ວັນທີ 21 ສິງຫາ 2023, ເຈົ້າໜ້າທີ່ພະແນກຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງຄຳມ່ວນ ກັກຕົວເປົ້າໝາຍຂົນສົ່ງຢາເສບຕິດ 3 ຄົນ ພ້ອມຢາເສບຕິດ ປະເພດຢາໄອສ໌ 10 ເປົາ, ເທົ່າກັບ 250 ຖົງ ທີ່ຂົນສົ່ງແຕ່ນະຄອນຫລວງວຽງຈັນລົງໄປພາກໃຕ້ໂດຍຜ່ານແຂວງຄຳມ່ວນ.

ຜ່ານການສອບສວນຂອງເຈົ້າໜ້າທີ່ຮູ້ວ່າ: ທ້າວ ສຸລິສັກ ອາຍຸ 35 ປີ ຍອມຮັບສາລະພາບວ່າ: ຢາໄອສ໌ ຈຳນວນ 10 ເປົາ ແມ່ນຕົນເອງໄດ້ຮັບມາຈາກ ທ້າວ ທະນູເພັດ ແລະ ນາງ ນາງ ເພື່ອນຳໄປສົ່ງ ໃຫ້ຜູ້ຮ່ວມຂະບວນການ ຢູ່ເມືອງລະຄອນເພັງ ແຂວງສາລະວັນ ໂດຍໄດ້ຮັບຄ່າຈ້າງຂົນສົ່ງ ໃນລາຄາກິໂລລະ 1.000 ບາດ, ນອກນັ້ນຜູ້ກ່ຽວ ຍັງໄດ້ຮັບສາລະພາບຕື່ມອີກວ່າ: ທ້າວ ທະນູເພັດ ແລະ ນາງ ນາງ ໄດ້ລໍຖ້າຕົນເອງຢູ່ ເມືອງທ່າແຂກ ແຂວງຄຳມວ່ນ, ຕໍ່ມາວັນທີ 22 ສິງຫາ 2023 ເຈົ້າໜ້າທີ່ວິຊາສະເພາະ ຈຶ່ງໄດ້ກັກຕົວພວກກ່ຽວ ໃນຂະນະທີ່ ກຳລັງຈອດລົດໃສ່ນ້ຳມັນ ຢູ່ປ້ຳນ້ຳມັນແຫ່ງໜື່ງ ໃນເມືອງທ່າແຂກ ມາດາໍເນີນຄະດີຕາມຂັ້ນຕອນຂອງກົດໝາຍ.

ປັດຈຸບັນທາງເຈົ້າໜ້າທີ່ ແຂວງ ຄຳມ່ວນ ພວມທຳການສືບສວນ-ສອບສວນຂະຫຍາຍຜົນຫາກຸ່ມ ແກ໋ງຮ່ວມຂະບວນການກະທໍາຜິດຄ້າຂາຍ, ຂົນສົ່ງຢາເສບຕິດ ມາດໍາເນີນຄະດີ ຕາມຂັ້ນຕອນຂອງກົດໝາຍຕໍ່ໄປ.

ຂໍ້ມູນຈາກ: ປກສ ຄໍາມ່ວນ

ສະແດງຄຳຄິດເຫັນ