2
ທຳລາຍສວນປູກຝິ່ນ 5 ເຮັກຕາກວ່າ ຢູ່ເມືອງລອງ ແຂວງຫຼວງນ້ຳທາ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 19 ເດືອນເມສາ, 2024

ເຈົ້າໜ້າທີ່ ປກສ ເມືອງລອງ ແຂວງ ຫຼວງນ້ຳທາ ໄດ້ລົງທຳລາຍສວນປູກຝິ່ນ ທີ່ປະຊາຊົນລັກປູກຢູ່ຂອບເຂດ 2 ກຸ່ມບ້ານ ຄື ກຸ່ມຈົງກາ ແລະ ກຸ່ມສີວິໄລ ມີບ້ານຫ້ວຍຫຼວງ, ບ້ານນ້ຳໂບ ແລະ ບ້ານພີນຫໍ້ ຊຶ່ງສາມາດກວດພົບສວນຝິ່ນ ຢູ່ 4 ຈຸດ ມີ 16 ຕອນ ໃນເນື້ອທີ່ທັງໝົດ 52.277 ຕາແມັດ ເທົ່າກັບ 5 ເຮັກຕາກວ່າ, ໂດຍໃຊ້ໄມ້ຟາດ, ຫຼົກຕົ້ນອ່ອນ ແລະ ໃຊ້ພ້າຖາງ ເພື່ອບໍ່ໃຫ້ຕົ້ນຝິ່ນປົ່ງ ແລະ ບໍ່ສາມາດເກັບກູ້ຄືນໄດ້.

ການລົງທຳລາຍສວນປູກຝິ່ນໃນຄັ້ງນີ້ ແມ່ນຢູ່ໃນລະຫວ່າງຕົ້ນເດືອນ ກຸມພາ 2024 ຫາເດືອນ ມີນາ 2024, ໂດຍການສົມທົບກັນລະຫວ່າງຄະນະກອງບັນຊາການ ປກສ ເມືອງລອງ ແຂວງຫຼວງນ້ຳທາ ກັບພາກສ່ວນທີ່ກ່ຽວຂ້ອງ ຂອງກຳລັງ ປກຊ-ປກສ, 4 ບໍລິສັດປູກພືດແທນການປູກຝິ່ນ ປະຈຳເມືອງລອງ ຄື: ບໍລິສັດລຸຍຟົງ, ບໍລິສັດເຕີຊານ, ບໍລິສັດຫົງຢວນ ແລະ ບໍລິສັດຕີຢວນ ພ້ອມອຳນາດການປົກຄອງບ້ານ ລົງທຳລາຍສວນຝິ່ນທີ່ປະຊາຊົນລັກປູກຢູ່ຂອບເຂດ 2 ກຸ່ມບ້ານ ດັ່ງກ່າວ ໂດຍການນຳພາຂອງ ພັທ ນິດສະວົງ ຄຸນພະຈັນສີ ຫົວໜ້າກອງບັນຊາການ ປກສ ເມືອງລອງ.

ພ້ອມດຽວກັນນັ້ນ, ເຈົ້າໜ້າທີ່ ຍັງໄດ້ນຳຕົວຜູ້ລັກລອບປູກຝິ່ນໄດ້ 3 ຄົນ ມາສຶກສາອົບຮົມ, ກ່າວເຕື່ອນ ພ້ອມທັງ ອະທິບາຍຄືນດ້ານລະບຽບກົດໝາຍ ໃຫ້ເຂົາເຈົ້າໄດ້ຮັບຮູ້ເຖິງຜົນຮ້າຍທີ່ຈະຕາມມາ ຊຶ່ງໄລຍະຜ່ານມາ ພັກ-ລັດຖະບານ ໄດ້ໃຫ້ຄວາມສຳຄັນ ແລະ ຍົກສູງຕໍ່ການລົບລ້າງການປູກຝິ່ນມາຕະຫຼອດຢູ່ບັນດາຂອບເຂດໃນທົ່ວປະເທດ ໂດຍຫັນຈາກການປູກຝິ່ນມາເປັນການປູກພືດທຳການຜະລິດທີ່ສາມາດສ້າງລາຍຮັບໃຫ້ແກ່ຄອບຄົວ ແລະ ຖືກຕ້ອງຕາມລະບຽບກົດໝາຍ.

ໄພອັນຕະລາຍຂອງຢາເສບຕິດ ເປັນຕົ້ນແມ່ນຢາຝິ່ນ ຊຶ່ງເປັນສານກະຕຸ້ນທີ່ອອກລິດຮຸນແຮງຕໍ່ລະບົບປະສາດ, ເປັນສານຕັ້ງຕົ້ນໃນການຜະລິດຢາເສບຕິດປະເພດຕ່າງໆ ທີ່ຜິດກົດໝາຍ ແລະ ເກືອດຫ້າມ.

ແຫຼ່ງຂ່າວ: ປກສ ເມືອງລອງ

ສະແດງຄຳຄິດເຫັນ

ຂ່າວມາໃໝ່ 
1
ຍັງຄົ້ນພົບພຣະພຸດທະຮູບ ຫຼາຍຮູບ ຢູ່ແຂວງບໍ່ແກ້ວ
2
ຈີນ​ພັດ​ທະ​ນາ​​ແຫຼ່ງ​ພະ​ລັງ​ງານ​ສະ​ອາດ ແລະ ພະ​ລັງ​ງານ​ທົດ​ແທນ​ໃນ​ລາວ ພ້ອມ​ທັງສົ່ງ​ໄປຕ່າງ​ປະ​ເທດ​ຢ່າງ​​ຫຼາກຫຼາຍ​​ 
2
ມຊ ຄອງເຈົ້າຫຼຽນຄຳ ກິລາກະຕໍ້ ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2
2
ກົມທີ່ດິນ ບໍ່ອະນຸຍາດອອກໃບຕາດິນໃໝ່ໃຫ້ຜູ້ຊື້ສິດນຳໃຊ້ທີ່ດິນຈາກການຈັດສັນທີ່ດິນແບ່ງຂາຍເປັນຕອນ
2
ກະຊວງ ອຸດສາຫະກຳ ແລະ ການຄ້າ ແຈ້ງປັບຂຶ້ນລາຄານ້ຳມັນເຊື້ອໄຟທຸກປະເພດ ເລີ່ມປະຕິບັດ 06:00 ໂມງຂອງມື້ນີ້
2
ປີນີ້ແຂວງວຽງຈັນຈະແກ້ໄຂຄອບຄົວທຸກຍາກ ໃຫ້ໄດ້ 1.600 ຄອບຄົວ
2
ນາຍົກລັດຖະມົນຕີ ແຫ່ງ ສປປ ລາວ ເຂົ້າຮ່ວມ ກອງປະຊຸມ ເວທີປຶກສາຫາລືອະນາຄົດ ອາຊຽນ
2
ປະທານປະເທດ ແຫ່ງ ສປປ ລາວ ພົບປະກັບ ປະທານສະພາແຫ່ງຊາດ ແຫ່ງ ຣາຊະອານາຈັກກຳປູເຈຍ
2
ໄທ ກວດພົບຜູ້ຕິດເຊື້ອພະຍາດໂຄວິດ-19ເພີ່ມຂຶ້ນຢ່າງຫລວງຫລາຍຫລັງບຸນສົງການ
2
ສະຫລົດ! ມີຜູ້ເສຍຊີວິດ 33 ຄົນຈາກອຸບັດເຫດ ໃນໄລຍະບຸນປີໃໝ່ລາວ
ຢ່າລື່ມກົດຕິດຕາມ