັບເຮັດໃຫ້ຕ້ອງມີນ້ຳຕາ ສະຕູດິໂອ, ທີ່ຕັ້ງຢູ່ໃນ Lazio, ປະເທດອິຕາລີ, ໄດ້ເຜີຍແຜ່ຮູບພາບຂອງການສັກດັ່ງກ່າວ ແລະອັບໂຫລດໄປຍັງ TikTok@gipsygtattooer ເຖິງແມ່ນວ່າໃນຕອນທໍາອິດ “Maria” ຜູ້ທີ່ເປັນຊ່າງສັກ ຈະປະຫລາດໃຈເມື່ອໄດ້ຍິນຊາຍຄົນນີ້ຕ້ອງການສັກ ແຕ່ຕົນເອງກໍ່ຍັງຄົງເຄົາລົບຄວາມຄິດຂອງລູກຄ້າ. ເມື່ອຄິດວ່າຜູ້ຊາຍຄົນນີ້ມີອາການຜົມຫຼົ່ນ ເຊິ່ງສົ່ງຜົນກະທົບຕໍ່ຄວາມຫມັ້ນໃຈໃນຕົນເອງ ສະນັ້ນ ຈຶ່ງຕົກລົງທີ່ຈະຊ່ວຍໃຫ້ຄວາມປາຖະໜາຂອງລາວເປັນຈິງ. ໃນຄລິບສາມາດເຫັນໄດ້ຊັດເຈນວ່າໃນລະຫວ່າງການສັກ ລູກຄ້າຫນຸ່ມຄົນນີ້ແມ່ນມີຄວາມກະວົນກະວາຍໃຈຫຼາຍ. ທຸກໆຄັ້ງທີ່ລາວຮູ້ສຶກວ່າເຂັມສຳຜັດກັບໃບຫນ້າຂອງລາວ, ລາວຈະຖອຍໜີ. ຫຼັງຈາກການທໍລະມານຫນຶ່ງຊົ່ວໂມງ, ໃນທີ່ສຸດການສັກກໍ່ໄດ້ສໍາເລັດ, ແນວໃດກໍຕາມ, ເມື່ອລາວໄດ້ເຫັນຮູບຂອງຕົນເອງໃນກະຈົກ. ລາວຕົກຕະລຶງແລະປົກໜ້າລາວຢ່າງໄວແລະຮ້ອງໄຫ້ອອກມາ. ແຕ່ບໍ່ສາມາດບອກໄດ້ວ່າລາວມີຄວາມໂສກເສົ້າຫຼືດີໃຈກັບຜົນທີ່ໄດ້ຮັບ ໃນຂະນະທີ່ຊ່າງສັກບອກວ່າປະທັບໃຈກັບຜົນງານຄັ້ງນີ້ ແລະຍ້ອງວ່າຕົນເອງວ່າເປັນມືອາຊີບຫຼາຍ ວິດີໂອດັ່ງກ່າວໄດ້ແຜ່ລາມໄປຢ່າງໄວວາ. ມີຜູ້ຮັບຊົມຫຼາຍກວ່າ 29 ລ້ານວິວ, ພ້ອມກັບຄໍາເຫັນວ່າ “ຂ້ອຍບໍ່ຄິດວ່າລາວຮ້ອງໄຫ້ເພາະວ່າລາວມີຄວາມສຸກ”, ແຕ່ຮູ້ວ່າຕົນເອງ ໄດ້ຕັດສິນໃຈລົງໄປ ເຮັດຜິດພາດຢ່າງຮ້າຍແຮງ”, “ແລະອາດຈະກັບໄປເຮືອນເພື່ອຊອກຫາລາຄາລົບຮອຍສັກດ້ວຍເລເຊີ @gipsygtattooer Il mio cliente ha sempre sognato la […]
ຕຳຫຼວດປ່ວຍເປັນເບົາຫວານຢູ່ບ້ານຄົນດຽວ ເກີດອາການວູບຄາຊາມໃສ່ນ້ຳເສຍຊີວິດ
ເຈົ້າໜ້າທີ່ຕຳຫຼວດ, ອາຍຸ 50 ປີ, ປ່ວຍຢູ່ເຮືອນຄົນດຽວ ນັ່ງລົດເຂັນເພື່ອໄປຕື່ມນ້ໍາໃສ່ກະຕຸກ. ທັນໃດນັ້ນ, ເກີດອາການຫົວປັກລົງໄປໃນຂາມນ້ຳທີ່ເຕັມໄປດ້ວຍນໍ້າ. ຊົ່ວພີ່ນ້ອງມາເຫັນກໍເສຍຊີວິດແລ້ວ. ມື້ວານນີ້ (13 ພຶດສະພາ) ເວລາ 14:00 ໂມງ, ຮອງຕຳຫຼວດ ກິດຕິກອນ ອຸດມາທິພົງ, ຮອງ (ສືບສວນ) ສະຖານີ ຕຳຫຼວດ ໜອງຫານ ໄດ້ຮັບແຈ້ງເຫດວ່າມີຜູ້ເສຍຊີວິດຄາທີ່ ທີ່ບ້ານກັ້ງ, ມ.10, ດອນຫາຍໂສກ, ເມືອງ ໜອງຫານ. , ແຂວງອຸດອນທານີ , ພາຍຫຼັງໄດ້ຮັບແຈ້ງເຫດຈຶ່ງໄດ້ໄປເຖິງຈຸດເກີດເຫດ ພ້ອມດ້ວຍແພດໝໍ , ໂຮງໝໍໜອງຫານ ແລະ ໜ່ວຍກູ້ໄພ . ເມື່ອໄປຮອດກໍໄດ້ພົບເຫັນສົບຂອງພົນໂທ ອິດທິພົນ ອາຍຸ 50 ປີ, ຫົວໜ້າກອງບັນຊາການປ້ອງກັນ ແລະ ສະກັດກັ້ນ. ຕຳຫຼວດເມືອງພິບູນລາກ ແຂວງອຸດອນທານີ ເສຍຊີວິດຄາທີ່ ດ້ານໜ້າຂ້ວມລົງໃນຊາມນ້ຳ. ແລະ ກະຕຸກນ້ຳທີ່ຈະເອົາໄວ້ໃສ່ນ້ຳຫຼາຍຕຸກໜ່ວຍຕົກຢູ່ຂ້າງໆ ຍາດພີ່ນ້ອງໄດ້ເອົາສົບອອກຈາກຊາມ. ຈາກການສອບຖາມ […]
ເຮັດຄວາມຜິດບໍ່ຍອມຈອດ ຂັບລົດກາຍຈຸດກວດເຈົ້າໜ້າທີ່ ພົບຢາໄອສ໌ 150 ຫໍ່ ສ່ວນຄົນຂັບລົດເອົາຕົວຫຼົບໜີ
ເຈົ້າໜ້າທີ່ ປກສ ແຂວງບໍ່ແກ້ວ ໃຫ້ຮູ້ວ່າ: ເຈົ້າໜ້າທີ່ພະແນກຕຳຫຼວດ ປກສ ເມືອງຫ້ວຍຊາຍ ໄດ້ລົງຕັ້ງຈຸດກວດກາຊົ່ວຄາວເພື່ອແນໃສ່ແກ້ໄຂບັນຫາປະກົດການຫຍໍ້ທໍ້ພາຍໃນຕົວເມືອງຫ້ວຍຊາຍ ຮອດເວລາ 03:45 ໂມງເຊົ້າ ຂອງວັນທີ 11 ພຶດສະພາ 2023 ໄດ້ມີລົດຮຸນໄດ 1 ຄັນ, ສີປອນເງິນ , ບໍ່ໄດ້ຕິດປ້າຍທະບຽນ ແລ່ນມາດ້ວຍຄວາມໄວມາຈາກທາງຫ້ວຍຊາຍ ມຸ່ງໜ້າລົງໄປທາງບ້ານ ດ່ານ, ເຈົ້າໜ້າທີ່ພວກເຮົາຈຶ່ງໄດ້ສະແດງຕົວເພື່ອກວດກາຕາມປົກກະຕິ ໂດຍ ສົ່ງສັນຍານລົດໃຫ້ຈອດພ້ອມທັງເປົ່າໝາກຫວີດ, ແຕ່ລົດຄັນດັ່ງກ່າວບໍ່ຍອມຈອດ ແລ້ວແລ່ນກາຍຈຸດກວດກາດ້ວຍຄວາມໄວ. ດ້ວຍເຫດນັ້ນ, ເຈົ້າໜ້າທີ່ຈຶ່ງໄດ້ຂີ່ລົດໄລ່ນຳລົດຄັນດັ່ງກ່າວ, ຈາກຈຸດກວດກາມາຮອດຈຸດລະເບີດຫີນ ກ້ອງ ບ້ານ ດອນ ປະມານ 02 ກິໂລແມັດ ຈິ່ງພົບເຫັນລົດຄັນດັ່ງກ່າວຫຼຸດໂຄ້ງ ຕົກຮ່ອງຂ້າງທາງເບື້ອງຊ້າຍມື ໃນສະພາບທີ່ມອດຈັກລົດ ແລະ ໄຂປະຕູເບື້ອງຄົນຂັບປະໄວ້ແຕ່ບໍ່ເຫັນຜູ້ຂັບຂີ່; ເຈົ້າໜ້າທີ່ຈິ່ງໄດ້ເຂົ້າກວດເບິ່ງ ເຫັນວ່າມີເປົາລາຍຢູ່ທາງຫຼັງກະບະລົດ ຈຳນວນ 02 ເປົາ ແລະ ຢູ່ຫ້ອງຄົນ ຂັບ ຈຳນວນ 06 ເປົາ ແລະ […]
ອອກແຈ້ງການ ການຈັດສັນສະຖານທີ່ການຄ້າຂາຍຢູ່ ບໍລິເວນສວນເຈົ້າອານຸວົງ
