ກະຊວງສາທາ ໄດ້ຮັບເຄື່ອງໃຊ້ຈຳເປັນ ເພື່ອຊ່ວຍຜູ້ລອດຊີວິດຈາກຄວາມຮຸນແຮງ
ເມື່ອບໍ່ດົນມານີ້, ສະຖານທູດອົດສະຕຣາລີ ແລະ ອົງການສະຫະປະຊາຊາດ ກອງທຶນສຳລັບປະຊາກອນ (UNFPA) ໄດ້ມອບອຸປະກອນ ແລະ ເຄື່ອງໃຊ້ທີ່ຈຳເປັນ ເພື່ອນຳໃຊ້ເຂົ້າໃນການຊ່ວຍເຫລືອຜູ້ລອດຊີວິດ ຈາກຄວາມຮຸນແຮງ, ລວມມູນຄ່າ 1 ຕື້ກວ່າກີບ ໃຫ້ກະຊວງສາທາລະນະສຸກ ແລະ ສູນກາງສະຫະພັນແມ່ຍິງລາວ. ເຄື່ອງທີ່ນໍາມາມອບໃນຄັ້ງນີ້, ປະກອບມີ: ອຸປະກອນການແພດສະເພາະທາງເຊັ່ນ: ຕູ້ເຢັນສຳລັບການກວດນິຕິວິທະຍາ, ໂຄມໄຟສຳລັບການກວດພະຍາດຍິງ, ເຟີນິເຈີ ແລະ ອຸປະກອນ ເອເລັກໂຕຣນິກ(ICT) ເພື່ອເພີ່ມຄວາມປອດໄພ ໃຫ້ຜູ້ລອດຊີວິດທີ່ຕ້ອງການທີ່ພັກຊົ່ວຄາວທີ່ປອດໄພ ເຊິ່ງອຸປະ ກອນເຫລົ່ານີ້ ໄດ້ຖືກຈັດຊື້ພາຍໃຕ້ການສະໜອງທຶນຂອງ ກະຊວງການຕ່າງປະເທດ ແລະ ການຄ້າ ອົດສະຕຣາລີ (DFAT) ຜ່ານໂຄງການ ປັບປຸງການບໍລິການສັງຄົມ ແລະ ສາທາລະນະສຸກ ເພື່ອໂຕ້ຕອບກັບຄວາມຮຸນແຮງບົນພື້ນຖານທາງເພດ ແຕ່ປີ 2021-2023, ການສະໜັບສະໜູນດັ່ງກ່າວ ແມ່ນມີຄວາມຈຳເປັນຕໍ່ການດໍາເນີນງານຂອງສູນບໍລິການປະຕູດຽວ (OSSC) ແຫ່ງທຳອິດຂອງປະເທດ ທີ່ຈະເປີດໃຫ້ບໍລິການຢູ່ໂຮງໝໍມະໂຫສົດໃນໄວໆນີ້, ລວມທັງສູນປົກປ້ອງຜູ້ລອດຊີວິດ ຈາກຄວາມຮຸນແຮງ ທີ່ຫາກໍ່ສ້າງຂຶ້ນເມື່ອບໍ່ດົນມານີ້ຢູ່ ແຂວງສະຫວັນນະເຂດ, ບໍ່ແກ້ວ ແລະ ແຂວງອັດຕະປື. […]
ລັດຖະມົນຕີກະຊວງການເງິນ ອອກຂ້ໍຕົກລົງຍົກຍ້າຍ ແລະ ແຕ່ງຕັ້ງພະນັກງານ ຫຼາຍຕຳແໜ່ງຢູ່ຄັ້ງເງິນແຫ່ງຊາດ
ວັນທີ 31 ກໍລະກົດ 2023 ກະຊວງການເງິນ, ໄດ້ຈັດກອງປະຊຸມປະກາດການຈັດຕັ້ງຍົກຍ້າຍ ແລະ ແຕ່ງຕັ້ງພະນັກງານຮັບໜ້າທີ່ໃໝ່ ຢູ່ຄັງເງິນແຫ່ງຊາດ ກະຊວງການເງິນ; ໂດຍການເປັນປະທານຂອງທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ ກະຊວງການເງິນ, ມີຮອງຫົວໜ້າຄັງເງິນແຫ່ງຊາດ, ມີຫົວໜ້າ-ຮອງຫົວໜ້າພະແນກ, ພະນັກງານວິຊາການຂອງຄັງເງິນແຫ່ງຊາດເຂົ້າຮ່ວມ. ໃນພິທີ, ທ່ານ ນາງ ຍອດ ແພງສົມບັດ ຮອງຫົວໜ້າຄັງເງິນແຫ່ງຊາດ ກະຊວງການເງິນ, ໄດ້ຜ່ານຂໍ້ຕົກລົງຂອງ ລັດຖະມົນຕີກະຊວງການເງິນ ສະບັບເລກທີ 2102/ກງ, ລົງວັນທີ 13 ກໍລະກົດ 2023 ວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານຮັບໜ້າທີ່ໃໝ່ຢູ່ຄັງເງິນແຫ່ງຊາດ; ໂດຍອີງຕາມກົດໝາຍວ່າດ້ວຍພະນັກງານ-ລັດຖະກອນ ສະບັບເລກທີ 74/ສພຊ, ລົງວັນທີ 18 ທັນວາ 2015, ອີງຕາມດໍາລັດຂອງນາຍົກລັດຖະມົນຕີວ່າດ້ວຍການຈັດຕັ້ງ ແລະ ເຄື່ອນໄຫວຂອງກະຊວງການເງິນ ສະບັບເລກທີ 600/ນຍ, ລົງວັນທີ 14 ຕຸລາ 2021; ອີງຕາມການຕົກລົງເຫັນດີເປັນເອກະພາບຂອງກອງປະຊຸມຄະນະປະຈໍາພັກກະຊວງການເງິນ. ລັດຖະມົນຕີກະຊວງການເງິນໄດ້ຕົກລົງ: […]
ເຍົາວະຊົນລາວທີມ ມັດສະດ້າ ລາວ ຈີບີ ເອັຟຊີ ຄອງແຊ້ມເຕະບານ U-10 ໜອງຫານ ອາຣີນາຄັບ 2023 ທີ່ປະເທດໄທ
ນັກກິລາເຕະບານເຍົາວະຊົນລາວ ຮຸ່ນອາຍຸບໍ່ເກີນ 9 ປີ ຈາກສະໂມສອນ ມັດສະດາ ລາວ ຈີບີ ເອັຟຊີ (Mazda Lao GB FC) ສືບຕໍ່ສ້າງຜົນງານເດັ່ນຕໍ່ເນື່ອງເໝືອນກັບລຸ້ນອ້າຍຊຸດຜ່ານໆມາ ຫລ້າສຸດສາມາດຄອງແຊ້ມການແຂ່ງຂັນເຕະບານ 7 ຄົນ (ເຕະ 6 ຮັບ 1) ຮຸ່ນອາຍຸເກີນ 10 ປີ (U-10) ລາຍການ ໜອງຫານ ອາຣີນາ ຄັບ 2023 ທີ່ແຂວງອຸດອນທານີ ຣາຊະອານາຈັກໄທໃນວັນທີ 30 ກໍລະກົດ 2023 ຊຶ່ງລາຍການດັ່ງກ່າວ ເປັນການທົດສອບຄວາມພ້ອມຂອງຂອງບັນດາຫຼານນ້ອຍ ມັດສະດາ ລາວ ຈີບີ ເອັຟຊີ ກຽມຮ່ວມປ້ອງກັນແຊ້ມ ລາຍການແຊ້ມຊົນແຊ້ມ ທີ່ຈະຈັດຂຶ້ນໃນກາງເດືອນສິງຫານີ້ ຢູ່ປະເທດໄທ. ສຳລັບ ລາຍການ ໜອງຫານ ອາຣີນາ ຄັບ 2023 ມີຊີງໄຊທັງໝົດ 2 ຮຸ່ນອາຍຸຄື: ຮຸ່ນອາຍຸ […]
ຊົມເຊີຍ ໂຮງໝໍ 103 ສຳເລັດການຜ່າຕັດປ່ຽນຖ່າຍໄຂ່ຫຼັງ 2 ກໍລະນີ
