2
ມີຜູ້ເສຍຊີວິດຈາກອັກຄີໄພແລ້ວ 6 ຄົນໃນ 5 ເດືອນຕົ້ນປີ 2024
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 24 ເດືອນພຶດສະພາ, 2024
ໝວດ: ຂ່າວ

ນັບແຕ່ຕົ້ນເດືອນມັງກອນຫາເດືອນພຶດສະພາ 2024 ນີ້ມີຜູ້ເສຍຊີວິດຈາກອັກຄີໄພແລ້ວ 6 ຄົນ ແລະ ບາດເຈັບ 2 ຄົນ ໃນທົ່ວປະເທດ ໂດຍເກີດອັກຄີໄພ (ໄຟໄໝ້) ທັງໝົດ 96 ຄັ້ງ, ມູນຄ່າຄວາມເສຍຫາຍ 38 ຕື້ກວ່າກີບ, ອາຄານທີ່ຢູ່ອາໄສເສຍຫາຍ 62 ຫຼັງ, ວັດ 2 ຫຼັງ, ໂຮງເລື່ອຍ 2 ຫຼັງ, ຫໍຄອຍເດີ່ນບິນເກົ່າ 1 ຫຼັງ, ທີ່ພັກກໍາມະກອນ 1 ຫຼັງ ແລະ ອື່ນໆ.

ພັນເອກ ວິລະພອນ ວົງຄຳມູນຕີ ຫົວໜ້າກົມຕຳຫຼວດສະກັດກັ້ນ ແລະ ຕ້ານອັກຄີໄພ ກົມໃຫຍ່ຕຳຫຼວດ ກະຊວງປ້ອງກັນຄວາມ ສະຫງົບໃຫ້ສຳພາດວ່າ: ອັກຄີໄພເກີດຂຶ້ນສ່ວນໃຫຍ່ແມ່ນມາຈາກສາເຫດໄຟຟ້າລັດວົງຈອນ, ເລິນເລີ້ຂາດສະຕິໃນການຊົມໃຊ້ຟື້ນໄຟ, ລະບົບເຕັກນິກຂັດຂ້ອງ ແລະ ອື່ນໆ.

ໄລຍະຜ່ານມາອັກຄີໄພທີ່ເກີດຂຶ້ນສ້າງຄວາມເສຍຫາຍຫຼາຍກວ່າໝູ່ແມ່ນເຫດການໄຟໄໝ້ສາງເກັບມ້ຽນເຄື່ອງຂອງຄົນຈີນເຊິ່ງເປັນສະຖານທີ່ສວນຫຼິ້ນເຄື່ອງຫຼິ້ນເກົ່າຢູ່ເຂດບ້ານຮ່ອງຄ້າ ເມືອງຈັນທະບູລີ ນະຄອນຫຼວງວຽງຈັນ ເສຍຫາຍຫຼາຍກວ່າ 10 ລ້ານຢວນ (ສະກຸນເງິນຈີນ) ແລະ ເຫດການໄຟໄໝ້ລາມປ່າຈາກປະຊາຊົນຈູດໄຮ່ເພື່ອເຮັດການຜະລິດເຮັດໃຫ້ມີຜູ້ເສຍຊີວິດ 2 ຄົນ ຢູ່ເມືອງປາກແບງ ແຂວງອຸດົມໄຊ ແລະ ກໍລະນີອື່ນໆ.

ພັນເອກ ວິລະພອນ ກ່າວໃຫ້ຮູ້ຕື່ມວ່າ: ນັບແຕ່ຕົ້ນເດືອນມັງກອນຫາເດືອນພຶດສະພານີ້, ສະພາບອັກຄີໄພເກີດຂຶ້ນເຫັນວ່າມີທ່າອ່ຽງຫຼຸດລົງຖ້າສົມທຽບໃນໄລຍະດຽວກັນຂອງປີຜ່ານມາເຖິງ 27 ຄັ້ງ ຫຼື ປະມານ 21% ສາເຫດຫຼຸດລົງເນື່ອງ ຈາກສະພາບ ເກີດໄຟໄໝ້ລາມປ່າຫຼຸດລົງ ເຊິ່ງຄະນະພັກ, ຄະນະນຳກົມຕຳຫຼວດສະກັດກັ້ນ ແລະ ຕ້ານອັກຄີໄພ  ກົມໃຫຍ່ຕຳຫຼວດຈະໄດ້ສືບຕໍ່ເຝົ້າລະວັງ ແລະ ກຽມພ້ອມປະຈຳການຕະຫຼອດ 24ຊົ່ວໂມງ ເພື່ອຮັບໃຊ້ໃຫ້ແກ່ສັງຄົມກໍ່ຄືປະຊາຊົນໃນການສະກັດກັ້ນບັນຫາອັກ ຄີໄພທີ່ເກີດຂຶ້ນໃນປະຈຸບັນ ແລະ ຕໍ່ໜ້າ.

ແຫຼ່ງຂໍ້ມູນ: ວສລ

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