2
ມຊ ຄອງເຈົ້າຫຼຽນຄຳ ກິລາກະຕໍ້ ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 13 ເດືອນພຶດສະພາ, 2024
ໝວດ: ຂ່າວ

ມະຫາວິທະຍາໄລແຫ່ງຊາດ (ມຊ) ເຈົ້າພາບງານມະຫະກຳກິລາມະຫາວິທະຍາໄລລາວ ເກມ ຄັ້ງທີ2 ປະຈໍາປີ 2024 ຄອງເຈົ້າຫຼຽນຄຳ ປະເພດກິລາກະຕໍ້ ຊຶ່ງສາມາດຍາດໄດ້ 3 ຫຼຽນຄຳ, 1 ຫຼຽນເງິນ ແລະ 1 ຫຼຽນທອງ, ສ່ວນຮອງເຈົ້າຫຼຽນຄຳ ເປັນຂອງວິທະຍາຄານກອງທັບ ຍາດໄດ້ 2 ຫຼຽນຄຳ ແລະ 1 ຫຼຽນເງິນ ຈາກ 6 ພາກສ່ວນເຂົ້າຮ່ວມ.

ການແຂ່ງຂັນກິລາກະຕໍ້ ໃນງານກິລາຄັ້ງນີ້ ໄດ້ດຳເນີນແຂ່ງຂັນລະຫວ່າງວັນທີ 3-9 ພຶດສະພາ 2024 ຢູ່ໃນບໍລິເວນເຂດ ມຊ (ດົງໂດກ)​ ຊຶ່ງມີການຊີງໄຊ 5 ຫຼຽນຄໍາ ຈາກລາຍການທີມດ່ຽວຍິງ-ຊາຍ, ທີມຄູ່ຍິງ-ຊາຍ ແລະ ທີມຊຸດຄູ່ຊາຍ, ພາຍຫຼັງສໍາເລັດລາຍການແຂ່ງຂັນປະເພດກະຕໍ້ ສາມາດສະຫຼຸບອັນດັບຫຼຽນ: ອັນດັບ 1 ມຊ  ຍາດໄດ້ 3 ຫຼຽນຄໍາ, 1 ຫຼຽນເງິນ, 1 ຫຼຽນທອງ, ອັນດັບ 2 ວິທະຍາຄານກອງທັບ ຍາດໄດ້ 2 ຫຼຽນຄໍາ, 1 ຫຼຽນເງິນ, ອັນດັບ 3 ສະຖາບັນກິລາ-ກາຍະກໍາ ຍາດໄດ້ 2 ຫຼຽນເງິນ, 2 ຫຼຽນທອງ, ອັນດັບ 4 ສະຖາບັນຍຸຕິທໍາແຫ່ງຊາດ ຍາດໄດ້ 2 ຫຼຽນເງິນ, 1 ຫຼຽນທອງ, ອັນດັບ 5 ສະຖາບັນການທະນາຄານ ຍາດໄດ້ 2 ຫຼຽນທອງ ແລະ ອັນດັບ 6 ມະຫາວິທະຍາໄລສະຫວັນນະເຂດ ຍາດໄດ້ 1 ຫຼຽນທອງ.

ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2 ປະຈໍາປີ 2024 ໄດ້ຈັດຂຶ້ນໃນລະຫວ່າງວັນທີ 5-14 ພຶດສະພາ 2024 ຢູ່ໃນບໍລິເວນເຂດ ມຊ (ດົງໂດກ)​ ຊຶ່ງງານກິລາຄັ້ງນີ້ ມີ 14 ພາກສ່ວນເຂົ້າຮ່ວມ ຄື: ມະຫາວິທະຍາໄລແຫ່ງຊາດ (ມຊ), ມະຫາວິທະຍາໄລຈໍາປາສັກ (ມຈ), ມະຫາວິທະຍາໄລສະຫວັນນະເຂດ (ມຂ), ມະຫາວິທະຍາໄລສຸພານຸວົງ (ມສ), ມະຫາວິທະຍາໄລວິທະຍາສາດສຸຂະພາບ (ມວສ), ວິທະຍາຄານປ້ອງກັນຊາດ ໄກສອນພົມວິຫານ (ວປກ), ວິທະຍາຄານສັນຕິບານປະຊາຊົນ (ວສປ), ສະຖາບັນກິລາ-ກາຍະກໍາ (ສບກ), ສະຖາບັນເຕັກໂນໂລຊີສຸດສະກະ (ສຕສ), ສະຖາບັນການທະນາຄານ (ສທຄ), ສະຖາບັນຍຸຕິທໍາແຫ່ງຊາດ (ສຍຊ), ສະຖາບັນຣັຕນະບໍລິຫານທຸລະກິດ (ສຣບທ), ວິທະຍາໄລເຕັກນິກ-ວິຊາຊີບກຽດຕິສັກ (ວຕວກ) ແລະ ສະຖາບັນ ລາວ-ອາເມລິກາ (ສລອ).

ທີ່ມາ VientianeTimes

ສະແດງຄຳຄິດເຫັນ

ຂ່າວມາໃໝ່ 
1
ຍັງຄົ້ນພົບພຣະພຸດທະຮູບ ຫຼາຍຮູບ ຢູ່ແຂວງບໍ່ແກ້ວ
2
ຈີນ​ພັດ​ທະ​ນາ​​ແຫຼ່ງ​ພະ​ລັງ​ງານ​ສະ​ອາດ ແລະ ພະ​ລັງ​ງານ​ທົດ​ແທນ​ໃນ​ລາວ ພ້ອມ​ທັງສົ່ງ​ໄປຕ່າງ​ປະ​ເທດ​ຢ່າງ​​ຫຼາກຫຼາຍ​​ 
2
ມຊ ຄອງເຈົ້າຫຼຽນຄຳ ກິລາກະຕໍ້ ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2
2
ກົມທີ່ດິນ ບໍ່ອະນຸຍາດອອກໃບຕາດິນໃໝ່ໃຫ້ຜູ້ຊື້ສິດນຳໃຊ້ທີ່ດິນຈາກການຈັດສັນທີ່ດິນແບ່ງຂາຍເປັນຕອນ
2
ກະຊວງ ອຸດສາຫະກຳ ແລະ ການຄ້າ ແຈ້ງປັບຂຶ້ນລາຄານ້ຳມັນເຊື້ອໄຟທຸກປະເພດ ເລີ່ມປະຕິບັດ 06:00 ໂມງຂອງມື້ນີ້
2
ປີນີ້ແຂວງວຽງຈັນຈະແກ້ໄຂຄອບຄົວທຸກຍາກ ໃຫ້ໄດ້ 1.600 ຄອບຄົວ
2
ນາຍົກລັດຖະມົນຕີ ແຫ່ງ ສປປ ລາວ ເຂົ້າຮ່ວມ ກອງປະຊຸມ ເວທີປຶກສາຫາລືອະນາຄົດ ອາຊຽນ
2
ປະທານປະເທດ ແຫ່ງ ສປປ ລາວ ພົບປະກັບ ປະທານສະພາແຫ່ງຊາດ ແຫ່ງ ຣາຊະອານາຈັກກຳປູເຈຍ
2
ໄທ ກວດພົບຜູ້ຕິດເຊື້ອພະຍາດໂຄວິດ-19ເພີ່ມຂຶ້ນຢ່າງຫລວງຫລາຍຫລັງບຸນສົງການ
2
ສະຫລົດ! ມີຜູ້ເສຍຊີວິດ 33 ຄົນຈາກອຸບັດເຫດ ໃນໄລຍະບຸນປີໃໝ່ລາວ
ຢ່າລື່ມກົດຕິດຕາມ