ໃນລະຫວ່າງວັນທີ 26-27 ກໍລະກົດ 2023 ຜ່ານມາ, ໂຮງໝໍສູນກາງ 103 ກອງທັບປະຊາຊົນລາວ ຮ່ວມມືກັບ ໂຮງໝໍ 103 ກອງທັບປະຊາຊົນຫວຽດນາມ ສຳເລັດການຜ່າຕັດປ່ຽນຖ່າຍໄຂ່ຫຼັງ 2 ກໍລະນີ (ກໍລະນີທີ 5 ແລະ ທີ 6). ທັງ 2 ກໍລະນີຄົນເຈັບນີ້ ມີເພດຊາຍ 1, ເພດຍິງ 1 ເປັນພະຍາດໃຂ່ຫຼັງຊຸດໂຊມມາຫຼາຍປີ ແລະ ຟອກເລືອດມາເປັນປະຈໍາ. ພິເສດຄົນເຈັບເພດຍິງ ເຄີຍໄດ້ປ່ຽນຖ່າຍໄຂ່ຫຼັງມາກ່ອນແຕ່ປີ 2014, ແຕ່ຍ້ອນສະພາບການແຜ່ລະບາດຂອງພະຍາດໂຄວິດ-19 ຢ່າງຮ້າຍແຮງໃນທົ່ວໂລກ ຈຶ່ງບໍ່ສະມາດເຂົ້າຮັບການປິ່ນປົວໄດ້ຕໍ່ເນື່ອງ ເຮັດໃຫ້ໄຂ່ຫຼັງທີ່ໄດ້ປ່ຽນຖ່າຍເສຍໜ້າທີ່ການ. ການຜ່າຕັດທັງ 2 ກໍລະນີ ໃຊ້ເວລາຜ່າຕັດຄົນລະປະມານ 3 ຊົ່ວໂມງຈິ່ງສໍາເລັດ. ພາຍຫຼັງການຜ່າຕັດໄດ້ຕິດຕາມຢ່າງໃກ້ຊິດໄລຍະນຶ່ງ, ປະຈຸບັນສະພາບຮ່າງກາຍຄົນເຈັບທັງ 2 ກໍລະນີດີຂຶ້ນຮູ້ສຶກມີເຫື່ອແຮງຫຼາຍຂື້ນ, ອາການອິດເມື່ອຍຫຼຸດລົງຈະແຈ້ງ, ກິນອາຫານແຊບ ແລະ ໄດ້ຫຼາຍຂຶ້ນ, ຖ່າຍເບົາໄດ້ນໍ້າປັດສະວະຈໍານວນຫຼາຍ, ບັນດາຜົນກວດຕີລາຄາສະພາບຮ່າງກາຍລວມ ແລະ ສະພາບໜ້າທີ່ການໄຂ່ຫຼັງ […]
ດວງລາຍວັນປະຈໍາວັນອັງຄານ ທີ 01 ສິງຫາ 2023
ຄົນເກີດວັນອາທິດ:ການງານການເຈລະຈາທາງດ້ານທຸລະກິດປະສົບຄວາມສຳເລັດ ການເງິນໂຊກດີເພາະຄົນສະນິດຈະອຸປະຖຳທາງດ້ານການເງິນ ຄວາມຮັກມີໂອກາດພົບຮັກແທ້ກັບຄົນໃກຕົວ ອາດເປັນຄົນທີ່ທ່ານຮູ້ສຶກຮັກ ເຄື່ອງມຸງຄຸນເງິນ ສີມຸງຄຸນສີຟ້າ ເລກນຳໂຊກ8 ຄົນເກີດວັນຈັນ:ການງານຖ້າປ່ຽນວຽກງານໃໝ່ຈະໄດ້ພົບຄວາມກ້າວໜ້າໃນໜ້າທີ່ການງານ ການເງິນມື້ນີ້ໂຊກດີຈະໄດ້ຮັບຊັບ ແລະ ເງິນເຂົ້າມາຫາທ່ານ ຄວາມຮັກສຸກສົມຫວັງດ້ານຄວາມຮັກ ແຕ່ໃຫ້ລະວັງການຫ່າງໃກ້ຈາກຄົນຮັກ ເຄື່ອງມຸງຄຸນເງິນ ສີມຸງຄຸນສີສົ້ມ ເລກນຳໂຊກ6 ຄົນເກີດວັນອັງຄານ:ການງານສາມາດໃຊ້ຈິນຕະນາການສ້າງສັນສ້າງຜົນງານໄດ້ດີ ການເງິນສາມາດຫາເງິນເຂົ້າມາໄດ້ເພີ່ມຫລາຍຂຶ້ນ ຄວາມຮັກມີການພັດທະນາຄວາມສຳພັນຄວາມຮັກລະຫວ່າງກັນດີຂຶ້ນ ເຄື່ອງມຸງຄຸນແຫວນຄໍາ ສີມຸງຄຸນສີດໍາ ເລກນຳໂຊກ8 ຄົນເກີດວັນພຸດ:ການງານໃຊ້ສັນຊາດຕະຍານການຕັດສິນໃຈເຮັດທຸລະກິດຈະປະສົບຜົນສຳເລັດ ການເງິນໄລຍະນີ້ຈະພົບເລື່ອງເສຍເງິນ ອາດຈະໝົດໄປກັບການຊໍາລະໜີ້ສິນ ຄວາມຮັກມີໂອກາດໄດ້ຮູ້ຈັກຄົນຜິວຂາວແຕ່ອາດບໍ່ແມ່ເນື້ອຄູ່ຂອງທ່ານ ເຄື່ອງມຸງຄຸນຫິນນໍາໂຊກສີແດງ ສີມຸງຄຸນສີສົ້ມ ເລກນຳໂຊກ6 ຄົນເກີດວັນພະຫັດ:ການງານເຮັດທຸລະກິດທາງດ້ານກະສິກຳ ປູກຝັງ ລ້ຽງສັດ ຈະເຮັດໃຫ້ໄດ້ກຳໄລດີ ການເງິນໂຊກດີຈະໄດ້ເຄື່ອງປະດັບໃໝ່ອາດໄດ້ຈາກຄົນພິເສດ ຄວາມຮັກຖ້າເດີນທາງໄກມີໂອກາດພົບຮັກກັບຄົນຜິວຂາວ ເພາະທ່ານອາດເປັນເນື້ອຄູ່ ເຄື່ອງມຸງຄຸນ ຫິນນໍາໂຊກສີສົ້ມ ສີມຸງຄຸນສີຟ້າ ເລກນຳໂຊກ0 ຄົນເກີດວັນສຸກ:ການງານອາຊີບນັກຂາຍ ນັກສ້າງຜົນງານສິລະປະ ຈະເຮັດໃຫ້ມີຊື່ສຽງ ການເງິນໂຊກດີຫລາຍເພາະຈະໄດ້ຮັບການອຸປະຖຳທາງດ້ານການເງິນ ຄວາມຮັກພົບຄົົນທີ່ມີດີ ສະຫລຽວສະຫລາດ ເວົ້າໄດ້ຫລາຍກວ່າ 1 ພາສາ ເຄື່ອງມຸງຄຸນສາຍຄໍຄໍາ ສີມຸງຄຸນສີບົວ ເລກນຳໂຊກ6 ຄົນເກີດວັນເສົາ:ການງານຈະມີບໍລິວານດີຄອຍຖ້າຊ່ວຍເຫລືອຮ່ວມກັນສ້າງຜົນງານໄດ້ໂດດເດັ່ນ ການເງິນມີໂຊກເຂົ້າມາເຮັດໃຫ້ຮູ້ສຶກມີຄວາມສຸກ ຄວາມຮັກໄລຍະນີ້ຈະໃຊ້ຊີວິດແບບສັນໂດດເກີດຄວາມສຸກໃຈ […]
ປະດັບຫລຽນໄຊມິດຕະພາບ ໃຫ້ແກ່ ທູດຈີນ
ໃນວັນທີ 31 ກໍລະກົດ 2023 ນິ້, ສະຫາຍ ສະເຫລີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມອໍາລາຂອງ ສະຫາຍ ຈຽງ ຈ້າຍຕຸ່ງ, ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສປ ຈີນ ປະຈໍາ ສປປ ລາວ, ໃນໂອກາດທີ່ໄດ້ສໍາເລັດການປະຕິບັດໜ້າທີ່ການທູດ ຕະຫລອດໄລຍະ 4 ປີກວ່າ ຢູ່ ສປປ ລາວ. ພ້ອມນີ້, ສະຫາຍ ສະເຫລີມໄຊ ກົມມະສິດ ໄດ້ຕາງໜ້າໃຫ້ລັດຖະບານ ແຫ່ງ ສປປ ລາວ ປະດັບຫລຽນໄຊມິດຕະພາບ ໃຫ້ແກ່ ສະຫາຍ ເອກອັກຄະລັດຖະທູດ ຈຽງ ຈ້າຍຕຸ່ງ ເພື່ອເປັນການຍ້ອງຍໍຊົມເຊີຍ, ສັນສະເສີນ ແລະ ຈາລຶກຄຸນງາມຄວາມດີ ຕໍ່ຜົນງານໃນການປະກອບສ່ວນເສີມ ຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການພົວພັນຮ່ວມມືແບບຄູ່ຮ່ວມມືຍຸດທະສາດຮອບດ້ານໝັ້ນຄົງຍາວນານ ຕາມທິດ 4 ດີ ແລະ […]
ນັກຮຽນລາວເກັ່ງ ໄດ້ຫລຽນຄໍາ ໃນການແຂ່ງຂັນຄະນິດສາດ ທີ່ສິງກະໂປ
ຊົມເຊີຍ! ນັກຮຽນລາວ ຈາກໂຮງຮຽນນານາຊາດອົດສະຕາລີ ໄດ້ເຂົ້າຮ່ວມການແຂ່ງຂັນຄະນິດສາດ ທີ່ປະເທດສິງກະໂປ ໃນລະຫວ່າງວັນທີ 23-24 ກໍລະກົດ 2023 ຜ່ານມາ ສາມາດຍາດໄດ້ 1 ຫລຽນຄຳ, 4 ຫລຽນເງິນ, 3 ຫລຽນທອງ, ລາງວັນຊົມເຊີຍ 1 ຫລຽນ ແລະ ໃບຍ້ອງຍໍ 11 ໃບ ເຊິ່ງການແຂ່ງຂັນດັ່ງກ່າວ, ມີຜູ້ເຂົ້າຮ່ວມ ທັງໝົດ 1.500 ກວ່າຄົນ ຈາກ 32 ປະເທດ. ການແຂ່ງຂັນຄະນິດສາດ ປະກອບມີ 3 ຮອບ ຄື: ຮອບທີ 1 ຕອບຄຳຖາມໂຈດເລກ, ຮອບທີ 2 ຫລິ້ນເກມພັດທະນາທັກສະເລກ (ປະກອບມີ 1 ທີມ, ທີມລະ 3 ຄົນ) ສ່ວນຮອບທີ 3 ແກ້ໂຈດຄະນິດຄິດໄວ ເຊິ່ງຜ່ານການແຂ່ງຂັນ ທ້າວ ສຸຣິຍະເດດ […]
ກໍ່ຄາດຕະກຳເມຍ ເອົາຕົວຫຼົບໜີໄດ້ 5 ປີ ຖືກຈັບດໍາເນີນຄະດີ
ເຫດການຄະດີຜົວຄາດຕະກໍາເມຍໃນປີ 2018 ເກີດຂຶ້ນເມື່ອວັນທີ 20 ກໍລະກົດ 2018, ຢູ່ແຂວງໄຊຍະບູລີ ພາຍຫຼັງຄາດຕະກໍາເມຍແລ້ວຫຼົບໜີໄປລີ້ຊ້ອນຢູ່ແຂວງຈໍາປາສັກ ເປັນເວລາ 5 ປີ ສາເຫດຍ້ອນບໍ່ເຂົ້າໃຈກັນ. ໂດຍເຈົ້າໜ້າທີ່ໄດ້ຮັບແຈ້ງ ຄວາມຈາກພົນລະເມືອງດີ ວ່າ: ພົບເຫັນຮ່າງຄົນເສຍຊີວິດໄຫຼມາຄ້າງຢູ່ແຄມແມ່ນໍ້າເຂດ ບ້ານນາຍາວ ເມືອງໄຊຍະບູລີ ແຂວງໄຊຍະບູລີ; ຈາກນັ້ນ, ເຈົ້າໜ້າທີ່ພະແນກຕໍາຫຼວດສືບສວນ-ສອບສວນ ສົມທົບເຈົ້າໜ້າທີ່ ປກສ ເມືອງໄຊຍະບູລີ ຊັນນະສູດສະຖານທີ່ເກີດເຫດ, ຜູ້ເສຍຊີວິດ ຊື່ ນາງ ມິນຕາ ອາຍຸ 20 ປີ ປະຊາຊົນ ບ້ານສີບຸນເຮືອງ ເມືອງຫົງສາ ແຂວງໄຊຍະບູລີ. ສາເຫດຂອງການເສຍຊີວິດແມ່ນຍ້ອນຖືກ ຄາຕະກຳ ແລະ ຜູ້ກະທໍາຜິດຊື່ ທ້າວ ທອງສໍາລິດ ຫຼື ແອໃຫຍ່ ແກ້ວປະເສີດ ອາຍຸ 39 ປີ ປະຊາຊົນ ບ້ານໜອງແຕ່ງເໜືອ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ຫຼົບໜີຢູ່ແຂວງຈຳປາສັກເປັນເວລາ 5 ປີ […]
ດວງລາຍວັນປະຈໍາວັນຈັນ ທີ 31 ກໍລະກົດ 2023
ຄົນເກີດວັນອາທິດ:ການງານອອກງານສັງຄົມຫຼາຍຂຶ້ນ ເປັນທີ່ຮູ້ຈັກ ມີຄອນເນັກຊັ່ນເພີ່ມຂຶ້ນ ສົ່ງຜົນຕໍ່ຄວາມສຳເລັດ ການເງິນລະວັງຈະເສຍເງິນແບບບໍ່ທັນຕັ້ງໂຕ ແຕ່ກໍຈະສາມາດຫາເຂົ້າມາໄດ້ຢ່າງວ່ອງໄວດ້ວຍເຊັ່ນກັນ ຄວາມຮັກພາລະກິດວຸ່ນຫຼາຍ ຈຶ່ງຍັງບໍ່ໄດ້ໃຫ້ຄວາມສຳຄັນດ້ານຄວາມຮັກໃນໄລຍະນີ້ ເຄື່ອງມຸງຄຸນຄໍາ ສີມຸງຄຸນສີບົວ ເລກນຳໂຊກ3 ຄົນເກີດວັນຈັນ:ການງານການປັບປ່ຽນກົນລະຍຸດໃນການເຮັດທຸລະກິດກໍ່ໃຫ້ເກີດຄວາມສຳເລັດໄດ້ ການເງິນມີຄວາມກັງວົນກ່ຽວກັບເລື່ອງຂອງການເງິນ ແຕ່ກໍຈະສາມາດຫາເງິນເຂົ້າມາໄດ້ທຸກຄັ້ງ ຄວາມຮັກຈະພົບໃຜບາງຄົນແບບບໍ່ທັນຕັ້ງໂຕໃນໄລຍະນີ້ ເກີດຄວາມຮັກ ຄວາມສຳພັນທີ່ມີຄວາມສຸກໃຈ ເຄື່ອງມຸງຄຸນເງິນ ສີມຸງຄຸນສີດໍາ ເລກນຳໂຊກ8 ຄົນເກີດວັນອັງຄານ:ການງານຄິດຄົ້ນວິທີການຫຼືແນວທາງການເຮັດທຸລະກິດທີ່ນຳພາໄປສູ່ຄວາມສຳເລັດໄດ້ງ່າຍຂຶ້ນ ການເງິນມີຄວາມຫມັ້ນຄົງດີທາງດ້ານການເງິນ ໃນໄລຍະນີ້ບໍ່ມີເລື່ອງກັງວົນໃດໆ ຄວາມຮັກຍັງປາດຖະຫນາທີ່ຈະມີຄວາມສົມຫວັງດ້ານຄວາມຮັກໃນໄລຍະນີ້ ແຕ່ສະຖານະການໂດຍລວມກໍຍັງບໍ່ເປັນເຊັ່ນນັ້ນ ເຄື່ອງມຸງຄຸນເພັດສີແດງ ສີມຸງຄຸນສີດໍາ ເລກນຳໂຊກ2 ຄົນເກີດວັນພຸດ:ການງານເລັ່ງໃນເລື່ອງຂອງການຕິດຕໍ່ສື່ສານ ແລະ ເກີດການປ່ຽນແປງທາງດ້ານການງານ ການເງິນມີຄວາມກັງວົນໃນເລື່ອງຂອງການໃຊ້ຈ່າຍ ແຕ່ກໍສາມາດຫາເຂົ້າມາໄດ້ຢ່າງວ່ອງໄວ ມີໂຊກເລັກນ້ອຍ ເຂົ້າມາເຮັດໃຫ້ຮູ້ສຶກດີໃຈ ຄວາມຮັກລົງຕົວດີໃນເລື່ອງຂອງຄວາມສຳພັນດ້ານຄວາມຮັກໃນເທື່ອນີ້ ມີໂອກາດພົບຮັກແບບດ່ວນກໍເປັນໄປໄດ້ ເຄື່ອງມຸງຄຸນຕຸ້ມຫູຄໍາ ສີມຸງຄຸນສີຂຽວ ເລກນຳໂຊກ6 ຄົນເກີດວັນພະຫັດ:ການງານຈະພົບການປ່ຽນແປງກ່ຽວກັບເລື່ອງການງານ ການປັບປ່ຽນວຽກໃໝ່ ຈະມີໂຊກທາງດ້ານການງານ ແຕ່ຕ້ອງພົບຄວາມກົດດັນກ່ອນ ຈຶ່ງເກີດການປ່ຽນແປງທີ່ດີ ການເງິນມີໂຊກຈະໄດ້ເງິນເຂົ້າມາ ຈະຊື້ຊັບສິນ ທີ່ຢູ່ອາໄສໃໝ່ ຫຼືຜູ້ໃຫຍ່ຈະອຸປະຖຳທາງດ້ານການເງິນ ຄວາມຮັກບໍ່ລົງຕົວໃນເລື່ອງຄວາມສຳພັນດ້ານຄວາມຮັກ ອາດເປັນເພາະອຸປະສັກເລື່ອງໄລຍະທາງ ແລະ ເວລາ ຄວາມສຳພັນຈຶ່ງບໍ່ຖືກພັດທະນາ ເຄື່ອງມຸງຄຸນເພັດສີຂາວ […]
ລາວ-ອິນເດຍ ລົງນາມບົດບັນທຶກຄວາມເຂົ້າໃຈ ພາຍໃຕ້ຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາ 5 ໂຄງການ
ວັນທີ 27 ກໍລະກົດ 2023, ທ່ານ ໂພໄຊ ໄຂຄຳພິທູນ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ທ່ານ ຊົວຣາບ ກຸມາ (Saurabh Kumar), ຮອງລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ອິນເດຍ ພ້ອມດ້ວຍຄະນະ, ໃນໂອກາດທີ່ເດີນທາງມາຢ້ຽມຢາມເຮັດວຽກຢູ່ ສປປ ລາວ ແຕ່ວັນທີ 26-29 ກໍລະກົດ 2023 ເພື່ອເຂົ້າຮ່ວມກອງປະຊຸມປຶກສາຫາລື ລະຫວ່າງ ສອງກະຊວງການຕ່າງປະເທດ ສປປ ລາວ-ສ ອິນເດຍ ຄັ້ງທີ 3. ສອງຝ່າຍ ໄດ້ສະແດງຄວາມຍິນດີຕໍ່ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ ທີ່ຢູ່ໃນທ່ວງທ່າທີ່ດີ ເຊິ່ງໃນໄລຍະ 6 ເດືອນຕົ້ນປີ 2023 ມູນຄ່າການຄ້າສອງຝ່າຍ ບັນລຸໄດ້ປະມານ 54 ລ້ານໂດລາສະຫະລັດ. ໃນນັ້ນ, ສປປ ລາວ ສົ່ງອອກແມ່ນປະມານ […]