ດວງ-Tou-Vientianepost (93)
ຄຳມ່ວນຈະມີໂຮງກັ່ນນ້ຳມັນທີ່ສາມາດກັ່ນໄດ້ 6-10 ລ້ານລິດ/ເດືອນ
ຮຽບຮຽງໂດຍ:Staff
ເຜີຍແຜ່: 1 ເດືອນມີນາ, 2023
ໝວດ: ຂ່າວ

ໃນວັນທີ 30 ພຶດສະພາ 2023 ທີ່ຜ່ານມາ ຢູ່ທີ່ເຂດເສດຖະກິດພິເສດທ່າແຂກ, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ການຄ້າ ພ້ອມຄະນະໄດ້ເຄື່ອນໄຫວຢ້ຽມຢາມ ໂຮງກັ່ນນ້ຳມັນ.

ໂອກາດດັ່ງກ່າວ ຜູ້ຕາງໜ້າບໍລິສັດພັດທະນາພະລັງງານລາວ ຈໍາກັດ ໄດ້ລາຍງານສະພາບໂດຍສັງເຂບຂອງໂຄງການກໍ່ສ້າງໂຮງງານກັ່ນນໍ້າມັນ ເຊິ່ງມີໄລຍະການກໍ່ສ້າງ ນັບແຕ່ເດືອນ ເມສາ 2023 – ພະຈິກ 2023 ເປັນໂຮງກັ່ນນໍ້າມັນດິບຂະໜາດນ້ອຍ ທີ່ມີກໍາລັງການຜະລິດປະມານ 6-10 ລ້ານລິດ/ເດືອນ ແລະ ສາມາດເພີ່ມກໍາລັງການຜະລິດໄດ້ດ້ວຍການເພີ່ມຊຸດຫໍກັ່ນ, ລະບົບນໍ້າມັນທີ່ໄດ້ ຄາດວ່າ: ນໍ້າມັນແອັດຊັງ 540.000-900.000 ລິດ/ເດືອນ, ນໍ້າມັນກາຊວນ 2.220.000-2.500.000 ລິດ/ເດືອນ ແລະ ນໍ້າມັນຜະລິດເຕົາ 3.120.000 ລິດ/ເດືອນ.

ໂດຍຈໍານວນຜະລິດຕະພັນດັ່ງກ່າວປະເມີນຈາກປະລິມານຄວາມສາມາດຂັ້ນຕໍ່າ ແລະ ປະລິມານຄວາມສາມາດຂັ້ນສູງທີ່ໂຮງງານຜະລິດໄດ້. ສໍາລັບຄວາມຄືບໜ້າຂອງໂຄງການປະຈຸບັນແມ່ນໄດ້ບຸກເບີກ, ອອກແບບ – ຕິດຕັ້ງຄັງນໍ້າມັນ, ອອກແບບຮາກຖານໂຮງງານ, ກໍ່ສ້າງອາຄານສໍານັກງານເປັນຕົ້ນ ແລະ ຄາດວ່າໄລຍະເວລາໃນການທົດລອງການຜະລິດຈະເລີ່ມແຕ່ ເດືອນພະຈິກ 2023 – ມັງກອນ 2024.

ຈາກນັ້ນທ່ານລັດຖະມົນຕີ ແລະ ຄະນະ ຍັງໄດ້ມີຄໍາຖາມແລກປ່ຽນມາຍັງບໍລິສັດໂດຍສະເພາະແມ່ນບັນຫາການນໍາເຂົ້າວັດຖຸດິບ, ກ່ຽວກັບຈຸດທີ່ຕັ້ງ, ແຜນການຕະຫລາດ, ແຜນການສະໜອງນໍ້າມັນ, ລວມເຖິງລາຄາ ແລະ ໂຄງສ້າງໃນການສະໜອງນໍ້າມັນ.

ແຫຼ່ງຂ່າວ ຂ່າວສານຄຳມ່ວນ

ສະແດງຄຳຄິດເຫັນ

ຂ່າວມາໃໝ່ 
ດວງ-Tou-Vientianepost (20)
ບໍລິສັດທາງລົດໄຟລາວ-ຈີນ ຈັດຊື້ລົດໄຟ EMU ເພີ່ມອີກຫນຶ່ງ 1 ຂະບວນເພື່ອຮອງຮັບຜູ້ໂດຍສານທີ່ເພີ່ມຂຶ້ນ
ek
ດວງລາຍວັນປະຈໍາວັນພະຫັດ ທີ 21 ກັນຍາ 2023
ດວງ-Tou-Vientianepost (17)
ແຈ້ງການ ຈາກກະຊວງສາທາລະນະສຸກ ພົບຜູ້ຕິດເຊື້ອພະຍາດໝາກສຸກລີງ Monkey Pox ກໍລະນີທຳອິດໃນລາວ
ດວງ-Tou-Vientianepost (14)
ທ່ານ ນາຍົກລັດຖະມົນຕີ ເຂົ້າຮ່ວມງານ ວາງສະແດງສິນຄ້າ ອາຊຽນ-ຈີນ ຄັ້ງທີ 20
ek
ດວງລາຍວັນປະຈໍາວັນພຸດ ທີ 20 ກັນຍາ 2023
ek
ດວງລາຍວັນປະຈໍາວັນຈັນ ທີ 18 ກັນຍາ 2023
ດວງ-Tou-Vientianepost (9)
ປະທານປະເທດ ສຳເລັດການ ເຂົ້າຮ່ວມກອງປະຊຸມສຸດຍອດປະມຸກລັດ ແລະ ຫົວໜ້າລັດຖະບານຂອງບັນດາປະເທດກຸ່ມ 77 ແລະ ຈີນ
ດວງ-Tou-Vientianepost (7)
ສອງນາຍົກລັດຖະມົນຕີ ລາວ-ຈີນ ພົບປະ ຢ່າງເປັນທາງການຢູ່ທີ່ ນະຄອນໜານໜິງ
ດວງ-Tou-Vientianepost (5)
ແຈ້ງໂຈະຊົ່ວຄາວ ໂຄງການພັດທະນາພະລັງງານລົມ,ແສງຕາເວັນ ແລະ ເຂື່ອນປ້ຳນ້ຳສູບເກັບ
ດວງ-Tou-Vientianepost (4)
ບໍລິສັດຍອດງື່ມ ພາວເວີ້ ເລີ່ມຈຳໜ່າຍນໍ້າມັນແອັດຊັງທຳມະດາ ທີ່ປຸງແຕ່ງເອງ ລາຄາຖືກກວ່ານໍ້າມັນແອັດຊັງທີ່ນຳເຂົ້າເຖິງ 930 ກີບ
ຢ່າລື່ມກົດຕິດຕາມ