ນັກວິໄຈ Apple ພັດທະນາ STARFlow ລະບົບ AI ສ້າງຮູບຄວາມລະອຽດສູງ
ນັກວິໄຈ Machine Learning ຂອງ Apple ໄດ້ພັດທະນາ “STARFlow” ລະບົບ AI ທີ່ອາດຈະຖືກເອີ້ນວ່າເປັນຄວາມກ້າວໜ້າສຳຄັນຂອງບໍລິສັດໃນການສ້າງຂໍ້ມູນຮູບພາບຄວາມລະອຽດສູງ ທີ່ອາດຈະໄປແຂ່ງຂັນກັບໂມເດລຜູ້ນຳຕະຫຼາດທີ່ເປັນລັກສະນະ Diffusion Model ທີ່ຢູ່ເບື້ອງຫຼັງ DALL-E ຫຼື Midjourney ໄດ້ເລີຍ ໂດຍໃນອາທິດທີ່ຜ່ານມາ ນັກວິໄຈຈາກ Apple ໄດ້ເປີດເຜີຍງານ AI ໃໝ່ພາຍໃຕ້ຊື່ STARFlow ໂດຍຮ່ວມມືກັບພາກການສຶກສາຕ່າງໆ ທີ່ໃຊ້ວິທີການຜະສານ Flow ທົ່ວໄປຮ່ວມກັບການເຮັດ Autoregressive Transformers ທີ່ເຮັດໃຫ້ທີມງານເອີ້ນວ່າ “ມີປະສິດທິພາບທີ່ແຂ່ງຂັນໄດ້” ກັບໂມເດລ Diffusion ທີ່ເປັນຂັ້ນສູງສຸດໃນປັດຈຸບັນ ງານວິໄຈດັ່ງກ່າວອອກມາໃນຊ່ວງເວລາທີ່ອາດເອີ້ນວ່າເປັນຄວາມທ້າທາຍສຳຄັນຂອງ Apple ໃນສົງຄາມໂລກ AI ທີ່ມີວິວັດທະນາການແລະປ່ຽນແປງໄປຢ່າງວ່ອງໄວ ຈົນເຮັດໃຫ້ບໍລິສັດຖືກວິພາກວິຈານຢ່າງກວ້າງຂວາງວ່າອາດຈະເປັນຜູ້ແພ້ໃນຍຸກ AI ໄປແລ້ວ ແມ້ແຕ່ໃນງານ Worldwide Developers Conference ກໍມີການອັບເດດເລື່ອງ AI ໃນແພລດຟອມ Apple Intelligence ພຽງເລັກນ້ອຍເທົ່ານັ້ນ ບໍ່ແນ່ວ່າ […]
ມາແລ້ວ Call of Duty: Black Ops 7 ເວີຊັ່ນລ່າສຸດໄດ້ເປີດຕົວພ້ອມໃຫ້ທ່ານໄດ້ຫຼິ້ນແນ່ນອນ
ກຽມພົບກັບພາກຕໍ່ທີ່ຫຼາຍຄົນລໍຖ້າ! Call of Duty: Black Ops 7 ໄດ້ຮັບການເປີດຕົວຢ່າງເປັນທາງການແລ້ວ ພ້ອມພາຜູ້ຫຼິ້ນດີ່ງສູ່ສະໝົນລົບໂລກອະນາຄົດໃນປີ 2035 ໃນເລື່ອງລາວທີ່ຖືກຂະໜານນາມວ່າ “ເຂັ້ມຂຸ້ນ ແລະ ປັ່ນປະສາດທີ່ສຸດ” ໃນປະຫວັດສາດຂອງຊີຣີ Black Ops