2
ອາກາດຮ້ອນອຸນຫະພູມເພິ່ມສູງຂຶ້ນ ເຮັດໃຫ້ພາກກະສິກຳຢູ່ມຽນມາປະສົບຄວາມເສຍຫາຍ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 25 ເດືອນພຶດສະພາ, 2024
ໝວດ: ຂ່າວ

ນັບແຕ່ເດືອນເມສາປີນີ້ເປັນຕົ້ນມາ, ຍ້ອນໄດ້ຮັບຜົນກະທົບຈາກປະກົດການເອວນິນໂນ ເຮັດໃຫ້ມຽນມາປະສົບກັບສະພາບອາກາດຮ້ອນອົບເອົ້າອຸນຫະພູມເພິ່ມສູງຂຶ້ນຜິດປົກກະຕິ, ອຸນຫະພູມຢູ່ຫຼາຍພື້ນທີ່ຂອງມຽນມາໄດ້ເພີ່ມຂຶ້ນສູງເປັນສະຕິຖິສູງສຸດໃນປະຫວັດສາດ. ຈາກອາກາດຮ້ອນອົບເອົ້າ ແລະ ອຸນຫະພູມເພິ່ມສູງຂຶ້ນຄືແນວນີ້ໄດ້ສ້າງຄວາມເສຍຫາຍຢ່າງໜັກໜ່ວງຕໍ່ການຜະລິດກະສິກຳຂອງມຽນມາ.

ປີນີ້, ຍ້ອນອຸນຫະພູມເພິ່ມສູງຂຶ້ນ ບວກກັບ ຝົນຕົກບໍ່ຖືກຕ້ອງຕາມລະດູການ ເຮັດໃຫ້ແມ່ນ້ຳ ແລະ ນ້ຳສ້າງທີ່ຊາວບ້ານຈຳນວນຫຼາຍໃຊ້ເຂົ້າໃນການດຳລົງຊີວິດນັ້ນລ້ວນແຕ່ເຫືອດແຫ້ງ ຈົນບໍ່ສາມາດປູກຝັງໄດ້.

ອຸນຫະພູມເພິ່ມສູງຂຶ້ນຍັງເຮັດໃຫ້ຄວາມຕ້ອງການໃຊ້ພະລັງໄຟຟ້າຢູ່ຫຼາຍແຫ່ງຂອງມຽນມາເພີ່ມຫຼາຍຂຶ້ນ ຈົນຂາດໄຟຟ້າໃຊ້ຢ່າງຫຼວງຫຼາຍ, ເວລາການສະໜອງໄຟຟ້າຢູ່ຫຼາຍແຫຼ່ງໄດ້ຫຼຸດລົງບໍ່ຮອດ 6 ຊົ່ວໂມງຕໍ່ມື້.

ວິຊາການເຕັກນິກກະສິກຳທ້ອງຖິ່ນຂອງມຽນມາກ່າວວ່າ: ສຳລັບການປູກເຂົ້າ, ຊາວກະສິກອນສ່ວນໃຫຍ່ແມ່ນປັກດຳໃນເດືອນມີນາ, ປັດຈຸບັນພວມຢູ່ໃນໄລຍະເຂົ້າຖອກຮວງ, ແຕ່ອຸນຫະພູມເພິ່ມສູງຂຶ້ນ ແລະ ເກີດໄພແຫ້ງແລ້ງເຮັດໃຫ້ອັດຕາການຖອກຮວງຂອງເຂົ້າຫຼຸດຕ່ຳລົງ, ສິ່ງນີ້ບໍ່ພຽງແຕ່ສ້າງຜົນກະທົບຕໍ່ຜົນຜະລິດເທົ່ານັ້ນ ຍັງເຮັດໃຫ້ພະຍາດ ແລະ ສັດຕູພືດເພີ່ມຫຼາຍຂຶ້ນ.

ນອກຈາກເຮັດໃຫ້ການປູກເຂົ້າ ແລະ ເຂົ້າບະເລໄດ້ຮັບຜົນກະທົບແລ້ວ, ຍ້ອນອຸນຫະພູມເພິ່ມສູງຂຶ້ນຢ່າງຕໍ່ເນື່ອງຍັງເຮັດໃຫ້ໝາກໄມ້ເຂດຮ້ອນຕ່າງໆ ເຊັ່ນ:ໝາກມ່ວງ ແລະ ໝາກເງາະເປັນຕົ້ນສຸກກ່ອນກຳນົດ, ບໍ່ພຽງແຕ່ລົດຊາດບໍ່ແຊບເທົ່ານັ້ນ, ຈຳນວນຜົນຜະລິດກໍ່ຫຼຸດໜ້ອຍລົງຢ່າງເດັ່ນຊັດ, ສິ່ງນີ້ຈະສ້າງຜົນກະທົບຕໍ່ການສົ່ງອອກຜະລິດຕະພັນກະສິກຳຂອງມຽນມາໃນປີນີ້ຢ່າງຫຼວງຫຼາຍ.

ຂ່າວ: CRI-FM93

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