ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ກຳປູເຈຍ ສ້າງລາຍໄດ້ ຈາກ ການສົ່ງອອກເຂົ້າ ແລະ ຢາງພາລາແຫ້ງ ລວມມີ 384,4 ລ້ານໂດລາ ສະຫະລັດ ໃນໄລຍະເດືອນ ມັງກອນ-ເດືອນພືດສະພາ ໃນປີນີ້. ໂດຍ ສະຫະພັນເຂົ້າ ແຫ່ງ ກຳປູເຈຍ ລາຍງານວ່າ:​ ກໍາປູເຈຍ ສົ່ງອອກ ເຂົ້າສານ 302.592 ໂຕນ ໄປຍັງ 63 ປະເທດ ແລະ ພາກພື້ນ ໃນໄລຍະ 5 ເດືອນ ຂອງ ປີນີ້ ແລະ ສາມາດ ສ້າງລາຍໄດ້ 219,9 ລ້ານໂດລາ ສະຫະລັດ.

ໂດຍ ຈີນ ຍັງສືບຕໍ່ ເປັນ ຜູ້ຊື້ເຂົ້າ ກຳປູເຈຍ ຂະໜາດໃຫຍ່ ລວມມີ 73.322 ໂຕນ,​ ດ້ວຍມູນຄ່າ 46,2 ລ້ານໂດລາ ສະຫະລັດ.  ໃນຂະນະດຽວກັນ ກົມຢາງພາລາ ຂອງ ກຳປູເຈຍ ລະບຸວ່າ: ກຳປູເຈຍ ສົ່ງອອກ ຢາງພາລາແຫ້ງ ໃນໄລຍະ 5 ເດືອນ ຂອງ ປີນີ້ ລວມມີ  110.772 ໂຕນ, ເພີ່ມຂຶ້ນ 2,42% ເມື່ອທຽບໃສ່ ໄລຍະ ດຽວກັນຂອງປີກາຍນີ້ ແລະ ອຶ່ນໆ.

KPL

ສະແດງຄຳຄິດເຫັນ