ພາກນີ້ຖືເປັນການສືບຕໍ່ເລື່ອງລາວໂດຍກົງຈາກພາກກ່ອນໜ້າ ແຕ່ກະໂດດຂ້າມເວລາໄປໄກເຖິງ 40 ປີຫຼັງເຫດການໃນ Black Ops 6 ເມື່ອໂລກກຳລັງລົ່ມສລາຍຈາກຫາຍະນະຄັ້ງໃຫຍ່ David Mason ໄດ້ກັບມານຳທີມອີກຄັ້ງໃນພາລະກິດສຸດອັນຕະລາຍ ເພື່ອຕໍ່ກົດກັບສັດຕູຈອມບງການລຶກລັບທີ່ໃຊ້ອາວຸດທີ່ໜ້າສະພຶງກົວທີ່ສຸດ ນັ້ນຄື “ຄວາມກົວ” ເພື່ອຄວບຄຸມໂລກທັງໃບ ສິ່ງໃໝ່ທີ່ໜ້າຈັບຕາໝອງໃນ Call Of Duty : Black Ops 7 Co-op Campaign ຄັ້ງທຳອິດ: ບໍ່ຕ້ອງລຸຍດຽວອີກຕໍ່ໄປ! ຜູ້ຫຼິ້ນສາມາດຈັບມືກັບເພື່ອນເພື່ອຝ່າຟັນເນື້ອເລື່ອງສຸດເຂັ້ມຂຸ້ນໄປດ້ວຍກັນ ຫຼື ຈະເລືອກສຳຜັດປະສົບການແບບໂຊໂລ່ເໝືອນເດີມກໍໄດ້ Multiplayer ແຫ່ງໂລກອະນາຄົດ: ກຽມມັນສ໌ໄປກັບໂໝດມັນຕິເພລເຢີ ທີ່ມາພ້ອມແຜນທີ່ໃໝ່ໆ ແລະ ຄັງອາວຸດຍຸດໂທປະກອນສຸດລ້ຳຈາກປີ 2035 ການກັບມາຂອງ […]
ການວິໄຈຍີ່ປຸ່ນພົບ ແວ່ນ VR ອາດຊ່ວຍຟື້ນຟູ “ສາຍຕາສັ້ນ” ຮຸນແຮງໄດ້
ທາງບັນລະຍາວິທະຍາສາດ ແລະ ວິສະວະກຳສາດຂອງມະຫາວິທະຍາໄລ Kwansei Gakuin ໄດ້ນຳສະເໜີງານວິໄຈໃນງານ Interaction 2025 ສະແດງໃຫ້ເຫັນວ່າການເລ່ນເກມ VR ທີ່ອອກແບບມາເປັນພິເສດ ຊ່ວຍປັບປຸງການເບິ່ງເຫັນໄດ້ຢ່າງມີໝາຍສຳຄັນພາຍໃຕ້ສະຖານະການບາງຢ່າງ ເຊັ່ນເກມຍິງປືນທີ່ຜູ້ຫຼິ້ນຈະໃຊ້ຄອນໂທຣເລີເລັງ ແລະ ຍິງໄປທີ່ເປົ້າວົງມົນ ເມື່ອເປົ້າຖືກຍິງກໍຈະຖືກດັນໃຫ້ຖອຍຫ່າງອອກໄປ ເຮັດໃຫ້ຜູ້ຫຼິ້ນໄດ້ຝຶກເບິ່ງທັງໃນລະຍະໃກ້ ແລະ ໄກ ໂດຍນັກວິໄຈໄດ້ທົດສອບກັບກຸ່ມຕົວຢ່າງ 10 ຄົນ ທີ່ບໍ່ມີພະຍາດທາງສາຍຕາ ຫຼິ້ນເກມນີ້ໃນຊ່ວງເວລາຕ່າງໆ ຕິດຕໍ່ກັນ 6 ອາທິດ ແລ້ວວັດຜົນທີ່ກ່ຽວຂ້ອງກັບການເບິ່ງເຫັນຂອງພວກເຂົາ ເຖິງແມ່ນວ່າຜູ້ເຂົ້າຮ່ວມບາງຄົນຈະບໍ່ຄ່ອຍໄດ້ຫຼິ້ນເກມນີ້ ຫຼິ້ນປະມານສາມວັນຕໍ່ຄັ້ງ ແຕ່ທຸກຄົນກໍສະແດງໃຫ້ເຫັນເຖິງການເບິ່ງເຫັນທີ່ດີຂຶ້ນ ເມື່ອທຽບກັບຄ່າທີ່ວັດໄວ້ກ່ອນການທົດສອບ ສິ່ງທີ່ໜ້າສົນໃຈກໍແມ່ນ ຜູ້ເຂົ້າຮັບການທົດສອບທີ່ມີສາຍຕາສັ້ນລະດັບປານກາງເຖິງຮຸນແຮງພົບວ່າການເບິ່ງ ເຫັນດີຂຶ້ນຢ່າງມີຄວາມໝາຍສຳຄັນ ຊຶ່ງຂຶ້ນກັບຄວາມຖີ່ຂອງການຫຼິ້ນອີກດ້ວຍ ແຕ່ຄົນທີ່ມີສາຍຕາສັ້ນພຽງເລັກນ້ອຍກັບບໍ່ເຫັນຜົນໄດ້ທີ່ແຕກຕ່າງຂະໜາດນັ້ນ ສ່ວນສາເຫດຍັງບໍ່ແນ່ຊັດ ແຕ່ທິດສະດີທີ່ເປັນໄປໄດ້ຢ່າງໜຶ່ງແມ່ນ ຜູ້ທົດສອບອາດຈະເປັນພະຍາດສາຍຕາສັ້ນປອມ (Pseudomyopia) ຊຶ່ງມີອາການຄືສາຍຕາສັ້ນ ແຕ່ເກີດຈາກການໃຊ້ສາຍຕາຫຼາຍເກີນໄປ ສ່ວນໃຫຍ່ມັກເກີດຈາກການເບິ່ງໜ້າຈໍເປັນເວລາຍາວເກີນໄປ ຊຶ່ງສາຍຕາສັ້ນປອມອາດພັດທະນາໄປເປັນສາຍຕາສັ້ນແທ້ໄດ້ ຫາກບໍ່ໄດ້ຮັບການຮັກສາ ແລະ ສາມາດເຮັດໃຫ້ກັບຄືນສູ່ສະພາບປົກກະຕິໄດ້ດ້ວຍການຝຶກສາຍຕາ ເຊັ່ນ: ສະລັບລະຫວ່າງການຈ້ອງໃກ້ […]
ຈີນຕັ້ງລາງວັນນຳຈັບແຮັກເກີທີ່ກ່ຽວຂ້ອງກັບໄຕ້ຫວັນຫຼາຍຄົນ
ທາງການຂອງເມືອງກວາງໂຈວ ໃນມົນທົນກວາງຕຸ້ງຂອງຈີນ ຕັ້ງລາງວັນນຳຈັບແຮັກເກີຍຫຼາຍກວ່າ 20 ຄົນ ທີ່ພະຍາຍາມໂຈມຕີທາງໄຊເບີກັບຫົວໜ່ວຍງານຫຼາຍແຫ່ງໃນປະເທດຈີນ ໂດຍມຸ່ງເປົ້າໄປທີ່ລະບົບເຄືອຂ່າຍສຳຄັນກວ່າ 1,000 ລະບົບ ໃນກວ່າ 10 ພື້ນທີ່ລະດັບມົນທົນທົ່ວແຜ່ນດິນໃຫຍ່ຂອງຈີນ ຊຶ່ງລວມເຖິງອຸດສາຫະກຳທາງທະຫານ ຫົວໜ່ວຍງານລັດຖະບານ ແລະ ພາກສ່ວນດ້ານພະລັງງານ ພະລັງນ້ຳ ແລະ ການຂົນສົ່ງ ຊຶ່ງທາງການຈີນເປີດເຜີຍວ່າແຮັກເກີທີ່ຖືກຕັ້ງລາງວັນນຳຈັບມີຄວາມກ່ຽວຂ້ອງກັບລັດຖະບານໄຕ້ຫວັນ ຊຶ່ງທາງການຈີນໄດ້ລວບລວມຂໍ້ມູນຂອງແຮັກເກີກຸ່ມນີ້ໄວ້ແລ້ວ ຊຶ່ງມີທັງຮູບຖ່າຍ ຊື່ ນາມສະກຸນ ແລະ ໝາຍເລກບັດປະຈຳຕົວ ທາງການເມືອງກວາງໂຈວ ບໍ່ໄດ້ລະບຸວ່າເງິນລາງວັນນຳຈັບແຮັກເກີກຸ່ມນີ້ ມີມູນຄ່າຫຼາຍເທົ່າໃດ ແຕ່ລະບຸວ່າແຮັກເກີກຸ່ມນີ້ໄດ້ຮັບການສະໜັບສະໜູນຈາກພັກປະຊາທິປະໄຕກ້າວໜ້າ ຫຼື ພັກ DPP ຊຶ່ງເປັນພັກລັດຖະບານຂອງໄຕ້ຫວັນ ແລະ ມີການຮ່ວມມືກັບທາງການສະຫະລັດ ທີ່ພະຍາຍາມໃຊ້ວິທີໂຈມຕີທາງໄຊເບີ້ກໍ່ກວນໃຫ້ເກີດຄວາມບໍ່ສະຫງົບໃນຈີນ ໂດຍທາງສະຫະລັດໄດ້ຊ່ວຍໄຕ້ຫວັນຝຶກແຮັກເກີ ໃຫ້ການສະໜັບສະໜູນດ້ານອຸປະກອນ ແລະ ເທັກໂນໂລຢີດ້ານການສື່ສານ ເພື່ອໃຊ້ໄຕ້ຫວັນເປັນຖານໂຈມຕີທາງໄຊເບີຕໍ່ປະເທດຈີນ ແນວໃດກໍຕາມ ທາງການໄຕ້ຫວັນປະຕິເສດຂໍ້ກ່າວຫາຂອງຈີນວ່າບໍ່ເປັນຄວາມຈິງ ແລະ ການທີ່ຈີນຕັ້ງລາງວັນນຳຈັບເປັນການສະແດງທ່າທີທີ່ບໍ່ເໝາະສົມ ແລະ ຫຍາບຄາຍ […]
“ເຟສບຸກ” ຊື້ໄຟຟ້າພະລັງງານ “ນິວເຄລຍ” ຮູບແບບໃໝ່ ຮອງຮັບ AI-Data Center ໃຊ້ໄຟມະຫາສານ
ເມຕາ ແພລດຟອມສ໌ (Meta Platforms) ເຈົ້າຂອງເຟສບຸກ (Facebook) ແລະ ອິນສະຕາແກຣມ (Instagram) ສ້າງຄວາມຄຶກຄັກໂດຍ ການປະກາດບັນລຸຂໍ້ຕົກລົງຄັ້ງປະຫວັດສາດກັບ ຄອນສະເຕເລຊັນ ເອເນີຈີ (Constellation Energy) ບໍລິສັດພະລັງງານໃຫຍ່ຂອງສະຫະລັດ ເພື່ອທຸ່ມເງິນສະໜັບສະໜູນໃຫ້ເຕົາປະຕິກອນນິວເຄລຍແຫ່ງໜຶ່ງ ໃນລັດອິລລິນອຍສ໌ຍັງຄົງເດີນເຄື່ອງຜະລິດໄຟຟ້າຕໍ່ໄປໄດ້ອີກເຖິງ 20 ປີ ນັບເປັນຄັ້ງທຳອິດທີ່ບໍລິສັດເທັກໂນໂລຢີຍັກສ໌ໃຫຍ່ຢ່າງເມຕາກະໂດດເຂົ້າມາລົງທຶນໂດຍກົງໃນໂຮງໄຟຟ້ານິວເຄລຍ ຄວາມເຄື່ອນໄຫວນີ້ເກີດຂຶ້ນກາງສະຖານການທີ່ກຸ່ມບໍລິສັດເທັກໂນໂລຢີລາຍໃຫຍ່ກຳລັງພົບກັບຄວາມທ້າທາຍໃນການຈັດຫາພະລັງງານໄຟຟ້າໃຫ້ພຽງພໍຕໍ່ຄວາມຕ້ອງການທີ່ສູງຂຶ້ນຢ່າງກ້າວກະໂດດໃນສະຫະລັດ ເປັນຄັ້ງທຳອິດໃນຮອບ 2 ທົດສະວັດ ໂດຍມີປັດໄຈຫຼັກມາຈາກຄວາມຕ້ອງການພະລັງງານມະຫາສານຂອງລະບົບປັນຍາປະດິດ (AI) ແລະ ສູນກາງຂໍ້ມູນທີ່ຂະຫຍາຍຕົວຢ່າງວ່ອງໄວ ປັດຈຸບັນ ໂຮງໄຟຟ້ານິວເຄລຍຄລິນຕັນ (Clinton Clean Energy Center) ຂອງຄອນສະເຕເລຊັນ ໄດ້ຮັບເງິນອຸດໜູນຈາກ ລັດອິລລິນອຍສ໌ ຜ່ານໂຄງການໃຫ້ເຄຣດິດການປ່ອຍແກັສເຮືອນກະຈົກເປັນສູນ ຊຶ່ງໃຊ້ເງິນທຶນສ່ວນໜຶ່ງຈາກຜູ້ໃຊ້ໄຟຟ້າ ເພື່ອສົ່ງເສີມການຜະລິດໄຟຟ້າສະອາດ ຢ່າງໃດກໍຕາມ ໂຄງການນີ້ຈະສິ້ນສຸດລົງໃນປີ 2027 ຈຸດນີ້ເອງທີ່ຂໍ້ຕົກລົງຊື້ຂາຍໄຟຟ້າ (PPA) ຂອງເມຕາຈະເຂົ້າມາມີບົດບາດສຳຄັນ ໂດຍຈະອັດສີດເງິນທຶນ (ເປັນຈຳນວນທີ່ບໍ່ເປີດເຜີຍ) ເພື່ອຊ່ວຍໃນການຕໍ່ອາຍຸໃບອະນຸຍາດ ແລະ […]
“ໂດຣນສົ່ງອາວຸດດ່ວນ” ບໍລິສັດ Draganfly ສົ່ງມອບໂດຣນບິນຂົນສົ່ງຄວາມໄວສູງໃຫ້ກອງທັບສະຫະລັດ
ບໍລິສັດ ດາແກນຟາຍ (Draganfly) ປະກາດຄວາມສຳເລັດໃນການສົ່ງມອບໂດຣນ Flex FPV (First Person View) ຊຸດທຳອິດໃຫ້ໜຶ່ງໃນຜູ້ຮັບເໝົາທາງການທະຫານລາຍໃຫຍ່ຂອງສະຫະລັດອາເມຣິກາ ໂດຍລະບົບດັ່ງກ່າວໄດ້ຮັບການອອກແບບ ແລະ ຜະລິດໃນອາເມຣິກາເໜືອ ເພື່ອຕອບສະໜອງຕໍ່ຍຸດທະວິທີ ທີ່ຫຼາກຫຼາຍຂອງກອງກຳລັງພັນທະມິດ ນັບເປັນກ້າວສຳຄັນຂອງດາແກນຟາຍໃນການຂະຫຍາຍບົດບາດໃນເທັກໂນໂລຢີດ້ານຄວາມໝັ້ນຄົງ ໂດຣນ Flex FPV ໂດຣນ Flex FPV ຖືກພັດທະນາໂດຍສະຖາປັດແບບໂມດູລາທີ່ມີຄວາມຍືດຫຍຸ່ນສູງ ສາມາດປ່ຽນຂະໜາດແຂນ ແລະ ໃບພັດໄດ້ພາຍໃນບໍ່ເທົ່າໃດວິນາທີ ເຮັດໃຫ້ຫນ່ວຍພາກສະໜາມສາມາດປັບແຕ່ງໂດຣນພຽງລຳດຽວໃຫ້ເໝາະສົມກັບພາລະກິດທີ່ແຕກຕ່າງກັນ ທັງການລາດຕະເວນລະຍະໃກ້ ຫຼື ການຂົນສົ່ງອຸປະກອນສະເພາະ ໂດຍບໍ່ຕ້ອງໃຊ້ເຄື່ອງມືພິເສດ ຄາເມລອນ ເຊລ (Cameron Chell) ປະທານ ແລະ ປະທານເຈົ້າໜ້າທີ່ບໍລິຫານຂອງດາແກນຟາຍ ກ່າວວ່າ “ແພລດຟອມໂດຣນ Flex FPV ເກີດຂຶ້ນຈາກປະສົບການພາກສະໜາມໃນຢູເຄຣນ ແລະ ໄດ້ຮັບການປັບປຸງຜ່ານການທົດສອບຈາກພັນທະມິດດ້ານຄວາມໝັ້ນຄົງຫຼາຍບໍລິສັດ ເຮົາພູມໃຈຢ່າງຍິ່ງທີ່ລະບົບນີ້ໄດ້ຮັບເລືອກຈາກໜຶ່ງໃນບໍລິສັດດ້ານການປ້ອງກັນປະເທດຊັ້ນນຳຂອງໂລກ” ໂດຣນ Flex FPV […]
“Tidybot” ຫຸ່ນຍົນພະລັງ AI ແມ່ບ້ານຍຸກໃໝ່ ຊ່ວຍເຮັດຄວາມສະອາດບໍ່ມີຈົ່ມ
ໃຜທີ່ບໍ່ມັກທຳຄວາມສະອາດຫ້ອງນອນ ຫຼື ຈັດບ້ານໃຫ້ເປັນລະບຽບ ອີກບໍ່ນານນີ້ເຮົາອາດຈະບໍ່ຕ້ອງເຮັດສິ່ງເຫຼົ່ານີ້ເອງອີກຕໍ່ໄປ ເມື່ອມີນັກວິໄຈທີ່ກຳລັງພັດທະນາຫຸ່ນຍົນມາກຄວາມສາມາດຕົວໃໝ່ ອອກແບບໃຫ້ມາດູແລງານບ້ານໂດຍສະເພາະ ນັກວິໄຈດ້ານຫຸ່ນຍົນທີ່ມະຫາວິທະຍາໄລສະແຕນຟອດ ກຳລັງພັດທະນາແຂນຫຸ່ນຍົນເຄື່ອນທີ່ ຊຶ່ງໃຊ້ປະໂຫຍດຈາກປັນຍາປະດິດ (AI) ລວມເຖິງໂມເດລພາສາຂະໜາດໃຫຍ່ (LLM) ແລະ ໂມເດລການເບິ່ງເຫັນ ເພື່ອຮຽນຮູ້ ແລະ ເຮັດວຽກບ້ານສະເພາະຕົວ ເຊັ່ນ: ການແຍກຜ້າຊັກ ການເຮັດຄວາມສະອາດເຄົ້າເຕີ ແລະ ຈັດລະບຽບສິ່ງຂອງ ຫຸ່ນຍົນຕົວນີ້ຊື່ວ່າ ໄທດີບອດ (Tidybot) ມາຈາກຄຳວ່າໄທດີ (Tidy) ໃນພາສາອັງກິດທີ່ແປວ່າ ຄວາມເປັນລະບຽບຮຽບຮ້ອຍ ໄທດີບອດ (Tidybot) ຈຶ່ງເປັນເໝືອນຫຸ່ນຍົນທີ່ຊ່ວຍເຮັດຄວາມສະອາດ ຈັດການງານບ້ານໃຫ້ເປັນລະບຽບ ຫຸ່ນຍົນຕົວນີ້ໃຊ້ໂມເດນພາສາຂະໜາດໃຫຍ່ (LLM) ຄ້າຍກັບເທັກໂນໂລຊີທີ່ຂັບເຄື່ອນປັນຍາປະດິດ ແຊດຈີພີທີ (ChatGPT) ໃນການປະມວນຜົນຊຸດຂໍ້ມູນອິນເທີເນັດຈຳນວນຫຼາຍ ເຮັດໃຫ້ສາມາດຈົດຈຳ ແລະ ຈັດໝວດໝູ່ສິ່ງຂອງຕ່າງໆ ເຊັ່ນ: ເສື້ອຜ້າ ຂອງຫຼິ້ນ ແລະ ອາຫານໄດ້ຢ່າງແມ່ນຍຳ ດ້ວຍການລວມໂມເດລປັນຍາປະດິດເຂົ້າກັບໂມເດລການເບິ່ງເຫັນ ຫຸ່ນຍົນຕົວນີ້ຈຶ່ງສາມາດລະບຸລັກສະນະຂອງວັດຖຸ ເຊັ່ນ: ສີ […]