ວັນທີ 14 ພຶດສະພາ 2023 ນີ້ ພະແນກອຸກສາຫະກຳ ແລະ ການຄ້າ ນະຄອນຫຼວງວຽງຈັນ ໄດ້ອອກແຈ້ງການເຖິງບໍລິສັດດາວເຮືອງຈໍາກັດຜູ້ດຽວ, ເຈົ້າຂອງວິສາຫະກິດສ່ວນບຸກຄົນ ຮ້ານອາຫານ ຟູ ຈິວະລະ, ຜູ້ປະກອບການຊາວຄ້າຂາຍ ຢູ່ໃນບໍລີເວນສວນເຈົ້າອານຸວົງເລື່ອງການປັບປຸງ ຈັດສັນສະຖານທີ່ການຄ້າຂາຍຢູ່ ບໍລິເວນສວນເຈົ້າອານຸວົງ ຕາມໜັງສືທາງລັດຖະການ ເລກທີ 245/ຫວນວ; ລົງວັນທີ 15 ກຸມພາ 2023. ປະຈຸບັນ ການດໍາເນີນທຸລະກິດການບໍລິການ, ຊື້-ຂາຍ ຢູ່ເດີ່ນສວນສາທາລະນະເຈົ້າອານຸວົງ ທີ່ໄດ້ຮັບສຳປະ ທ່ານໂດຍ ບໍລິສັດ ດາວເຮືອງ ຈຳກັດຜູ້ດຽວ ແລະ ວິສາຫະກິດສ່ວນບຸກຄົນ ຮ້ານອາຫານ ຟູຈິວະລະ ເຫັນວ່າໄດ້ມີ ການດຳເນີນບໍລິການ, ຊື້-ຂາຍ ສິນຄ້າຫຼາກຫຼາຍປະເພດ ເຊິ່ງເປັນຈຸດທີ່ດຶງດູດການທ່ອງທ່ຽວໃນຍາມແລງ, ເພື່ອເປັນ ການພັດທະນາຍົກລະດັບ ຈຸດຂາຍສິນຄ້າທີ່ເປັນ ເອກະລັກຂອງນະຄອນຫຼວງວຽງຈັນ ທັງເປັນການກຽມຄວາມພ້ອມ ໃຫ້ແກ່ການຕ້ອນຮັບແຂກໃນໄລຍະທີ່ ສປປ ລາວ ໄດ້ເປັນເຈົ້າພາບຈັດກອງປະຊຸມອາຊຽນທີ່ຈະມາເຖິງນີ້, ພະແນກ ອຸດສາຫະກຳ ແລະ […]
ສຶກສາຄວາມເປັນໄປໄດ້ ການແປຮູບຂີ້ເຫຍື້ອມາເປັນພະລັງງານ
ຂປລ. ກະຊວງພະລັງງານ ແລະ ບໍ່ແຮ່ ເຊັນສັນຍາຮ່ວມມື ກັບບໍລິສັດ ວຽງຈັນບໍລິຫານຈັດການຂີ້ເຫຍື້ອ ຈຳກັດ ເພື່ອສຶກສາທ່າແຮງດ້ານພະລັງງານຂອງສິ່ງເສດເຫລືອ ແລະ ພັດທະນາພື້ນຖານໂຄງລ່າງ ສະຖານີສາກລົດໄຟຟ້າ, ພ້ອມທັງນຳໃຊ້ລົດໄຟຟ້າເຂົ້າໃນການຂົນສົ່ງສິ່ງເສດເຫລືອ ໃນນະຄອນຫລວງວຽງຈັນ, ຫລວງພະບາງ, ຄໍາມ່ວນ, ສະຫວັນນະເຂດ ແລະ ແຂວງຈໍາປາສັກ ເຊິ່ງການ ດຳເນີນການສຶກສາຄວາມເປັນໄປໄດ້ ແມ່ນສຶກສາທາງດ້ານເສດຖະກິດ-ເຕັກນິກ, ການວິເຄາະທາງດ້ານເສດຖະກິດ-ການເງິນ, ຕ່ອງໂສ້ອຸປະທານໃນການເກັບຂີ້ເຫຍື້ອ, ການກຳຈັດ, ການຂົນສົ່ງ ແລະ ການເຂົ້າຫາແຫລ່ງຂີ້ເຫຍື້ອຂອງຊຸມຊົນຢ່າງທົ່ວເຖິງ. ພິທີເຊັນສັນຍາຮ່ວມມືດັ່ງກ່າວ ຈັດຂຶ້ນໃນທ້າຍອາທິດຜ່ານມາໂດຍການຮ່ວມລົງນາມ ລະຫວ່າງ ທ່ານ ຈັນໂທ ມີລັດຕະນະແພງ ຫົວໜ້າກົມສົ່ງເສີມ ແລະ ປະຢັດພະລັງງານ ແລະ ທ່ານ ຄຳຫລ້າ ນາກຄະວົງ ຜູ້ອຳນວຍການ ບໍລິສັດ ວຽງຈັນບໍລິຫານຈັດການຂີ້ເຫຍື້ອ ຈຳກັດ ໂດຍມີ ທ່ານ ສີນາວາ ສຸພານຸວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ພາກສ່ວນກ່ຽວຂ້ອງສອງຝ່າຍເຂົ້າຮ່ວມ. […]