ຮ່ອງຄວາມກົດດັນອາກາດຕໍ່າ ຫລື ຮ່ອງຝົນ ໄດ້ພາດຜ່ານຢູ່ພາກໃຕ້ຂອງ ປະເທດລາວ ປ່ອງໃສ່ລົມພາຍຸດີເປ່ຊັນ ທີ່ກໍາລັງເຄື່ອນທີ່ຢູ່ໃກ້ແຄມຝັ່ງປະເທດ ຫວຽດນາມ, ໃນເວລາ 10:00 ໂມງ ຂອງວັນທີ 25 ກັນຍາ 2023. ມີຈຸດສູນ ກາງຢູ່ເສັ້ນຂະໜານທີ 15.3 ອົງສາເໜືອ ແລະ ເສັ້ນແວງທີ 110.4 ອົງສາຕາເວັນອອກ ແລະ ກໍາລັງເຄື່ອນທີ່ໄປຕາມທິດຕາເວັນຕົກ-ຕາເວັນຕົກສ່ຽງເຫນືອ ດ້ວຍຄວາມໄວ 10 ຫາ 15 ກິໂລແມັດຕໍ່ຊົ່ວໂມງ. ຊຶ່ງຈະເຮັດໃຫ້ມີຝົນຕົກ ຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຕົກ ສຸກ ພ້ອມມີລົມພັດແຮງຢູ່ບາງທ້ອງຖິ່ນ ແຂວງ ພາກກາງ ລົງຫາ ພາກໃຕ້ ໃນ ໄລຍະວັນທີ 15 ຫາ 27 ກັນຍາ 2023. ຄາດວ່າລົມພາຍຸຫົວນີ້ ຈະເຄື່ອນ ທີ່ເຂົ້າ, ພາກກາງ ປະເທດຫວຽດນາມ ໃນຕອນເຊົ້າຂອງວັນທີ 26 ກັນຍາ 2023, ຫຼັງຈາກນັ້ນກໍຈະອ່ອນກໍາລັງລົງກາຍເປັນຄວາມກົດດັນອາກາດຕໍ່າທີ່ມີ ກໍາລັງແຮງປົກຄຸມ ພາກກາງ ລົງກາ ພາກໃຕ້ ຂອງປະເທດລາວ.

ໃນວັນທີ 25 ກັນຍາ 2023 ຈະມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍ ຫາ ປານກາງ ແລະ ຕົກໜັກ ພ້ອມມີລົມພັດແຮງບາງທ້ອງຖິ່ນ ແຂວງພາກກາງ ແລະ ພາກໃຕ້ ເຊັ່ນ: ແຂວງ ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ ແລະ ອັດຕະປື
ໃນວັນທີ 26 ຫາ 27 ກັນຍາ 2023 ຈະມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍຢູ່ທົ່ວໄປ ແລະ ຕົກປານກາງ ຫາຕົກໜັກ ພ້ອມມີລົມພັດແຮງຢູ່ບາງທ້ອງຖີ່ນ ຢູ່ໃນແຕ່ລະພາກ ເຊັ່ນ: ແຂວງ ຫົວພັນ, ຊຽງຂວາງ, ຫລວງພະບາງ, ໄຊຍະບູລີ, ນະຄອນຫລວງວຽງຈັນ, ໄຊສົມບູນ, ວຽງຈັນ, ບໍລິຄໍາໄຊ, ຄຳມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ ແລະ ອັດຕະປື.

ດັ່ງນັ້ນ, ຈຶ່ງແຈ້ງເຕືອນເຖິງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ ຢູ່ບັນດາເຂດແຂວງ ດັ່ງກ່າວ ໂດຍສະເພາະຢູ່ແຄມແມ່ນໍ້າຕ່າງໆ ຈົ່ງມີສະຕິລະມັດລະວັງຕໍ່ສະພາບຝົນຕົກຟ້າຮ້ອງຟ້າເຫຼື້ອມ ໃນລະດັບປານກາງ ຫາໜັກ, ລົມພັດແຮງ ທີ່ຈະເຮັດໃຫ້ມີນໍ້າຖ້ວມຍັງ ແລະ ນໍ້າຖ້ວມຊູ ທີ່ຈະເກີດຂຶ້ນຢູ່ບາງທ້ອງຖິ່ນແຂວງພາກກາງ ແລະ ພາກໄຕ້. ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະວັນທີ 15 ຫາ 27 ກັນຍາ 2023 ນີ້.

ສະແດງຄຳຄິດເຫັນ