ຂ່າວ-Tou-Vientianepost (29)
ພະແນກສາທາລະນະສຸກແຂວງບໍລິຄໍາໄຊ ຈັດກອງປະຊຸມການຮ່ວມມືດ້ານສາທາລະນະສຸກ ຊາຍແດນ ລາວ-ໄທ
ຮຽບຮຽງໂດຍ:Staff
ເຜີຍແຜ່: 4 ເດືອນພຶດສະພາ, 2023
ໝວດ: ຂ່າວ

ຂປລ. ແຫລ່ງຂ່າວຈາກ ແຂວງບໍລິຄຳໄຊ ໃຫ້ຮູ້ວ່າ: ພະແນກສາທາລະນະສຸກແຂວງບໍລິຄໍາໄຊ ຈັດກອງປະຊຸມການຮ່ວມມືດ້ານສາທາລະນະສຸກ ຊາຍແດນ ລາວ-ໄທ, ແຂວງບໍລິຄໍາໄຊ-ຈັງຫວັດບຶງການ ໃນວັນທີ 28 ເມສາ 2023 ຜ່ານມາ ເພື່ອໄດ້ແລກປ່ຽນບົດຮຽນ ແລະ ຄໍາຄິດເຫັນ ກ່ຽວກັບການຮ່ວມມືດ້ານສາທາລະນະສຸກ ແລະ ກົດລະບຽບສາກົນທາງດ້ານສາທາລະນະສຸກ ລະຫວ່າງປະເທດ ໂດຍ

ການເປັນປະທານຂອງທ່ານ ດຣ ສອນໄຊ ປັນຍານຸວົງ ຫົວໜ້າພະແນກສາທາລະນະສຸກ ແຂວງບໍລິຄໍາໄຊ, ທ່ານ ພະມອນ ດະຣຸນ ຫົວໜ້າສາທາລະນະສຸກຈັງຫວັດ ບຶງການ, ຣາຊະອານາຈັກໄທ ພ້ອມດ້ວຍຄະນະທີ່ກ່ຽວຂ້ອງສອງຝ່າຍເຂົ້າຮ່ວມ.

ໃນປີຜ່ານມາ, ສອງຝ່າຍໄດ້ດໍາເນີນການຮ່ວມມືກັນເປັນຢ່າງດີ, ກົນໄກການຮ່ວມມືດັ່ງກ່າວເປັນພື້ນຖານທີ່ດີ ໃນການແກ້ໄຂບັນຫາຮ່ວມກັນ ໃນລະດັບແຂວງ-ຈັງຫວັດ ແລະ ຍັງເປັນການສົ່ງເສີ່ມຄວາມສໍາພັນຖານບ້ານໃກ້ເຮືອນຄຽງທີ່ດີ ລະຫວ່າງ ແຂວງບໍລິຄໍາໄຊ-ຈັງຫວັດບຶງການ ໃຫ້ມີການໄປມາຫາສູ່ກັນຢ່າງສະດວກ ແລະ ສົ່ງຜົນດີຕໍ່ວຽກງານສາທາລະນະສຸກຂອງທັງສອງຝ່າຍຢ່າງຕໍ່ເນື່ອງ.

ກອງປະຊຸມຄັ້ງນີ້, ທັງສອງຝ່າຍໄດ້ມີການລົງນາມເຊັນບົດບັນທຶກ ສືບຕໍ່ຮ່ວມມືດ້ານວຽກງານສາທາລະນະສຸກ ເຊິ່ງລວມມີ 6 ວຽກງານໃຫຍ່ ເປັນຕົ້ນ ການຮ່ວມມືໃນການເຝົ້າລະວັງ ປ້ອງກັນພະຍາດ ແລະ ໄພສຸຂະພາບ; ການຮ່ວມມືດ້ານສົ່ງເສີ່ມສຸຂະພາບ; ການຮັກສາພະຍາບານ ແລະ ການຮັບ-ສົ່ງຕໍ່ຄົນເຈັບ; ການຮ່ວມມືດ້ານການຄຸ້ມຄອງຜູ້ບໍລິໂພກອາຫານ, ຢາ ແລະ ຜະລິດຕະພັນການ

ແພດ; ການຮ່ວມມືດ້ານການພັດທະນາບຸກຄະລາກອນ; ເຫັນດີໃຫ້ມີກອງປະຊຸມແລກປ່ຽນບົດຮຽນ ດ້ານສາທາລະນະສຸກທັງສອງຝ່າຍ ໂດຍຜັດປ່ຽນກັນເປັນເຈົ້າພາບ 1 ຄັ້ງຕໍ່ປີ ແລະ ເຫັນດີໃຫ້ມີການປຶກສາກໍລະນີຄົນເຈັບສຸກເສີນ ໂດຍຜ່ານລະບົບ Tele-Medicine ເພື່ອໃຫ້ສະດວກກ່ອນການນຳສົ່ງຄົນເຈັບ. ພ້ອມດຽວກັນ ໃຫ້ມີການຮ່ວມມືພັດທະນາຄວາມຮູ້ ທາງດ້ານສາທາລະນະສຸກ ຂອງທັງສອງຝ່າຍ.

ຂ່າວ: ສີເວດ

ສະແດງຄຳຄິດເຫັນ

ຂ່າວມາໃໝ່ 
2
ລັດວິສາຫະກິດ ຖືຮຸ້ນລາວ ສ້າງລາຍຮັບກວ່າ 50,51 ລ້ານໂດລາ ຈາກ 4 ໂຄງການ ຜະລິດພະລັງງານໄຟຟ້າ
2
ມອບ-ຮັບສັນຍາເງິນກູ້ ນະໂຍບາຍ ສິນເຊື່ອກະຈາຍແຫຼ່ງທຶນສູ່ທ້ອງຖິ່ນ
2
ແຈ້ງປັບລາຄານ້ຳມັນລົງ 14/03/2024
2
ພົບລະເບີດຈໍານວນຫຼາຍຢູ່ສວນປູກມັນຕົ້ນທີ່ເມືອງສະໜາມໄຊ ແຂວງອັດຕະປື
2
ລາວ-ອົດສະຕຣາລີ ລົງນາມເຊັນສັນຍາ ຂຶ້ນເປັນຄູ່ຮ່ວມມືຮອບດ້ານ
2
ສະຫວັນນະເຂດກໍານົດເອົາທາດອີງຮັງ-ຕິບເຂົ້າ-ປີ້ງໄກ່-ຊີ້ນສະຫວັນເປັນສັນຍາລັກປີທ່ອງທ່ຽວລາວ 2024
2
ຈັບໄວໜຸ່ມ 13 ຄົນ ພ້ອມຂອງກາງໃບກະທ້ອມ ແລະ ນໍ້າຢາດາທິດຊິນ
2
ປກສ ເມືອງຫົງສາ ຢຶດຢາໄອໄດ້ຫຼາຍກວ່າ 1.000 ກິໂລ
2
​ໂອ​ກາດ​ຂອງ​ຈີນ ທີ່​ມີ​ຕໍ່​ການ​ພັດ​ທະ​ນາເສດ​ຖະ​ກິດ​​ໂລກ
2
ເມືອງສຸຂຸມາ ແຈ້ງການໃຫ້ເຝົ້າລະວັງພະຍາດສັດສູ່ຄົນ
ຢ່າລື່ມກົດຕິດຕາມ