ຊ່ວງນີ້ ອາກາດຢູ່ປະເທດເຮົາຮ້ອນແທ້ ເຮັດເຮົາເຫັນ ມີຂ່າວຄົນເສຍຊີວິດຍ້ອນຄວາມຮ້ອນ ຫຼື ຄວາມຮ້ອນບໍ່ໄດ້ເປັນເລື່ອງຕະຫຼົກເລີຍ, ແຕ່ສິ່ງທີ່ດີຂອງອາກາດຮ້ອນກໍ່ຄື ໝາກໄມ້ລະດູຮ້ອນມີໃຫ້ເຮົາເລືອກຊື້ ໂດຍສະເພາະໝາກໄມ້ “ທຸລຽນ”.

ແຕ່ທ່ານຮູ້ບໍ່ວ່າ ເຖິງມັນມີລົດຊາດແຊບ ແລະມີປະໂຫຍດ ແຕ່​ຖ້າຫາກກິນ​ບໍ່​ຖືກ​ວີທີ​ກໍ​ອາດ​ເປັນ​ອັນຕະລາຍ​ເຖິງ​ຊີວິດເຮົາ​ໄດ້. ສະນັ້ນ, ກ່ອນຈະກິນໝາກທຸລຽນ, ເຮົາມາອ່ານ “5 ສິ່ງທີ່ທ່ານຄວນຮູ້ກ່ອນກິນໝາກທຸລຽນ” ກັນກ່ອນ.

1. ​ທຸລຽນ ເປັນໝາກໄມ້ທີ່ມີແຄລໍລີ່ສູງ ເພາະໝາກທຸລຽນ 4-6 ໜ່ວຍໃຫ້ພະລັງງານ 400 ກິໂລແຄລໍຣີ ເທົ່າກັບ 2 ກະປ໋ອງນ້ຳອັດລົມ ຫຼື ເຂົ້າຈານໜຶ່ງ ດັ່ງນັ້ນ, ຂໍຢ່າກິນເພີດເພີນ ລະວັງນ້ຳໜັກຂຶ້ນ.

2. ທຸລຽນ ມີນໍ້າຕານສູງຫຼາຍເຊັ່ນດຽວກັນ. ດັ່ງນັ້ນ, ຜູ້ທີ່ເປັນພະຍາດເບົາຫວານ ສາມາດຫຼີກລ້ຽງໄດ້ຄວນຫຼີກລ້ຽງ

3. ນອກຈາກຄົນເຈັບທີ່ເປັນພະຍາດເບົາຫວານ ຄົນທີ່ມີພະຍາດທີ່ຕິດພັນກັບຄວາມດັນເລືອດສູງ, ຫົວໃຈ, ເສັ້ນເລືອດແລະໄຂມັນໃນເລືອດ ຄວນກິນໜ້ອຍທີ່ສຸດເທົ່າທີ່ກິນໄດ້.

4. ທຸລຽນ ເປັນໝາກໄມ້ທີ່ມີທາດຮ້ອນ ຖ້າກິນກັບເຫຼົ້າ ບໍ່ວ່າຈະເປັນເຫຼົ້າ, ເບຍ ຫຼື ເຄື່ອງດື່ມທີ່ມີແອນກໍຮໍ ຈະເຮັດໃຫ້ເກີດອັນຕະລາຍຕໍ່ຮ່າງກາຍຫຼາຍຂຶ້ນ ຮ່າງກາຍຈະຮ້ອນເກີນໄປ ເຖິງຂັ້ນເສຍຊີວິດໄດ້

5. ໃນເມື່ອ ທຸລຽນ ໃຫ້ພະລັງງານສູງ ສະນັ້ນມື້ໃດທີ່ທ່ານກິນ ທຸລຽນ ຄວນຫຼີກເວັ້ນອາຫານອື່ນໆທີ່ໃຫ້ພະລັງງານສູງເຊັ່ນດຽວກັນ, ເຊັ່ນ: ອາຫານຂົ້ວ ອາຫານທີ່ປຸງແຕ່ງດ້ວຍນົມຫມາກພ້າວ ອາຫານຫວານອື່ນໆ ຖ້າເປັນໄປໄດ້ ຄວນເພີ່ມການອອກກໍາລັງກາຍ

ສະແດງຄຳຄິດເຫັນ