ດວງ-Tou-Vientianepost (13)
ແຂວງ ໄຊຍະບູລີ ໄດຈັດພິທີເຊັນສັນຍາ ໂຄງການປູກຖົ່ວເຫຼືອງຝັກສົດ ເພື່ອເປັນສີນຄ້າສົ່ງອອກໄປ ສປ ຈີນ
ຮຽບຮຽງໂດຍ:Staff
ເຜີຍແຜ່: 23 ເດືອນພຶດສະພາ, 2023

ວັນທີ 9 ພຶດສະພາ 2023 ນີ້ ຢູ່ທີຫໍປະຊຸມຫ້ອງວ່າການເມືອງ ເມືອງເງິນ ແຂວງ ໄຊຍະບູລີ ໄດຈັດພິທີເຊັນສັນຍາ ໂຄງການປູກຖົ່ວເຫຼືອງຝັກສົດ ລະດູແລ້ງ ໃນຮູບແບບເຊົ່າດິນນາ ຂອງປະຊາຊົນ ເພື່ອເປັນສີນຄ້າສົ່ງອອກໄປ ສປ ຈີນ, ລະຫວ່າງ ອົງການປົກຄອງເມືອງເງິນ ຕາງໜ້າໂດຍ: ຫ້ອງການແຜນການ ແລະ ການລົງທືນ ກັບບໍລິສັດຈູນລຽນໄຊນາ-ລາວ ຈຳກັດ.

ທ່ານ ປີ່ນແກ້ວ ປ້ອງຄຳ ຫົວໜ້າຫ້ອງການແຜນການ ແລະ ການລົງທືນ ເມືອງ ກໍໄດ້ຂື້ນກ່າວ ຈຸດປະສົງ ແລະຜ່ານຂໍ້ຕົກລົງ ຂອງທ່ານເຈົ້າເມືອງ-ເມືອງເງິນ ສະບັບເລກທີ 188/ຈມ,ມງ ລົງວັນທີ 9 ພຶດສະພາ 2023 ວ່າດ້ວຍ ການອະນຸຍາດໃຫ້ບໍລິສັດຈູນລຽນໄຊນາ-ລາວ ຈຳກັດ ປູກຖົ່ວເຫຼືອງຝັກສົດ ລະດູແລ້ງ ໃນທ້າຍປີ 2023 ຫາຕົ້ນປີ 2024 ໃນຮູບແບບເຊົ່າດີນນາ ຂອງປະຊາຊົນ ເພື່ອ

ເປັນສີນຄ້າສົ່ງອອກໄປ ສປ ຈີນ.ຈາກນັ້ນ ກໍ່ໄດ້ຮ່ວມກັນ ຄົ້ນຄວ້າປຶກສາຫາລື ປະກອບຄຳຄິດເຫັນໃສ່ຮ່າງສັນຍາ ໃນການສຳປະທານເຊົ່າເນື້ອທີນາຂອງປະຊາຊົນຢູ່ໃນ 7 ບ້ານເທດສະບານເມືອງ ເນື້ອທີທັງໝົດ 150 ເຮັກຕາ ມູນຄ່າການລົງທືນທັງໝົດ 2.562.000 ໂດລາສະຫະລັດ, ເຊີ່ງຢູ່ໃນກໍານົດເວລາ 6 ເດືອນ (ນັບແຕ່ເດືອນຕຸລາ 2023 ຫາເດືອນ ມີນາ 2024)

ຕອນທ້າຍ ທ່ານ ປີ່ນແກ້ວ ປ້ອງຄຳ ຫົວໜ້າຫ້ອງການແຜນການ ແລະ ການລົງທືນ ຕ່າງໜ້າ ອົງການປົກຄອງເມືອງເງິນ ແລະ ທ່ານ ກິວຊີຈູນ ປະທານບໍລິສັດຈູນລຽນໄຊນາ-ລາວ ຈຳກັດ ກໍ່ໄດ້ຮ່ວມກັນເຊັນສັນຍາໂຄງການປູກຖົ່ວເຫຼືອງຝັກສົດ ລະດູແລ້ງໃນຮູບແບບເຊົ່າດີນນາ ຂອງປະຊາຊົນ ເພື່ອເປັນສີນຄ້າສົ່ງອອກໄປ ສປ ຈີນ ຢ່າງເປັນທາງການໂດຍຊ່ອງໜ້າທ່ານ ທອງພັນ ສຸກສະຫວັດ ຮອງເຈົ້າເມືອງ ເມືອງເງິນ ຜູ້ຊີ້ນຳວຽກງານຂົງເຂດເສດຖະກິດຂັ້ນເມືອງ ແລະ ພາກສ່ວນທີກ່ຽວຂ້ອງເຂົ້າຮ່ວມເປັນສັກຂີພະຍານ.

ພາບ+ຂ່າວໂດຍ: ອິນແປງ ແຫວນຄຳ

ສະແດງຄຳຄິດເຫັນ

ຂ່າວມາໃໝ່ 
2
ລັດວິສາຫະກິດ ຖືຮຸ້ນລາວ ສ້າງລາຍຮັບກວ່າ 50,51 ລ້ານໂດລາ ຈາກ 4 ໂຄງການ ຜະລິດພະລັງງານໄຟຟ້າ
2
ມອບ-ຮັບສັນຍາເງິນກູ້ ນະໂຍບາຍ ສິນເຊື່ອກະຈາຍແຫຼ່ງທຶນສູ່ທ້ອງຖິ່ນ
2
ແຈ້ງປັບລາຄານ້ຳມັນລົງ 14/03/2024
2
ພົບລະເບີດຈໍານວນຫຼາຍຢູ່ສວນປູກມັນຕົ້ນທີ່ເມືອງສະໜາມໄຊ ແຂວງອັດຕະປື
2
ລາວ-ອົດສະຕຣາລີ ລົງນາມເຊັນສັນຍາ ຂຶ້ນເປັນຄູ່ຮ່ວມມືຮອບດ້ານ
2
ສະຫວັນນະເຂດກໍານົດເອົາທາດອີງຮັງ-ຕິບເຂົ້າ-ປີ້ງໄກ່-ຊີ້ນສະຫວັນເປັນສັນຍາລັກປີທ່ອງທ່ຽວລາວ 2024
2
ຈັບໄວໜຸ່ມ 13 ຄົນ ພ້ອມຂອງກາງໃບກະທ້ອມ ແລະ ນໍ້າຢາດາທິດຊິນ
2
ປກສ ເມືອງຫົງສາ ຢຶດຢາໄອໄດ້ຫຼາຍກວ່າ 1.000 ກິໂລ
2
​ໂອ​ກາດ​ຂອງ​ຈີນ ທີ່​ມີ​ຕໍ່​ການ​ພັດ​ທະ​ນາເສດ​ຖະ​ກິດ​​ໂລກ
2
ເມືອງສຸຂຸມາ ແຈ້ງການໃຫ້ເຝົ້າລະວັງພະຍາດສັດສູ່ຄົນ
ຢ່າລື່ມກົດຕິດຕາມ