Neuralink ລະດົມທຶນສຳເລັດ 600 ລ້ານໂດລາ ຫຼັງຊິບສະໝອງໄດ້ຮັບການຮັບຮອງໃຊ້ກັບມະນຸດ
ນິວຣັລລິງກ (Neuralink) ບໍລິສັດເທັກໂນໂລຍີສະໝອງທີ່ກໍ່ຕັ້ງໂດຍອີລອນ ມັສກ ປະກາສຄວາມສຳເລັດໃນການລະດົມທຶນຮອບລ່າສຸດ ມູນຄ່າ 600 ລ້ານໂດລາສະຫະລັດ ສົ່ງຜົນໃຫ້ມູນຄ່າລວມຂອງບໍລິສັດພຸ່ງຂຶ້ນແຕະ 9,000 ລ້ານໂດລາ ຕາມລາຍງານຂອງ Semafor ນັບເປັນການເຕີບໂຕຢ່າງກ້າວກະໂດດຈາກມູນຄ່າ 3,500 ລ້ານໂດລາເມື່ອປາຍປີ 2023 ປັດໄຈສຳຄັນທີ່ຢູ່ເບື້ອງຫຼັງຄວາມເຊື່ອໝັ້ນຂອງນັກລົງທຶນຄືຄວາມກ້າວໜ້າທາງເທັກໂນໂລຍີຂອງ Neuralink ໂດຍບໍລິສັດໄດ້ຝັງຊິບສະໝອງຈຳນວນ 3 ຊິ້ນໃນຄົນເຈັບທີ່ເປັນອຳພາດ ຫຼື ບໍ່ສາມາດສື່ສານໄດ້ ໜຶ່ງໃນນັ້ນຄືຊາຍຈາກລັດແອຣິໂຊນາ ຜູ້ປ່ວຍໂລກ ALS ທີ່ບໍ່ສາມາດເວົ້າໄດ້ ຊຶ່ງໄດ້ແຊຣວິດີໂອຜ່ານແພລັດຟອມ X ສະແດງໃຫ້ເຫັນເຖິງການສື່ສານຜ່ານຊິບດັ່ງກ່າວ ເທັກໂນໂລຍີ Breakthrough Device ກ່ອນໜ້ານີ້ ວັນທີ 10 ພຶດສະພາທີ່ຜ່ານມາ ບໍລິສັດ ນິວຣັລລິງກ (Neuralink) ໄດ້ຮັບການຮັບຮອງຈາກອົງການອາຫານ ແລະ ຢາແຫ່ງສະຫະລັດ (FDA) ໃຫ້ເປັນອຸປະກອນລ້ຳຍຸກ (Breakthrough Device) […]
ນັກວິໄຈຈີນພັດທະນາເລເຊີຄວາມແມ່ນຍຳສູງ ສະແກນຕົວອັກສອນຈາກລະຍະໄກກວ່າ 1 ກິໂລແມັດ
ທີມນັກວິທະຍາສາດຈາກມະຫາວິທະຍາໄລວິທະຍາສາດ ແລະ ເທັກໂນໂລຍີແຫ່ງປະເທດຈີນ (USTC) ໄດ້ສາທິດເທັກໂນໂລຍີໃໝ່ທີ່ສາມາດອ່ານຂໍ້ຄວາມຂະໜາດນ້ອຍເທິງເຈ້ຍໄດ້ຈາກລະຍະໄກເຖິງ 1.36 ກິໂລແມັດ ຫຼື ປະມານ 0.85 ໄມລ໌ ຊຶ່ງຖືເປັນກ້າວກະໂດດທາງດ້ານການຖ່າຍພາບລະຍະໄກລ ນັກວິໄຈພັດທະນາເລເຊີແນວໃດ? ເທັກໂນໂລຍີນີ້ອາໄສຫຼັກການລົບກວນຄວາມເຂັ້ມຂອງແສງ ຫຼື Intensity interferometry ຊຶ່ງຕ່າງຈາກກ້ອງທົ່ວໄປທີ່ຕຣວດຈັບແສງໂດຍກົງ ວິທີນີ້ຈະວັດຮູບແບບການສະທ້ອນ ແລະ ການລົບກວນຂອງແສງ ແລ້ວນຳມາສ້າງພາບຂຶ້ນໃໝ່ ເຮັດໃຫ້ສາມາດເບິ່ງເຫັນລາຍລະອຽດທີ່ນ້ອຍຫຼາຍໄດ້ ເຖິງແມ່ນຈາກລະຍະໄກລ ການທົດລອງໃຊ້ລຳແສງເລເຊີອິນຟາເຣດຈຳນວນ 8 ລຳ ຍິງໄປຍັງເປົ້າໝາຍ ຈາກນັ້ນກ້ອງໂທລະທັດ 2 ຕົວຈະຈັບພາບຄວາມເຂັ້ມຂອງແສງສະທ້ອນກັບ ໂດຍການປຽບທຽບຂໍ້ມູນລະຫວ່າງກ້ອງທັງສອງ ເຮັດໃຫ້ສາມາດສ້າງພາບຕົວອັກສອນຂະໜາດພຽງ 3 ມິນລິແມັດ ໄດ້ຢ່າງຊັດເຈນ ຊຶ່ງຄວາມລະອຽດນີ້ສູງກວ່າກ້ອງໂທລະທັດທົ່ວໄປເຖິງ 14 ເທົ່າ ນັກວິໄຈສາມາດອ່ານຂໍ້ຄວາມໄດ້ໃນລະຍະເກືອບໜຶ່ງໄມລ໌ (Liu et al., Physical Review Letters , 2025) […]
“ແວ່ນອັດສະຣິຍະ” Android XR ນຳທາງ ແປພາສາເຣຍລໄທມ໌ ຄວບ Gemini ໃນຕົວ
Google ເປີດໂຕແວ່ນຕາອັດສະຣິຍະໃນງານ I/O ໃຊ້ Android XR ມາພ້ອມກ້ອງ ໄມໂຄໂຟນ ລຳໂພງ ໜ້າຈໍໃນເລນສ໌ ແລະ ຟີເຈີ Gemini ເຊັ່ນ: ແປພາສາແບບເຣຍລໄທມ໌ ໃຊ້ງານຜ່ານສຽງ ດີໄຊນ໌ລຽບ ເໝາະກັບຊີວິດປະຈຳວັນ ສາກ “ໂທນີ ສະຕາກ” ໃສ່ແວ່ນອັດສະຣິຍະແລ້ວສັ່ງການດ້ວຍປັນຍາປະດິດ ໃຜເຫັນກໍຕ້ອງຮ້ອງວ້າວ ວັນນີ້ Google ໄດ້ນຳພາມະນຸດໄປເຖິງຈຸດນັ້ນແລ້ວ ໃນງານ Google I/O ກູເກີນໄດ້ເປີດໂຕ “ແວ່ນຕາອັດສະຣິຍະ” ອັດແໜ້ນດ້ວຍຟີເຈີສຸດລ້ຳ ລະບົບປະຕິບັດການ Android XR ຖືກເປີດໂຕໄປແລ້ວຊ່ວງປາຍປີ 2024 ໃນ “ເຮດເຊດຄອບຫົວ” ຂອງ Samsung ລ່າສຸດ ກູເກີນໄດ້ນຳ Android XR ມາໃຊ້ກັບແວ່ນພາຍໃຕ້ Project Aura ຜະລິດຕົ້ນແບບໂດຍ XREAL ແລະ ຮ່ວມພັດທະນາໂດຍ […]