ດວງ-Tou-Vientianepost (25)
ຈຳປາສັກ-ດົງຖັບ ຮັດແໜ້ນການພົວພັນຮ່ວມມື ສອງຝ່າຍ
ຮຽບຮຽງໂດຍ:Staff
ເຜີຍແຜ່: 11 ເດືອນກັນຍາ, 2023
ໝວດ: ຂ່າວ

ແຫລ່ງຂ່າວຈາກ ແຂວງຈຳປາສັກ ໃຫ້ຮູ້ວ່າ: ຄະນະຜູ້ແທນແຂວງດົງຖັບ ສສ ຫວຽດ ນາມ ນຳໂດຍ ທ່ານ ຟານ ວັນ ຖັງ ຮອງເລຂາ ຜູ້ປະຈຳການຄະນະພັກແຂວງ, ປະທານສະພາປະຊາຊົນແຂວງ ໄດ້ນຳພາຄະນະມາເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງຈຳປາສັກ ເພື່ອຮັດແໜ້ນການພົວພັນຮ່ວມມືສອງຝ່າຍ ໃນວັນທີ 10 ກັນຍາ 2023 ໂດຍການຕ້ອນຮັບ ແລະ ຮ່ວມພົບປະເຮັດວຽກຂອງ ທ່ານ ສົມບູນ ເຮືອງວົງສາ ຄະນະປະຈຳພັກແຂວງ, ຮອງເຈົ້າແຂວງຈໍາປາສັກ ພ້ອມດ້ວຍຄະນະ.

ໂອກາດນີ້, ຄະນະຜູ້ແທນຂອງສອງຝ່າຍ ໄດ້ລາຍງານສະພາບການອັນພົ້ນເດັ່ນ ຂອງການພັດ ທະນາເສດຖະກິດ-ສັງຄົມຂອງແຂວງ ໂດຍສັງເຂບ, ຜົນການຮ່ວມມືໃນສົກປີຜ່ານມາ ໂດຍໄດ້ພ້ອມກັນ ຕີລາຄາຄືນການຮ່ວມມື ການຈັດຕັ້ງປະຕິບັດຜັນຂະຫຍາຍ ເນື້ອໃນບົດບັນທຶກຊ່ວຍຈຳການຮ່ວມມື ຂອງແຕ່ລະໄລຍະ ບົນພື້ນຖານເນື້ອໃນຈິດໃຈມິດຕະພາບ, ຄວາມສາມັກຄີ ແລະ ຄວາມເຂົ້າໃຈເຊິ່ງກັນ ແລະ ກັນ ຂອງ 2 ແຂວງ ຈຳປາສັກ ແລະ ດົງຖັບ ທີ່ໄດ້ຈັດຕັ້ງການໄປຢ້ຽມຢາມ, ແລກປ່ຽນ ແລະ ແບ່ງປັນບົດຮຽນໃນຫລາຍຂົງເຂດ ທີ່ຕ່າງຝ່າຍຕ່າງມີຄວາມສົນໃຈເຊັ່ນ: ການຄ້າ, ການບໍລິການ, ການສຶກສາ ແລະ ສາທາລະນະສຸກ. ພ້ອມນີ້, ສອງຝ່າຍ ໄດ້ລົງນາມບົດບັນທຶກ ສອງສະບັບ ເພື່ອສືບຕໍ່ເປັນເຈົ້າການໃນການຈັດຕັ້ງຜັນຂະຫາຍເນື້ອໃນບົດບັນທຶກການຮ່ວມມື ປະຈຳສົກປີ 2022-2025 ເພື່ອຮັດແໜ້ນການຮ່ວມມື, ສືບຕໍ່ການຢ້ຽມຢາມ ແລະ ເຮັດວຽກຮວ່ມກັນລະຫ່ວາງຄະນະຜູ້ແທນຂັ້ນສູງຂອງສອງທ້ອງຖິ່ນ ແລະ ສ້າງເງື່ອນໄຂໃຫ້ແກ່ຂະແໜ່ງການຕ່າງໆ ແລກປ່ຽນມິດຕະພາບ, ຊຸກຍູ້ສົ່ງເສີມການຄ້າ, ການທ່ອງທ່ຽວ ແລະ ການລົງທຶນ, ສ້າງເງື່ອນໄຂຂໍ້ສະດວກໃຫ້ບັນດາວິສາຫະກິດຂອງສອງແຂວງໄດ້ແລກປ່ຽນ, ຊື້-ຂາຍຜະລິດຕະພັນ, ສິນຄ້າກະສິກຳ; ຊຸກຍູ້ການພົບປະ ແລະ ລົງທຶນໃນຂົງເຂດທີ່ເປັນທ່າ ເປັນຕົ້ນ ຂົງເຂດກະສິກຳ, ການປະມົງ ແລະ ອື່ນໆ.

ພາຍຫລັງ ສຳເລັດກອງປະຊຸມພົບປະສອງຝ່າຍ, ທ່ານ ຟານ ວັນ ຖັງ ພ້ອມຄະນະ ໄດ້ເຂົ້າພົບປະຢ້ຽມຢາມ ທ່ານ ວິໄລວົງ ບຸດດາຄຳ ກຳມະການສູນກາງພັກ, ເລຂາພັກແຂວງ ເຈົ້າແຂວງຈຳປາສັກ ໂດຍທ່ານ ໄດ້ເປັນເອກະພາບສູງຕໍ່ຜົນການພົບປະຮ່ວມມືສອງຝ່າຍ, ພ້ອມນັ້ນ ທ່ານເຈົ້າແຂວງຈຳປາສັກ ຍັງເຫັນດີໃຫ້ ເພີ່ມທະວີການພົວພັນຮ່ວມມື ລະຫວ່າງ ສອງແຂວງ ຈຳປາສັກ ແລະ ດົງຖັບ ເພື່ອຈັດຕັ້ງຜັນຂະຫາຍເນື້ອໃນບົດບັນທຶກການຮ່ວມມື ລະຫ່ວາງ ສອງແຂວງ ນັ້ນໃຫ້ປະກົດຜົນເປັນຈິງ ແຕກດອກ ອອກຜົນ ຍິ່ງໆຂຶ້ນ.

ຂ່າວ: ທັດຊະນະ

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